«الإنتاج الحربى»: إقرار 5 بحوث خلال 2023 خاصة بتصنيع وتطوير منتجات عسكرية

𓈙𓉔𓏲𓎡𓂋𓏭 · 2 يناير 2024

Rafal 100 قال:
@Shokry .
حقيقي مش عارف ايه الإنجاز في ،شوية تعديلات دوله زي العراق بتعمل أفضل منها كتير وهنا اقصد عمليات التحوير للمنصات القديمه .

يعني بعد الهاله الاعلاميه الضخمه لامتلاكنا لماكينات CNC واحنا تامن دوله في العالم في امتلاكتا للمكن ده .

والله انا قولت احنا هنشوف منتجات خرافيه .

المشكلة اننا بنتكلم من غير مايبقى عندنا المعلومات كاملة فبنتوقع وبنتوقع الاسوء متعرفش ليه
وبرضو مبنركزش في اي تفاصيل مثلا..هو انت مش المفروض هتدخل الخدمة 200 مدفع كوري بعربات التحميل؟ طب عملت ايه في الامداد؟ هتحملها على عربيات نص نقل وسط المعارك؟

طيب يعني ايه تركيب افران جديدة لمسابك المحركات؟
طب تجديد خطوط انتاج الذخيرة الثقيلة؟؟
طب تحديث خطوط الصلب المدرع؟ طب تقطيعها بالليزر؟

ماهو دا كله صناعة!!!
انت عايز ايه بقى منتكلمش خالص ونهمل الاخبار دي؟ الذخيرة التقيلة مش مهمة؟ ولا الصلب المدرع؟ ولا نقل الذخيرة لجبهات القتال؟

Rafal 100 قال:
يعني لك ان تتخيل اننا رغم امتلاكنا لبنيه صناعيه ضخمه وكوادر بشريه فنيه علي مستوي .
ومش قادرين علي عمل تطوير لدبابه زي M60والM113.

مين قال مش قادرين؟ انت نفسك شغال بتعمل اتوبيسات وبتصدرها للندن وباريس وهونج كونج و مصر بتصنع محليا انظمة ادارة اطلاق النار و دبابة قتال رئيسية ومش هتعرف تعمل تطوير لدبابة قديمة ومدرعة وانت بتنتج 20-30 نوع من المدرعات؟

Rafal 100 قال:
حاجه تانيه تثبت ده وهي عدم تغيير تصميم المدرعه الفهد ، قمة العقم لان مفيش جديد .
نفس اللي حصل في عدم تطوير الشكل الصندوقي للعربيات النصر ، اللي اصلا ألماني شرقي .
لان مفيش جديد .

مين قال..المدرعة تم تغيير هيكلها لشكل V

Rafal 100 قال:
في وهم احنا صدقناه وهو صناعة منظومة الامون ،وده طبعا غير صحيح هي مجرد عملية تجميع محلي لعدد من البطاريات مع طلب اضافة بعض التعديلات وشكرا .

والا مشوفناش ليه امون 1 ، امون 2 ، امون3 ،وده المفروض التطور الطبيعي.
نفس الفكره تنطبق علي M1 بصنعها بنسبة 90%وفي نفس ذات الوقت مش قادرين علي تطويرها .

مين قال اننا بنصنعها؟ المنظومة اصلا ايطالية وعدلها المهندسون المصريون بالتعاون مع الولايات المتحدة وبسبب التعديلات الكثيرة اختلفت المنظومة عن الاصل بشكل جذري فتم تسميتها بمنظومة امون المصرية..لكن برضو مش من العدل نقول اننا طلبنا بعض التعديلات وخلاص لان شغل التطوير كان يقوده المصريون وليس المصنع

Rafal 100 قال:
في حاجات كتير لازم تكون في الصراحه اكيده لحاجات كتير مش صح .
لان مكانياتنا اكتر من كده كتير .

بالظبط..هنا مربط الفرس..حضرتك زعلان من عدم الاعلان وحقك تزعل..لكن فهم عدم الاعلان على انه عدم قدرة..دا عيب قوي من واحد شغال في شركة بتطور

AAF · 2 يناير 2024

Rafal 100 قال:
ايوه ياخويا اتفرج ،أنا اللي هاخد الضرب كله .
قابل كمان شويه .

