أول صفقة للشركة السعودية المصرية .. استثمارات بـ مليار و300 مليون دولار

مرمبتاح قال:

حلو مهما كان الاقتصاد يحتاجهم واي عمله اجنبيه

أنقر للتوسيع...

AAF قال:

و الاحلي انهم حصص اقلية و في البورصة كمان ، عشان نضمن بإذن الله انها متتوقفش عن العمل و تتسقع زي مشروع توشكى مع الوليد بن طلال و ميناء العين السخنة و شركة موانئ دبي

أنقر للتوسيع...

مرمبتاح قال:

مافيش حل تاني حتتي لو حصص اغلبيه
لو مافيش نقد اجنبي وحصل هياج وسط الشعب.. لا هيبقي فيه اقليه ولا اغلبيه ويمكن مافيش بلد من اساسها..
رغم الاختلاف مع الحالي وادارته للبلد
االا ان البلد اهم من كره اي شخص
والعالم كله باستثناء امريكا وإنجلترا والخليج بيعاني بشده ماليا .. والبنك الدولي ومافيا الشركات الدوليه اللي تحط اجندته بتضغط بشده لتدمير وشراء اقتصاديات الدول الناميه برخص التراب استغلالا للازمه الحاليه

أنقر للتوسيع...

Rafal 100 قال:

ياساتر يارب كره مره واحده ،ليه كل ده .

أنقر للتوسيع...

BungeeGUM قال:

هي المشاعر عليها جمرك هو حر ما لم يضر

أنقر للتوسيع...

Rafal 100 قال:

اخونا shokry بيقود معركه في المنتدي اياه علشان بس عرفوا ان مصر هتصنع أشباه موصلات .

أنقر للتوسيع...

Ayman beh قال:

ده اسمه استحواذ مش استثمااااار.. الاستثمار يا بشر يعني خلق مشاريع جديدة
أما شراء حصص في شركات ومشاريع شغالة وبتكسب ده اسمه بيع والشاري مستحوذ

أنقر للتوسيع...

Ayman beh قال:

ده اسمه استحواذ مش استثمااااار.. الاستثمار يا بشر يعني خلق مشاريع جديدة
أما شراء حصص في شركات ومشاريع شغالة وبتكسب ده اسمه بيع والشاري مستحوذ

أنقر للتوسيع...

Shokry قال:

هو انا بشارك في منتدى المعيز من ورايا؟

أنقر للتوسيع...

Rafal 100 قال:

# ماهو ده اللي احنا كنا بنعاني منه في منتدي الدواعششش.
# لا سيدي المشاعر مش عليها جمارك ولا حاجه ،بس طالما مشاعر كره وحقد وغل وخلافه بيقي الإنسان مريض وغير سوي .
# وبعدين فيه بعض الأعضاء لهم أراء مايعه علي البلد والرئيس هو كل واحد حر برضوا مفيش مشكله .

# بس واحد زي الرئيس السيسي عمل ايه يعني يستحق كل هذا الحقد والكره ، ايه اللي مش عاجب الناس،،، انه عايز يعمل بلد محترم زي اللي بنتمحن عليها لما بنشوفها علي الميديا ،ولا لما حد يسافر ويلتزم بقوانين اكثر صرامه من اللي عندنا ومايقدرش يرمي ورقه في الشارع إنما في مصر ،لما نعمل ده يبقي الرجل كفر صح .

# مشكلته عارف في ياصديقي،، انه عامل بالضبط زي اتنين أطباء واحد قليل الضمير والخبره عمل جراحه خطاء لمريض ضيعه ،فقام المريض راح لطيب تاني شاطر قوم لما الطيب يصلح الخطاء الأول يتألم المريض وأهله ويلعنوا ويسبوا الطيب اللي بيصلح رغم انهم عارفين ان الأول حمار بس هنعمل ايه .

# احنا عايزين ايه من الراجل هو كان مستلمها سويسرا وخلاها الصومال مثلا .
# ايه الموارد الضخمه الصناعيه والزراعيه والطاقه البشريه المهوله مثلا اللي الراجل بددها او ضيعها .

# يعني لما كان بيتعمل 1000 وحده سكنيه ايام المرحوم كان بيتقدم عليها 2000,000 شخص ،وفي الاخر هي الحبايب وبتنهار علي رؤسهم في الاخر .

