متابعة مستمرة الحرب الروسية الاوكرانيه -متابعة مستمرة

ماريوبول هي أول مدينة كبيرة حاولت القوات الروسية الاستيلاء عليها حيث ان الاستيلاء عليها يوفر للقوات الروسية وحلفاؤها من قوات دونتيسك ولوهانسك ميزة الالتفاف وحصار القوات الاوكرانية المنتشرة في باقي إقليم الدونباس لذا تقاتل القوات الأوكرانية داخل المدينة من شارع الى شارع ومن حي الى اخر ومع ذلك يتقدم الروس داخلها لكنه تقدم بطيىء ومكلف .. ومعركة ماريوبول تعطينا إشارة إلى مدى تكلفة الهجوم على كييف.

خواطر خطافية

برضك الحرب هي نتائج على الأرض وتدوير سياسة مش سلاحي وسلاحك و لوكهيد وميج و IAI
-السلاح الروسي فاشل ... ده رأيك ... مش من عادتي اجبار أحد على تغيير ديانته العسكرية ..!!!
لكن نحط السلاح الروسي الفاشل في المعادلة الأكبر ونحطهم في المعادلةالكبرى
.............................................................................................................................
بوتين مازال يتحدث عن سير الخطة بنجاح ... وبايدن بيتوعد بالمزيد وبدأ يكلم الصين اللي كان طالق عليهم وزير خارجيته بلينكن بتصريحات اللي هو انتوا ساكتين وحددوا موقفكم وانتوا بتساعدوا بوتين ... بالنسبة ليا رد الفعل الصيني كان ممتاز وفعلا مش هلاقي عندي مشكلة إن الصين لو بقت قطب أول في العالم إن اتعايش مع الفكرة دي وتبقى واقعية ... دولة مؤسسات رئيسها ساكت ووزير خارجيتها بيتكلم بورق ... ومفتحش جبهة تايوان رغم إن استفزاز الأمريكان يخليني أطلق الهجوم حالا ... وبالنهاية بايدن لقى نفسه لازم يكلم رئيس الصين في التليفون مباشرة ... اللي معتبر ده مش مأزق لبايدن ... براحته ... بس إن تكلم حد إنته راسم عليه العفة معناها يا إما بقينا في الهوا سواء ... يا بقينا كلنا بلا عفة ... يبقى بوتين بيضرب أوكرانيا وتخسر عفتك في واشنطن ... أنا محتاج أراجع هو فيه Collateral Damage حقيقي في واشنطن بسبب ضربات بوتين في أوكرانيا يستلتزم أكلم رئيس الصين..؟ وكل ده النظام العالمي الغربي بيعصف بكل قوته وضد روسيا ... روسيا اللي هي 630 مليار دولار واقتصاد ثروات تقفل تفتح تفرق ... ومازال الحائز لأكبر احتياطي دولاري وغير دولاري بالعالم يتجاوز الدولة العظمى بالغرب واللي كل يوم بيحقق فائض واللي معاه سلاح نووي وأساطيل بر وبحر وجو وقدرة ضربة عالمية ... لسه القطب ده قاعد في الظل ومبدئيا عارفين هو هينصر كفة مين.
إن كانت أوكرانيا عرقلت روسيا عسكريا بطريقة أكبر مما توقعنا ... فتأثير روسيا على الإقتصاد العالمي كان أكبر بكتير قوي مماهو متوقع لدرجة إن الصين ماحتاجتش تتدخل بشكل كبير للاّن ومؤشرات انهيار الإقتصاد العالمي تتصاعد ... اللي هو الصين مش محتاجه قرارات تاريخية زي تغيير الدولار كعملة ولا التخلي عن مخزون دولاري لضرب امريكا اقتصاديا ... حاجات أقل من كده بكتير محتاجاها الصين لو عاوزه وفي نفس الوقت ماحناش في زمن اللي هو تلاقي الأمريكان حيدوا الصين بالنووي لا أخلاقيا علشان يشيل من دماغه الكابوس ده لأنه لما بيكلم الصين بيكلم دولة بالفعل بقت معاها إيد ميته وتقدر حرفيا بمعايير العلم والبروباجاندا وكل ماهو متضارب إنها توحد النتيجة ... الصين تقدر تخش لحد صراع لإسقاط أقمار صناعية مدارية.