انا مليش دعوة انت اللي اتكلمت الاول يبقا انت اللي تاخد الضرب 😂😂😂😂

𓈙𓉔𓏲𓎡𓂋𓏭 · 2 يناير 2024

AAF قال:
قولت اللي في قلبي والله

AAF · 2 يناير 2024

Shokry قال:

انا ورايا امتحانات ياعم سلام 😂😂

TUT · 2 يناير 2024

Shokry قال:

اديلو ياخويا الاستاذ شكرى

Golden Fingers · 2 يناير 2024

Rafal 100 قال:
ايوه ياخويا اتفرج ،أنا اللي هاخد الضرب كله .
قابل كمان شويه .

TUT · 2 يناير 2024

Shokry قال:
طب عملت ايه في الامداد؟ هتحملها على عربيات نص نقل وسط المعارك؟

فكرة تعديل العربه ممتازه وانا مبسوط بيها جدا .

بس الاختلاف علي انك علشان أضفت زراع هيدروليك وارفف تخزين خلاص بقي انجاز وبحث وموضوع كبير .

Shokry قال:
طيب يعني ايه تركيب افران جديدة لمسابك المحركات؟
طب تجديد خطوط انتاج الذخيرة الثقيلة؟؟
طب تحديث خطوط الصلب المدرع؟ طب تقطيعها بالليزر؟

متفق جدا ومش مختلف برضوا وحاجات كلها كويسه ، ودي عمليات تطوير لخطوط الإنتاج المفروض تحسن من سير العمليه الانتاجيه .
من حيث الاعتماد على العامل البشري في سرعة الإنجاز والدقه والخخخخخخ....

Shokry قال:
انت عايز ايه بقى منتكلمش خالص ونهمل الاخبار دي؟ الذخيرة التقيلة مش مهمة؟ ولا الصلب المدرع؟ ولا نقل الذخيرة لجبهات القتال؟

خطوة انتاج الصلب المدرع احنا تخطيناها من ايام حظر السويد علي الصلب المدرع الداخل في انتاج الفهد بعد أحداث 2011.
وتمام جدا برضو .
يااستاذ شكري خلاص احنا في مراحل الهضم ومابعده حاليا .

𓈙𓉔𓏲𓎡𓂋𓏭 · 2 يناير 2024

Rafal 100 قال:
فكرة تعديل العربه ممتازه وانا مبسوط بيها جدا .

بس الاختلاف علي انك علشان أضفت زراع هيدروليك وارفف تخزين خلاص بقي انجاز وبحث وموضوع كبير .

وأنت لما بتعمل اتوبيس بتدفئة للسوق الأوروبي ممكن أقولك دول ماسورتين زيادة ليه تعمل موديل اتوبيس جديد برسومات وتصاميم واختبارات؟

بلاش تعالى نتكلم في الشغل شوية..اما بتغير مورد أو خامة في خط اتوبيس موجود بالفعل مبتعملش تصميم جديد وخطط validation للتصميم والخامة وال process وال tools وبعدها validation تاني قبل ال SOP؟

Rafal 100 قال:
متفق جدا ومش مختلف برضوا وحاجات كلها كويسه ، ودي عمليات تطوير لخطوط الإنتاج المفروض تحسن من سير العمليه الانتاجيه .

لا مش تطوير بس..اقرأ تاني..تركيب أفران جديدة لمسابك المحركات..يعني هتصنع محركات

Rafal 100 قال:
من حيث الاعتماد على العامل البشري في سرعة الإنجاز والدقه والخخخخخخ....

خطوة انتاج الصلب المدرع احنا تخطيناها من ايام حظر السويد علي الصلب المدرع الداخل في انتاج الفهد بعد أحداث 2011.
وتمام جدا برضو .
يااستاذ شكري خلاص احنا في مراحل الهضم ومابعده حاليا .

لا كده شغل takeaway
طبعا سبك وصب ودرفلة الصلب المدرع موضوع ضخم بس دي النهاية؟
مش المفروض انك تاخد المنتج تشغله وتعمل منه منتجات تانية ولا خلاص كدة كفاية؟ اومال مكن تقطيع بالليزر ليه؟

TUT · 2 يناير 2024

Shokry قال:
مين قال مش قادرين؟

فين ،رغم اننا محتاجين ؟؟؟؟؟

Shokry قال:
انت نفسك شغال بتعمل اتوبيسات وبتصدرها للندن وباريس وهونج كونج

تمام جدا بس عارف احنا بدأنا بايه ؟؟؟؟
وحاليا وصلنا لايه .
وامكانياتنا كانت فين وبقيت فين .
عارف كان عندنا كام موديل ،وحاليا أصبح عندنا كام ؟؟
لو عرفت ،يبقي هتعرف الإنتاج الحربي وصل فين؟؟؟؟؟

Shokry قال:
مصر بتصنع محليا انظمة ادارة اطلاق النار

منظومة strayker اللي ظهرت في المعرض .
تمام بدايه ممتازه يارب نطورها وندمجها علي كل دباباتنا.