# بس حاليا علشان كل حاجه بفلوس وبتمنها مش ببلاش ،الناس تعبانه علشان احنا شعب زلنطحي عايز كل حاجه مجانا وده خلاص زمن ولي ياصديقي .
وبعدين عايزنا نحب ونمدح رئيس انه دوله يعني ؟؟؟

# في ناس في وسطينا عاملين زي جماعه لما حصلت نكسة 67 سجدوا لله شكرا ،لمجرد كرههم لعبدالناصر .
وهما نفس الناس أن لما السادات انتصر في 73 قتلوه .
ومش مهم اللي عمله هذا او ذاك للبلد .

# وبعدين من الاخر كده ياصديقي تعالي نحسبها وانا وانت، معرفش اذا كنت مصري ولا لا .

# الرئيس السيسي عمل ايه يعني ،بيصلح كوارث اللي قبله ،وده خيار مر علي الشعب، ويعلم الله اني متاذي كتيير جدا زي زي اي حد ،علشان محدش يقول اني بطبل ،مازال يوجد فساد وتأخر في حاجات كتير ،بس فيه قطاعات كتير فيها تقدم ممتاز ،واللي مش عايز يشوف ده مدلس ،عارف وشايف الحقيقه بس عامل نفسه اجنبي ...

# وتاني حاجه عملها ان انه ازاح اكبر جماعه ارهابيه في التاريخ من سكتنا .

# فاللي بيكره واحد زي الراجل ده اما زلنطحي عايز كل حاجه ببلاش ،أو إرهابي بيكره الراجل ده .

# علي فكره في حاجات كتير مش عجباني شخصيا بس انا شايف الراجل شغال بااقصي ماعنده رغم الظروف العالميه والاقليميه ،ومع ناس مش عايزه تشتغل .

# اخونا shokry بيقود معركه في المنتدي اياه علشان بس عرفوا ان مصر هتصنع أشباه موصلات .

# غريبه انا عمري ماشفت في منتدي العربان كلمة او وصف زي ده ،او كمية كره وحقد ضد الرئيس السيسي.

# مثلا مشفتش الكلام ده علي ابن سالمان او الملك سالمان نفسه او اولاد زايد او الصباح او أردوغان الخليفه المبجل.

# عار علي كل مصري هناك او هنا يشارك او يهين رئيس بلده والفكره مش اني بصادر علي مشاعر الناس او ارائهم .

# شوفت بعض الاراء التهكميه في موضوع سد النهضه، والتقليل من كلام الراجل لما قال مياه النيل في رقبتي ،هو لازم يعرض علي حضرتك خطط الجيش اوالمخابرات وكل أجهزة الدوله علشان حضرتك تنبسط ،سخريه وجهل بالأمور واحنا مجرد هواة مش اكتر .

#يبقي الواحد مش عارف يمشي بيت من طفلين وزوجه وييجي يفتي في مواضيع اقتصاديه او سياسيه او حتي صفقات عسكريه انا بفتي فيها من غير علم .

# علي فكره اختلف وانتقض اي حد بس بشرط توافر البياناغت العلميه وتوافر ادب الحديث .

## من هنا ورايح اللي هيغلط في الراجل انا هتصدرله ،أو هيقلل من قيمة بلدنا رغم الوحش اللي فيها قبل الحلو برضوا انا هتصدرله .
## الموضوع مش شخصي بيني وبينك .
اشكرك ....ه

أنقر للتوسيع...

لماذا اشترت السعودية الأسهم المصرية بأعلى من قيمتها السوقية؟​

• منذ 5 ساعات

هل يستفيد الاقتصاد المصري من صفقات الاستحواذ الأخيرة؟​

ما أهمية اتفاق الصندوق في ظل عزوف مصر عن الأموال الساخنة؟​

تفاصيل عملية استحواذ اليوم​

JOKer 88 قال:

متفكرش ان كده جدعنه زي ما ليه حسنات وتغير الواقع ليه ايضا غلطات وده مش عيب ده غير انه كمان الموضوع ده وموضوع اخوانا البعدا الي معششين عندنا
وموضوع الاشقاء الي مانع اي حد يتكلم عليهم وهما كلاب ولا يسوو شئ
ده غير بعض الوزارات الي عايزه الحرق من اولها لاخرها فيه حاجات كتير جدا لازم تتغير وتصحيح الوضع لو انت مبسوط لكده يبقي غلط النقاش من الاول غير صحيح
الراجل كويس مقلناش حاجه وعمل الي ميتعملش في سنوات طويلة جدا
لكن بعض الملفات تحتاج الي اجابه ولو انت هتتصدر يبقي روح شوف طارق عامر ومراته

أنقر للتوسيع...

