مرحبا بك في منتدى الشرق الأوسط للعلوم العسكرية

[( J O K E R )]

 

[( J O K E R )]

معوقات عسكريه ومحاذير ؟

 

[JOKer 88]

من فضلك, تسجيل الدخول أو تسجيل لعرض المحتوى !

مش كل الاماكن

 

[المنتصر]

مستشار رئيس الهيئة: مشروع قانون صندوق قناة السويس ليس له علاقة بالممر الملاحى​

قال خالد أبو بكر، مستشار رئيس هيئة قناة السويس للشئون القانونية والعلاقات الدولية، إن مشروع قانون صندوق استثمار قناة السويس ليس له علاقة بالمجرى الملاحى للقناة.
وأضاف أبو بكر، خلال مداخلة هاتفية ببرنامج “على مسئوليتي” المذاع عبر فضائية “صدى البلد”، أن الصندوق له الحرية فى إدارة وتنفيذ أى استثمارات فى المجالات الاقتصادية المختلفة.
وأوضح أن هناك آلية قانونية لوضع الأموال داخل الصندوق من عائد قناة السويس لتنفيذ الاستثمارات الجديدة.
ووافق مجلس النواب مبدئيًا على تعديل القانون رقم 30 لسنة 1975 الخاص بنظام هيئة قناة السويس، المقدم من الحكومة، وذلك من أجل السماح للهيئة بإنشاء صندوق استثمار مملوك لها بهدف المساهمة في التنمية الاقتصادية المستدامة لمرفق هيئة قناة السويس وتطويره.
وبحسب بيانات هيئة قناة السويس، بلغ إجمالي إيرادات الهيئة 7 مليارات دولار خلال العام المالي الماضي، بإجمالي حمولة صافية 1.32 مليار طن، لتحقق الهيئة أعلى إيرادات في تاريخها، وكذلك أعلى حمولة صافية سنوية لعام مالي.

 

[Golden Fingers]

اعتقد نفس الكلام اللي اتقال على مصانع الاساله في دمياط وادكو … لو تفتكروا … النشطاء والنخبه عملوا مشاكل كتير والجزيره سخنت الدنيا علشان مصانع الاساله والبتروكيماويات في دمياط وفعلا قفلوهم فتره … شوفوا دلوقتي فايدتهم قد ايه ..!

 

[Youssef]

من فضلك, تسجيل الدخول أو تسجيل لعرض المحتوى !

اذا سمعت صياح من الاهواج اعرف ان في عظمة بتكتمل

 

[راس البر]

مصر بتبيع قناة السويس القناة بتروح
بص يا عزيزي
لا الرئيس السيسي و لا قبله و لا بعده لو حكمها مليون رئيس ممكن يفكر ياخد خطوة زي دي
قناة السويس لها بند في الدستور المصري بيحميها .. بصفتها مال عام مملوك للدولة و لا يمكن التصرف فيه
طب عشان اغير البند ده اعمل ايه هتعمل لجنة تعديل دستور و بعدها تطرح الدستور الجديد للاستفتاء الشعبي
يعني ميقدرش يقرب من القناة بدون موافقة الشعب
القانون اللي النواب وافقوا عليه فيه 7 بنود
البند اللي عامل الحالة الرهيبة دي هو و يحق للصندوق شراء و بيع و تأجير الاصول
شافوا كلمة بيع الاصول دي و الدنيا اتقلبت
طب هل ممكن تيجي معايا نتعرف علي هيئة قناة السويس الاول
هيئة قناة السويس مش هي الممر الملاحي فقط .. دي المعلومة اللي في دماغ اغلبية الشعب
هيئة قناة السويس دي مجموعة مشروعات منها الممر الملاحي
زي ايه