الإنجليز مازالوا يحملون لواء المواجهة للروس ... والفرنسيين انزووا إعلاميا ... ماكرون بيفكر ... أنا لما اكسب انتخابات حتى ويحصل اللي بحبه هعمل ايه برضوا ... مزنوق في مالي ... وبوتين داخل في أوروبا شمال وشعبي انتخبني بس بشعبية أقل وأعدائي كتير ... وبيجري ورا بريطانيا في طموحاتها بس اللهم إن فرنسا اتحاد أوروبي هي فيه دولة غنية بتصرف على شوية فقراء زي أوكرانيا لما تخش كده اتحاد أوروبي ... وألمانيا بتقول يلا نفسي ... فهيبقى الحل المنطقي اللي ممكن يقلب المعادلة هو إن ممكن يخرج هو كمان من تكتل أوروبا ... وطبعا توابع القرار ده مش هيخلص منها بداية من الإقتصاد الفرنسي لحاد سياسات سك العملة لدول افريقية فقيرة واللاجئين وسرقة موارد إفريقيا.

وألمانيا وإيطاليا في وضع لا أمام ولا خلف ... طيب بلاش ... طيب والنبي ... برضك بوتين لسه بيديهم غاز على طريقة البهظ بيه ... مزاجهم هيجيبهم بالطابور ... هو انتوا صدقتوا إنك ممكن تغير خطة اعتمادك على الطاقة ولا في سنين حتى ...؟ تعالى أنا أحن واحد عليك ... شم الغاز بتاعي واتكيف.
الصين تتعامل بطريقة محدش يكلمني ... طريقة الأفلام الأمريكية وتلاقي بطل الفيلم وأقوى شخصياته في الركن المظلم من الحانة بيدخن وهو لما دوره يجي يطلع الملك والفارس والمبارز والمخرج كمان ... الصين بتتعامل بثقافة أمريكية صرفة مع موقف هي فيه قطب محسوب على الشيوعية ومناوئ للغرب اللي إعلاميا عاوز يحتكر الرأسمالية ... الصين فنان كل الأدوار من أول الخلفية الصامتة لحاد ... القوة اللي لو فعلت نفسها هتغير النظام العالمي حرفيا وبشكل درامي قوي.

طيب
بقالنا كام أسبوع حرب والناتو خير ماعمله هو صواريخ م/د و م/ط للأوكران ... وهنا هنتخانق بقى ... 1 2 ... خبراء يلا ... بينا ... ونجيب الفسطاطين
*الأول: روسيا بتخسر كتير ويحيا السلاح الحديث والأبراج المتطايرة الروسية وياه أما ده السلاح الروسي الأصلي أومال ال Barak MX اللي جايبينه هيعمل ايه في SU-30MKA ولا ال Javelin عمل إيه أومال لو Spike بقى هيعمل ايه ... ويا سواد ال S-300PMU2 من شوية Jamming من Sky Shield وده نموذج ياجماعة لأي صراع بين المغرب والجزائر ... ولا السعودية وإيران ... تحس إن عناتيل المجرة كتروا قوي.
*الثاني: لا ده سلاح روسي قديم والفاخر جاي في الاّخر هو إحنا شوفنا SU-35/57 ولا T-90M ولا T-14/15 ولا S-500 ده بص هو بوتين بيخلص من سلاحه القديم والجاي تقيل

هو إحنا بنهري في إيه
*عقيدة الغرب ... حمائية الفرد وعقيدة الشرق عندي منهم كتير ... بالنهاية روسيا بتنفخ أوكرانيا ضرب ... بخسائر روسية كتير ... اّه ... الراجل بوتين مسيطر على شعبه أكتر من سيطرة ملك على مملكته الصغيرة وهو من قبيلة تقريبا متجوزه من كل الشعب ... لأن فيه ايديولوجية العرق السلافي ... المجد الروسي ... عودة الإتحاد السوفيتي ... كل من مات في أوكرانيا شهيد رفاهية والده ووالدته في البيت وهيخش الجنة ... هو بالظبط نفس الحملة الصليبية الأولى ماتجمعت وكان منها حملة الفلاحين اللي السلاجقة أبادوهم لكن بعد انتهاء نفس الحملة كان فيه 3 ممالك صليبية ... عملنا إيه بقى بسحق حملة الفلاحين ... ولا حاجه ... بالعكس لو انته بتتكلم عن العقيدة الثباته أقولك الحملة دي عقيدتها أقوى منك بكتير جدا لدرجة إنها حملة هجوم ومش دفاع عن أرض وعرض وتخسر كل ده في سبيل معتقدهم اللي هيطلع الغفران وصكوكه ولا حلم كل فقير هيبقى عنده في الشرق مزرعة سعيدة.
وهنا لازم أشير لإصرار بوتين عن زج النيونازية في الكلام لتمرير عقيدة الحرب المقدسة لجنوده اللي هو عارف إنهم في توابيت مدرعة بس هيموتوا علشاني وهخسر في ال 100 كيلو دول 20000 واحد بس هاخد 100 كلم ... مش شغلك بقى خسائري كتير ليه ... لأن لو الكلام ده له لازمة كان الجنود انشقوا عن بوتين ... لكن مازالت توابيت الروس تزيد وتزيد ومحدش بيناقش هو بيموت ليه.
دي ثقافات شعوب وحكام مع شعوب وحاجات من سنين السنين ماتدخلهاش في بقائية الفرد في المعركة ودرع الدبابة كام ملم ... هو كفيل يطلق عليك جيش مش لابس حاجه عادي بلاش درع اللي مزعلاك دي.

