متابعة مستمرة الحرب الروسية الاوكرانيه -متابعة مستمرة

البرازيل: مشاركة العسكريين البرازيليين السابقين بالقتال في أوكرانيا غير قانونية​

تاريخ النشر: 11.03.2022 | 23:51 GMT

AFP Mauro PIMENTEL
أكدت وزارة الدفاع البرازيلية أن مشاركة العسكريين السابقين بالجيش البرازيلي في الفيلق الدولي للدفاع الإقليمي الذي تحشده كييف، تعد انتهاكا لميثاق الخدمة في البرازيل.
وجاء في بيان للوزارة: "تحظر المشاركة الشخصية والطوعية للبرازيليين في وحدة عسكرية أجنبية، دون أمر مناظر من قيادة القوات المسلحة، للعسكريين النشطين والاحتياطيين الذين يتقاضون رواتب والعسكريون المتقاعدون، لأنهم كأعضاء في القوات المسلحة البرازيلية، هم تابعون للسلطات العسكرية البرازيلية في أي حالة".
وظهرت أمس الخميس، منشورات في الصحف المحلية حول دخول العديد من العسكريين البرازيليين السابقين في الفيلق الدولي للدفاع الإقليمي للقوات المسلحة لأوكرانيا.
من جهتها، أكدت قيادة القوات البرية معلومات عن مشاركة عدد ممن خدموا في الجيش سابقا، مشيرة إلى أن "الدائرة القانونية للوزارة تتعامل مع القضية".
وأعلن الرئيس الأوكراني فلاديمير زيلينسكي في فبراير الماضي، عن تشكيل "فيلق دفاع إقليمي أجنبي في البلاد"، كما قرر تقديم نظام بدون تأشيرة للأجانب الذين يصلون إلى البلاد للمشاركة في العمليات العسكرية إلى جانب كييف.
المصدر: "تاس"

"دويتشه بنك" يعلن انسحابه من روسيا​

تاريخ النشر: 12.03.2022 | 00:10 GMT

AFP Armando BABANI
أعلن "دويتشه بنك" أكبر مصرف في ألمانيا أنه سينسحب من روسيا، مقتديا بمؤسسات مالية دولية أخرى.
وقال المصرف في بيانه: "نحن في صدد تقليص أنشطتنا المتبقية وفقا للمتطلبات القانونية والتنظيمية".
وأضاف: "في الوقت ذاته، نساعد عملائنا الدوليين من غير الروس على تقليص أعمالهم في روسيا.. لم نعد نطلق أعمالا جديدة في روسيا".
وأشار إلى أنه "قلل بشكل كبير من انخراطه ووجوده في روسيا منذ عام 2014".
وتمتلك المجموعة الألمانية أيضا، مركزا تقنيا كبيرا في روسيا يعمل به 1500 متخصص في تكنولوجيا المعلومات في خدمة بنك الاستثمار الخاص بها.
وأشار البنك هذا الأسبوع إلى أن "المخاطر التشغيلية الناشئة عن إغلاق هذا المركز تم احتواؤها جيدا ولا تمثل أي مخاطر كبيرة على سير العمليات العالمية".
وأعلن مصرفا "غولدمان ساكس" و"جي بي مورغان تشيس" الأمريكيان أمس الخميس، إنهاء أنشطتهما في روسيا، لينضما بذلك إلى لائحة طويلة من الشركات متعددة الجنسيات التي انسحبت من روسيا المستهدفة بعقوبات دولية قاسية.
المصدر: "أ ف ب"

الخزانة الأمريكية تمنح استثناء من الحظر المفروض على توريد أوراق الدولار النقدية إلى روسيا​

تاريخ النشر: 12.03.2022 | 00:44 GMT

أعلنت الخزانة الأمريكية أن الحظر الذي فرضته على توريد أوراق الدولار النقدية إلى روسيا لن يشمل الحالات الفردية والمدخرات الشخصية لأغراض غير تجارية.
وقال بيان الخزانة: "السماح لجميع التعاملات الشخصية ولمرة واحدة وضرورية للتحويل غير التجاري للأموال الشخصية مثل نقل أوراق الدولار الأمريكي من الولايات المتحدة أو من شخص أمريكي، بغض النظر عن موقعه، إلى فرد في روسيا أو نقل أوراق الدولار الأمريكي النقدية لشخص أمريكي في روسيا".
وقع الرئيس الأمريكي جو بايدن مرسوما يمنع بموجبه توريد أوراق الدولار الأمريكي النقدية إلى روسيا.

