اولا ...مفيش حد بيحب يحارب و بصورة عامة اى هدف او تهديد للدولة تقدر تتعامل معاه بدون حرب دة مكسب و ذكاء و حسن ادارة .....اى حرب خسارة للجميع حتى المنتصر خصوصا الحرب الحديثة
ثانيا...بصرف النظر عن ما يجرى فى موسم الرياض .....انا اقصد ان مفيش رؤيه استراتيجية لمصالح المملكة او رؤيه تنمويه مجرد هو شاف ان دبي ناجحة بنموذج معين بيقلدة بهبل سواء نكاية فى محمد بن زايد او حتى رغبه فى تكرار النجاح
ثالثا....انا شايف انه عمل حاجات كويسة زى الصندوق السيادى مثلا و تحجيم هيئة الامر بالمعروف لكن دة حصل بدون رؤيه استراتيجية مجرد تقليد اعمى
رابعا ....امكانيات السعوديه مع واحد طموح مثلا زى السيسى رغم بعض التحفظات كان ممكن تكون فى حته تانيه تماما سواء اقتصاديا او حتى سياسيا الحوثى مثلا يجب ان يكون حليف للملكة سواء بالاموال او حتى بالاغتيال السياسى دة المفروض ركيزة فى سياسة المملكة الخارجية ان اليمن يكون معاهم خصوصا ان ما يجمعهم مع اليمن اكثر كثيرا مما يفرق
لذلك اقول انه فعلا اثبت انه لا يفقه شئ فى ادارة الدول
تحياتى
اكيد طبعا مفيش حد عايز يحارب
حتي الدول العظمي زي امريكا انسحبت من العراق وافغانستان بعد حروب استنزاف طويله
انا قصدي مش عايزين يحاربوا الحوثيين اللي بيدخلوا ارضهم وبيهربوا وبيموتوا من فوق الجبال بسكتات قلبيه من الخوف والرعب رغم فارق الإمكانيات الرهيب لصالحهم
وفي الاخر استعانوا بمرتزقه حميدتي
يعنى مش عايزين يحاربوا دفاعا عن وطنهم
وده اللي بن سلمان فهمه ووقف الحرب وعمل هدنه وعايز يعمل اتفاقيه امنية مع الامريكان
مفيش حد مع التطرف الديني
بس الفكره كلها ان النظام السعودي كان قايم علي تطبيق الحدود يعني قطع يد السارق ورجم الزاني وجلد شارب الخمر
وطبعا مفيش احزاب ولا انتخابات في الإسلام
المشكله انه حاليا لغي الكلام ده كله واستبدل هيئه الامر بالمعروف والنهي عن المنكر بهيئه الترفيه
وبرضو مفيش انتخابات ولا أحزاب ولا تداول سلطة!!
كل ده والمتطرفين الوهابيين لسه مقالوش كلمتهم لحد دلوقتي
منهم اللي كان بيدعي علي الستات اللي بتسوق عربيات ومنهم اللي كان بيرفض ظهور المرأه علي القنوات الفضائية السعودية
والفكر بتاعهم هو اللي أسس تنظيم القاعدة
الناس دي موجوده واكيد هيردوا علي اللي بيحصل دلوقتي وغالبا ردهم مش هيبقى سلمي