ماننهي الحوار العقيم ده بكلام نفهمه جميعا
بقالنا أسابيع في الحرب ... ولا الناتو قدم أكتر من الصواريخ م/د و المانباد وعلشان نعرف ده كفاية ولا لأ نقول قدرات الناتو على مساعدة أوكرانيا تبدأ من :
1-تسليح أعلى للأوكران بمنظومات دفاع جوي متوسط عالي الحركة زي SL-AMRAAM مثلا مش لازم MIM-104 Patriot يا أخي
2-دخول قوات الناتو لغرب أوكرانيا أو تواجدها في بولندا وتشكيل مراكز قيادة متقدمة خلاص بقى مواجهة قوات Russia Versus NATO
3-تفعيل الدفاع الجوي للناتو المتوسط فما فوق بال Aegis بال MIM 104 Patriot بإصداراته ولو حتى من داخل بولندا مثلا فهيخلق منطقة AD/AA فوق أوكرانيا من غير ما أعمل حظر طيران خالص وأخش في تعريف No-Fly Zone.
4-عمل حظر طيران بالمقاتلات No Fly Zone as it means specifically

ولا حاجه من دول على الأرض حصلت
طيب ليه

1-الوضع مريح للناتو ... أشك
2-المساعدات البسيطة دي كفيلة بجعل الروس يتوقفون ... وروسيا طلعت أضعف قوي مما نتخيل وال 36 ساعة لإحتلال كييف بقوا 3 أسابيع و ... خسائر ... اّه ... كتير اّه ... بس بيصعد عادي ولا كأنه خسر حاجه ... بس نفتكر كلمة ... مش هو اللي حط Traget اللي هو 48-96 ساعة لسقوط كييف ... هو قالك أنا هنزع عسكرة أوكرانيا بعملية خاصة ... ده بيخش بيت بيت ويخش منشأة البيولوجي وياخد الورق ويفضي الهاردات ويشير على الشبكة وعادي وياخد سلاح غربي من المعونات بعد ما يضرب الأوكران ويجيب ترابيزه ويحط العلم الروسي ويوزع على قوات الدينبر ولا كأنها مسابقة حفظ القراّن وحفلة الجوائر يوم الجمعة بعد العصر ... وتلاقي الجافلين في إيد قوات دونباس ... وكل ده استفزاز عادي ... ياريتك يا ناتو كنت سلحت قوات دونباس بالسلاح ده بدل المنظر الغبي ده ... طيب البروباجاندا دي تمنها كام ... في الغرب ... أفدي الجندي بتاعي بالغالي والرخيص ... في روسيا ... أنا ممكن أخسر 3 رتب لواءات علشان أوصل للحظة ال Orgasm دي وأنا معنديش مشكلة ولواءاتي اللي ماتو معايا منهم كتير واللي ماتوا نفسهم مبسوطين علشان بيموتوا علشان الرفيق بوتين والحياة حلوة... والعسكري الروسي يلاقي لواء يموت قدامه ... وخش في قصيدة الفداء العظيم.
الناتو عاوز يكسر دولة شعبها كده إزاي ..؟ يعني أنا أتخيل الرئيس السيسي يخسر إنتخابات ديموقراطية في مصر ولا أتخيل كده يا إخواني.
3-رئيس أوكرانيا لا يمتلك مؤهلات التعامل كدولة ناتو (راجل بيندب كتير وهيدخل المجره في حرب ويستنجد النهارده ويعتذر بكره ويكلم رئيس وزراء اسرائيل كأنه يهودي ولو كلم بشار هيقلب نفسه فرد بعثي ... للأسف جزأ من شعبه شايفه بطل شعبي بس هو مودي شعبه في داهية ... الثبات في المعارك بطولة بس لما يكون وراك حاجه تثبت قدامها علشان ماتتهدمش وتفديها ... أعمل إيه بثباتك البطولي وكل عمارة 5 أدوار في أوكرانيا بقت بدروم وياريت بوتين رجع لورا وارتدع ... ألا قاعد بينفض في دولتك براجمات الصواريخ على كل عيار ) وأنا كناتو مش هخش حرب مع روسيا علشان المهرج ده ... هو ممكن مزنوق فعلا .. بس حتى لو اتزنق ... قيادة ناتو بتساوي ثبات انفعالي وماتستنزفش طاقتي في صدام مع روسيا لأن الصين ورا محركتش ماسورة بندقية لسه والموضوع مرتبط بيا كناتو مش أحلامه كزيلينسكي.

