دعوة للنقاش اكثر من يحب مصر شعب ذا حضارة واكثر من يكرها لا حضارة له

Ayoop Elmasry قال:

مش مجرد حفله
دي جلسة برمجه عصبيه رفيعة المستوى لجيلين في مصر
مشاهدة المرفق 20770

أنقر للتوسيع...

احمد32 قال:

المشكله صديقى وخلينى اكون صادق السعودين عاملين لوبى قوى فى مصر من اعلام الى دين عكس السودان نهائى ودائما بيعملو طبقه بيمنعو يوصلو للشعب انهم بيكرهوه يعنى بيتعاملو بذكاء.يعنى بيضربو فيك فى الصحف الاجنبيه لانهم عارفين انك مش هتوصل ليها او الاغلبيه مش هيشفوها ..انما السودانى غبى

مجرد راى ان الحكومه يجب ان تسمح ببعض البرامج القويه الى من وقت للتانى تجيب سيرة السعودين والى بيعملوه

أنقر للتوسيع...

احمد32 قال:

حاجه بالصدفه
يعنى فيه خلافات بين مصر والسعوديه قوى وبناخد اجراءات ضد بعض فى الطيران المدنى وتشويه السياحه بتاعتنا من عندهم وفى نفس الوقت تلاقى بيحاول يبين التعامل الشعبى مختلف وبيكسب بنط عليك ....الاعلام الحكومى على 90% من وعى الشعب

أنقر للتوسيع...

Ayoop Elmasry قال:

استاذ شكري
لو جيت تحلل عناصر المقال هتلاقيها ان سبب الكره ( على حسب المقال) التعليم و الصحه ودي اختصارا لعموامل القوي الناعمه الي فقدتها مصر على مدى ٤٠ سنه
عناصر القوي الناعمه المصريه تعليم وثقافه وصحه وفن زي ما هي من ٤٠ او ٦٠ سنه
عناصر القوي الناعمه كانت سبب اجتياحك لمحيطك الإقليمي كله من المحيط للخليج

الست ام كلثوم كمثال / شعبيه طاغيه
الجامعات المصريه والمعاهد المصريه في الخمسينات و الستينات
الفن والسينما و الصحافه والرياضه في الخمسينات والستينات خلو مصر بالنسبه للخليج زي أمريكا و أوروبا بالنسبه للخليج دلوقتي كل الأجيال الخليجيه في الفتره دي اتأثروا بمصر وحبوها وشالولها الجميل

لما عناصر القوي الناعمه تدهورت وتقزمت بفعل فاعل على مدار ٤٠ سنه اتولد جيل جديد في الفتره دي مش مرتبط عاطفيا مع مصر لانه اتعلم في مدارس امريكيه و بريطانيه، واتخرج من كليات هارفارد و كامبريدج وانتمي وشجع الرياضه الامريكيه والانجليزيه ، حتى رحلاتهم بقت في الصيف لأوروبا وأمريكا ،
الجيل الجديد ده هوا اللي ماسك مفاصل الدول الخليجيه الآن وهو غير منتمي عاطفيا لمصر ، بل بالعكس مصر هيا اللي محتجالهم جدا ومضطره تراضي فيهم علشان العماله المصريه اللي هناك ، وعلشان المساعدات

الاداره المصريه من ٢٠١٤ وهي أدركت ده وعرفت ان عناصر القوه الشامله المصريه ضعفت وبقت في مهب الريح
وخدت عهد علي نفسها انها تطور عناصر القوه الشامله وتحولها الي القدره الشامله اللي متحتاجش مساعده من حد اللي بتنتج كل حاجه بنفسها
وللأسف الوقت أمام مصر قصير جدا لازم مع بداية عام ٢٠٣٠ تكون مصر على الاقل اتمكنت من القدره الشامله في مجال الزراعه و الصناعه والطاقه و السلاح
راجع حوارات الرئيس هتلاقيه اتكلم كذا مره عن امتلاك القدره

أنقر للتوسيع...

Golden Fingers قال:

سمعت موضوع الارتباط العاطفي كتير جدا من اتجاه واحد وده الى حد ما صحيح … لكن في المقابل … بدأ ايضا الارتباط العاطفي بين الاجيال الجديدة من المصريين بالدول العربية يقل شيئا فشيئا … واصبح التعليم في الجامعات الاوروبيه والعمل في الشركات الاوربيه والامريكيه … حتى الفن الغربي والثقافه .. هو توجه جزء كبير من الشعب المصري … والاهم هو الجزء الحيوي في الماكينه الاقتصاديه والثقافيه المصريه والذي يحرك كل الجسد المصري فنيا ، ثقافيا واقتصاديا.

أنقر للتوسيع...