شوف يا
@Youssef صديقنا
@JOKer 88 مبيتأخرش في الرد.
علي حسب اعتقادي وتفكيري وحسب المنطق .
المفروض المعرض اللي جاي يكون تكليل لحصاد وتحركنا لاكتر من 5 مع دول كتير .
زي البرازيل ،صربيا ،الهند ، كوريا الجنوبية، اسبانيا ،إيطاليا، فرنسا ، الإمارات، بلغاريا رومانيا وغيرها .
الدول دي عند كل دوله علي الاقل مشروع تسليحي ينقصنا في كافة أفرع القوات المسلحة، بإستثناء فرنسا وايطاليا ممكن يكونوا صعبين شويه في نقل التقنيه .
ولكن باقي الدول متساهل ومعندوش مشكله .
وعلي الاقل كمان ان العلاقات السياسيه والاقتصادية بتسهل كتير الأمور اللي زي دي ،واحنا الحمد لله بارعين وناجحين جدا في النقطه دي .
وحاجه تانيه خدها قاعده مفيش مشروع من غير نواقص اومشاكل فنيه ،وده دورنا اننا نشوف الأنسب ونكمل ونعدل عليه واحنا اساتذه في النقطه دي .
المفروض المعرض اللي جاي هو الانطلاقه ،لو متمش ده اننا لسه في المهلبية واخرنا كده وهنفضل كده .
وعلي فكره انا علي يقين رغم الازمه الاقتصاديه الجيش لو عايز صفقه حاليا هيجبها .
احنا ناقصنا الكروز وده عند البرازيل.
ناقصنا راجمات محترمه موجود عند البرازيل وصربيا وكوريا .
رادارات عند البرازيل وغيره وغيره .
حاجات كتير المفروض اننا حاليا نكون خلاص وصلنا مرحلة النضج ونجني حصاد السنين اللي فاتت.
المعرض لو طلع بلح صدقني هنفضل كده .
وقناعتي لا في 2025 ولا 2030 .
المشاريع دي عايزه اراده وتمويل .
يعني مش هينفع معاها سياسة رجل ع البر ورجل في البحر .
ولو مفيش تمويل لازم يتوجد من تحت الارض .
المجال ده مجال حيتان طالما دخلته لازم تكون قده .
دي وجهة نظري وبفضل افكر كتير فيها .
ممكن اكون غلطان او العكس .
ونطلب من الله اننا نعدي ونطاطح في دوله زي تركيا لان احنا مش اقل من حد .
اسف علي الاطاله .