الوزير سامح شكري يلتقي نظيره الأمريكي أنتوني بلينكن

MaD84 · 17 أبريل 2022

خلينا واقعين ... الخليج اقوى من مصر و مصر مازالت معتمدة على الكم لأن الكيف غير متاح و لما بنجيبوا بنجيبوا علشان يغطى الثغرات مش اكتر .

بخصوص إسرائيل الكم هو اللى هيسد علشان فرق تعويض الخسائر ... كان فيه تقرير إحالة نشوء حرب بين مصر و اسرائيل ... مصر هتنتصر لكن هتخسر سلاح كتير و اسرائيل هتخسر بشكل أقل فالسلاح لكن الكم هيخلى عندك جيش محترم فنهاية الحرب

𓈙𓉔𓏲𓎡𓂋𓏭 · 17 أبريل 2022

MaD84 قال:
خلينا واقعين ... الخليج اقوى من مصر

طب ليه الخليج محتاج مصر في المواجهة مع اليمن؟
وليه طلب مساعدتها ف اليمن؟

ولو هو كفيل بايران..ليه بيدفع كل دا لمصر؟ ماهو لو من غير مقابل يبقوا مغفلين لان مفيش حاطجة ايمها عروبة والكلام الحمصي دا غير في التلفزيون

MaD84 · 17 أبريل 2022

Shokry قال:
طب ليه الخليج محتاج مصر في المواجهة مع اليمن؟
وليه طلب مساعدتها ف اليمن؟

ولو هو كفيل بايران..ليه بيدفع كل دا لمصر؟ ماهو لو من غير مقابل يبقوا مغفلين لان مفيش حاطجة ايمها عروبة والكلام الحمصي دا غير في التلفزيون

الخليج ماشى بالفكر الغربى و هو الحفاظ على الفرد المقاتل و دة بيخليهم ماشين بمدا الكيف عكس مصر تقدر تستحمل خسائر بشرية مثلها مثل إيران بالظبط ... دة غير أن الحرب العراقية الإيرانية أثبتت قدرة المقاتل المصرى فى موجهة إيران عكس الخليج كله اللى فشل فدة بالكيف

𓈙𓉔𓏲𓎡𓂋𓏭 · 17 أبريل 2022

MaD84 قال:
الخليج ماشى بالفكر الغربى و هو الحفاظ على الفرد المقاتل و دة بيخليهم ماشين بمدا الكيف عكس مصر تقدر تستحمل خسائر بشرية مثلها مثل إيران بالظبط ... دة غير أن الحرب العراقية الإيرانية أثبتت قدرة المقاتل المصرى فى موجهة إيران عكس الخليج كله اللى فشل فدة بالكيف

طب في المجمل ازاي الخليج اقوى من مصر حسب كلامك اللي انت ناقضته دلوقتي؟

MaD84 · 17 أبريل 2022

Shokry قال:
طب في المجمل ازاي الخليج اقوى من مصر حسب كلامك اللي انت ناقضته دلوقتي؟

انا مناقتضوش و لا حاجة .. مش معنى أنى بقول أن الخليج اقوى فدة معناه أنها تقدر تنتصر على إيران
بلاش هديك مثال تانى...
امريكا و الصين مين اقوى؟

طبعا امريكا اقوى لكن هل تقدر امريكا تتحمل خسائر الحرب زى الصين؟

𓈙𓉔𓏲𓎡𓂋𓏭 · 17 أبريل 2022

MaD84 قال:
انا مناقتضوش و لا حاجة .. مش معنى أنى بقول أن الخليج اقوى فدة معناه أنها تقدر تنتصر على إيران
بلاش هديك مثال تانى...
امريكا و الصين مين اقوى؟

طبعا امريكا اقوى لكن هل تقدر امريكا تتحمل خسائر الحرب زى الصين؟

دلوقتي ببساطة حسب كلامك:
الخليج اقوى من مصر
مصر اقوى من ايران
يبقى المفروض
الخليج اقوى من ايران

