طيب فيه كام نقطة:
١. لما بولندا عرضت تدي اوكرانيا الميج بتاعتها كان المقابل فالكون وعما يوصل الفالكون..امريكا كده كده بتحمي بولندا بقوات تبع الناتو..امريكا تحمينا في الحالة دي لغاية اما الطيارات تتصنع وتوصل و القوات تتدرب عليها؟ طب ازاي؟ قولت وقواعد عسكرية؟ طب يفرض ان دا حصل وقامت حرب مع اسرائيل او تركيا..ايه الموقف وانت معكش BVR ؟
٢. ناقشنا جنة مشتريات الاسلحة الغربية ونسينا اننا بنحط ضياعنا تحت درسهم تاني بنفس موقف كامب ديفيد
٣. طب القمح اللي بنجيب معظمه من روسيا..امريكا هتديهولك بكام؟
٤. لو اختلفت مع امريكا مستقبلا..ايه الموقف؟
الموضوع دا عشان يحصل يبقى حاجة من اتنين:
١. مصر تنضم للناتو
٢. امريكا تديك من المخزون انهاردة و تعملك مصانع ذخيرة و تفتح كل اللي انت عايزه وتعمل عقود تصدير قمح باسعار قليلة زي روسيا ان مكانش اقل والمساعدة العسكرية تبقى ٥-١٠ مليار في السنة واستثمار وليلة كبيرة..امريكا هتعمل كل دا؟ الله اعلم.
لا مش هتعمل كده .. الغرب فارض علي مصر خط مش عاوزين تعديه وهو انك تكون كمصر دوله متماسكه بس ماتكونش دوله قويه ذات مخالب، ومكمن ضعفك وقوتك كمصر هو الاقتصاد
لذلك شيه محاصرين للاقتصاد المصري رغم العلاقات السياسيه الجيده بيهم ظاهريا..
قوه مصر معناه قوه شمال افريقيا والشرق الاوسط وحتي قوه مصر سيكون ليها انعكسات اسلاميه ويمكن مسيحيه شرقيه ارثوزوكسيه كمان وهم عاوزين المنطقه بتعاتنا منطقه رخوه عشان ما تهددهمش وتكون سوق ليهم وفي نفس الوقت لا تكون منهاره فترسل ليهم لاجءيين وازمات
انت كمصر دره الشرق ..
الحملات الافرنجيه احتلت الشام ٢٠٠ سنه عاشوا وباضوا وفقسوا هناك ، ولما حبوا يعملوا حملات علي مصر اندحرت كلها وانت اللي حررت الشام ..
حتي التتار اااي احتلوا بغداد وروما كمان انت ااي وقفتهم ونهيتهم وانت كمصر عندك اقدم كنيسه في العالم رموزها هم رموز الشرق من متي المسكين ليعقوب تادرس وأقدم جامعه اسلاميه للعالم السني ١١٠٠ مليون إنسان من محمد الغزالي لابوزهره والسيوطي كتبهم في كل العالم .
فبلد زي بلدنا تقوم!! لا الروس ولا الاوربيين والا الامريكان عاوزينه
حاله واحده انك تخرج من الإطار ده وهو
انك تكون فاهم فواصل العلاقه بين الدول الغربيه ومكامن الاتفاق والاختلاف مابينهم والمسافات مابينهم ومكامن التناقض وتعلب عليها باسلوب لو مافدتنيش كغربي هتنضر او علي الاقل
غيرك هيستفاد وهتضر نفسك فيتعاون معاك غصب عنه الأوروبي طبعه كده اوي اي حد عامه زي الخلايجه والافارقه وو الخ ،، لكون السياسه هي فن الممكن
زي اردوغان كده في البدايه او الاصح زي ماكان مشغله داوود اوغلو اللي كان فاهم المسافات بين التكتلات دي كويس
فقدر يكسب منهم كتير حرك بلده واول ما استغبي ولمس الخطوط الحمرا انحرق عند الكل
الغرب عمره ماهيدي مصر شيء تقوم بيه ده من ثوابت سياستهم
سبب زرعهم اصلا لدوله وظيفيه وقاعده متقدمه ليهم زي اسراءيل علي حدودك وكيان توسعي هو تحجيمك انت كمصر اكتر من الفلسطيني ذات نفسه..
مرسوم ليك خط مش عاوزبنك تعديه والخط ده باين من نوعيه التسليح اللي بيدوه ليك منزوع المخالب عشان ماتفكرش بره حدودك زي ماهم محددين لينا سلفا
فعمرهم ماهيدونا شيء يقووونا بيه نقل تكنولوجيا استثمارات انتاجيه وخلافه
بص السيسي علاقته بالاوربيين سمن علي عسل ايه الاستثمارات او التكتولوجيا الكبيره اللي خدتها ؟ صناعه أجزاء سيارات او معدات طبيه او هندسيه او شيء معتبر ؟
اتفق مع الناس اللي لا تثق في الغرب وايضا الروس وعاوزين نكون موازينين علاقتنا بيهم الاتنين
رغم ان ده شيء صعب وأحيانا خساءره وسلبياته اكبر من ايجابياته بس لعدم الثقه في الغرب فده افضل حال