في تاريخ السياسة .. دايما الدول الاستعمارية هي دول فقيرة تسعي لسرقة الدول الغنية
الفارق هو التفوق العسكري او التوحش الاخلاقي
و الدول المستعمرة بتكون دول مسالمة .. مش محتاجة حاجة و عندها مواردها بالتالي ليييييه تعتدي علي دول اخري
و ده التاريخ اللي رسخت له دول اوروبا في احتلالها للدول الافريقية
اوروبا دول فقيرة الموارد و مناخها اساسا سئ لا يصلح للزراعة اللي هي اساس الحياة و مفيهاش احفوريات .. بينما افريقيا العكس تماماااا
خصوبة تربة .. وقود احفوري .. سواحل لا نهاية لها .. دول مطيرة
ممالك و امارات
في حين اوروبا رعاة حفاة فايكنج و قراصنة و بدائيين
ازاي بقا تتغير المعادلة انك تنزل تحتل الممالك و الامارات
و عشان تضمن انك تفضل الاعلي و تفضل تستولي علي ثروات الممالك دي تحافظ علي وجود الجهل و الهمجية و التناحر بين اهل الممالك دي عن طريق خلق صراعات عرقية و نسب و مذاهب دينية
الصومال بقا نموذج للمملكة اللي اوروبا دمرتها من اجل استمرار استغلالها
بلاد بونت هي مملكة من اغني ممالك قارة افريقيا
و كانت التجارة بينها و بين باقي الممالك زي الامبراطورية المصرية القديمة و زي ممالك اليمن زي حمير و مأرب
و كانت مصدر للمخزون الغذائي لمنطقة الحجاز
تاريخها القديم تاريخ حافل بالشرف و النزاهة و السلام
دولة مستقلة و مكتفية لحد ما قررت بريطانيا انها تنهبها .. و في نفس التوقيت احلوت في عين ايطاليا و فرنسا
و دخلت ال 3 دول في صراع مع بعضها لاحتلال الصومال و ده في نهايات القرن ال 18 واوائل ال19
الصومال غنية جداااا بالحديد و النحاس و الذهب
اللي هي كانت ثروات قومية للقرن ال 18
و بعد الثورة الصناعية و الاحتياج للوقود الاحفوري و الفحم .. ظهر في الصومال 9% من كمية الفحم الاحفوري في العالم
لما دخلنا القرن ال 20 و بدأ الصراع علي النووي .. تم اكتشاف ان الصومال فيها 25% من احتياطي اليورانيوم في العالم
" ربع يورانيوم العالم في الصومال "
لما بدأ الخليج يظهر فيه البترول .. الصومال اتوجد فيها كميات مهولة من النفط " التقيل " و الغاز الطبيعي
بالاضافة لانها كانت مساحات ارض زراعية مهولة " طبعا تصحرت بفعل اهمال البنية التحتية ثم الجفاف "
بالاضافة لموقعها اللوجيستي اللي مخليها مركز تجاري
ساحل علي خليج عدن و ساحل علي المحيط الهندي
و متوسطة دول زراعية و مطيرة
دخل الاحتلال قسمها صومال بريطاني و صومال فرنسي "اللي هي چيبوتي " و صومال ايطالي في اعقاب الحرب الاولي
و بعد خسارة الدول التلاتة لخساير مادية كبيرة .. كان لازم يعوضوا فشلهم العسكري اللي تسبب في انهيارات اقتصادية
و بدأت حملات النهب و التهليب في الصومال
لدرجة ان بريطانيا كانت بتنقل الدهب الصومالي بدون تنقيته عشان فرنسا و ايطاليا ميلحقوش منه حاجة
و بعد الحرب العالمية التانية سحبوا كل النفط اللي كان ظاهر وقتها بدون ما يتركوا لتر واحد لأهالي الصومال
ده غير البشر اللي كانوا بيتنقلوا من الصومال للعمل في المحاجر في مناخ قارس البرودة في اوروبا و بالتالي كانوا بيموتوا
و لما كانوا بيموتوا كانوا بيرموها للكلاب المتوحشة اللي بتحرس مخازن السلاح
لكن بعد استقلال مصر عن الاحتلال الانجليزي و بدأت حركات التحرر الافريقية و بدعم من الخالد ابو خالد جمال عبد الناصر
قررت الصومال طرد الاحتلال
و بدأ الكفاح المسلح من سنة 1954 لحد سنة 1960
و اعلان الاستقلال في 26 يناير 1960 و اعطوا فرصة للاحتلال انه يفكك آلياته و تمركزاته 6 شهور بالظبط
في الوقت ده فرنسا فضلت تلعب علي الصومال الفرنسي عشان ينفصل بخيراته و يعلن نفسه جمهورية مستقلة تحت دعم فرنسا اسمها چيبوتي
لكن الصومال البريطاني و الايطالي قرروا يتوحدوا و تم اعلان الوحدة في 1 يوليو 1960
اللي ساعد في تحرير الصومال كانت مصر و الفدائيين المصريين و ظباط الجيش المصري
