متابعة مستمرة بوابة مصر الإقتصادية

IBRAHIM_EGYPT قال:

سعر البترول في هبوط مستمر

أنقر للتوسيع...

S.P.Q.R قال:

الصورة مش بتفتح

بس ايه سبب الهبوط المفاجئ ده رغم إعلان أوبك تخفيض الإنتاج ؟
حسب علمى أنه وصل ٨٧ دولار للبرميل

أنقر للتوسيع...

S.P.Q.R قال:

بس ايه سبب الهبوط المفاجئ ده رغم إعلان أوبك تخفيض الإنتاج ؟
حسب علمى أنه وصل ٨٧ دولار للبرميل

أنقر للتوسيع...

سفير مصر باحتفالية Guc: وزراء ألمان سيزورون القاهرة لعقد اتفاقيات جديدة ​

"سان جوبان" تخطط لضخ استثمارات جديدة فى السوق المصرية ​

سكاتك تخطط لضخ استثمارات جديدة في المشروعات الخضراء بالسوق المصرية ​

توليد طاقة الرياح وإنتاج الأمونيا من الهيدروجين الأخضر​

Lion84 قال:

https://www.facebook.com/أحد الأصدقاء سألني عن موضوع ( سداد ديون مصر )
وهل ممكن يؤثّر على الوضع الاقتصاديّ للبلد
وبعت لي صورة لجدول حدّ عامله بيقترح فيه سداد ديون مصر على مدار حوالي 20 أو 30 سنة
فخلّينا نناقش الموضوع ده
-
مبدئيّا كده - ما فيش سداد ديون مصر ولا حاجة إن شاء الله
-
موضوع ديون الدول يختلف تماما عن ديون الأفراد
يعني
حضرتك لمّا بتسمع كلمة ( ديون مصر ) - بتيجي في بالك صورة آخر دين كان عليك - وقدّ إيه تعبت عشان تسدّده - وحرمت نفسك من حاجات قدّ إيه عشان تقدر تسدّد الدين ده - وتخلص من همّه
لكن الدول مش كده
ما فيش دولة بتاخد دين عشان تسدّده
وما فيش دولة ناوية تسدّد ديونها
-
أمّال ليه الإعلام بيتكلّم عن موضوع الديون دلوقتي ؟
بيتكلّم عنّه عشان لمّا حضرتك تقول عاوز دولار - يقولوا لك اخرس يا وغد - دولارات إيه اللي عاوزها وإحنا بنسدّد ديون مصر
قال يعني إحنا قمنا من النوم افتجؤنا إنّ عندنا ديون
ما إحنا عندنا ديون من 150 سنة - وبنسدّد أقساطها عاديّ
قافشين دلوقتي ليه ؟
همّا قافشين عشان زيّ ما قلت لك ده مبرّر قويّ نحطّه في عين أيّ مواطن مستهتر يطالبنا بدولارات دلوقتي
-
بتقول بقالنا 150 سنة بنسدّد أقساط ديون - ومنين بتقول إنّ ما فيش دولة بتسدّد ديونها ؟!
ايوه بقالنا 150 سنة بنسدّد أقساط ديون - بسّ ليه ؟!
ليه ؟!
عشان نستلف تاني
-
يعني أنا دلوقتي عليّا ديون مثلا 100 مليار دولار
قسطهم السنة دي 5 مليار دولار مثلا
وأنا عاوز أستلف السنة الجاية 10 مليار غيرهم
فلو ما دفعتش ال 5 مليار بتوع السنة دي - مش هاعرف استلف ال 10 مليار بتوع السنة الجايّة
ده سبب سداد الأقساط - إنّي أعرف استلف تاني - مش إنّي أتخلّص من الدين وأوصّله لصفر
بالعكس - أنا ناوي أزوّده السنة الجايّة
-