من الواضح إن بوتين استعد (مش هقول جيدا ) ولكن قدر يجهز لفترة تجويع كبيرة لبلاده فشعبيا لسه ماسك بلاده وللاّن العقوبات على الأرض هي ظل ارقام (العادي إن الماّسي جاية ورا) بس مين عارف (ممكن يحصل تفاهم استراتيجي مع الناتو) ولا كأن ده حصل ومحدش هيفكر يقوله هخرجك من النظام العالمي تاني ويرجع ابراموفيتش ياخد تشيلسي بس نص أوكرانيا انضم لروسيا مش القرم والدونباس بس ... ده لو وقفت الأمور على كده وبوتين ومضمش كل أوكرانيا.
اللي يهمني للاّن التركيع الإقتصادي مش فارق معاه ولسه بيكمل عادي بالعكس بدأ يضرب على حدود غرب أوكرانيا اللي هو معاه يعاند بزيادة ويعصر عليك ... بيقول للناتو ماتجولي سكة ونخلص ... الراجل يعني قمة الإستفزاز ... ونقول اصله منهار من الخسائر ... طيبين قوي إنتم يا خال.
الراجل ليندسي جراهام بتاع أمريكا كلامه صح ... كل ده ممكن يقف بتمن رصاصة واحدة لو كانت في صدر بوتين غير كده ... معاكم ربنا

الأمريكان راحوا يكلموا الصين ... كان تراشق قبل كده ... واضح إن الموضوع لم يسير كما اراد بايدن وشكل مشاكله بدأت تحركه حيث كان لا يريد

بوتين بيتكلم عن فتح ممر لماريوبول علشان القوميين يهربوا منه
.................................................................

نشد خط وسيجارتنا في بقنا

ألف مبروك يا جماعة ... هدف بوتين اتغير من نزع عسكرة أوكرانيا لضرب كل ماهو عسكري + تغيير ديموجرافي في الدونباس وماريوبول وههجر القوميين
خلاص ... هو بيجهز لشرق أوكرانيا روسي عالإستفتاء يبقى اخترناك اخترناك
إن الحيوان بتاع أوكرانيا يفهم إنه بيتاكل حرفيا وبطريقة قطمة ورا قطمة.
ولو الناتو كان فيه الخير كان ظهر من زمان ألا هو زيلينسكي مش قادر يفهم إنه بالنسبة للغرب مش دولة ناتو فرز أول
اللي أحن عليه أوروبا بس دول زي الحامل في الشهر التاسع يارب تعرف تصوت ويارب تعرف تولد وجعها مش بتاعها.

أنا عاوز أقول إيه
-أنا خسرت دبابة T-90 وطيارة SU-34 واتمسح بمدرعاتي الأرض ... ماشي ... أناموافق ... بس في السلاح الحاجات دي فعلا اتعملت علشان لو ماكسبتش بيها هي هتبقى خسائري ... ماهو السياسة أم الحرب مش العكس
خسرت سلاح كتير ... اّه
بس
-أسابيع الناتو مش عارف يعمل أكتر من اللي عمله أو مش عاوز كمان
-أسابيع بنفض أوكرانيا نفضة السجادة عالسلم
-محدش عارف يوقف بوتين ولا حتى رفع حالة طوارئ نووية في الناتو ولا حشد جيش