و كمان عبد الناصر اللي كان بيدخل السلاح السوفييتي لمصر باعتبار استقلال سواحلها ... و بيدعم بيه الدول اللي تحت حركات التحرر
لكن زي ما بريطانيا تدخلت مخابراتيا لفصل السودان عن مصر .. واحدثت وقيعة بينهم
كانت عايزة تنفذ نفس الخطة في الصومال
و تسيطر علي عبد الرشيد شارماركي رئيس الصومال بعد الاستقلال و رئيس وزراءه محمد الحاج ايجال
و بالفعل نجحت في تجنيدهم و فصلهم عن قادة حركات التحرر
هنا بقا كان قادة الجيش الصومالي محمد سياد بري و صلاح جبيري .. ومعاهم جامع قورشيل رئيس الشرطة علي تواصل مع جمال عبد الناصر لدراسة الوضع
و انتهوا علي انقلاب علي شارماركي و ايجالي في سنة 1969
و بدأ عمل برامج لاعادة هيكلة و اعمار الصومال
عملوا مجموعة برامج
برامج شغيلة
توفير وظايف عن طريق مصانع و استغلال الحديد و البوكسيت
و عمل تقسيم للاراضي الزراعية و توفير اعمال زراعية للفلاحين و المزارعين و حققت اعلي نسبة صادرات للمحاصيل بعد 100 سنة نهب في الزراعة بتاعتها
البرنامج الحربي لمكافحة الامية
و ده عن طريق مدرسين و معلمين و تربويين جابوهم من مصر تحت رعاية الجيش الصومالي
لمحو امية المواطنيين
و بالفعل نسبة المتعلمين زادت من 5% مهاجرين الي 55% من المواطنين
برنامج تكوين صندوق ثروة من خلال اليورانيوم
و ده عن طريق استقدام شركة للتنقيب عن اليورانيوم و تسويقه للدول الباحثة عنه
و توجيه عوائد البيع لبناء مدن سكنية للاهالي المقيمين في خيام و بيوت طينية لرفع مستوي معيشتهم
لكن طبعا خطط و اجندة بريطانيا لا تنتهي
و الا هتتكشف و تتفضح
و تظهر دولة جربوعة زي ما حصلها دلوقت
" ارتفاع نسبة الفقر .. اضرابات و قطع كهربا و غاز .. اتنطرت من قايمة ال 10 دول الصناعية و بقت في المركز ال 17 "
بدأت بريطانيا في احداث الوقيعة بين صلاح جبيري و محمد سياد بري
و انقسم الجيش جزئين
زي السودان كده بالظببببببط
جزء مع سياد بري .. و جزء مع جبيري
و انتهي الموضوع باغتيال جبيري
و اصيب سياد بري بجنون العظمة انه قدر يستقل عن الانجليز و بعدين ينتصر علي شارماركي و بعدين ينتصر علي جبيري و يوحد الجيش تاني
لكن بتتدخل امريكا سنة 1978 بالحريات و حقوق الانسان
و عن طريق سفيرها في مقديشيو بتندلع الحرب الاهلية اللي اكلت الاخضر و اليابس
و كانت الزريعة
اقليم اوجادين اللي بريطانيا اهدته لاثيوبيا " الصبي بتاعها وسط دول حوض النيل "
و اللي الصومال رجعته و انتصرت في حرب استعادته
لكن امريكا دعمت اثيوبيا انها تاخد اوجادين تاني
و تجند ناس من جوا الصومال لاثارة الفوضي
و دخلت الصومال في حرب اهلية طاحنة خلصت سنة 1991 .. وخلصت علي كل حاجة في الصومال
صناعة .. زراعة .. مناجم .. سواحل
و لكن ده بخلع سياد بري بمساعدة اثيوبيا
و انفصل الصومال البريطاني تحت اسم صومالي لاند الدولة الغير معترف بيها دوليا و اللي مش معترف بيها غير اثيوبيا و بريطانيا و امريكا
و الانفصال مدعوم بريطاني
عشان يتقدم هدية لاثيوبيا تفتح لها منفذ بحري بعد حبسها باستقلال اريتريا
وطبعا بما ان الدول الغربية دول حنونة و كيوتة و طيبة
و بعد انتهاء حرب دمرت كل الصومال
باقي بقا شوية موارد لان الارض دي مليااااانة خيرات
يبقا ندخل صندوق الغم الدولي عشان يمولها و يدعمها يا حراااام و يديها قروض الاعمار
نبذة كده عن تاريخ الصندوق في الصومال :
اول خطوة اخدها الصندوق هو تخفيض العملة
" هو ليه الصندوق بياخد دايما الخطوة اللعينة دي
عشان يخلي اصول الدولة برخص التراب .. فلما الدولة تتعثر و متقدرش تسدد .. يقوم يستحوذ علي اكبر عدد من الاصول في مقابل قيمة القرض العرة اللي الدولة مديونة بيه لهم
انما اللي يقولك عشان يزود الصادرات و يجذب مستثمرين ده حمار قولا واحدا
عشان الدولار و اليورو اقوي عملتين و مع ذلك صادراتهم كانت عالية جداااا "