بعد حرب الخليج التانية - أمريكا جدعنة منها مع مصر قصاد وقوفها معاها ضدّ العراق - وإرسال المصريّين ليقاتلوا فداءا للجنود الأمريكان - توسّطت لمصر في نادي باريس وأسقطت ديونها
فكانت إيه النتيجة ؟!
النتيجة طبعا إنّ مبارك بدأ يستلف بنفس مفتوحة - ما إنتا دولة مديونيّاتك صفر - فهتكون مغري لأيّ حدّ إنّه يسلّفك
فلو إنتا عاوز توصّل ديون مصر لصفر - أهي وصلت لصفر أهي في عهد مبارك - عاوز إيه حضرتك
-
ولو إنتا شايل همّ الأجيال القادمة اللي هتضطرّ تسدّد فواتير ديوننا - فما تقلقش
الأجيال القادمة هيّا كمان مش هتسدّد ديوننا - ولا ديونها
إنتا طيّب قويّ على فكرة - مش عارف جايب الطيابة دي منين
هوّا إنتا يعني بروح أمّك كنت سدّدت ديون الأجيال السابقة ؟!
لأ
أمّال شايل همّ الأجيال القادمة هتسدّد ديونك إزّاي ليه ؟!!!
ما تقعد في حتّة ناشفة وبلاش غاغة ع الفاضي
-
ما حدّش بيسدّد ديون حدّ - ولا ديونه
طب والدول اللي بتسلّفنا دي مش فاهمة ده ؟!
فاهمة طبعا
إذا كان أنا فاهم - هيكونوا همّا مش فاهمين
-
طيّب ولمّا همّا فاهمين كده - بيسلّفونا ليه ؟!
عشان مصلحتهم
-
بردو بترجع حضرتك تتعامل مع ديون الدول باعتبارها ديون أشخاص
الدول اللي بتسلّفك ( محتاجة ) تسلّفك
محتاجة !!!
أيوه محتاجة
-
هوّا مش فيه ناس بتحطّ فلوسها في البنوك ؟ ما دي ناس ( بتسلّف ) البنوك
ورغم ذلك هتلاقي الشخص ده هوّا اللي بيجتهد عشان يفتح حساب في البنك
مش البنك اللي بيجتهد عشان يطلب من الشخص ده يفتح حساب
-
لأ والبنك يتشرّط عليك - مع إنّك إنتا اللي هتسلّفه
ليه ؟!
لإنّك ( محتاج ) تسلّفه
-
فالدول دي عندها فوائض مليارات
تسيبها في خزنتها وتفضل بنفس قيمتها مع الزمن
ولّا تسلّفهم لدولة نامية وتاخد أقساط وفوايد على مدار الزمن
طيّب والدولة النامية دي هتسدّد منين
يبيعوا كلاويهم بقى أنا مالي - إنتا طيّب كده ليه ؟!!!
-
ولمّا الدولة النامية دي تتعثّر - نروح نحاربها ونخربها ونضيّع ديوننا اللي عندها ؟!
ولّا نسلّفها تاني وتالت وعاشر
ونفضل ناخد من خيراتها تاني وتالت وعاشر
-
مضاف لذلك إنّك لمّا بتسلّف البنك - الموضوع بينتهي على كده
لكن لمّا دولة متقدّمة هتسلّفك - الموضوع مش هينتهي على كده
دا الدولة دي هتعمل لنفسها مصالح للصبح على قفا القرض ده
تسهيلات اقتصاديّة واستثماريّة على أرض المقترض
وتدخّل في سياساته بما يخدم مصالحها
يبقى الدولة اللي بتقرضك هي بالأساس دولة مستفيدة - ومش غرضها إنّك تسدّ القرض
ولا إنتا غرضك تسدّ القرض
وهمّا عارفين
-
أكبر دين في العالم هو دين الصين لدى أمريكا
حوالي 20 تريليون دولار - يعني 20 ألف مليار دولار
يعني يتخيّل حجم الاقتصاد المصريّ كلّه حوالي 400 مليار دولار في السنة
امريكا مديونة للصين ب 50 ضعف الرقم ده !!!