القصد ونقول مثل نفهمه
مصر خسرت كتير قوي في تطوير الهجوم في أكتوبر 1973 وكان السادات غلطان في قراره لكن كان عاوز يشيل ثقل الجبهة عن سوريا لأن بعدين أنا محتاج جبهة سورية شغالة مش مقفولة
الحرب بدات 6 أكتوبر بجبهتين
في 13 أكتوبر جبهتي بتتثبت وبيشتغلوا على سوريا بضرب مبرح
في نهاية أكتوبر جبهة سوريا هتهدى ويبقى الحمل العسكري كله عليا واحسب اقتصادك في سلاحك في أمد المعركة + تعامل كل حليف دولي عظيم مع دولته طرف الصراع
لكن هطور الهجوم علشان كل ده مايحصلش وجبهة سوريا تتنيها مفتوحة ولو على أقل تقدير اسمنا جبهتين مفتوحين
خسرنا إيه فيها
لواء مدرع بمعدل تدمير قياسي ... اّه
الثغرة المعاكسة وحصار الجيش الثالث .. اّه
بس كان فيه عملية نيكل جراس وقصص مش مكانها

بالنهاية وبعد كل هذه الخسائر
سيناء كاملة معايا (ومش هكذب عليك .. وجودي فيها بقى بتفاهمات جديدة ووضع جديد بس أنا على أرضي 100%)
وتلاقي اللي يشتم في السادات وخسائرك يقولك ده نصر منقوص (يعني عاوز أقوله إنته مش محرر القدس في بيتك .. ويارب انته من غير حرب مع إسرائيل تكون فعليا ماسك أرضك 100%)

القصد
السلاح عمل إيه
هنقول بيراقدار وتاو ولاو وستينجر
ماشي
بس أسابيع لسه الروس بيصعدوا وبيضربوا وبينفض أوكرانيا كورنر كورنر
افرح بقى بالبيراقدار


فهمتوني ..؟

فبما أننا شباب ربنا أعطاهم نعمة يتكلموا في الصراع العسكري وإحنا مدنيين أنا أعذر كل من يلخص الصراع في دبابتي ودبابتك
لكن الحقيقة وعن نفسي أنا سلوك بوتين خلاني أنظر لزيلينسكي وده رئيس دولة ... من كلام إنه مهرج لمرحلة عقلانية وإنه بطل شعبي لدولته لمرحلة إني أحلف حاليا إنه رهان خاسر وفاشل
طيب أنا مين
أنا واحد مكمل تعليم جامعي يعني عندي قدره أقرا وأكتب وأفكر ... وأنا مين ... أنا واحد منكم يعني نسبة من المجتمع
فيه زيي كتير تفكيرهم بقى كده وناس تفكيرها بقى العكس
فبدبابته اللي طارت وطيارته اللي وقعت هو شكل عندي رأي رغم لا هو ضرب عليا طلقة ولا أنا ضربت دبابته
فيه مني في مصر كتير اّه وفي أمريكا كتير ونطلع بالScale من أول هاوي زي حالاتي لواحد مسئول في موقع قيادي غربي أو صانع قرار

الحرب = دبابة + طيارة والناتج ... وضع سياسي
لو حققه بخسائر كتير .. ايه المشكلة
زعلان على خسائره ... أقولك شعبه مستكيف كده وقادر يموت بسهولة علشانه وبدل الواحد 1000
دولة تانية تعمل كده من غير الخسائر دي كلها

المهم ... بعد أسابيع من العقوبات هو مستمر بينفذ مخططه ... وعادي هو كان حاطط يومين بقوا اسبوعين ... ماشي أديني شغال
كمان 6 شهور وعلى قوته الصناعية
بدل فرقة المدرعات اللي خسرها هيجمع دبابات جيش كامل مش فرقة بس كتعويض

القصد
لو سلاح غربي حديث + وعي شعبي وعقيدة شرقية من حيث الولاء ... المغرب تاخد الجزائر وليبيا وتونس
لو سلاح شرقي تقيل من غير عقيدة شعبية = ولا أي حاجه
طيب لو بين ده وده
ساعتها الحسبة مش F-15 قدام S-300PMU2 ... الموضوع فيه متغيرات كتير قوي
واللي مش شايفها بيحكم - برأيي - غلط

تحياتي
رغيت كتير قوي وصدعتكم بس حبيت أفرد دماغي وسطكم واسمع أخطائي قبل أي حاجه
كل سنة وشعب منتدانا الطيب المحترم بخير

