ركبت رحلة من بوخارست لأمستردام و دي كانت الوجبة .و مش هتلاقي حد بيهاجم شركة الطيران الهولندية KLM . لو قارنتها بوجبات مصر للطيران هتلاقي مصر للطيران بتقدم وجبات أكتر من ممتازة .و الطيارة مفيش فيها شاشات ولا تقدر تشوف أفلام ولا تسمع موسيقي .لا و إيه إتأخرنا نص ساعة و التكييف مكنش شغال معرفش ليه ومفيش حد إشتكي .و أنا في الطيارة إفتكرت موقف حصل في طيارة مصر للطيران كنت طاير من جوهانسبرج للقاهرة .أقسم بالله الطيارة إتأخر إقلاعها شوية برضه و كان غصب عنهم كان بسبب العمال اللي في مطار جوهانسبرج و كان التكييف مش شغال معرفش ليه لدقايق و مفيش أجنبي نطق بكلمة ولا زعق .اللي زعق هو المواطن
البييييييييييييض اللي كلنا عارفينه اللي قعد يقول( أني غلطان أني غلطان إني راكبت شركه زي دي و بنفع بلد زي دي) .انا كتبتها بنفس نطقه . و غيره قعد يشتم في البلد و غيره قعد يقول بلد و**ة و اقسم بالله الطيارة كانت مليانة أجانب و مستغربين رد فعل المصريين اللي بيولولوا زي النسوان .للاسف شعب بيعشق الشكوي بتبقي قاعد مع اخوك او ابنك عمك يقولك الدنيا سوواد وهو لسه شاري قيراطين أرض و مخبي .كتر الشكوي بتزيل النعم .شعب شكاي فضل يشتكي لحد ما اسودت في وشه