Shokry قال:
دبابة قتال رئيسية

معلش هي فين دبابه القتال الرئيسية.
قصدك M1 .
ايوه بنعمل ايه فيها بالظبط .
طيب المصنع الصرح العملاق بيعمل ايه بعد kit التجميع اللي بييجي من امريكا وقف لغاية 1300دبابه .
طيب ليه متصرفاناش في محرك وناقل حركه ومجموعة إدارة النيران، والمنصه كامله عندنا وعملنا دبابه محليه ؟؟؟

Shokry قال:
ومش هتعرف تعمل تطوير لدبابة قديمة ومدرعة

ايوه يافندم مش عارفين ومفيش نتايج ،رغم اننا محتاجين والنتائج اللي طلعت سيئه ودورها جاي .

Shokry قال:
وانت بتنتج 20-30 نوع من المدرعات؟

دي حاجه كويسه جدا.
احنا عندنا 30 مدرعه انتاج محلي ، ايه العائد علي قواتك .
هل قمت بعملية احلال ضخمه ، من المنتجات المحليه .
علي الرغم من وجود الكثير من التحف تحتاج فعلا الي احلال ؟؟؟.

الا اذا كنت تقصد القدره ، دي برضو حاجه ممتازه بس لازم تطبيق .

TUT · 2 يناير 2024

Shokry قال:
مين قال..المدرعة تم تغيير هيكلها لشكل V

ده متطلبات وطبيعي جدا التطور .
لو فيه ابداع فعلا كان ممكن نشوف فهد 1,2,3.
وتكون عائله كامله ،بس ده محصلش .

TUT · 2 يناير 2024

Shokry قال:
مين قال اننا بنصنعها؟ المنظومة اصلا ايطالية وعدلها المهندسون المصريون بالتعاون مع الولايات المتحدة وبسبب التعديلات الكثيرة اختلفت المنظومة عن الاصل بشكل جذري فتم تسميتها بمنظومة امون المصرية..لكن برضو مش من العدل نقول اننا طلبنا بعض التعديلات وخلاص لان شغل التطوير كان يقوده المصريون وليس المصنع

[B][COLOR=rgb(184, 49, 47)]لا يافندم المشاع ان الامون صناعه مصريه .[/COLOR][/B]
[COLOR=rgb(184, 49, 47)][B]
ومش هتفرق كتير احنا عدلناها هما عدلوها ،القصد ان آخرها كده .[/B][/COLOR]
[B][COLOR=rgb(184, 49, 47)]واكيد طبعا لازم تفرق عن النسخه الاصليه لانك طلبت تعديلات .[/COLOR][/B]

𓈙𓉔𓏲𓎡𓂋𓏭 · 2 يناير 2024

Rafal 100 قال:
فين ،رغم اننا محتاجين ؟؟؟؟؟

يمكن عندنا ومأعلناش ودا حق القيادة أنها تعمله ومحدش يقدر يلومها
ويمكن محتاج تستثمر الفلوس في انتاج أو شرا حاجة اهم..ليه شايف ان لو الجيش وهيئة التسليح معملوش اللي أنت مقتنع بيه يبقى غلط؟

Rafal 100 قال:
تمام جدا بس عارف احنا بدأنا بايه ؟؟؟؟
وحاليا وصلنا لايه .
وامكانياتنا كانت فين وبقيت فين .
عارف كان عندنا كام موديل ،وحاليا أصبح عندنا كام ؟؟
لو عرفت ،يبقي هتعرف الإنتاج الحربي وصل فين؟؟؟؟؟

اه عارف ان غلوز قال ابتدى ب ١٠٠ مليون دولار وعارف mcv شغالة في كام دولة وعدد الموديلات اللي بالهبل..الفارق ان أنت شايف mcv بتعمل ٧٠٪؜ من الاتوبيس وهي لابتعمل شاسيه ولا محرك ولا جيربوكس ولا أنظمة تكييف ولا المواسير ولا الإلكترونيات حتى الكراسي بتشتريها لكن أبرامز مصر بتجمعها 😂😂

Rafal 100 قال:
منظومة strayker اللي ظهرت في المعرض .
تمام بدايه ممتازه يارب نطورها وندمجها علي كل دباباتنا.