-
فهل أمريكا هتسدّ القرض ده ؟!
هههههه
طيّب هل الصين عندها أمل إنّ أمريكا تسدّ القرض ده ؟!
هههههههههههه بردو
-
أمريكا واخدة القرض ده من الصين أوّلا بالبلطجة
يعني خدنا منكم بضاعة السنة دي مثلا ب 200 مليار دولار
طيّب هندفع 100 بسّ
إزّاي ؟ دي البضاعة تمنها 200 مليار
هوّا كده - هندفع 100 بسّ
لأ مش موافقة
خلاص - ولا هتبيعوا لينا ولا لغيرنا
يعني إيه - هيّا بلطجة
آه
خلاص يا عمّ هنبيع لك ب 100
بسّ سجّل الباقي كدين عندك
شوف - أنا ممكن ما أسجّلوش - ومش هتعرف تعمل حاجة - بسّ أنا هسجّله
وسجّل لي عندك يا ابني دين لصالح الصين بقيمة 100 مليار دولار
و 100 ورا 100 - بقى الدين 20 تريليون
-
تيجي الدنيا تسخن بين الصين وأمريكا
الصين تهبّ معاها تضرب أمريكا
تلاقي مليون صاحب شركة صينيّ ليهم ديون عند أمريكا
-
عارف لو قسمت ال 20 تريليون دول على مليون شركة في الصين
تطلع كلّ شركة ليها كام ؟!
تطلع كلّ شركة ليها 20 مليون دولار - يعني 400 مليون جنيه !!!
-
تخيّل إنتا ليك 400 مليون جنيه عند أمريكا - ولقيت الحكومة المصريّة أعلنت الحرب على أمريكا - إنتا هتعمل إيه ؟!!!
-
وإنتا مش لوحدك
إنتا معاك مليون صاحب شركة زيّك
وكلّ شركة شغّال فيها 100 واحد
وكلّ واحد وراه أسرة من 5 أفراد
-
فأمريكا عاملة الديون دي كخطّ دفاع خلفيّ ليها خلف جيش الصين
يعني إيه ؟
يعني لمّا الحرب تقوم بين الصين وأمريكا
الصينيّين نفسهم هيقولوا لحكومتهم إنتوا مجانين - عاوزين تحاربوا أمريكا وتضيّعوا علينا حقوقنا اللي عندها
فتبقى حكومة الصين قدّامها جيش أمريكا من الأمام
وفي ضهرها شعب الصين نفسه بيشدّها للخلف ضدّ حرب أمريكا
وإلّا ديونهم اللي عند أمريكا هتضيع
-
أرجع تاني وأقول لك
إنتا بتفكّر في موضوع الديون بتفكير ربّ الأسرة - مش بتفكير الشخص السياسيّ
بتشوف مشهد من ليالي الحلميّة - فيه البطل طالع في البلكونة بالليل - بيشرب سيجارة - وساند على سور البلكونة
فجأة تلاقي حدّ حطّ إيده على ضهره - وبيقول له - شايل همّ إيه يا لؤيّ
فيقول لها - الدين اللي عليّا لهيثم تاعبني قويّ يا رشا
فتقول له - ما تشيلش همّ يا خويا - بكره ربّنا يفرجها
ما تشيلش همّ عشان خاطر العيال - عيالك محتاجينك
-
فيلفّ يدّيها ضهره - ويبصّ للشارع - مع إنّ ما فيش حدّ معدّي في الشارع أصلا - بتبصّ على مين ؟!
وبعدين عمرك شفت حدّ بيكلّم حدّ وهوّا عاطيه ضهره إلّا في ليالي الحلميّة
المهمّ - يشرب بقّ شاي من الكبّاية اللي ما نعرفش جات إمتى دي - رشا وهيّا داخلة ما كانش معاها كبّاية شاي - ممكن كانت محطوطة على سور البلكونة من امبارح
بسّ من امبارح وسخنة إزّاي ؟!