المصدر: RT

برومثيوس قال:

الروس مش هيخسرو عسكريا
ولا هم حتي قريبين من المصير دا .علي الرغم من كل الحملة الاعلامية اللي بتحاول توصل الاحساس دا للناس
خسائر كبيرة.ايوه هيخسرو خسائر كبيرة في الاروح والمعدات

أنقر للتوسيع...

الهزيمه عندي هي هزيمه الاقتصاد لان ده اللي ييراهن عليه الغرب في التضييق علي حياه المواطن الروسي حتي يكون بيهم ثوره ملونه وهم حاولوا بالفعل قبل ذلك

مرمبتاح قال:

الهزيمه عندي هي هزيمه الاقتصاد لان ده اللي ييراهن عليه الغرب في التضييق علي حياه المواطن الروسي حتي يكون بيهم ثوره ملونه وهم حاولوا بالفعل قبل ذلك

أنقر للتوسيع...

ولا اقتصاديا خالص وهقولك ليه

تباين مصالح الأمريكان والأوروبيين
دماغ بوتين بتفكر إزاي
في قمة الخسائر والهزائم نسمع اّراء سير العمليات بنجاح وإن فيه تقدم
سمعناها من ... بيانات قيادات عربية في حروب سابقة خسرناها وأكثر بيان متواضع كان في أكتوبر 1973 وحمل النصر وأكثر البيانات تهليلا كان النكسة ... نفس نظرية الأمريكان في حرب العراق 2003 تحس من سكوتهم في البيانات وهدوء رتمها إن كلام الصحاف وزير إعلام العراق كان صح ... وهوب الكهرباء اتقطعت ورجعت عالعصر كانوا جوه بغداد ... برضك بوتين بيعيد نفس القصة

هنيجي لتصريحات الأمريكان 2003 كان الشق السياسي والعسكري الخاص بيها مش المسيطر على مضمون المؤتمر الصحفي ... ارجعوا معايا كده لورا ... هتلاقيه يحكي عن نجاح Air refueling عن نجاح انسجام قتالي بين قوات مختلفة وكانوا بيتكلموا بتأثر شديد عن خسائر النيران الصديقة رغم أنها لا تؤثر ولا تهمنا بس هو عارف إنها نقطة مكدره نفسيته
القصد
هو عاوز يقول ايه وانته تفهم بيقول ايه وهنا الحقيقة كامنه ... ممكن تفهم منه التراجع وهو بيلتف ... والله فهمك كده بس هو مكدبش هو قالك الحقيقة بس عرضها بطريقته وانته فهمتها بطريقتك

بوتين بيعمل إيه ... بوتين بيقول عملية عسكرية خاصة جدا ... طيب ماهو طيران وصواريخ ودبابات ايه الخاص فيها
وبوتين قبل الحرب دي لما كنا بنقول هيبلع أوكرانيا في 48 ساعة ... والأمريكان قالوا كده .... هو ذات نفسه مقالش كده رغم نظريا من مصلحته يضخم في قوته ورسالة الرعب
وبوتين قال أنا هنزع عسكرة أوكرانيا مقالش هضرب قواعدها وأرجع
وبوتين برغم ضرباته وقدرته يضرب جوه دول تانيه ... واحد معاه طيران قاذقف استراتيجي وصواريخ كروز وكينجال فرط صوتي ... ومضربش غرب أوكرانيا ... هنقول خط أحمر ... تخطاه امبارح وضرب
وبوتين لم يسعى إعلاميا لعرض فكرة التحالف العلني مع الصين ونظام الثور الأبيض والأسود ولا دفع الصين لقول كده
ده حتى مدخلش معاه لوكاشينكو وقاديروف في جملة مفيدة ... أنا بقيت شايفهم وكأنهم بيعرضوا خدماتهم وهو بيرفض مش بيطلب العون في مأزق
رغم ظاهريا بنقول دخل المستنقع وإنه هينضر وروسيا هتذهب وراء الشمس