معلش هي فين دبابه القتال الرئيسية.
قصدك M1 .
ايوه بنعمل ايه فيها بالظبط .
طيب المصنع الصرح العملاق بيعمل ايه بعد kit التجميع اللي بييجي من امريكا وقف لغاية 1300دبابه .
طيب ليه متصرفاناش في محرك وناقل حركه ومجموعة إدارة النيران، والمنصه كامله عندنا وعملنا دبابه محليه ؟؟؟

كان دولة عملت أو تتمنى تعمل زينا؟

Rafal 100 قال:
ايوه يافندم مش عارفين ومفيش نتايج ،رغم اننا محتاجين والنتائج اللي طلعت سيئه ودورها جاي .

نتيجة إيه اللي سيئة بس معلش؟

Rafal 100 قال:
دي حاجه كويسه جدا.
احنا عندنا 30 مدرعه انتاج محلي ، ايه العائد علي قواتك .
هل قمت بعملية احلال ضخمه ، من المنتجات المحليه .
علي الرغم من وجود الكثير من التحف تحتاج فعلا الي احلال ؟؟؟.

الا اذا كنت تقصد القدره ، دي برضو حاجه ممتازه بس لازم تطبيق .

بكام وايه الأولويات؟
معلش تاني هفكرك فيه احتياجات ضخمة مش مدرعات بس

𓈙𓉔𓏲𓎡𓂋𓏭 · 2 يناير 2024

Rafal 100 قال:
ده متطلبات وطبيعي جدا التطور .
لو فيه ابداع فعلا كان ممكن نشوف فهد 1,2,3.
وتكون عائله كامله ،بس ده محصلش .

طب ماهو حصل ولا أنت مش متابع؟

𓈙𓉔𓏲𓎡𓂋𓏭 · 2 يناير 2024

Rafal 100 قال:
[B][COLOR=rgb(184, 49, 47)]لا يافندم المشاع ان الامون صناعه مصريه .[/COLOR][/B] [COLOR=rgb(184, 49, 47)][B] ومش هتفرق كتير احنا عدلناها هما عدلوها ،القصد ان آخرها كده .[/B][/COLOR] [B][COLOR=rgb(184, 49, 47)]واكيد طبعا لازم تفرق عن النسخه الاصليه لانك طلبت تعديلات .[/COLOR][/B]

مش عارف إيه اللي حصل في التنسيق عندك بس المشاع دا يتقال ع القهوة هنا هات الكلام اللي اتقال في موضوع

وفرق كتير جدا لو مش عارف عادي بس تفرق والتعديلات أنت مطلبتهاش انت عملتها مع الأمريكان والفارق ضخم

Tamer tiger · 2 يناير 2024

@Rafal 100
تسمحلى ابدى اعجابى بغيرتك على وطنك بس بما يتعلق بالقوات البريه القوات البريه المصريه كبيره واكيد عوامل التكلفه والتشغيل مهمه
فى فرق بين اللى بيتعمل لاحتياجات القوات المسلحه وفي فرق بين اللى بيتعرض احيانا
الجانب التكنولوجى ماخوذ فى الاعتبار بس للاسف انا شايف ان القوات المسلحه مزوداها حبتين فى عمليه عدم العرض لبعض الاسلحه
قد يكون هناك وجهة نظر ليها وجهاتها بس هما مزودينها حبتين.
تصميم اى منصه مش معناه انها قديمه تكنولوجيا عشان تعرف ده لازم تخش جواها او يتعرض مواصفاتها قدامك انت بتشوف المنصه قدامك من بره بس وطالما المنصه مجديه تطويرها عملياتيا بتفضل فى الخدمه وبيتم تطويرها تكنولوجيا وده مش هتلاحظه من طابور العرض

TUT · 2 يناير 2024

Shokry قال:
وأنت لما بتعمل اتوبيس بتدفئة للسوق الأوروبي ممكن أقولك دول ماسورتين زيادة ليه تعمل موديل اتوبيس جديد برسومات وتصاميم واختبارات؟

هو ايه أصله.
مش اي كلام وخلاص ياسيدي.
ماسورة ايه ،وزيادة ايه .

دي مدرعه قايمه بذاتها انت معملتش فيها حاجه .
غير إضافة لخدمة غرض معين انت محتاجه ،بس شكرا .

دي ميعطيش الحق ليك انك اللي صانعها من A2Z .
الموضوع مش محتاج كل ده .

TUT · 2 يناير 2024

Shokry قال:
مش عارف إيه اللي حصل في التنسيق عندك بس المشاع دا يتقال ع القهوة هنا هات الكلام اللي اتقال في موضوع

وفرق كتير جدا لو مش عارف عادي بس تفرق والتعديلات أنت مطلبتهاش انت عملتها مع الأمريكان والفارق ضخم

ايه هو فيه ياستاذ شكري قهوة ايه ..
احنا بنتناقش مش بنحارب بعض .
وعلي نقاشي مش معاك مش مين صح ومين غلط .