لكن انت دلوقتي بتقول العكس يعني:
مصر اقوى من ايران
الخليج اضعف من ايران

طب ازاي الخليج اقوى من مصر؟

MaD84 · 17 أبريل 2022

Shokry قال:
دلوقتي ببساطة حسب كلامك:
الخليج اقوى من مصر
مصر اقوى من ايران
يبقى المفروض
الخليج اقوى من ايران

لكن انت دلوقتي بتقول العكس يعني:
مصر اقوى من ايران
الخليج اضعف من ايران

طب ازاي الخليج اقوى من مصر؟

ابسطهالك

دلوقتى احنا فعصر السرعة ..

الخليج كطرق و قوانين مرور تقدر تجيب عربية بوجاتى توصل لسرعة ١٠٠ كيلو ف ٣ ثوانى ... تمام.

جت إيران و اكتشفوا أن إيران صحرا و هتحتاج دفع رباعى مش سرعة و دة غير متاح عندهم.

انت عندك عربيات دفع رباعى لكن برده عندك عربيات بتقدر توصل بيها لسرعة ١٠٠ كيلو بس ف ١٣ ثانية لكن فيها 4wd و بالتالى تقدر تستخدمها فالصحرا.

حربك مع إيران هتكون فالصحرا لكن حربك مع الخليج هتكون فطرق اسفلت.

يبقى انت اقوى من إيران لكن أضعف من الخليج

وصلت وجهة نظرى ولا لسة؟

𓈙𓉔𓏲𓎡𓂋𓏭 · 17 أبريل 2022

MaD84 قال:
ابسطهالك

دلوقتى احنا فعصر السرعة ..

الخليج كطرق و قوانين مرور تقدر تجيب عربية بوجاتى توصل لسرعة ١٠٠ كيلو ف ٣ ثوانى ... تمام.

جت إيران و اكتشفوا أن إيران صحرا و هتحتاج دفع رباعى مش سرعة و دة غير متاح عندهم.

انت عندك عربيات دفع رباعى لكن برده عندك عربيات بتقدر توصل بيها لسرعة ١٠٠ كيلو بس ف ١٣ ثانية لكن فيها 4wd و بالتالى تقدر تستخدمها فالصحرا.

حربك مع إيران هتكون فالصحرا لكن حربك مع الخليج هتكون فطرق اسفلت.

يبقى انت اقوى من إيران لكن أضعف من الخليج

وصلت وجهة نظرى ولا لسة؟

كلامك مش تبسيط مجحف..اسف بس انا شايفه كوميدي

لانك حتى ف امثلتك مسيطر عليك عقلية الدشداشة والمقارنة بين الموبايلات

الخليج معندوش لا قوة بحرية او برية تضاهيك دا غير الدفاع الجوي وانا هنا مبتكلمش عن سلاح بس بتكلم عن ال package كلها من سلاح وافراد و عقيدة و خبرات

هما عندهم احدث فمن منظور الدشداشة اقوى لكن في الحقيقة احنا شوفنا هزيمتهم قدام قبائل بدائية مدعومة من ايران

لو الخليج اقوى من مصر مكانتش امريكا ادتهم اسلحة خايفين على اسرائيل منها وانا هنا بفكرك بال package تاني لانك اقوى بمراحل من الخليج مجتمع ومفيش ادنى مقارنة اصلا كأنك بتقارن تايوان ببريطانيا

OSORIS · 17 أبريل 2022

MaD84 قال:
الخليج ماشى بالفكر الغربى و هو الحفاظ على الفرد المقاتل و دة بيخليهم ماشين بمدا الكيف عكس مصر تقدر تستحمل خسائر بشرية مثلها مثل إيران بالظبط ... دة غير أن الحرب العراقية الإيرانية أثبتت قدرة المقاتل المصرى فى موجهة إيران عكس الخليج كله اللى فشل فدة بالكيف

جميل ..اذن الاف ١٦ الاحدث قليلا من اصدارك من نفس الطائرة والابرامز الاحدث قليلا من اصدارك من نفس الدبابة لم يحقق لهم اهدافهم من ردع للخطر الايراني سواء في اليمن او من الهجومات المدمرة لمرافق النفط والبنى التحتية ...اذا حداثة المعدة ليست فقط هي المعيار بل الفرد المشغل لها هو الاهم هذا ولم نتكلم عن مالم يصرح به الجيش المصري حتى الان ..

