هو الكلام ده حقيقي.
و من أول أزمة غزة وبعد ما ولامؤاخذه ما هددوا مصر بتهجيرهم لسيناء ...
السيسي ماسكتش الصراحة وراح ناقل نقلة شطرنج عالمية غيرت كل الخطط اللي كانت بتتدبر لمصر....
حتقولي إيه هي النقلة دي...!!
حقولك لما قالهم إنتوا جايين تصيعوا عليا وتقولولي لاجئين وقانون دولي....!!
طب إشطة انا عندي ٩ مليون لاجئ سوري وسوداني وعراقي ويمني وليبي دا غير الأفارقة ونحط عليهم ال٢ مليون بتوع عزة يبقا كدا ١١ مليون صح....؟؟
الاوروبيين قالوله صح...!!
قالهم إشطة ف اول مركب طالعه على اوروبا هشحنهم عليها وخلي القانون الدولي ينفعكم ...
مش كدا وبس....!!!
دا قالهم كمان....
إنتوا وعملاءكم عمالين تسحبوا الدولار من البلد عندي وعايزين تجوعوا ١٠٠ مليون مصري ف انا طبعا هحترم حقوق الٱنسان ومش هسيب شعبي يجوع وهفتحلهم الحدود على اوروبا
كدا هيبقا الحساب كله ١١١ مليون لاجئ حيكونوا عندكم من الصبح
مش كدا وبس.....!!!
ومفيش ميتين ام غاز تاني لأوروبا فالشتا وخلي البرد يمسك فركبكم....!!
مفيش يا معلم يادوب كل ما وفد ولا رئيس اوروبي ييجي مصر او يتصل بالسيسي يقوله الكلمتين دول طبعا اوروبا موتها وسمها اللاجئين والهجرة غير الشرعية ...!!
تخيلوا كدا ف ١١١ مليون نسمة هاجمين على اوروبا..... دا من مصر بس
اوروبا كدا انتهت تماما ودا هو اللي مسببلهم الرعب من مصر
علشان كدا كل مواقف الدول الاوروبية اتغيرت .... مش كدا وبس
دول كمان تبنوا وجهة نظر الدولة المصرية وبقا هما اللي بيطالبوا بيها....
مش كدا وبس.....
إمبارح بقا الست اورسولا فون دير لاين رئيسة المفوضية الاوروبية جت مصر وقابلت الرئيس عبد الفتاح السيسي وقالتلة....
جرا إيه بس يا سي ابومحمود.... متبقاش حمبلي كدا !!!
ومالك واخد على خاطرك مننا....!!!
و لو على سيناء..... الإتحاد الاوروبي كله واقف فضهرك ومحدش هيمس رملة منها
و لو على القضية الفلسطينية ف إحنا معاك فحل الدولتين
ولو على اللاجئين اللي عندك ف ياعم احنا مقدرين انك شايلهم على راسك
و لو ع الوضع الإقتصادي ف الإتحاد الاوروبي ياعم هيديك ١٠ مليار دولار...
ف السيسي قالها انا مبقبلش صدقة من حد ومحدش بيلوي دراعي....!!
قالتله طب عايز إيه ....!!!
قالهم تعملوا بيهم مشروعات فمصر فالطاقة والزراعة والصناعة والشعب عندي يشتغل وتبقا مشاريع مشتركة والخير يعم ع الكل
على فكرة دا مش كلامي ولا هبد مني ....
دا كلام بلومبرج وحتلاقوا الخبر فالكومنتس تحت
الست وافقت فورااا
السيسي قالها طب والديون....!!
قالتله اللي عندك مش ضايع يا أبومحمود دي مصر دولة كبيرة وعزيزة علينا
ولو ع الديون ف هنخفضها وحنكلم البنك الدولي ونادي باريس .... ودا على حسب موقع انتربرايز ما قال
مش كدا وبس....!!!
دا البنك الدولي اللي بقالنا سنة بنتحايل عليه علشان يدينا ٣ مليار دولار وكان بيتنك علينا بعت لمصر وقالها هو انتوا كنتوا عايزين تلات مليارات دولار بس...!!
طب ما تخلوهم خمسة مليار...!!!
يا صديقي لازم تفهم ان السيسي خلاص رفع نبوته ع الكل وقال انا وشعبي وما بعدي الطوفان
علشان كدا كله جاي يتمنى رضا مصر
يا صديقي العالم لا يحترم غير الأقوياء....!!
Mohamed Hassan