والدنيا تشتي - مع إنّهم واقفين بهدوم صيفيّ !!! بسّ المشهد ده محتاج أواخر الشتا قبل اللي فات
ويقول لها - مش قادر يا هيا
فتقول له هيا مين - أنا رشا
يا سلام يا رشا عليكي حاجات
شايل الهمّ يا رشا
كلّ ما أبصّ في وشّ مدحت
مش مدحت - دا هيثم
بقول لك إيه يا وليّة بلا هيثم بلا مدحت بلا قرف
أنا مش دافع أمّ الدين ده أصلا
وينزل تتر العلم والإيمان
-
دا تصوّرك عن ديون الدول - إنّها زيّ ديون الأفراد
بتبقى متخيّل إنّ الرئيس قام من النوم - وطلع بلكونة القصر - والسيّدة الأولى طلعت تتطمّن عليه - فعطاها ضهره وهوّا بيكلّمها - وقال لها شايل همّ سداد ديون مصر
ما حدّش بيكلّم حدّ وهوّا عاطيه ضهره - وما حدّش بيسدّد ديون دول
وما حدّش بيطلع البلكونة في الشتا بالليل - إلّا الصبح تلاقيه بيبربر
بلاش تخاريف
إنتا لو طلعت البلكونة في الشتا مراتك هتفضحك - مش هتحطّ إيدها على كتفك ولا حاجة - سايب باب البلكونة مفتوح - عاوز تموّتني ؟!!!
-
الموضوع يشبه زيّ ما تكون رايح مع واحد صاحبك لبيت دعارة عشان تزنوا
فتلاقي صاحبك بيقول لك - عاوزين نكتب كتابنا على النسوان اللي بنزني معاها دي بقى وننضف يا أخي
ولاد عتمان المغازي عمرهم ما يعملوا كده أبدا
إنتا كأحمد عبد العزيز في المشهد ده هتعمل إيه لو لقيت كمال أبو ريّة بيقول لك عاوزين نكتب كتابنا على النسوان دي بقى يا أخي
تخيّل تصوّرك عنّه هيكون إيه ؟!
دا مختلّ عقليّا طبعا
هتشتغل في الخلفيّة يا دنيا لمّا تضنّي - عليّا وأمّا تضيقي
وهتضيّق عينك قويّ وقول له
معقول إنتا عاوز تكتب كتابك شرعيّ وتعيش في الحلال يا ابن المغازيّ ؟!
الكلام دا ما يسواش حاجة في سوق العصر يا أخي
افهم بقى يا أخي افهم افهم افهم
مع إنّ افهم واحدة كفاية
بسّ هوّا كده
زيّ ما عبد الحليم حافظ قال الحلوة
الحلوة الحلوة الحلوة
برموشها السودة الإيه ؟!
الحلوة بردو
-
قلت قبل كده إنّ حلّ المسائل الاقتصاديّة يبدأ بأخذها من أيدي النقديّين - ووضعها في أيدي الاقتصاديّين
مشكلة الديون بقى حلّها هو إنّك تاخدها من أيدي الاقتصاديّين - وتضعها في أيدي السياسيّين
دا لو لقيتهم يعني
-
وحسب ما تلاقي سياسيّين بقى وشطارتهم
فيه سياسيّين ممكن يوصّلوا الموضوع للكلام اللي قلناه في البوست ده
إنّنا معترفين بالديون - بسّ هنقسّطهم
أو هنجدولهم
-
وفيه سياسيّين تانيين ممكن يقولوا ما فيش ديون أصلا
دي ديون فاسدة
إنتوا عطيتوها لمبارك - روحوا خدوها من مبارك
(وجهة نظر م.محمود مرزوق عن الديون)

أنقر للتوسيع...

وليد المصري قال:

ايه يا عمنا كتبت الكلام ده كله ازاي ومع أن الكلام ممكن يكون منطقي الا اني ما زلت عند رايي الديون وبال علي الدول وخصوصا الفقيرة مثلنا

أنقر للتوسيع...