صديقي العزيز ... الدعايات المضللة لن تخلق جيشا في النهاية مهما بلغت تكلفتها

مصر تمتلك جيشا ... حقا وصدقا والخليجيين يعلمون ذلك تماما ..الخليجيين ليس بلهاء او يدفعون المال يسارا ويمينا كما تصورهم البروباجندا المعادية لهم ..بل هم رجال اعمال وتجار ينحازون فقط الى ما يحقق مصالحهم ..

MaD84 · 17 أبريل 2022

Shokry قال:
الخليج معندوش لا قوة بحرية او برية تضاهيك دا غير الدفاع الجوي وانا هنا مبتكلمش عن سلاح بس بتكلم عن ال package كلها من سلاح وافراد و عقيدة و خبرات

ك package هم افضل ... كدفاع جوى هم بقى عندهم خبرة حديثة لكم انت خبرتك ايه و متقوليش حرب اكتوبر لأن العالم اتغير و السلاح برده. صحيح فيه اسقاطات لكن عادى روسيا نفسها عندها اسقاطات

بريا هم افضل كدبابات و مضاد للدبابات انت أخرك التاو ايه لكن هم عندهم الاحدث ..

كقوات جوية هم افضل سواء فالتسليح أو اللوجستيات و حتى الرصد و الانذار المبكر.

بحريا و عقيدة فانا معاك ..

لو هنتكلم كمليشيات فالوضع واحد ... انت قعدت ١٠ سنين علشان تنجح لهزيمة الميلشيات فسيناء و مع ذلك قعدت كام سنة علشان تسيطر على جبل الحلال؟

Shokry قال:
لو الخليج اقوى من مصر مكانتش امريكا ادتهم اسلحة خايفين على اسرائيل منها وانا هنا بفكرك بال package تاني

خلينا واقعين ... إسرائيل لو قامت بهدم المسجد الأقصى و المسجد النبوى و الكعبة مفيش حد فالخليج هيقوم من مكانه الا لو هيجرى عالطيارة علشان يهرب.

مصر هى العدو الرسمى و التاريخى لإسرائيل و كل حروب إسرائيل كانت مع مصر .
إسرائيل انتصرت مرة واحدة و خسرت فاتنين.

MaD84 · 17 أبريل 2022

OSORIS قال:
جميل ..اذن الاف ١٦ الاحدث قليلا من اصدارك من نفس الطائرة والابرامز الاحدث قليلا من اصدارك من نفس الدبابة لم يحقق لهم اهدافهم من ردع للخطر الايراني

دة لأن الحرب حرب بالوكالة بالنسبة لإيران ... الطائرات استخدموها فقط للدعم الارضى و ليس ضد أهداف جوية و لو كانت لفرقت

العقيدة و المقاتل لصالحنا

OSORIS · 17 أبريل 2022

MaD84 قال:
دة لأن الحرب حرب بالوكالة بالنسبة لإيران ... الطائرات استخدموها فقط للدعم الارضى و ليس ضد أهداف جوية و لو كانت لفرقت

العقيدة و المقاتل لصالحنا

بالعكس من المفترض انه بيمتلكوا سلاح جو اخر موديل وقدرات رصد تقني على اعلى مستوى عبر احدث طائرات الرصد والاستطلاع ده غير ما يحصلون عليه خلال الدعم الامريكي وهذا يحقق لهم انهم يركبوا ساحات المعارك ضد الحوثي ويحقق الحسم السريع ...ده محصلش يا صديقي المحترم

𓈙𓉔𓏲𓎡𓂋𓏭 · 17 أبريل 2022

MaD84 قال:
ك package هم افضل ...