شركة القناة لرباط و انوار السفن

شركة القناة للإنشاءات البحرية

شركة ترسانة السويس البحرية

شركة القناة للترسانة النيلية

شركة القنال للحبال و الالياف

شركة قناة السويس للاستزراع السمكي

شركة قناة السويس للاستثمار

شركة التمساح لبناء السفن

شركة القناة للمواني و المشروعات الكبري ودي استثمار جديد
الهيئة بتملك منها 51% و شركة الجرافات البحرية الاماراتية بتملك 49%
يعني الشريك الاسد هو الهيئة
ال 9 شركات دول اصول للهيئة
أضف عليهم الممر الملاحي
اضف عليهم كل ما تملكه القناة من كراكات و قاطرات و اوناش
اضف عليهم كل الاراضي الفاضية اللي متناثرة في 9 محافظات مكتوب عليها مملوكة لهيئة قناة السويس
اضف عليهم كل مكاتب و مقرات الهيئة في المحافظات " عندنا في اسكندرية كان مكتب في رشدي في ش ابوقير و كان نفسي اعرف ايه اللي جاب القلعة جنب البحر .. لحد ما عرفت ان ده اصول "
اضف عليهم العربيات الملاكي المخصصة للمديرين و المهندسين .. و الاتوبيسات كمان
كل الهلومة دي اسمها أصول قناة السويس
حلو الكلام .. حلووووو
لازم بقا نعرف بردو يعني ايه كلمة اصول دي
الاصول هي أي شئ مملوك للمنشأة ممكن تحويله لفلوس سواء علي المدي البعيد او القريب

بتتقسم لنوعين :
اصول ثابتة بتكون بغرض خدمة المنشأة لسنين
زي ايه المباني .. الاراضي .. المعدات .. السيارات
اصول متداولة و دي اي حاجة مملوكة للمنشأة سواء سيولة نقدية او اي حاجة ممكن تتحول لسيولة مالية خلال سنة او أقل زي المخزون كده
كلامك ده يا چي معناه ان لو هيئة قناة السويس قررت انها تبيع بكرة 5 كراكات و اتوبيسين و ونش .. يبقا بتبيع اصول
اسم الله علييييييك يا عزيزي
طب لو قررت تبيع مزرعة سمكية كبيرة من مزارع شركة قناة السويس للاستزراع السمكي

بردو اسمه بيع اصول
طب لو قررت تشتري 6 سيارات كورولا للمرشدين

ده اسمه شراء اصول
ولاد الكلب حولوا كلمة " الاصول " لمصطلح سئ السمعة و مشبوه
مع انه مصطلح محاسبي اقتصادي موجود عشان يتم التداول عليه أصلا لتوفير سيولة و تحقيق ايرادات

طب هفترض ان المبني اللي في رشدي ده معدش له لازمة و مش بيحقق أي ايرادات
و الهيئة قررت بيعه لبنك مصر يفتحه مقر له
يبقا الهيئة حولت الاصل الثابت " المبني " ل أصل منقول " الفلوس تمن البيع "
و دي عملية اسمها دوران الأصول
طيب لو الهيئة قررت انها تأجر الورش بتاعت انوار السفن لشركة تانية و تاخد ايجار شهري
يبقا حولت الاصل الثابت ل منقول
ودي بردو عملية دوران الاصول
يبقا هنا القانون الجديد اللي اتعمل ده البند اللي فيه بيمنح الهيئة حق التصرف في الاصول بدون العودة للجهاز المركزي للمحاسبات أو لرياسة الوزراء
يعني مش معناه ان القناة بكرة هتتباع لشركة سعودية و لا اماراتية ومتبقاش بتاعت مصر
اللي يقولك كده تعرف انه شيطان علي طول
طيب الصندوق ده كمان ممكن يعمل ايه
شركة زي القنال للحبال مثلا
الشركة دي فيها عدد موظفين .. يالهوي .. بالهبل
وفيها مصنع بيصنع حبال فيه عدد ماكينات نصها مش شغال
دي اسمها خساير محققة علي الارض
الصندوق ده ممكن يصدر سندات أو اسهم في سوق المال من خلال حصيلتها يطور المصنع ده او بدل ما هو شغال علي منتج واحد ملوش سوق يشتغل في منتجين تلاتة اربعة
و ممكن اطرحه للاستثمار بنسب 51% الي 49% و تغيير نشاطه
هي دي قصة اصول قناة السويس
طب ما احنا كنا قولنا ان قناة السويس بقت منطقة اقتصادية متكاملة
و الهيئة جزء من المنطقة
ف من حق الهيئة انها تدخل في مشروعات استثمارية زي الهيدروجين الاخضر مثلا
جت الهيئة قررت انشاء صندوق خاص تدخل فيه عوائد اضافية تقدر تشارك بيها استثماريا .. و تكفي احتياجاتها في حالة الازمات القهرية
زي الكوفيد اللي حصل او حالة الحروب و الكوارث الطبيعية
طب عائد قناة السويس مصيره ايه
و لا اي حاجة هيروح للبنك المركزي في شكل ايداعات نصف شهرية بايصالات و قايمة المرور كما هو معتاد

