https://www.facebook.com/
مصر Egypt
on Tuesday
بقلم محمد خالد
👈لو عايز تفهم اللي بيحصل في العالم تعالى نبدأ مع بعض من البداية
🔸• زمان أيام مبارك ليه الأسعار ماكانتش غالية زي دلوقتي ؟!
ده لأن زمان كنا سوق شبه منغلق، دولة بتعتمد على الاستيراد ومافيش تصدير
دولة بتاخد قروض واعانات بفوايد، وتضيفها في المركزي كغطاء لسعر الجنية
👈فأنت مش حاسس بالفرق في سعر الدولار، وبتحط دعم على كل شيء
🔸وكل ده بيتراكم على أجيال كتير جاية، وبيظلم أجيال كتير حالية لمجرد الحفاظ على الكرسي
🔸• جه " الخريف العربي " واللعبة اللي اتعملت على الدول العربية بهدف اسقاطها واسقاط جيوشها
لكن الدولة المصرية شافت اللعبة من بدري وعرفت تديرها لصالحها وحافظنا على وطننا
في ظل إن أغلب الدول وقعت من حوالينا، وفيه لسه دول بتدور في فلك إنها تقوم من تاني
🔸• جه الرئيس السيسي وقال علشان نبني البلد دي لازم نتعاون، وهيكون فيه إجراءات صعبة هتتخذها الدولة و وافقنا
🔸• كان أول اجراء علشان الدولة دي تقوم إننا نعوم الجنية المصري
يعني ايه تعويم الجنية المصري، يعني اتاحته للسوق العالمي بناءاً على العرض والطلب
وده بيتطلب حزمة من الاجراءات الصعبة، أولها كده رفع الدعم عن المواد الاستراتيجية
🔸• هنا هيحصل صدمة كبيرة من تعويم الجنية لأنه أنت بتكشف عنه الغطاء
اللي بيخليه يظهر سعر العملة المحلية الحقيقي والفرق بينه وبين اللي في السوق العالمي
كده فيه طبقات كتيرة هتعاني خاصة الفقراء ومحدودي الدخل
هنا كانت الدولة لازم تدّخل ببرامج حماية ومظلة اجتماعية تأمن الناس دي
👌ومن هنا جت برامج " تكافل و كرامة " وغيرها من المبادرات زي مية مليون صحة
🔸• ومع البرامج دي كان لازم الدولة تقوم ببرامج أخرى لمواكبة السوق العالمي خاصة إننا " سوق ناشئ " لازم نجذب الاستثمار
أولاً. كان لازم نصلح البنية التحتية اللي بتسرع عجلة التجارة والصناعة وسهولة نقل البضائع
🔸ثانياً. ده هيزود عمالة ويشغل ناس بسيطة كتير ويفتح بيوت أكتر
🔸ثالثاً. هيجذب استثمارات ومستثمرين لأننا زي ماقلنا سوق ناشئ
🔸رابعاً. لازم تزرع ويبقى عندك اكتفاء ذاتي من السلع الأساسية زي القمح والسكر والخضروات، ومزارع سمكية وغيره
وده الحمد لله اقتربنا من تنفيذه ..
🔸خامساً. بقى وأخيراً لازم تكوم مُصنع ومصدّر علشان تقدر تجيب عملة صعبة لبلدك
تكفي النقد الاحتياطي، لشراء احتياجاتك من السوق الخارجي
👈• طيب ايه أهمية الكلام اللي فات ده كله بزيادة الأسعار اللي بنتعرض ليها دي؟!