بوتين عرف يضرب رأس حربته فين وكل اللي بيحصل ده أنين بين جبهتين ... جبهة الولايات المتحدة/بريطانيا/الناتو ... جبهة أوروبا بدون بريطانيا
وهنحط معايير لمعرفة أفق عمليته العسكرية وخسائره ومكاسبه

خسائر بوتين ...
1-مباشرة ومش محتاجه تتشرح ... استثمارات راحت ... شركات خرجت ... خروجه من نظام سويفت وتحريز أموال لرجال أعمال
لكن ...
هو رد ردود غير مباشرة هو معملش تأميم لكن عمل نص تأميم كده وشايل 630 مليار دولار رغم انه رايح للروبل واليوان وبيخفض ضرائب على الذهب وفوائد القروض بس مش الوقود زي مالأمريكان بيعملوا حاليا ... امبارح سعر الوقود علي في أمريكا
وبرضك مفيش عنده مظاهر اجتماعية لهبوط حاد ... كلها سلوكيات مجتمعية موجودة في أي دولة في العالم بأرفف فاضية في السوبر ماركت لكن الخبر ده مابيدومش أكثر من ساعات لأن سلاسل توريده ماشيه
ومقطعش الغاز عن أوروبا للاّن بس قلله

هنلاقي
1-بريطانيا بتزيد في طريقة العدائية والهياج بس حاطين خط أحمر وهو مش هيبيع أصول روسية لحسابه ولا غيره ... ومش هيخش بقواته في أوكرانيا ومش هيزود دعم للأوكران عن المضادات الأرضية والمانباد وهيعملهم مستشفيات بس لعلاج المصابين وبالنهاية زيلينسكي يقوله طيب بحق صوتك العالي يا جونسون ابعت على قده معونة تقيله ... يقوله هعملكم ايه
بريطانيا بتزايد في العقوبات ضد روسيا دون تحمل ثمن أكثر من ثمن الأسلحة ... لا هتاخد مهاجرين ولا هتخش حرب وهي معاها احتياطي نفطي وورا الأمريكان اللي بينوا عن خبثهم بإعادة الحوار مع فنزويلا وإيران
لكن المفاجأة الكبرى ... بوتين المترنح برأيهم يوقف إتفاق نووي وهو غارق لأذنيه في عقوبات اقتصادية وحرب ... تيجي إزاي دي ... نخش على دولتين تحت ... السعودية وأعتقد بوتين أبرم معاهم اتفاق لإعادة هيكلة وضع سوق البترول العالمي ورجوع البترول الشرقي مصدر طاقة رئيسي ودفن كل مايتعلق بالوقود الأحفوري الأمريكي ... على الأقل بالنسبة للسعودية لديهم ما يمكنهم التفاض على بيعه لتحقيق مكاسب تقنية ومالية ومايبقاش سلعة قديمة ... ويفضل الأمريكان محتاجين لغيرهم ولا تنفرد الدولة الأولى العظمى بكل موارد مطلوبة لأن ساعتها هنلاقي بلطجة ... زي ايه كده ... ملف إيران والسعودية
السعودية 2013 كانت خنجر في ظهر روسيا لكن بعد دخول الروس في سوريا وكف يد الفوضى هناك (هو لسه فيه فوضى بس مبقاش كل اتنين تلاته عاملين جبهة) وروسيا مانتقمتش بعسكرة الخليج بتقنيات موجهة لإيران فسياستها كانت متزنة نحو الكل لم تميل للإبتزاز العلني كما فعل ترامب الغبي اللي بيقولك أنا لو على أيامي مكانش بوتين عمل كذا وكذا .. أحب أقوله كلامك صح لو اتغابيت وعملت الحرب العالمية الثالثة بس ساعتها متسألنيش عن توقعات غير كده بوتين عمل 3/4 تجهيزاته في عهدك يا حتة ظاهرة صوتية.
نيجي للدولة التانية ... قطر .. الروس ملهمش معاملات سياسية مع قطر رغم إنها قطب غازي لكن الكلام كان قبل الحرب ... يا قطر ماتفتحيش غاز ... طيب ليه ... علشان أوروبا ... أنا كروسيا هفضل أديهم ومحدش غيري هيديهم ومش هقطع عنهم الغاز بس محدش يخش كبديل ... علشان كده بايدن بيحاول يفتح سكة غاز قطر ... مره حليف للناتو ومره حبايبي لكن مع طول أمد الحرب ممكن الدول الخليجية الكبرى المتفقة مع الروس تمنع امدادات قطر فعلا ولو بالطريقة غير الودية.
فنزويلا .. سكة البترول الأمريكي علشان ما أخرجش كل الإحتياطي اللي عندي ... تسليح روسي لفنزويلا ودعم لمادورو بعد سقوط سلفه شافيز .. وسياسات روسية لم تعرض فنزويلا لنفس أزمة خليج كوبا وسندوا مادورو لما حصل عنده احتجاجات .. مادورو هيساوم ويطيل في المفاوضات ... شهر شهرين ... ستجد الولايات المتحدة نفسها مقدمه على حل غير تقليدي في فنزويلا اللي فيها سلاح روسي تقيل وحديث وجنبهم بالظبط ... وبالتأكيد الروس هناك تحت المياه زي التماسيح ... وخليج كوبا هيرجع بسيناريو أعنف
نيجي بقى لكبش الفداء العظيم
الإتحاد الأوروبي ... يستكمل