نقلا عن د/ جيلان قاسم

 

[JOKer 88]

اهو هو ده الجهل الي بتكلم عليه وبقول عليه بقالنا فتره
شغل محمد نصر والناس دي محدش هيفرضه علينا طب المستمع لكلام زي ده بهايم عايزين الناس تبقي زيهم ليه

 

[JOKer 88]

نقول تاني عشان الجهل المنتشر بين الناس والناس الي عماله تنتقد ومش فاهمه وهتكلم عي جزء بسيط جدا وصغير لا يتعدي ال١٠ ٪
١-مدخل قناه السويس الجنوبي فيه علي ايدك الشمال وانت داخل كده منطقه بيتم تهيئتها لحوضين بناء سفن ترسانه متكامله للبناء
٢-البحيرات المره
من اول مطار الدرفسوار وحتي ٢٠ ك ناحيه الجنوب ده كله عايز مبلغ تعويضات للاهالي عشان مشروع كبير متمثل في ارصفه جافه ورصيف حربي ومطار وميناء جاف وميناء امداد وتموين وتطوير محطه طاقه ومحطه امداد وقود للسفن ومحطات لانتاج الهيدروجين في البر الثاني الشرقي
هل المنطقه المحيطه مش عايزه تطوير لا طبعا عايزه تطوير اولها كان طريق السويس واتعمل واطور واتعمل انه يستحمل اوزان كتيره بصوره يوميه بدل القرف الي كنا بنشوفه في الطريق وهبوط الطريق امام مطار فايد وغيره
فيه بقي ٣ مداخل للمنطقه دي للطريق الدائري الاقليمي
منطقه امام وصله سرابيوم الي بتطلع علي الاقليمي
منطقه بعد الاسماعيليه بتاخد الي جاي من الاسماعيليه وبورسعيد لداخل هذه المنطقه ودي كلها معظم الي فيها كباري علي فكره
منطقه ابو سلطان من وصله ابو سلطان الي بطلع علي الدائري الاقليمي دول بس لخدمه المنطقه
فيه محطه كهرباء هناك هيتم تغيرها بالكامل ٤ واحدات بخاريه تنتج ٦٠٠ ميجا تستخدم الغاز والمازوت وغير موفره وبيتصرف عليها كتير لانتاج الطاقه ومساحه كبيره جدا من غير افاده لما اجيب وحدتين انتاك دوره مركبه ١٢٠٠ الواحده يعني بتكلم ٢٤٠٠ ميجا من ٦٠٠ يابشر واقل استهلاك للوقود واكثر انتاجيه يا بشر وللعلم الهيئة هتحتاج تشتري من وزاره الكهرباء ارض كبيره تبعها دي بقي هتجيب فلسها منين يا خبراء العصر ودي منطقه واحده
محطه بجوار محطه الكهرباء انابيب غاز ومواد بتروليه بتتطور هي كمان عشان امداد السفن وعشان اي مصانع او معدات في هذه المنطقه
هو ده ١٠٪ الي بتكلم عليه والكلام ده من زمان
واكيد كلكم متعلمين وتقدرو تفتحو اي خريطه وتشوفوالمناطق دي كويس جدا بدل الوش الكتير وكلام فارغ من ناس تتعمد الجهل او رسول لنشر الجهل بين الناس ودي مش اول مره يعني لو المنتدي هنا مفهوش ناس صاحيه كان الجهل ده اتنشر

 

[Mohamed M78]

أهداف إنشاء صندوق لـ"قناة السويس" أبرزها تمكين الهيئة من مواجهة الأزمات​

قناة السويس - أرشيفية
كتبت إيمان علي
الأربعاء، 21 ديسمبر 2022 02:00 ص


يقضى مشروع قانون مُقدم من الحكومة بتعديل بعض أحكام القانون رقم 30 لسنة 1975 بنظام هيئة قناة السويس، بإنشاء

من فضلك, تسجيل الدخول أو تسجيل لعرض المحتوي!