تخفيض العملة في وسط ركود صناعي و زراعي .. يعني انعدام انتاج
حصل تضخم مهول
خففففض العملة تاني
مع ارتفاع التضخم
انعدمت قيمة الفلوس
لدرجة ان الناس بقت بترمي الفلوس في الشارع
و ظهرت السوق السودا للتحويل الاجنبي
" مين اللي بيشغل السوق السودا
ايووووون هو صندوق النقد اكبر تاجر عملة في العالم
"
كانت الخطوة اللي بعدها هي الدولرة
الغاء الشلن الصومالي من قايمة العملات و احلال الدولار بديل لها
مع عدم وجود وظايف بعد انهيار المصانع و تصحر الاراضي الزراعية
بقا دخل المواطن الصومالي دولار في اليوم
دخلنا في عهد المجاعات بقا
و وصول الصومال للحال اللي كنتوا بتشوفوه في النشرة ده
من دولة غنية جداااا
لدولة مش لاقية تاكل حرفيا
و دخلت قوات حفظ السلام و قوات مكافحة الارهاب
و هنا لازم يظهر دور شرطي العالم ماما امريكا و تخترع عملية " اعادة الأمل " لانقاذ الصومال
و بتجيب معاها شركات تنقيب عن البترول و الغاز الطبيعي و اليورانيوم و الدهب
" أمل اصلها ملهاش الا في المعادن الغالية بس .. اعادة الامل الامريكي في نهب الصومال "
عشان في سنة 2005 شركة Range Resources الامريكية للتنقيب عن البترول تكتشف ثروة عملاقة من البترول في مقاطعة ارض بونت مقدرة ب 10 مليار برميل بترول احتياطي
الكلام ده في 26 سبتمبر 2005
و اللي بترفض تبيعه الحكومة الصومالية للولايات المتحدة الامريكية بالرخيص
و تطالب تبيعه بالسعر العالمي من اجل انقاذ الصومال
عشان يصحي العالم في يناير 2006 علي اعلان ميلاد تنظيم شباب المجاهدين الارهابي
و اللي بينفذ مدبحة رهيبة في الصومال يروح ضحيتها اكتر من 3000 مواطن من ارض بونت و يعلن سيطرته و امتلاكه لابار البترول
" و بالمناسبة بعد انتهاء الحرب الاهلية امريكا و بريطانيا شرطت علي مجلس الامن تفكيك و تسريح الجيش الصومالي بالكاااااامل .. و الامم المتحدة نفذت الكلام في القرار رقم 9112 بتفكيك جيش الصومال و تسريح افراده
"
تنظيم حركة شباب المجاهدين الاسلامية
هو تنظيم مبايع للقاعدة في طالبان
و متعاون مع بوكو حرام في نيجيريا
و كلها صناعة امريكا
عبارة عن مرتزقة افارقة + متطرفين فكريا اسلاميين
و فضلت تعاني الصومال و تنزف جراحها لحد سنة 2021 و اتصالات قام بيها حسن ولد محمود رئيس الصومال مع الرئيس عبد الفتاح السيسي
املا في دعم مماثل لدعم عبد الناصر في الستينات لتحرير الصومال من جديد من بريطانيا و امريكا
اللي لحد انهاردة بتسعي لتفكيك الصومال و هدمها ... من اجل محاربة مصر في حدودها الجنوبية
و السيطرة علي دول حوض النيل
و دعم دور دولة اليهود في افريقيا المسماة اثيوبيا
و عشان تقوم دولة
لازم تبني جيش
لما امريكا و بريطانيا بيحبوا يهدموا دولة بيهدموا جيشها
زي ما شوفتوا في العراق و سوريا و اليمن
و مصر عارفة ان الدول لا تقام الا علي اكتاف القوات المسلحة
ف ساعدت مصر في تجديد انشاء القوات البحرية الصومالية و المشاة
و دعم تمويل تسليحي من السلاح اللي بتصنعه مصر
و ده عن طريق اتفاقية الدفاع المشترك لحماية الصومال
و اعداد خطة اعادة بنية تحتية هتشرف عليها مصر لاعادة اعمال الصومال
و اعداد تجديد و تطوير الموانئ بشراكة تجارية مصرية
و طبعا مش عايزة كلام حرب التطهير من الارهاب
اهتمام مصر بإعادة الصومال دولة
عشان يحقق استقرار الجنوب و ينتزع النفوذ الاستخباراتي الانجلوامريكان
و يعيد الصومال للسيادة المصرية تاني
ولما ده يحصل
هيحصل تطويق لدولة اليهود في افريقيا و هيضمحل وجودها
و يبقا بدل ما الانجلوامريكان بيطاردوا مصر .. بقت مصر اللي بتطاردهم
هي دي حدوتة الصومال
وعشان تعرفوا حاضر و مستقبل دولة .. لازم تذاكروا تاريخها
ربنا يوفق الريس في حركات التحرر الجديدة و مقاومة الاستعمار و الحصار في ثوبه الجديد
المنظمات الارهابية لصوص الاقتصاد
كتبته
دكتوره /چيلان قاسم