فى لقاءه مع ويليام بيرنز مدير المخابرات المركزية الامريكية .. الرئيس عبد الفتاح السيسي قال كلمته وكلمة مصر وقضى الامر ..
- لا لتولي مصر مسؤولية قطاع غزة .. الفلسطينيين هم من يحكمون بلادهم بإقامة دولتهم المستقلة..
- لا لاحتلال إسرائيلي لقطاع غزة
- لا لإدارة دولية
- لا لقوات حفظ سلام
- لا لقوات دولية
- لا لتدمير المقاومة مهما كان اسمها او توجهاتها.
- لا تهجير ولا توطين ولا وطن بديل سواء من غزة الى سيناء او من الضفة الغربية الى المملكة الاردنية الهاشمية.
بيرنز خرج من القاهرة الي الدوحة، عقد اجتماع ثلاثي فى قطر، ضم مدير المخابرات الامريكية ومدير المخابرات الاسرائيلية (الموساد) ورئيس وزراء قطر اللى بيشغل برضو منصب وزير الخارجية.
امير قطر جاى مصر بكرا فى زيارة مفاجئة، مش هستبق الاحداث واقول معه نسخة معدلة او جديدة من المخطط الامريكي .. بس شوف احنا من 7 اكتوبر 2023 للنهاردة ووفود واجتماعات من الدنيا كلها رايحة جاية ع القاهرة عشان نوافق على العرض اللى كل شوية يتعدل ويتهندس ويتأيف عشان يحاولوا يراضوا مصر.
شوف مين واقف لوحده فى وجه العالم، وشوف الدول الاقليمية اللى شوية لجان كسر مصدعانا انها سحبت البساط وليها مشاريع اقليمية وصوت او دور مصر معدش مهم فى القضايا ولا النطع الناضورجي العرة اللى قالك انه التفاهم الصيني بين ايران والسعودية معناه ان السعودية بقت زعيمة المنطقة .. الخلاصة يا ابني بحكم التاريخ والجغرافيا والواقع والسياسة والعسكرية المنطقة دي ليها كبير واحد بس منذ فجر التاريخ وحتى فناء الكون.
الباقي .. كل الباقي .. دول وظيفية فحسب، وارجعوا لسنوات التأسيس والتكوين عشان تفهموا الدور الوظيفي لكل دولة فى الشرق الاوسط على حده.
#منقول