لزيادة قدرة الهيئة على المساهمة في التنمية الاقتصادية المستدامة لمرفق هيئة قناة السويس وتطويره وفقاً لأفضل المعايير والقواعد الدولية، والذي حسمه مجلس النواب بالموافقة في المجموع عليه.

وبحسب تأكيد الفريق أسامة ربيع، رئيس هيئة قناة السويس، فإن فلسفة الصندوق تتمثل في تحقيق الاستدامة الاقتصادية ومجابهة أي طوارئ، مشيرا إلى الأزمات الثلاثة التي كادت أن تعصف بعائد الهيئة لولا فضل الله ثم الجهود المبذولة من جانب الإدارة والعاملين والموظفين، أولها جائحة فيروس كورونا عام 2020 والتي تسببت بدورها في توقف حركة الملاحة في كثير من الدول، لكننا تمكنا من العبور بسلام منها بفضل السياسات المرنة التي اتخذتها الهيئة، بما يمكنها من تحقيق العائدات، حتى تلقينا إشادات دولية علي النجاح المصري في هذا الصدد.

وتستهدف هيئة قناة السويس من مشروع القانون إنشاء صندوق مملوك لها، لتتمثل اختصاصاته في:

- زيادة قدرة الهيئة على المساهمة في التنمية الاقتصادية المستدامة لمرفق هيئة قناة السويس وتطويره من خلال الاستغلال الأمثل لأمواله، وفقاً لأفضل المعايير والقواعد الدولية لتعظيم قيمتها.

- المساعدة على تمكين هيئة قناة السويس من مجابهة الأزمات والحالات الطارئة التي تحدث نتيجة أية ظروف استثنائية أو قوة قاهرة أو سوء في الأحوال الاقتصادية.

- يمكّن هيئة قناة السويس من القيام بجميع الأنشطة الاقتصادية والاستثمارية، بما فى ذلك مساهمة الصندوق بمفرده أو مع الغير في تأسيس الشركات، أو في زيادة رؤوس أموالها، والاستثمار فى الأوراق المالية.

- تمكين الصندوق من شراء وبيع وتأجير واستئجار واستغلال الأصول الثابتة والمنقولة والانتفاع بها.

من فضلك, تسجيل الدخول أو تسجيل لعرض المحتوي!

 

[JOKer 88]

وبعدين بحيره التمساح فيها ورش هتتنقل كلها بره المحافظة الاسماعيليه وفيه مرسي يخوت ومنطقه سياحيه حلوه بس مفيش اهتمام ليها وفيها مرسي يخوت وامداد واصلاح ليه مستغلش المنطقه دي وعلي فكره اليحيره تحتاج الي اعاده تاهيل وكمان تتنضف

 

[JOKer 88]

كل الي اتقال معظم اراضيه مملوك للدوله وفيه مملوك لرئاسة الوزراء وفيه مملوك لوزارات الكهرباء وفيه مملوك لوزاره البترول وفيه مملوك لشركات الهيئة وفيه مملوك لاجيش وفيه مملوك لمدنيين قري وعزب وزراعات
كل ده ومش محتاج اموال عشان الهيئة لما تعمل مشروع يبقي الارض بتاعتها
يابشر تعبنا من كتر الكلام واننا نفهم الناس

من فضلك, تسجيل الدخول أو تسجيل لعرض المحتوى !

الي انت اتكلمت فيه ده من ضمنهم مطار الدرفسوار بالفعل بس ده مش هيقتصر علي انشاء مطار فقط لا ده هيبقي رصيف حربي كمان

 

[Rafal 100]

من فضلك, تسجيل الدخول أو تسجيل لعرض المحتوى !

لا .

 

[JOKer 88]

من فضلك, تسجيل الدخول أو تسجيل لعرض المحتوى !

ياراجل عيب

 

[صانع]

من فضلك, تسجيل الدخول أو تسجيل لعرض المحتوى !

ممكن يكون فعلاً بعيد عن المكان بالفعل.

 

[صانع]

للاسف و لازم اقول للاسف فى بداية كلامى

أن المشكلة ليست فى الدولة ولا فى الحكومة إنما الحقيقة احنا انفسنا سبب رئيسي في المشكلة.