يبقى هما المفروض اقوى من ايران مش اضعف

MaD84 قال:
كدفاع جوى هم بقى عندهم خبرة حديثة لكم انت خبرتك ايه و متقوليش حرب اكتوبر لأن العالم اتغير و السلاح برده. صحيح فيه اسقاطات لكن عادى روسيا نفسها عندها اسقاطات

خبرتهم ولا خبرات الاطقم الاجنبية؟
ولا خبرات قصف العواصم و المطارات؟

MaD84 قال:
بريا هم افضل كدبابات و مضاد للدبابات انت أخرك التاو ايه لكن هم عندهم الاحدث ..

ايه اخر معركة دخلوها وجربنا فيها قوتهم؟ وايه المعارك المحتملة اللي ممكن يستخدموها فيها؟ اليمن محصلش واسرائيل مش هيحصل..فاضل مين ايران؟
هنا هضحك بصراحة

MaD84 قال:
كقوات جوية هم افضل سواء فالتسليح أو اللوجستيات و حتى الرصد و الانذار المبكر.

ايه اخر معركة جوية دخلوها قصاد حتى ميج ٢١؟

MaD84 قال:
لو هنتكلم كمليشيات فالوضع واحد ... انت قعدت ١٠ سنين علشان تنجح لهزيمة الميلشيات فسيناء و مع ذلك قعدت كام سنة علشان تسيطر على جبل الحلال؟

وياترى قصفولك العاصمة ولا المطارات؟
مفيش مقارنة ف حجم الخساير

MaD84 قال:
خلينا واقعين ... إسرائيل لو قامت بهدم المسجد الأقصى و المسجد النبوى و الكعبة مفيش حد فالخليج هيقوم من مكانه الا لو هيجرى عالطيارة علشان يهرب.

MaD84 قال:
مصر هى العدو الرسمى و التاريخى لإسرائيل و كل حروب إسرائيل كانت مع مصر .
إسرائيل انتصرت مرة واحدة و خسرت فاتنين.

ولا مصر هتحارب اسرائيل لو هدمت المسجد الاقصى

عصر القومية العربية بتاع عبد الناصر دا انتهى و موضوع هتحارب لاخر جندي مصري كان فيه وخلص

القائد المصرى · 17 أبريل 2022

Shokry قال:
ممكن لو بتتكلم على قهوة مع واحد صاحبك على شرا موبيل انما موضوع السلاح ليه اصحابه اللي الهواة هنا مهما عملوا هواة

لما بتشتري سلاح اقدم او اقل ممكن يكون سببه انك مش محتاج الاجدد او لان الاقل كفاية وارخص مش لازم يكون عشان انت هفق

كمان حاجة ياريت نعرف حجمنا..احنا دولة اقليمية كبرى لكن مش دولة عظمى ولا دلدول عشان يتفتحلنا التسليح على اخره

جيت تكحلها عميتها

𓈙𓉔𓏲𓎡𓂋𓏭 · 17 أبريل 2022

القائد المصرى قال:
جيت تكحلها عميتها

لو قصدك على جزئية اننا مش دولة عظمى فرحم الله امرءٍ عرف قدر نفسه وادي عبد الناصر كان فاكر نفسه رئيس لدولة عظمى وبهدل البلد ف حروب لا ناقة لنا فيها

القائد المصرى · 17 أبريل 2022

Shokry قال:
لو قصدك على جزئية اننا مش دولة عظمى فرحم الله امرءٍ عرف قدر نفسه وادي عبد الناصر كان فاكر نفسه رئيس لدولة عظمى وبهدل البلد ف حروب لا ناقة لنا فيها