هقولك زي ما اتفقنا إحنا مابقناش سوق مغلق، وبقينا سوق منفتح على العالم
🔸فاللي بيحصل في أي مكان لازم يأثر ويسّمع عندك في دولتك وحسب استعداد كل دولة لكل شيء
👈• في 2019 جت أزمة كورونا وحصل معاها إغلاق تام لكل الدول والشركات والمصانع
توقفت حركة التجارة والصناعة تماماً، وتوقف العمل وكل شيء تقريباً في الحياة
واللي كان بيشتري حاجة مسك على الفلوس اللي معاه لأنه مش عارف العالم مخبي ايه
طيب هل إحنا توقفنا في مصر ؟! .. هقولك لأ فضلنا مكملين شغل مع الأخذ بالإجراءات الاحترازية
ده لأننا سوق أغلبه قطاع غير حكومي
🔸• بعد سنتين من الأزمة وإيجاد اللقاح، بدأ العالم واحدة واحدة يتعافى ويرجع يفتح
هنا بقى حصلت الأزمة .. حصل زيادة في الطلبات وبالتالي زيادة في الضغط على الشحن
وقلة في نقص الموارد وسلاسل الإمداد العالمية، لأن المصانع العالمية كانت مقفولة
وده أدى بالتبعية إلى موجة تضحم عالمية على إثر الأزمة الأولى
🔸• يدوب لسه العالم بيشم نفسه جت روسيا دخلت أوكرانيا، وبدأت أمريكا والإتحاد الأوروبي فرض العقوبات الاقتصادية
تقوم روسيا تسكت ؟! .. لأ طبعاً، روسيا و أوكرانيا تعتبر من الدول الأولى عالمياً المُصدرة للطاقة والغذاء
👈بالتالي يحصل أزمة في الإمدادات، وخنق الدول بالطاقة فتلاقي الأسعار رفعت في الطاقة والغذاء بشكل جنوني
ومن وراها موجة تضخمية هايلة في العالم، ما إحنا قولنا أنت مش بعيد، واللي بيحصل هناك هيأثر هنا
🔸• طيب العالم يعمل ايه علشان يمتص آثار موجة التضخم دي ؟!
الفيدرالي الأمريكي رفع سعر الفايدة أكتر من مرة علشان يقدر يخلي الناس تحط فلوسها في البنوك
وده يقلل من قدرة الشراء، وتباعاً ينزل سعر المنتج
ده غير إنه طبع عملات كتير أيام أزمة كورونا ودي لوحدها بتخلق أزمة اقتصادية
🔸طيب هل ده حصل في أمريكا لوحدها ؟! .. لأ العالم ودول كبيرة بدأت تاخد نفس الخطوة علشان تكمل وتقاوم
👌• نرجع بقى للأسواق الناشئة .. أنت كدولة كان لازم تتخذ نفس الإجراء حفاظاً على سعر العملة
وتحط حماية زيادة علشان الفقراء مايحسوش بالزيادات الجنونية دي
وكمان تحط حزمة إجراءات محفزة للحفاظ على المستثمرين قبل هروبهم من السوق بسبب اضطرابه
ولأننا نقدر نقول إننا شبه عندنا قدر كافي من السلع في السوق ومافيش ندرة
فده مخلينا حاسين بالتضخم، بس مش بالشكل اللي المفروض يكون عليه وهو أكبر وأقوى من كده
🔸• بعد كل ده سعر الدولار هيفضل مضطرب صعوداً وهبوطاً لحد لما الأزمة تنتهي أو السوق العالمي يستقر
🔸• الزيادة علينا كلنا، وكلنا متأثرين مافيش حد متأثر وغيره لأ
🔸• طيب ايه اللي المفروض نعمله دلوقتي ؟!
المفروض نقلل استهلاكنا، ونشتري الضروري فقط، وبكده مش هيكون فيه قوة شرائية
فتبدأ الأسعار تهدأ ويمكن تنزل تدريجياً، نوَّع مصادر الشراء
بمعنى لو بتجيب منتج بكواليتي وسعر معين، تغير البائع أو التاجر وتشوف نفس الجودة بسعر أقل
🔸• وإلى أن نمر من الأزمة بأمان أتمنى نكون كلنا ايد واحدة بنساعد بعض ماحدش يقول يالا نفسي وبس!
#حفظ_الله_الشعب
#حفظ_الله_الوطن
#تحيا_مصر 🇪🇬