ملحوظة
بعد الخلاف بينا أنا واثق من شيئ ... إن أكتر حد أنا مختلف معاه هيقولي صباح الفل وأنا هقله صباح الورد
فكرة إن أسرة وكلنا بنسمع بعض من غير حزق ... فكرة رائعة جدا
وتعجبني

مارشال قال:

فبما أننا شباب ربنا أعطاهم نعمة يتكلموا في الصراع العسكري وإحنا مدنيين أنا أعذر كل من يلخص الصراع في دبابتي ودبابتك
لكن الحقيقة وعن نفسي أنا سلوك بوتين خلاني أنظر لزيلينسكي وده رئيس دولة ... من كلام إنه مهرج لمرحلة عقلانية وإنه بطل شعبي لدولته لمرحلة إني أحلف حاليا إنه رهان خاسر وفاشل
طيب أنا مين
أنا واحد مكمل تعليم جامعي يعني عندي قدره أقرا وأكتب وأفكر ... وأنا مين ... أنا واحد منكم يعني نسبة من المجتمع
فيه زيي كتير تفكيرهم بقى كده وناس تفكيرها بقى العكس
فبدبابته اللي طارت وطيارته اللي وقعت هو شكل عندي رأي رغم لا هو ضرب عليا طلقة ولا أنا ضربت دبابته
فيه مني في مصر كتير اّه وفي أمريكا كتير ونطلع بالScale من أول هاوي زي حالاتي لواحد مسئول في موقع قيادي غربي أو صانع قرار

الحرب = دبابة + طيارة والناتج ... وضع سياسي
لو حققه بخسائر كتير .. ايه المشكلة
زعلان على خسائره ... أقولك شعبه مستكيف كده وقادر يموت بسهولة علشانه وبدل الواحد 1000
دولة تانية تعمل كده من غير الخسائر دي كلها

المهم ... بعد أسابيع من العقوبات هو مستمر بينفذ مخططه ... وعادي هو كان حاطط يومين بقوا اسبوعين ... ماشي أديني شغال
كمان 6 شهور وعلى قوته الصناعية
بدل فرقة المدرعات اللي خسرها هيجمع دبابات جيش كامل مش فرقة بس كتعويض

القصد
لو سلاح غربي حديث + وعي شعبي وعقيدة شرقية من حيث الولاء ... المغرب تاخد الجزائر وليبيا وتونس
لو سلاح شرقي تقيل من غير عقيدة شعبية = ولا أي حاجه
طيب لو بين ده وده
ساعتها الحسبة مش F-15 قدام S-300PMU2 ... الموضوع فيه متغيرات كتير قوي
واللي مش شايفها بيحكم - برأيي - غلط

تحياتي
رغيت كتير قوي وصدعتكم بس حبيت أفرد دماغي وسطكم واسمع أخطائي قبل أي حاجه
كل سنة وشعب منتدانا الطيب المحترم بخير

ملحوظة
بعد الخلاف بينا أنا واثق من شيئ ... إن أكتر حد أنا مختلف معاه هيقولي صباح الفل وأنا هقله صباح الورد
فكرة إن أسرة وكلنا بنسمع بعض من غير حزق ... فكرة رائعة جدا
وتعجبني

أنقر للتوسيع...

طب بما انك فتحت باب المناقشه حضرتك العقيده الشرقيه مختلفه تماما عن العقيده الغربيه وده شفناه علي مسرح العمليات جميع حروب امربكا بتحالف عسكري من دول كثيره الا خرب فيتنام ودي اتفشخو فيها حرفيا لحد ضربها باسلحه كيميائية
روسا برغم الخساير الي بتظهر الا انها حتي الان تستخدم مخزون ضخم من المعدات التي ورثتها من الاتحاد السوفييتي وده شفته بصور لمعدات كثيره حتي الان
طب نقطه تانيه مش مفهومه ايضا لماذا حتي الان روسيا لم تحرك انظمه دفاعتها علي الساحل الاوكراني من القرم ولماذا حتي الان لم تعلن عن حظر جوي بكل اوكرانيا
ليه الاعلام الغربي والاوكراني وبعض العرب بيطبلو كتير جدا من شان اوكرانيا حتي لو انهم ليس لهم مصالح مع الدولتين هل ذلك انبطاح للغرب عكس السياسه العربيه تجاه الحرب
وبعدين حضرتك فضفض براحتك ده ياريت حد يفهمنا الوضع لان انا مش بتابع غير علي تلجرام الان ومعرفش احلل الوضع علي الارض كويس تحياتي لحضرتك