لا جزئية الاجداد واننا هواة والقيادة تعرف اكتر
اولا فكرة القيادة تعرف اكتر طب ما نقفل المنتدى بنتكلم فى ايه وليه
ثانيا عايز تقعنى ان القيادة قبلت باباتشى من غير اللونغ بو لانها عارفه اكتر ومش عايز الاجدد والاحسن
القيادة شايفه ان البندقية 7.62X 39 صناعة السبيعنات احسن من البريتا ولام 4 والكلاش الحديث عشان مغيرتاش
انت كده بتعيب فيهم مش بتشكر

𓈙𓉔𓏲𓎡𓂋𓏭 · 17 أبريل 2022

القائد المصرى قال:
لا جزئية الاجداد واننا هواة والقيادة تعرف اكتر
اولا فكرة القيادة تعرف اكتر طب ما نقفل المنتدى بنتكلم فى ايه وليه
ثانيا عايز تقعنى ان القيادة قبلت باباتشى من غير اللونغ بو لانها عارفه اكتر ومش عايز الاجدد والاحسن
القيادة شايفه ان البندقية 7.62X 39 صناعة السبيعنات احسن من البريتا ولام 4 والكلاش الحديث عشان مغيرتاش
انت كده بتعيب فيهم مش بتشكر

اولا مفيش حد محترف هيقولك بناخد نسخ اقل عشان هفق فطبيعي اقل واحد في لجنة التسليح هيكون مستواه اعلى من كده وكلامي دا لشد الانتباه عشان منبقاش هواة و لامؤاخذة كلامنا عبيط

ثانيا انا مقولتش كده..لو راجعت الكلام هتلاقي استاذ وليد بيتكلم عن السبب "الوحيد" لقبول معايير اقل وانا برد ويقول ان ممكن يكون فيه اسباب تانية

مش دوري اني اشكر او اذم في هيئة التسليح على قد مايهمني افهم احتياجاتنا و ازاي بنسدها وايه دوري كمواطن في دا اذا كان لي دور

MaD84 · 17 أبريل 2022

OSORIS قال:
بالعكس من المفترض انه بيمتلكوا سلاح جو اخر موديل وقدرات رصد تقني على اعلى مستوى عبر احدث طائرات الرصد والاستطلاع ده غير ما يحصلون عليه خلال الدعم الامريكي وهذا يحقق لهم انهم يركبوا ساحات المعارك ضد الحوثي ويحقق الحسم السريع ...ده محصلش يا صديقي المحترم

قوات جوية عمرها ما بتخلص حرب و الا كانت الجيوش كلها قلبت قوات جوية بس.

دخول قوات جوية يتبعه قوات برية و دة محصلش

MaD84 · 17 أبريل 2022

Shokry قال:
يبقى هما المفروض اقوى من ايران مش اضعف

خبرتهم ولا خبرات الاطقم الاجنبية؟
ولا خبرات قصف العواصم و المطارات؟

ايه اخر معركة دخلوها وجربنا فيها قوتهم؟ وايه المعارك المحتملة اللي ممكن يستخدموها فيها؟ اليمن محصلش واسرائيل مش هيحصل..فاضل مين ايران؟
هنا هضحك بصراحة

ايه اخر معركة جوية دخلوها قصاد حتى ميج ٢١؟

وياترى قصفولك العاصمة ولا المطارات؟
مفيش مقارنة ف حجم الخساير

ولا مصر هتحارب اسرائيل لو هدمت المسجد الاقصى

عصر القومية العربية بتاع عبد الناصر دا انتهى و موضوع هتحارب لاخر جندي مصري كان فيه وخلص

هم فعليا اقوى من إيران ... لكن بشريا أو بريا لا مش علشان تكنولوجيا سلاح لا لأن معندهمش الكادر البشرى اللى يشيل حرب برية

و هل كل الاعتراض تم بخبرات اجنبية؟؟

مش هيدخلوا بريا نهائى و لو على رقبتهم ..

مدخلوش معارك جوية و لكن تدريبهم مع امريكا افضل كثيرا منك... انت اخر معركة جوية كانت من ٥٠ سنة و صحيح انت بتعمل مناورات جوية كتير مع الكل لكن دخولهم مدرسة تدريب امريكا اقوى من مناورات النجم الساطع ..