استكمال -2
الإتحاد الأوروبي هو اتحاد دول وليس تجمع عسكري يعني مش هاخد 300 دبابة من فرنسا و 200 من ألمانيا وهعمل فرقتين مدرع بداتا لينك موحد وتدريب متماثل وذخيرةموحدة وأخش حرب
في الحلف العسكري ممكن ده يحصل
في الحلف السياسي
عندي مفرزة أولى .. ألمانيا وفرنسا وسويسرا وفنلندا وبلجيكا ... دول متفوقة اقتصاديا وبتصنع وبتحتاج عمالة كمان
وعندي دول زي اليونان كل كام سنة بعمل حزمة إنقاذ ودخل اسبانيا
وفيه دول أصلا ماتعرفش في الحلف ده ليه لغير أسباب الجغرافيا زي استونيا .. البرتغال وهكذا
يعني دول غنية على فقيرة وعملت حلف
خرجت منه بريطانيا ... وهم أذكياء ... قالك أنا بخسر منه أكثر مما بكسب أنا فيه دول عالة عليا وأنا دولة صناعية وعسكريا أنا قواتي تقيلة
بقى فرنسا وألمانيا كقطبين كبار مطلوب منهم .. عدم الحياد ويحافظوا على قوتهم
ألمانيا معتمدة عالغاز الروسي والجغرافيا بتفرض كده والروس بمواءمات كتير منعوا خطوط غاز تانيه تخش لا من الجزائر غربا ولا خط مصر إسرائيل (اللي هو خط مش معلن إنه تنافسي ضد الروس ) وهنقول مصر محتاجة مواءمة مع الروس ولو كان هدف الرئاسة عندنا عدم استثارة الروس وده كنا عارفينه من 2014 ... أنا أحيي صانع القرار في مصر وأقوله سامحني لو غلطت فيك بس أنا مأذي اقتصاديا بس الله ينور ... طيب إسرائيل حليف أمريكا الملل ... تتفق مع الروس ... اّه ... ليه ... إحنا جيران في سوريا اللي على حدودك والميليشيات مش محتاجه ألا سلاح بسيط وأفعل دفاعي الجوي عليك وشكرا ... معندكش عمق ... الجغرافيا وليس الأمريكان بيقولوا كده) .. الشريك الثالث .. اليونان ... والمخالف تركيا
علاقات تركيا وروسيا ماتعرفش حدودها ولعل ده هدف للترك وهو عمل وحل يسقط فيه الروس عسكريا علشان هو يمشي حاله في خط الغاز كبديل بقى لروسيا ويبقى له حق دخول الإتحاد الأوروبي من كباب كبار الحضور ويبقى علم بنط تاريخي في دولته يتنسب له على مدار التاريخ ... الموضوع مش بيراقدار ومبيعات كام مليار في السنة ... الموضوع خط غاز على الأرض ممكن يوميا يجيب مبيعاته من بيراقدار وغيرها في شهر ولو حقق الإتنين تبقى قيمة مضافة) بس فيه نقطة
مع إعداد روسيا لائحة عدائياتها ... ظهور السلاح التركي على الائحة دي هيكون تمنه مش حلو خالص ... النهارده اليونان وقبرص تسليحهم معقول بكره ممكن أحط في قبرص اللي يعدم الطيران التركي في أجواء تركيا نفسها بخلاف تصفية الأتراك في العراق وسوريا وهحطهم ورا حدودهم وهمه عارفين كده كويس
فأردوغان كقطب ناتو مش عارف يهادن وفي نفس الوقت مش هيقدر يهدد الروس برغم إن معاه عضوية الناتو لكن من يضمنه إن لو حصلت حرب مايحصلش معاه زي زيلينسكي اللي عشموه بالجنة واّديه بيصوت بقاله شهر وجونسون بيغنيله وأنا أعمل ايه ...!!!
بخلاف لو الصراع اتفتح بين روسيا والناتو يبقى الحرب العالمية الثالثة ... وللاّن مشوفناش من روسيا ال Free Hand لسه
يستكمل ...

