انت راجل محترم وهرد عليك بشكل مباشر انا اتسالت نفس السؤال ده من ناس فى المنتدى التانى وكان ده ردى ان الموضوع والتصريحات متخدش اكتر من حجمها لانى فى العاده مش بحب البروبجندا السياسية
هوا بيعمل كده ليه واحد علشان ياخد لقطة سياسية اتنين علشان يحسن موقفه التفاوضي بالتالى الصندوق يسرع فى المراجعة زى كده لما تدخل بنك وتقعد تزعق فا يخدوك لمكتب حد مسؤول علشان متعملش دوشه لهم وتخوف بقيت العملاء😂 السيسي حاليا محتاس مش عارف يعمل ايه داس على الشعب لأخر قدرة على تحمله والوضع مقلق حتى داخل أجهزة صنع القرار وده مش سر على حد أوضاع الشارع واضحة وكان كل الوعود ان نهاية البرنامج الاقتصادي 2025 ويبدأ جنى الثمار لحد 2030 خلاص 2025 على الباب و كل حاجة عملها فشلت ومفيش ارباح بتدخل بالعكس متوقع تراجع الناتج المحلى العام ده هنشوف الدنيا رايحه لفين
تمام طيب ما شاء الله ، رايي محترم مفصل و نقدر نتناقش فيه عادي
اولا موضوع اخد اللقطة ده طبيعي في عالم السياسة و لكني مبحبوش و لو قريت تعليقاتي من البداية هتلاقي أن ده موجود
ثانيا مختلف معاك في حتة محتاس ده لانه وضعه حاليا افضل من أزل السنة الدولار متزفر و السلع متوفرة و لكن غالية و دولاب العمل يدور بشكل كامل الحمد لله من مصانع و تجارة و ربنا يكملها بالتستر
جزئية التفاوض ده اوافق حضرتك فيها
الاقتصاد المصري حتي 2020 أداءه كان جيد جدا
مع الأزمات اللي واجهينها مع سوء الإدارة خصوصا ملف العملة و الأموال الساخنه و توازن الإنفاق التنموي واحهينا 4 سنوات من الفشل و التعثر الشديد
فاحنا أمام نجاح إقتصادي قوي في الفترة الأولى و إخفاق شديد في المرحلة التالية
و لكن لم ننجح في بناء اقتصاد انتاجي قوي و صلب
تراجع الناتج القومي للأسف طبيعي مع انخفاض العملة من 30 الي 50
و للعلم لو الأزمات و الكوارث التي مرت علي العالم خلال السنوات الماضية لم تحدث اقتصاد مصر كان تخطي ال 700 مليار دولار
تحياتي لك