طب بما انك فتحت باب المناقشه حضرتك العقيده الشرقيه مختلفه تماما عن العقيده الغربيه وده شفناه علي مسرح العمليات جميع حروب امربكا بتحالف عسكري من دول كثيره الا خرب فيتنام ودي اتفشخو فيها حرفيا لحد ضربها باسلحه كيميائية
روسا برغم الخساير الي بتظهر الا انها حتي الان تستخدم مخزون ضخم من المعدات التي ورثتها من الاتحاد السوفييتي وده شفته بصور لمعدات كثيره حتي الان
طب نقطه تانيه مش مفهومه ايضا لماذا حتي الان روسيا لم تحرك انظمه دفاعتها علي الساحل الاوكراني من القرم ولماذا حتي الان لم تعلن عن حظر جوي بكل اوكرانيا
ليه الاعلام الغربي والاوكراني وبعض العرب بيطبلو كتير جدا من شان اوكرانيا حتي لو انهم ليس لهم مصالح مع الدولتين هل ذلك انبطاح للغرب عكس السياسه العربيه تجاه الحرب
وبعدين حضرتك فضفض براحتك ده ياريت حد يفهمنا الوضع لان انا مش بتابع غير علي تلجرام الان ومعرفش احلل الوضع علي الارض كويس تحياتي لحضرتك
بالظبط إحنا بنتكلم عن عقائد عسكرية مختلفة
بس العسكرية جزأ من السياسة
أمريكا احتلت العراق وخرجت من فييتنام
روسيا بتضرب أوكرانيا لكن خرجت من أفغانستان ... وجروزني اللي الروس شافوا فيها ماّسي سنة 1996 قواتها بيحاربوا وكأنهم لواء روسي مجوقل
أنا كسبت إيه
طيب نيجي لنقطة تانية
الحرب العالمية انتهت لو بصينا لتطور سلاح الغواصات من هجمات U-Boat لدلوقتي بنتكلم عن ردع صاروخي من تحت الماء للطوربيدات المسيرة هنلاقي إن الإستراتيجيات القتالية والتسليحية والصناعية اتغيرت
بس هل ده يمنع إن دولة عظمى ممكن تتهزم في حرب لا تماثلية أو ضد ميليشيات .... اّه
هو مش هتتهزم بس مش هتكسب بسهولة وبعدين لما الدنيا تعطل تخش فقرة ال Superweapon
مش شرط يكون ال Superweapon ده نووي ... ممكن يكون ببساطة هو التخلي عن مبدأ الحرب بدون خسائر جانبية Collateral damage يعني الضربات الدقيقة والتحول لمعاقبة شعب كامل بـ Full Scale war لا تستثني مدني أو عسكري وهنا بنقول أرض محروقة
هل ممكن روسيا تستخدم الأسلوب ده في أوكرانيا ... اّه ... ليه ... لأنها تجاوزت المحددات السياسية دوليا .. لكن عسكريا إحنا بنتكلم عن 4000 مقاتلة وقاذفة و10000 دبابة وطالع وكمية ذخائر لا تعد ولا تحصى
بالنهاية هي لو خدت أوكرانيا ... زي ما أمريكا خدت العراق
ولا تحدثني عن B-52/B-2 هو بالنهاية احتل دولة
بالعكس الوضع الروسي أصعب بناء على موجودات تسليح أوكرانيا وكن ضربات روسيا لم تسبقها عقوبات دولية على أوكرانيا ومبدأ الفصل السابع
أوكرانيا جبهة قريبة للروس لكن خلفها مباشرة الناتو
وبالنهاية قوة روسيا مش مجال للمناوشات ... الموضوع مش حداثة سلاح ... هو سياسيا قادر يضرب كل يوم لمدة 3 أسابيع رغما عن الموقف الدولي فكده كده هو عارف إنه هينتصر ولو كان صورة النصر رماد فوقه العلم الروسي
وبالتالي هو معندهوش مشكلة في الحسم ... مش هيضرب يومين تلاته علشان الإحتجاجات ... لا هو داخل على شهر اهوه وبيستعرض بموجات ضرب تعلى وتنزل بمزاجه ... مش مستعجل على عسكرة بحر قزوين مش مستعجل عن حظر طيران في أوكرانيا
بوتين فاهم كده
طيب إمتى يسلك النهج الحاسم ... لو عدوه بدأ يلوح باللي هو بوتين يقلق منه وهو الناتو نفسه
غير كده هو بيلعب ماتش بوكس بالنقط
طيب دخل الملاكم التالت الحلبة ... يقوم يدي القاضية ويبدأ ينازل الجديد
ليه
لأن بوتين هدفه مش أوكرانيا بس ... هو أقل مكسب عاوزه تغيير نمط التعامل العالمي ... مش كل واحد يستفزني بـ CAASTA فكده كده طالما الشر حصل فليكن الشر كله
أما عن العرب فالقصة في الحكام غير المنتديات
السعودية لم تعوض أزمة البترول ولا الإمارات وده نهج مناوئ للأمريكان عكس رغبة زملاءنا أعضاء المنتديات
عضويات المنتديات بتبقى زي قبائل أو فسطاط
السعوديين مع المغاربة والمغاربة ضد الجزائر يبقى السعودية ضد الجزائر ويدخل بشار يحسبه على الجزائر وده يشيطن ده عالكيبورد
فإسرائيل اللي كانت حرام بقت حلال ونص إسرائيل مغاربة وكأنها ولاية طنجة والسعوديين رغم قدسية البلد بقى يمشي في قصة اللي تغلب به إلعب به ... وكل ده لعب كيبورد
لكن روسيا الضعيفة عالمنتديات مازال حكامنا يسايرون خططها بمواءمات ولو منها لسه البترول قافل