الدين زاد بشكل كبير يبقي ازاي نسبته قلت احتساب الدين كنسبة من الناتج القومي الإجمالي ينطوي علي خديعة ازاي خفضنا الدين بنسبة 17% واحنا عندنا مشكلة ديون مرتفعة باعتراف الوزير نفسه مع نشأت الديهي من فترة قريبة وقله انا بستلف دين جديد علشان اسدد الدين القديم الكلام ده ما عادش بيخيل علي حد والتقارير السلبية سببها عدم شفافية الحكومة ولسه فاكرين أن الناس بتصدق كذبهم حتي لو المعارضين مغرضين فبرده هم من ضمن اسباب تصديق الناس لهم عايزين شفافية بس فاقد الشئ لا يعطيههام جداً جداً
مشاهدة المرفق 11637
Seif Mahmoud
9 hrs · Facebook for Android ·
🔴 البوست ده مهم فوق ما تتخيل، هتلاقي فيه تفاصيل عن الإقتصاد المصري حالياً، و رد على جميع الأقاويل و الحاجات اللي تم ترويجها عن الاقتصاد و ديون مصر و البنك الدولي، و إجابات كتيييير تانيه 👇
● الصورة اليوم مع الدكتور محمد معيط وزير المالية، و الحقيقه هو رد على كل اللي ممكن تتخيله من أسئلة عن حالنا الاقتصادي :
● نبدأ بالديون، حجم الدين اللي مطلوب سدادة هو 5 مليار دولار مش 30 مليار زي ما أحد الهبدجية طلع في أحد أشهر البرامج و قال الهجص ده، و المبلغ الخاص بالدين الخارجي في 2021 هو هو في 2022، ثابت ! مافيهوش زيادة،
كمان من 2016 ل 2022 مصر خفضت مديونيتها بنسبة 17 %
وفي نفس الوقت معظم الدول الناشئة و اللي زينا، ديونها زادت 17 % !
77 % من الديون بتاعتنا هي ديون محلية بالمناسبة، و 23 % دين خارجي،
خدمة الدين كانت وصلت ل 9 % من الناتج المحلي، و حالياً نزلت ل 7.4 %
● صندوق النقد الدولي و الهبد اللي سمعناه، خد ده بقا، الصندوق مطالبش برفع الدعم عن العيش ! ولا دعم السلع التموينية ! و الوزير قال بالحرف ان ده (( كذب و افتراء و فتي بدون علم )) و برضه الصندوق مقالش ولا طالب بإلغاء مبادرات البنك المركزي !! فتي عجيب ! و لسة احنا محددناش هناخد منهم كام، و مش شرط اننا هاخد منهم قروض تمويل ! لسه مقررناش،
● خفض عجز الموازنه في ال 6 سنوات الماضية بقيمة 50 % و الناتج المحلي زاد و بدأ يتسارع و يتضاعف من 2015 و حتى الأن، التضاعف ده لما نقارنه بما سبق من في الفترة من 2009 و 2011 وما بعدها، هتلاقيه تضاعف 7 مرات،
● السنادي مصر حققت 6.6% معدل نمو، وده أكبر من اللي كان متوقع، و خلي بالك إننا في الفترة اللي فاتت وفرنا أكتر من 5 مليون فرصه عمل، بسبب المعدل ده، و كمان الفائض الأولى، و اللي مكنش بيحصل أصلاً، و كان إسمه عجز أولي، كل ده اتغير من بعد 2014 و بقا عندك فائض أولي 1.3%
● السيد الوزير قال بالحرف، ان تقريباً كل كام يوم بيطلع تقارير سلبية عن مصر ! بشكل متعمد، و طلع أكتر من 150 تقرير معظمهم سلبيين عن مصر في مدة بسيطه جدا، و كأن مفيش دولة في العالم غير مصر !
● قبل كده كان 65 % من الدعم رايح للمواد البترولية، السنادي 28 % فقط، و الفارق تم توجيهه لتكافل و كرامه و المعاشات و التموين،
● الفترة الجيه هيتم رفع الإعفاء الضريبي للجميع بنسبة 25 % و خلال 72 ساعة هيكون فيه انفراجه و حل لتكدس السلع و البضايع في المواني،
● و خلي بالكم اللي بنتكلم فيه ده كله في ظل مرورنا بأزمات طاحنه زي كو .رو. نا و تبعات الأزمات العالمية الاخرى، و قمح زاد سعرة أكتر من الضعف، و أسعار الشحن زادت بجنون، و في ظل إصلاح دولة كانت متهالكه، طرق و مدن و بنية تحتية و كهربا (( الشبكة كانت متهالكه و بتهدر و تسرب 30% من الإنتاج! )) و كمان عملت مجتمعات عمرانية للغلابة و قضيت على العشوائيات و كمان بتعمل مشروع قومي يخدم نص المصريين (( حياة كريمة ))
#ماركر #Marker #سيف_محمود #الجمهورية_الجديدة
https://www.facebook.com/
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?