قصفولك مطار العريش و ضربوا طيارة وزير الدفاع .

اه مصر مش هتحارب .. بس مازالت العدو الاول

Nile Crocodiles · 18 أبريل 2022

MaD84 قال:
قوات جوية عمرها ما بتخلص حرب و الا كانت الجيوش كلها قلبت قوات جوية بس.

دخول قوات جوية يتبعه قوات برية و دة محصلش

وعارف ليه يا استاذي ما فيش قوات برية دخلت اليمن.....الاجابة بكل بساطة لانهم لا يملكون قوات برية قوية تستطيع ان تتحكم في الارض

المشاة هم سادة المعارك ولله الحمد الجيش المصري يعي هذا جيدا لذلك تجد الجيش المصري مهتم بالكيف وبالكم ايضا في نفس الوقت في قواتنا البرية

انت بالتاكيد تعلم عدد الفرق المدرعة وعدد فرق المشاة الميكانيكية المصرية......هذه الفرق هي من ستتحمل العبئ الاكبر في حروب الصحراء المفتوحة اذا دخلنا في مواجهة مع اسرائيل

الجيش المصري لديه استراتيجية وخطط عمليات بتضعها هيئة عمليات القوات المسلحة المصرية وعلى اساسها بتتم المناورات ومشاريع الحرب لذلك فالقوات البرية المصرية وان كنت تراها ضعيفة واقل من القوات البرية في الخليج وهذا رايك وانا احترمه ولكني مختلف معه لكن يارت تعرفني كم عدد الدبابات السعودية على ما اعتقد انها 500 دبابة ابرامز ولن اذكر اي نوع اخر لان بنفس مبداك هي غير مؤهلة للدخول في صراع بري مع جيش بري قوي كايران......لكن هل تعتقد ان 500 دبابة الابرامز السعودية الاحدث من نظيرتها المصرية هل تستطيع تغطية مساحة السعودية الشاسعة ولن اقول لك مواجهة ايران لانها لن تصمد امام اي حرب مع ايران

انا مقتنع ان المعدة بمن يستخدمها وليس فقط بتطورها وحداثتها مع اني مؤمن بالتطوير والتكنولوجيا الحديثة لكن التكنولوجيا الحديثة فقط لا تحسم الحروب والعمليات والامثلة كثيرة وساذكر لك مثال واضح الكورفيت الاسرائيلي ساعر الذي اغرقته ميليشيات حزب الله الم يكن به انظمة تحذير سلبية وايجابية ضد الصوراريخ وعلى الرغم من ذلك تم ضربه واعتقد ان الجيش الاسرائيلي قوي ويمتلك من التكنولوجية الكثير ورغم ذلك تم استهداف قطعة ثمينة له.........فهل المعدة الحديثة استطاعت ان تصمد امام صاروخ بسيط لذلك المعدة ليست بحداثتها بقدر ما تكون بالمستخدم والاسلوب الذي تتعامل به مع الاحداث
تحياتي لك واسف على الاطالة

الوزير سامح شكري يلتقي نظيره الأمريكي أنتوني بلينكن

عضو مميز

ولقلبي أنتِ بعد الدين دين

عضو مميز

ولقلبي أنتِ بعد الدين دين

عضو مميز

ولقلبي أنتِ بعد الدين دين

عضو مميز

ولقلبي أنتِ بعد الدين دين

جانبي الايسر قلبه الفؤاد..وبلادي لي قلبي اليمين

عضو مميز

عضو مميز

جانبي الايسر قلبه الفؤاد..وبلادي لي قلبي اليمين

ولقلبي أنتِ بعد الدين دين

عضو معروف

ولقلبي أنتِ بعد الدين دين

عضو معروف

ولقلبي أنتِ بعد الدين دين

عضو مميز

عضو مميز

المواضيع المشابهة

الذين يشاهدون الموضوع الآن

Privacy & Transparency

Privacy & Transparency