تقارير شامله
20 hours ago
♦️اللي قدامنا دي ذخائر (جو - أرض) ذكية مصرية الصنع، اتصنعت علشان تشتغل على الدرون المصري " 6 أكتوبر " واللي هو بردو تصنيع مصري.
الجميل في الموضوع إننا عملنا حركة ذكية جداً وهي إننا استخدمنا قذائف المدفعية عيار 122 و 155 ملم ( بنصنعها في مصر ) ودي تقريباً إحنا أول ناس نستخدمها بالشكل دا وحطينا على القذيفة مجموعة تحكم بالطيران وحزمة توجيه الذخائر الذكية طويلة المدى وتم تصنيعها محلياً برضه.
الذخائر دي هيتم توجيها عبر القصور الذاتي والأقمار الصناعية بالإضافة لنظام التوجيه الكهروبصري.
الذخائر المصرية الجديدة المدى بتاعها هيكون 30 كم و 80 كم وبيتم تصنيعها بالكامل وعندنا منها مخزون ضخم بالإضافة إن مدى تدمير القذائف المدفعية أكبر بكتير جداً من الذخائر التقليدية اللي ممكن نشتريها لتسليح الدرونز اللي عندنا.
في السنوات الأخيرة قدرنا نعمل طفرة كبيرة جداً في تصنيع الطيارات بدون طيار و الدرون 6 أكتوبر هيبقى طفرة جديدة ونتوقع ان يتم تصديرها لدول كتيرة خلال الفترة الجاية بنسخ مخصصه للتصدير