استكمال -3
يبقى الضحية هو الإتحاد الأوروبي اللي هيترنح قبل اي حد من قفل الغاز الروسي ومع هذا يستمر بوتين في إرسال رسالة طمأنينه ... يا جماعة متخلونيش أحاسبكم حساب تقيل ... مع إن المنطق بيقول اقفل الغاز من أول يوم ولعل ده سبب حرب الميديا اللا أخلاقية من شركات التواصل الإجتماعي الأمريكي وتبرير المزاجيه في التعامل همه مش عاوزين أوروبا كشعوب تفهم إن بوتين ممكن يأذيهم حاليا وهو مش باكي على حاجه ومتعنت جدا وموقفش الحرب بس ... ماقفلش الغاز عننا ... النهارد هيقولوا شكرا ... بكره امتنان ... الأمريكان بقى بيعملوا زي نظام تشويش بالميديا بقى ... بس بوتين ذكي ... دي كلها حلول أمريكية مؤقته فاشله لو ثبت ... وهو هيثبت لأنه قال أنا جاهز لأي سيناريو وبرغم العقوبات التقيلة جدا اللي أنا ذات نفسي متنرفذ منها وممكن لو بتتعمل عليا أضرب نووي ... لا ... هو ساكت وبيقول كله تمام ... زي الفل
ماهو قطر مش هتديكم غاز ولا مصر وإسرائيل وبتاع تركيا أنا ممكن أزعله والجزائر في وادي تاني وبالنهاية حتى لو اشتغلوا ... مين يعوضكم عني
والأمريكان مش بيعوضوكم وجونسون بيزايد وبالنهاية ساعةالجد مابيحاسبش
وانتوا يا أوروبا وراه بتجروا
النهارد ألمانيا زعلانه ... بكره الغاز هيقل وهنترنح حرفيا
فرنسا على انتخابات ... الرئيس الجديد تحديات رئاسته موجوده من دلوقتي ورأي الشارع الفرنسي هيقول كلام غير الإعلام
الباقي ... مش لاقي أقول إيه ... الإسكنديناف على شبه حياد
اللي بيحصل إن الإتحاد الأوروبي بيتفرم بين روسيا والناتو وخروج بريطانيا منه أضعفه سياسيا بالعكس ده بريطانيا بقت خنجر في ظهرهم وكل ماتزايد في القرار فاتورة دعمها للأوروبيين هتزيد
لو جونسون مطلوب منه يدفع دولار النهارده ... بكره هيبقوا اتنين
الأوروبيين بينضربوا ببعض وطبعا بين موقف أمريكي كاوبوي بيظبط حاله مع نفسه في فنزويلا ومش عارف يظبط أوروبا في خط غاز قطر ولا شرق المتوسط ولا الجزائر نطرح سؤال بوتين هيسأله عاجلا أم اّجلا
يا أوروبا الغربية ... الأمريكان وعدوكم بإيه علشان تقفوا ضدي ... علشان يبقى وضعكم كده ... هو صدركم ليا وأنا مارضيتش اخسف بيكم الأرض وكل دولة اسمها حليف للأمريكان في الشرق الأوسط بتعيد حساباتها تاني برغم تسويق الأمريكان لوحدة القرار واللي كان ضدي 2013 بقى معايا 2022
الله
ده حتى سياسيا وفي مجال البراعة الأمريكية انا لعبت سياسة وعلى مين ... على حلفاء موثوقين ... والسبب عنجهية الأمريكان والإبتزاز العلني
مين بقى قاعد ورا هيحاسب على مشاريب بوتين .... أبو سامية الصامت ... الصين