Rafal 100 قال:

# ياسيدي الفاضل الموضوع مش حرب ولكن احنا الفتره الاخيره كمصريين معدناش نفرق عن العربان في اي شيء حتي النقض ،بننقض بانحطاط وأسلوب مش محترم .
# وعلي فكره متفق معاك مليون % في االي انت قولته ويمكن اكتر .
# بالنسبه لطارق عامر او غيره انا شخصيا غير مسؤل عن تصرفاته ،ولكن كل اللي لي عنده ان سياسته الماليه حتي الآن في ظل ظروف بلدنا والظروف العالميه انه ناجح وشغال كويس ،وكمان ممكن يكون في أفضل من كده بس خلينا نشوف النص المليان .

# حتي الرئيس نفسه ممكن يكون له ماله وعليه ماعليه.

# يعني بعض الملفات محتاجه اجابه ومنها طبعا موضوع سد النهضه ،انت راجل عاقل وواعي يعني مطلوب من الراجل يطلع يقول المخابرات والجيش هيعمل ايه ،مش كفايه حلقة الكاميرا الخفيه اللي اتذاعت علي الهوا واتفضحنا .

#بالنسبه لموضوع اخوانا البعدا اللي معششين عندنا اعتقد هو باصص للموضوع من جهه انسانيه مش اكتر واخلاقيا مش عايز يتاجر بيهم ،خلي كده حرس الحدود يعامل الناس معامله قاسيه زي ماكانوا بيتعاملوا علي الحدود التركيه صدقني احنا كشعب هنطلع ونتعاطف ونضعط علشان يدخلوا .
# بالنسبه لموضوع الأشقاء رغم اني متفق معاك بس برضوا بصلها من ناحيه تانيه الراجل مش قادر يبخس حقهم في الوقوف بجانبنا ،عايز تعرف مين بقي اللي خلي للرخيص قيمه شوف مين راح جاب تركي ال شيخ وحشره بالعافيه في وسط مجتمعنا الرياضي علشان يستفيد منه ماديا ،،ونقطه تانيه مهما كانوا مش قد كده لاتنس ياصديقي ان هذه ثقافة الصحراء ،ومن ناحيه تانيه برماجاتيا مش من مصلحتنا ان نخسر هذا الظهير لا سياسيا او جغرافيا او كمحيط لنا علي الاقل .

# بس خلينا نتفق ودي وجهة نظرى الشخصيه ان مش معني ان في حاجات مش عجبانا ان ده يعطيني ويعطيك الحق في الحط والتريقه والاسفاف في حق هذا الرجل .متفقين .
# وياصديقي حتي انا شبهت حتي دوله زي المغرب بتتسلح من اسرائيل عمري ماشفت المغاربه في المنتدي اياه طلعوا شتموا او خونوا ملك المغرب بل بالعكس هو عندهم اشرف من الشرف .
# وبن سالمان اللي انت شخصيا عامل موضوع عن فساد صفقات السلاح عمري ماشفت سعودي طلع اتكلم عليه نص كلمه .
# وعلشان متفهمش غلط انا مش ضد النقد ،بل ننقد باحترام مش بنقدنا نتساوي مع الرعاع حتي في الأسلوب.
# بالنسبه هتصدر لطارق عامر او غيره انا مش مسؤول عن تصرفات اي شخص ،حضرتك خليك إيجابي ولو عندك مستند روح قدمه للنائب العام .

