والله ما الكبار ولا اي حاجة انا اعرف ناس معرفة شخصية باعوا عربيتهم الشخصية واشتروا بها دولارات.....وتقولي الكبار بس
ربنا يديك الصحة ويبارك فيك يا استاذنا.....وان شاء الله الامور تتحسن
انا هزيد حضرتك من الشعر بيت وهقول لك ان موضوع ان الدولار مع الكبار بس ده من وحي خيال مؤلفه مش اكتر لان من 2022 وانا اعرف ناس بتاجر شباب صغيرين جدا فعلى سبيل المثال في اواخر 2022 لما كان بحوالي 22 او 24 في البنك كانت عرض علي اني ابعت فلوس لمصر عن طريق العملات الالكترونيه بسعر بيوصل ل 30 جنيه للدولار وبعد كده احول الفلوس دي عن طريق وسيط بيستخدم سواء ائتمان او حاجات زي الباي بال علشان يبعت الفلوس وكانت بتكون في حدود 200 دولار او حاجه زي كده على ما اتذكر في اليوم وكانت بتتباع عن طريق فودافون كاش وطرق تانيه ففكره ان العدد او الكم من الناس اللي بيتاجروا فيها محدود دي مش حقيقه ولحد النهارده الناس دي بتاجر في العمله وشايفينها سبوبه او بالبلدي كده نحتايه مش اكتر. حضرتك ممكن تدخل على اي موقع لتبادل العملات الالكترونيه وهتشوف ده بنفسك
متفق معاك وبشدة.....وده رايي انا كمان لكن سبحان الله تاخر مبارك في ارضاء الشارع عجل بنهياته
تسلم يا استاذي على هذه المعلومات وللاسف الشديد البعض لا يعرف خطورة ما يفعله لانه على المدى البعيد سيتاثر كما يتاثر حاليا اهله
بص موضوع يناير يطول الشرح والكلام فيه واختلف مع تحليلك السابق فى مضمونه وجوهره اه حصل تحريف وانقضاض على مطالب الشعب حصل وبشكل منظم
مشكلة بعض الناس انهم مابيعرفوش يفرقوا بين السبب والنتيجه وبين عامل مستقل وعامل تابع
في النهاية هناك من اصبح بيعتبر الجنيه والدولار سلعة واللوم اصبح عليه ايضا لانه بيساعد في تفاقم المشكلة بجشعه
وانا متفق معك ان هذا الموضوع شائك وستجد فيه الكثير من الاراء لكن ما اصبح واقع انه بالفعل الشعب اتضحك عليه وللاسف ساهم في رجوع البلد خطوات كثيرة للخلف
يا استاذنا الفاضل مش فى مصر بس الطبيعة الانسانيه حتى المانيا مثلا فى اسباب التضخم اللى صاحب الكساد لما الناس تكالبت على المنتجات عشان خوفها من تفاقم الاسعار ادى لمزيد من التضخم لكن مين السبب اللى خلا الناس تجرى وتحاول تحافظ على فلوسها من الانخفاض ده اتجاه بعض الناس اللى معاه مدخرات لكن اللى بيضارب بيبقى معاه ملايين وجود جزء من الطلب من بعض الفئات بيساعد اه فى زيادتها لكن مساهمته فيها مش هى الاساسى المعتبر
الاسباب كثيرة وان ذكرتها لك لن تعجبك
......لكن من ضمن الاسباب الرئيسية خروج اكثر من 30 مليار دولار من الدولة نتيجة رفع الفيدرالي الامريكي للفائدة بعد حرب روسيا واكرانيا وسط اتباع امريكا سياسة الحرب الاقتصادية ضد روسيا وللاسف الاقتصاديات النامية تاثرت بها ونحن من ضمن هذه الاقتصاديات ده غير تصرفات بعض المصريين في المتاجرة كما ذكرت سابقا بالجنيه امام الدولارايوه الاموال الساخنه واللى كلنا عارفين ان الفيدرالى هيرفع الفايده قبلها سنه كمان لانها عمليه اتعملت قبل كده مش اول مره لكن اعتمادنا عليها هو اللى غلط وكانت الحكومه مسئوله عنه وتوجيه الاموال قصيرة الاجل كانت غلط ووزير الماليه اعترف بخطأه فى الاعتماد عليها ورغم ان سياسات الحكومه دايما بتسعى للائتمان على الاموال الساخنه بردوا وكانوا فى انتظار تخفيض الفيدرالى للفايده فى مارس القادم لكن التوقعات المستقبليه بتقول احتمال فى مايو وده كان احد استراتيجيات الحكومه اللى كانت بتامل انها تحل بيها مشكلة سعر الصرف من خلال اقتراض لاموال صناديق استثمار البنوك الامريكيه والافراد يعنى بردوا نفس الاتجاه
لا باختلف معك يا استاذي ما فيش حد كان متوقع ان الفيدرالي الامريكي هيرفع الفايدة.....رفع الفايدة حصل بعد الحرب الروسية الاوكرانية واعتقد مفيش حد كان يقدر يتوقع ان في حرب هتحصل
انا ماعرفش رابطك مسالة رفع الفايده الامريكيه بحرب اوكرانيا ايه اسبابه
طول عمر امريكا بتطبع دولارات بدون تغطية اصولية لها فمش جديدة يعني يا استاذي......لكن التوقيت فعلا كان بعد الحرب مع روسيا وسط الانكماش الاقتصادي العالمي اللي كان بدات تظهر معالمه في اوربا
الان الحكومة لابد ان تدخل وتقوم بالشراء كتاجر جملة رءيسى فى البلد
صعب اوي يا استاذي.....انت كدا هتعطي انطباع للخارج بان مصر رجعت الى عصر الاشتراكية مرة اخرى