أنا كده تقريبا فسرت بكلامي مفهوم إعادة ترتيب العالم اللي بوتين بيقولها برغم الكلام عن خسائر فادحة
أنا بقول رأي ... خطأه أقرب من صحته
بس رأي

رأيي
الموضوع ياجماعة كنت بتساءل فيه كتير
المشير الجمسي كان بيقول ... الحرب جزأ من السياسة ... سياسة بالنار
كنت بستنكر الكلام ده
دور الطيارة والدبابة والصاروخ كبير جدا
لكن في الصراع الحالي والوضع الحالي أنا شايف
الموضوع مش طيارة بتشيل كام قنبلة ومداها قد ايه وتعداد جيشي إيه ... وحتى النووي .. كل ده حسابات رقمية
لكن فعلا محرك الأمور وتحويلها لنصر من هزيمة على المستوى الإستراتيجي هو السياسة أما النصر التكتيكي وعلى الأرض بيجي رقم 2 لأنه مش هو المستهدف
لو هدف روسيا عسكري بحت في أوكرانيا كان أنهى الوضع خصوصا إن درة قوات الروس مدخلتش الحرب
لكن هو مش عسكري خالص
هو إعادة ترتيب العالم بعد سنين من سقوط السوفيت وقبلها انشاء الناتو
الموضوع مش خروج من عنق زجاجة زي مالإعلام بيسوق حاليا
الموضوه هو إننا وصلنا لمرحلة إن النظام العالمي حرفيا ممكن يتغير مش مجرد عنق زجاجة يارب يخرج منها بوتين
الموضوع مش أوكرانيا
الموضوع هو التعايش في أوروبا محايدة مع الوقت هتلغي الناتو مش العكس الناتو اللي هينكمش مش روسيا أوروبا ستلفظ الأمريكان ومشروع مارشال هينسي معروفه بعنجهية الأمريكان
أنا مش شايف نفسي ببالغ
بس بوتين ذكي وذكي جدا كمان
ولو بيعمل كده ... يبقة القيصر وأنا اّسف إني قلت قبل كده ماينفعش
شكرا