# حتي الآن احنا كمصريين مش قادرين نفهم ليه لسه في ملفات مش عاجبنا طرق حلها ومنها الفساد طبعا .

# خد بالك اننا بنبني بلد من اول وجديد بما فيهم القوات المسلحه اللي عمالين نهلل علي إنجازاتها هو نفس الرجل اللي بيصلح كل المجالات في وقت واحد رغم التكلفه العاليه والضغوط الخارجيه وفساد الذمم من غالبية الشعب .
# يعني من الاخر ياصديقي الراجل بيشتغل باقصي ماعنده واحنا لانقدم أقصي ماعندنا ،اقصد علي مستوي الإنتاج الضمير والأخلاق حتي .
اسف علي الاطاله......اشكرك ....

أنقر للتوسيع...

JOKer 88 قال:

طارق عامر متذبذب وكمان من تصرفاته لا يوجد دراسه لاي قرار ممكن يدفع بعجله التنميه المستدامه ده الي انا شايفه
اما مساله السد ده امر مفروغ منه وكمان شايف ان الاستعجال وحش انا مش بطالب باجتماع ولا اي حاجه بس لازم يكون ليه رد فعل
السيسي لازم يعدل الوزارات وكمان يشوف حل للبهرجه الي بتحصل الان
مواضيع كتير لازم تتقفل لان الوضع اصبح غير ما كنا عليه الضغوط زادت وكمان الناس غيرنا بنفكر بعقلنا وبنشوف الي بيحصل في الساحه الدوليه بالعموم
لكن فيه اخطاء كثيره بخصوص الخلايجه نفسهم ليس من الشعب الخليجي فقط بل من اشخاص محسوبين علي انظمه انا بقابل كتير منهم الهجوم غير مبرر علي مصر متعمد وذلك لشحن الشعب من الداخل نفسه

أنقر للتوسيع...

Rafal 100 قال:

# بالنسبه للجزء ياجوكر هو ده فكري اني كمصري لي ثقافه افضل منهم حتي لو كانت ظروفنا صعبه وفي أخطاء زي ماانت قولت لازم نواجه ونصد هجومهم علي بلدنا حتي لو كنا غير متفقين مثلا علي بعض النقاط مع القياده او بعض المؤسسات .
# بثقافتي انا مخدش صف الرعاع في الهجوم والانتقاص من بلدي، وصلت ،لأن هما بكل اللي فيهم كل العبر مبيعملوش كده ياجوكر، واظن احنا كمصريين عملنا المنتدي ده خاص بنا علشان اسلوبهم المنحط في كل مايخص مصر.
# انقض براحتك وده حقك وحق اى عضو بس زي ماذكرت قبل كده
# يعني عارف انا شغال قطاع خاص في مجال صناعة السيارات ،مش عايز اقولك مدي تأثر خطوط ومكونات الإنتاج بسبب الحرب الروسيه وده يترتب عليه تأثر في رواتبنا، رغم ان الناس عارفه كل حاجه بس كل شهر يشتموا في الراجل والبلد .

#بس عايز اقولك هتشوف عظمه بالنسبه للسيارات الخضراء الكهربيه اللي هتشارك في نقل وفود منتدي المناخ.

# يارجل اقسم بالله رغم كل عمله مرسي عمري من ماذكرته بكلمه كده ولا كده وخاصه ذاد الحرص اكتر بعد وفاته ،رغم ان فيه أمور وصلت لحد الخيانه .
اشكرك علي النقاش ياجوكر ....

أنقر للتوسيع...

JOKer 88 قال:

طارق عامر متذبذب وكمان من تصرفاته لا يوجد دراسه لاي قرار ممكن يدفع بعجله التنميه المستدامه ده الي انا شايفه
اما مساله السد ده امر مفروغ منه وكمان شايف ان الاستعجال وحش انا مش بطالب باجتماع ولا اي حاجه بس لازم يكون ليه رد فعل
السيسي لازم يعدل الوزارات وكمان يشوف حل للبهرجه الي بتحصل الان
مواضيع كتير لازم تتقفل لان الوضع اصبح غير ما كنا عليه الضغوط زادت وكمان الناس غيرنا بنفكر بعقلنا وبنشوف الي بيحصل في الساحه الدوليه بالعموم
لكن فيه اخطاء كثيره بخصوص الخلايجه نفسهم ليس من الشعب الخليجي فقط بل من اشخاص محسوبين علي انظمه انا بقابل كتير منهم الهجوم غير مبرر علي مصر متعمد وذلك لشحن الشعب من الداخل نفسه

أنقر للتوسيع...