احمد طنطاوي في وصلة ماركسية اشتراكية يسارية شيوعية تقدمية بلشفية مشتركة بنين قالك انه عايز يلغي القصور الرئاسية باستثناء قصر واحد فحسب، والباقي مرة قال يبقا متحف ومرة قال مختبرات علمية ومرة قال يتابعوا .. الخ .. كل وصلة شم شرابات لكارل ماركس كان فيها اقتراح اكثر سذاجة من اللى قبله..
اولاً .. القصور الرئاسية ليست ملك للرئيس او حتى يقيم فيها .. دا مقر عمل حكومي لمؤسسة الرئاسة اللى بتضم مئات الموظفين والمكاتب .. ومش كلها شغالة للرئيس كفرد .. دى مؤسسة الرئاسة المصرية..
ثانياً .. القصور الرئاسية باعتبارها مقرات حكومية فهى ملك للشعب بالفعل وملك لجهاز الدولة .. مفيش حاجة في العالم اجمع اسمها مؤسسة حكومية عندها مقر واحد بس.
ثالثاً .. كافة المؤسسات الرئاسية حول العالم عندها اكثر من مقر
رابعاً .. بعض مقرات مؤسسة الرئاسة المصرية مسجلة اصلاً كـ "اثار" .. قصر القبة وقصر الاتحادية وقصر عابدين وقصر رأس التين بالإسكندرية.
خامساً .. قصر عابدين ملحق به خمسة متاحف بالفعل.. للمرة التريليون طنطاوي زا كيد شمام شرابات كارل ماركس مش عارف هو بيتكلم في ايه
سادساً .. القصور الرئاسية تستخدم في إقامة الضيوف الأجانب لمصر .. رؤساء وقادة فرنسا وامريكا وبريطانيا والغرب والشرق وروسيا والصين لما ييجوا مصر مش هنزلهم في بنسيون او شقة ايجار جديد .. الرئيس الروسي فلاديمير بوتين مثلاً بيطلب في كل زيارة لمصر انه يقيم في قصر عابدين تحديداً لانه قريب من أجواء الكرملين.
وبالتالي قصور الرئاسية هي مقرات حكومية لها أدوار حكومية بحتة .. ليست متع ومنتجعات للرئيس او عائلته او مقر إقامة لسيادته.
الخلاصة خطاب طبقي عفن .. يحاول اللعب بمشاعركم واظهاركم باعتباركم جوقة من الجوعى المصابين بعقد طبقية وحقد اجتماعي .. الشعب المصري اكبر وانضف من كدا
لحد النهاردة طنطاوي زا كيد لم يتحدث عن اى مشكلة حقيقية للمصريين .. المواطن المصري لو عنده مشكلة فبكل تأكيد اخر حل لها هو ان مؤسسة الرئاسة الحكومية في مصر عندها اكثر من مقر رئاسي.
ايهاب عمر