صحيح فى أخطأ فى الحكومة وفى مشاكل لكن نحن لا نستثنى أنفسنا من ما يحدث.

يوجد ثوابت لا مجال للشك فيها مهما كان ما يقال ونحن ننجرف وراء اى خبر ساذج ولا نبحث عن المستفيد الحقيقي من كسر وشق صف الشعب عن الدولة وعن القيادة ومسألة التخويف والتخوين المستمر التى انتقلت من حالة الخوف على البلد للطعن فى شرف من هم فى المسؤلية وتحول الوضع مع الوقت إلى انعدام الثقة فى القيادة من حكومة ورئاسة.

ونسينى من هم الخونه واصبحنا نخون من أزاح الخونه.

اذا كان هناك مشكلة لمعلومة لم تتضح لنا مع أن تم التمهيد لها وتم التطرق لها من قبل وهى ليست وليدة اليوم كما صرح الرئيس بنفسه فى المؤتمر الاقتصادي من قبل.

فكان من الواجب علينا تتبع الاخبار والتصريحات الحكومية ونتظر ولا ننساق وراء اشاعات مغرضه هدامه مصلحتها الوحيده هى خراب البلد.

هل من المنطقى بعد كل ما حدث من تطوير وتحسين وانشاء مؤانى وتعميق المجرى الملاحي وازدواج القناة وتأمينها وشراء كل هذه الوحدات العسكرية البحرية لتأمين حدودنا وربط السكك الحديدية بالقناة وعمل ترسانات جديدة لبناء وصيانة السفن وصرف المليارات على تحسين التربة فى مناطق المؤانى الجديدة حتى تكون مؤهلة لبناء هذه المؤانى والدخول فى شركات مع دول وشركات عملاقة من إدارة وإشراف وتشغيل.

ويصبح الأمر فى النهاية سطحى لهذه الدرجة وان مايحدث هو تأهيل الهيئة لبيع الأصول وأن قناة السويس تباع.

هل هذا منطق يا ساده يا كرام.

اذا كان المناطق الصناعية التى تم أنشأها من الدولة بها قانون خاص بالملكية بنظام محدد لخمسين سنة وتعود الملكية للدولة.

أيعقل أن تباع قناة السويس أو أصولها بهذه الطريقة والتفكير.

من باب أولى كانت الدولة باعت هذه المصانع بشكل نهائي لهذه الشركات.

وهذا ينطبق على كل شراكة بتحدث فى اى من أملاك الدولة شراء أسهم أو شراكة.

وبالتالي هو المقصود من صندوق خاص لهيئة قناة السويس لسهولة التداول والتعامل فى الشراكات والأسهم التى سوف تطرح حتى تكون دخل اضافي للمشروع الاصلى وهو المجرى الملاحي نفسه.

سؤال لكل من يقرأ هل لو تم هذا الموضوع بدون الإعلان عنه وكان الوضع فى خبر صغير تم إنشاء صندوق لهيئة قناة السويس كالعاصمة الإدارية الجديدة هل كان سيكون الوضع بما حدث الان.

يا كرام الأمن القومى لا يجزأ و ما حدث من إشاعات وتضليل هو ضرب للأمن القومى ليس ما حدث به أى خوف على البلد انما هو للطعن فى الدولة وزيادة الضغط لتشتيت الشعب وزيادة احتقانه وغضبه للوصول لنقطة اللا عودة.

اذا كنت لا تعلم أو لست متاكد فلتقل خيرًا أو لتصمت

ربنا يحفظ بلدنا وشعبنا ويهدي الجميع ويعدى الايام القادمة على خير.

 

[صانع]

شاهد ماقاله الرئيس السيسى عن قانون قناة السويس: الفلوس بتروح للمالية والهيئة معندهاش فلوس

 

[صانع]

الرئيس السيسي: فلوس قناة السويس الجديدة كانت متوفرة لكن حاولنا نخرج الناس من الإحباط

 

[صانع]

السيسي: قُلت لرئيس الهيئة الاقتصادية لقناة السويس معاك كام؟ قالي: مش معايا.. شاهد تعليق الرئيس

 

[صانع]

بيع أصول قناة السويس | الحقيقة الكاملة بالأدلة