طيب اولا بحترم وجهة نظرك ومقدر مخاوفك بس انت واضح انك مافهمتنيش بشكل واضح
انت واقف عند فكرة ان الحوثى اصبح اداة تقدر فى اى وقت تهدد الملاحه او تبقى اداه موجهة لمصالح مصر فى المستقبل وان دلوقت لو تعاونت مصر مع الغرب هيبقى ممكن تحييد الخطر ده وبتكلفه اقل انا حبيت اوضحكلك طبيعة الموقف كله
لازم نظرتك تبقى شامله فى تحديد الاعياء والتكاليف والمخاطر الحاليه والمستقبليه
عاوز اقولك حاجه كده كده الغرب لو حصل فى المستقبل تهديد ملاحى هيبقى مرغم انه يبقى شريك ليك طالما مصالحه هتتاثر فده مضمون مستقبلا لكن اللى مش مضمون ان اهمية قناة السويس تفضل بنفس اهميتها لو اتعملت قناه بديله فى المستقبل فالبتالى وجود تهديد الحوثى الحالى بياثر عليك ماديا بشكل وقتى لكن مفيد بالنسبالى فى افراغ مضمون مخططات مستقبليه ومش بس قناة السويس ده كمان مشروع انك تبقى مصدر لتداول الطاقه ماتنساش ده بردوا لان طريق الهند الخليج هينقل كابلات ومواسير لنقل الخدمات والطاقه عبر الاردن لاسرائيل وهيقفل على مشروعك اللى بتتخطط ليه من العراق عبر الاردن لمصر وعبر مصر للاردن والعراق وتركيا واوروبا مستقبلا لنقل الكهرباء
نظرا للتكلفه والعائد الوضع الحالى بخسارته الحاليه هنخسر اضعافه فى المستقبل لو ماخدناش بالنا. وجود الحوثى مش بس بيهدد الملاحه ده بيهدد طريقهم البرى
ببساطه كده الحوثى وتصرفه الحالى فى صالح مصر
وعاوز اقولك السعوديه مش هتشارك الا لو شاركة مصر وحطه ده شرط اساسى ومصر فى راى مش هتشارك لان ده فى مصلحتها
وببساطه المشكله سياسيه وليست امنيه توقف اسرائيل حربها على غزه توقف الحوثى اعتراض السفن
اسرائيل اعلنت لسه على لسان مسئوليها انهم هيتواجدوا فى غزه وحماس والسلطه الاتنين مرفوضين وجودهم ولو لاحظت انهم بيتكلموا عن اوسلوا كتير وانهم على لسان نتنياهو رافضين أوسلو وانه كان خطأ ورافضين دولة فلسطينيه موحده يعنى عاوز يفضل فى غزه وده تهديد لامنك الموضوع ليه يااستاذنا المحترم ابعاد كتيره ولازم تتاخد فى الحسبان