يعني قصدك كل النجاح اللي حصل في ملف الغاز .
بسبب غباء الأتراك ودعم اوروبا لليونان.
يعني العمليه ماشيه معانا بالبركه
.
طيب علي ذكر
@Shokry منتدي غاز شرق المتوسط ،يعني ده مشي معانا بسبب غباء الطرف الآخر.
الله ،طيب ازاي واحنا طرف في الصراع وعلي كلام حضرتك أن سياستنا فاشله وضعيفه ومالناش دور في مكاسب الغاز حاليا .
طيب ازاي ،ومين اللي قدر يضم إسرائيل للمنتدى ويحجم دورها ويخليها في صفنا ؟؟
طيب ازاي واحنا قدرنا نلم غاز الدول دي في محطات الاساله ونصدره تاني لأوروبا؟؟؟؟
طيب ازاي مخدناش صف الأتراك رغم ان مكاسبنا كانت هتبقي اكتر بكتير من حدودنا البحريه الحاليه ؟؟؟
وازاي التركي بغباءه فشل في ملف غاز المتوسط وناجح في الملف الليبي ،حضرتك مش شايف ان في ده تناقد رهيب ؟؟؟؟
طيب ازاي احنا فشلنا واكبر مستورد للغاز المصري هو التركي نفسه ..هنا هو ذكي ولا غبي ؟؟؟
طيب ازاي احنا فشله في سياستنا مع ليبيا ، والتركي ناجح، الله ،طيب مكملش بلطجه وجه ناحيتنا ليه بعد رسم الخط الأحمر ؟؟؟؟
ازاي وقدرنا نرسم حدودنا مع ليبيا من طرف واحد اللي هو احنا ،وفي نفس الوقت طلع اتفاق التركي مع الحكومه الليبيه المنتهية ولاياتها طلع بلح ؟؟؟؟
طيب اوروبا دعمتنا بالتسليح البحري الجبار لحماية حقوقنا في الغاز ، الدعم ده جاء كده علشان سياستنا الخارجيه في ادارة هذا الملف فاشله ولا علشان ايه بالضبط ؟؟؟؟
الله طيب ازاي اوروبا هتدعمنا بالتسليح البحري الجبار ،قدام اليونان اللي علي كلام حضرتك هما بيقووها أمام الجميع ،وفي الاخر نطلع احنا اقوي؟؟؟؟
هو احنا ازاي قدرنا نشبك مصالحنا مع اوروبا في جميع المجالات واحنا سياستنا فاشله ،يعني هما بيتعاملوا معانا بالحب ولا ايه مع اني اعرف من مفيش حب وصداقه في المصالح بين الدول ؟؟
هما ازاي اليونان وقبرص دائما معانا علي طول الخط سياسيا وتنسيقيا، وازاي هيتم الربط الكهربائي معاهم واحنا ،وجودنا علي الساحه صدفه ؟؟؟
اعتقد يوجد كثير من التناقدات الظاهره للعيان جدا من خلال الطرح ياصديقي .
أكن لك كل الاحترام، ويعجبني دائما فكرك التنويري المستنير ،رغم اني مبحبش اعلق لاني شايف كتير جدا توجه معين من خلال طروحاتك ..
متفق معاك جدا في انتقادك الدائم لملف اللاجئين، وعن قيام الاداره الحاليه بعقد صفقه عليهم ...
خلينا نمشي في الاتجاه ده ،فنحن لا نعرف ماذا يدور في الكواليس ياعزيزي ،وده مش مبرر مني ولكن حقيقي في سبب نجهله لو تم ...
كون أن الرأي علي طول الخط وفي المناسبات والمواضيع هو أن تنسب النجاح للصدف ،للمجهول ،،لغباء الطرف الآخر.
.
فأعتقد ده مش انصاف ياصديقي ، اكيد سياستنا الخارجيه تصيب فيما تصيب وتتباطاء في بعض الملفات اكيد مش ضعف ،لأنه مش هيتناسب مع الدور اللي عايزين نلعبه حاليا ...
ولكن اكيد التمهل لأسباب كتير ،واحنا لسه بنشم نفسنا ..
يعني ممكن نظهر قوتنا ونسمع كلام MBS،وننجر لحرب رهيبه ،يعني السياسه الحكيمه دي مش ضعف .
ياسيدي الفاضل ده لما قلبنا المائده علي السودانيين حضرتك مذكرتش ده وسيبتها في البوست والقارئ يفهم وخلاص .
طولت عليك ..
تحياتي لحضرتك ...