هديكم مثل بسيط لطريقة تفكيري
الإعلام الأوكراني بيقول بنظرية الرئيس المقاتل البطل الشعبي ذو الأغلبية الطاغية وشعب أوكرانيا بفلاحينها بيعملوا مفاجاّت لحاد ماجروا صاروخ فضائي بجرار عسكري
يلا نضحك وهأ هأ هأ
يلا نسكت ونفكر
أنا لو اللاجئين اللي فروا كتير ... يبقى لا فيه عقيدة أرض بالمعنى الموسع (هو اّه في كل شعب فيه مقاومة ) بس مش زي الميديا مابتقول
لو ناس كتير هربت ... هضرب مدن مفيهاش كثافة مدنيين أو بضرب نظام شعبه أغلبه هرب أو ..أو .. أو ... بضرب نظام بلا ظهير شعبي
يبقى الإعلام بيقول ... الله على إنسانية الناس بيعملوا مسالك للمدنيين
لا ... هو بيعد كام واحد هرب ... طيب ملاحظتنا ايه ... إنه الأوكران فجروا الجسور من اسبوعين تلاته ... ده الروس أصلا للاّن مبدأوش يحاصروا كييف
ده بياكل أوكرانيا قطمة قطمة وبالتصوير البطيئ
يعدي أسبوع واتنين
وبرضك مفيش أكتر من مضادات الدروع ولا منطقة حظر جوي ولا دفاع جوي متوسط ولا الطيران البولندي اللي بولندا نفسها عرضته وافقوا عليه
لأن لو حصل كده
بوتين هيشد خط ويجيب سيرجيي لافاروف يقوله اطلع دلوقتي اعلن ضم أوكرانيا كاملة لروسيا مسافة مالمؤتمر مايخلص هتلاقي قواتي وقوات بولندا على خط حدود غرب أوكرانيا
يعني اللي هو مش هيستفزوه يبلع أوكرانيا
الحل يخلوها عضمه ناشفة
يمدوا أمد الحرب واللي هيتعب أوروبا
بس كده كده
زيلينسكي قبل بوتين وقبل بايدن وجونسون كلهم عارفين إنه هياخد أوكرانيا لو عاوز بس مش عاوز ومش هيأخره شوية التسليح العبيط اللي الغرب بيديه لأوكرانيا ولا التصريحات الرنانة ولا حتى العقوبات الإقتصادية المدمرة
هو عاوزهم يتحركوا عسكريا فقط
طيب ماتحركوش ... شايفه يا مولدوفا ... شايفه يا بولندا ... شايفه يا ليتوانيا ورومانيا
اتحركوا ... ساعتها نرجع للخطة أ ... أنا هخش أوكرانيا لردع كل من يرفع سلاح ويلوح بدخول الناتو
وهنشوف الجيش الروسي بأقماره الصناعية وتشويشه وطيران SU-35/57 وكل ما لذ وطاب
طيب محلك سر
ألا أخبار الغاز إيه يا أوروبا ...؟

بوتين لو عاوز يدمر أوكرانيا حرفيا كان حرق الزرع هناك ... ده حتى المحطة النووي ماقفلهاش وبتدي 40% كهرباء وبيسمح لهم يصينوها
وحتى تقارير البيولوجي بيعرضها مابياخدش رد انتقامي على جريمة لو حقيقية أنا لو معايا نووي أضرب بيه

مجرد طريقة تفكير

تحليل أكثر من رائع أخ @مارشال
وعميق جداً و قارئ للمشهد فى صورته الأكبر على مستوى توزيع القوى و إعادة التوازن للعالم بعد الهيمنة الأمريكية
تحياتى

بالفعل يا استاذنا
هو مش مضرور لوحده وكمان حتي الان لم يستخدم كل كروته
اما مرحله الاختراق الاول والمرحله الثانيه من الصراع فيه تقدم شغال برغم خساره معدات من العهد السوفيتي وطريقه تجهيزها
الفانغر لهم دور مهم جدا في هذه الحرب
الكوميديا الامريكيه والبريطانية هتظهر في الاخر للاتحاد وخصوصا المانيا وايطاليا وفرنسا
اوكرانيا بتعاني حرفيا من معامله القوميين المتشددين اكثر من المعاناه من الروس نفسهم
النقطه الاخيره وضع العرب الاخير وايضا اعاده حسابات الهند وباكستان من معادله التحالفات
واظن اجتماع دوره الالعاب الشتويه تم ترتيب الامور وابداء وجهه النظر
بولندا علامه استفهام كبيرة وجورجيا ايضا بالنسبه ليا
وتحياتي لتحليلك العظيم استاذ @مارشال

روسيا تعلن تدمير 3346 مرفقا بالبنية التحتية العسكرية فى أوكرانيا

فرنسا تعتزم استقبال 2500 أوكراني لجأوا إلى مولدافيا