انا لي مجالي وشغال فيه وعارف يعني ايه مشاريع .
ويعني ايه تطوير.

لا يافندم لو مش عارف لي الشرف انك او اي حد يعرفني مفيش مشكله .

𓈙𓉔𓏲𓎡𓂋𓏭 · 2 يناير 2024

Rafal 100 قال:
هو ايه أصله.
مش اي كلام وخلاص ياسيدي.
ماسورة ايه ،وزيادة ايه .

دي مدرعه قايمه بذاتها انت معملتش فيها حاجه .
غير إضافة لخدمة غرض معين انت محتاجه ،بس شكرا .

دي ميعطيش الحق ليك انك اللي صانعها من A2Z .
الموضوع مش محتاج كل ده .

انت بتجيب منين أننا بنصنعها هي والامون..بتتخانق مع كائن تخيلي وجاي تكمل الخناقة هنا 😂😂

وطبعا أي كلام ان مجرد اضافة function جديدة تبقى حاجة تافهة..لان الموضوع فيه تطوير يعني تصميمات واختبارات وتعديلات لحد الإنتاج الكمي

TUT · 2 يناير 2024

Tamer tiger قال:
@Rafal 100
تسمحلى ابدى اعجابى بغيرتك على وطنك بس بما يتعلق بالقوات البريه القوات البريه المصريه كبيره واكيد عوامل التكلفه والتشغيل مهمه
فى فرق بين اللى بيتعمل لاحتياجات القوات المسلحه وفي فرق بين اللى بيتعرض احيانا
الجانب التكنولوجى ماخوذ فى الاعتبار بس للاسف انا شايف ان القوات المسلحه مزوداها حبتين فى عمليه عدم العرض لبعض الاسلحه
قد يكون هناك وجهة نظر ليها وجهاتها بس هما مزودينها حبتين.
تصميم اى منصه مش معناه انها قديمه تكنولوجيا عشان تعرف ده لازم تخش جواها او يتعرض مواصفاتها قدامك انت بتشوف المنصه قدامك من بره بس وطالما المنصه مجديه تطويرها عملياتيا بتفضل فى الخدمه وبيتم تطويرها تكنولوجيا وده مش هتلاحظه من طابور العرض

مش مختلف والله يااستاذ تامر .
انا فكري كله في ناحيه تانيه خالص .
وهي ان امكانياتنا تقنيا وصناعيا اكبر وأفضل من اللي بيتعمل .

هي دي الفكره ، احنا وصلنا لمرحله لو تم تغيير دهان اي معده بنعتبره انجاز ضخم ،لا ياجماعه الفكره مش كده خالص .

𓈙𓉔𓏲𓎡𓂋𓏭 · 2 يناير 2024

Rafal 100 قال:
ايه هو فيه ياستاذ شكري قهوة ايه ..
احنا بنتناقش مش بنحارب بعض .
وعلي نقاشي مش معاك مش مين صح ومين غلط .

انا لي مجالي وشغال فيه وعارف يعني ايه مشاريع .
ويعني ايه تطوير.

لا يافندم لو مش عارف لي الشرف انك او اي حد يعرفني مفيش مشكله .

طيب فين الموضوع اللي جبت منه ان الامون تصنيعه مصري؟ وفين الموضوع اللي قال ان المدرعة بتتصنع في مصر؟

وزعلتني انك عارف شغل التطوير ومش عارف الفرق بين انك تطلب تعديلات وإنك تطورها بنفسك

«الإنتاج الحربى»: إقرار 5 بحوث خلال 2023 خاصة بتصنيع وتطوير منتجات عسكرية

ولقلبي أنتِ بعد الدين دين

عضو مميز

ولقلبي أنتِ بعد الدين دين

عضو مميز

عضو مميز

عضو مميز

ولقلبي أنتِ بعد الدين دين

عضو مميز

عضو مميز

عضو مميز

ولقلبي أنتِ بعد الدين دين

ولقلبي أنتِ بعد الدين دين

ولقلبي أنتِ بعد الدين دين

عضو مميز

عضو مميز

عضو مميز

ولقلبي أنتِ بعد الدين دين

عضو مميز

ولقلبي أنتِ بعد الدين دين

المواضيع المشابهة

الذين يشاهدون الموضوع الآن

Privacy & Transparency

Privacy & Transparency