🔘دي صور لمصنع الرمال السوداء في بلطيم والمتوقع افتتاحه بالأيام القادمه على مساحة 35 فدان في احتفاليه كبرى يحضرها الرئيس السيسي ... ولسه في واحد تاني زيه بالبرلس قيد الإنشاء
▪️المصنع ده ممكن نقول بشكل مجازي أنه بيحول التراب لذهب .. وذلك باستخراج معادن نادرة مطلوبه عالميا من الرمال السوداء التى تملك مصر احياطيات منها تتجاوز 1.1 مليار متر مكعب ، وهذه المعادن هي : الماجنيتيت والألمينيت والهيماتيت والروتيل والزركون والمونازيت والجارنيت والأسفين والليكوزين والكروميت والسلفيد والذهب والبلاتين والثوريت المشع والزينوتيم المشع والكاسيتيريت والبيرولوسيت " خام المنجنيز" والأباتيت والفلوريت والبيروكسين والأمفيبول والبلاجيوكليز بالإضاقة إلى 17 عنصرا من العناصر الأرضية النادرة مثل المونازيت والجارنت والزركون يمكن فصلها ، والتى تدخل في صناعة هياكل الصواريخ و الطائرات و المفاعلات النووية و السيراميك و البويات
★خلاص كده ؟
▪️تتوزع الرمال السوداء بشكل مكثف في كل من البحيرة بكمية حوالى 500 مليون متر مكعب وكفر الشيخ بحوالي 200 مليون متر مكعب ( مكان المصنعين ) ودمياط بحوالى 300 مليون متر مكعب .... بس يظهر إنها مغضوب عليها ومش عاوزين يعملوا فيها مصنع شبيه رغم انها تحتوى على احتياطيات أكثر مره ونصف من بلطيم !!!
🔘من المتوقع أيضا قريبا افتتاح مصنع ضخم بالبحيرة لتحويل قش الأرز إلى ألواح خشبية متوسطة الكثافة بتكلفة استثمارية 4.5 مليار جنيه لاستغلال قش الأرز التى تزرعه البحيرة بمقدار 175 ألف فدان أرز في انتاج 205 ألف متر مكعب سنوياً إعتماداً على كمية 245 ألف طن سنوياً من قش الأرز كمادة خام ، وكمان عملوا لهم مصنع لتحويل قش الأرز لورق طباعه تم الانتهاء منه بتكلفة تزيد عن المليار دولار لإنتاج 300 ألف طن من لب الورق، و 100 ألف طن من الورق على مساحة 128 فدان
▪️بينما دمياط ( المغضوب عليها ) والتى تزرع أرز على مساحة 47.5 ألف فدان [ 27% من مساحة محافظة البحيرة ] مش عاوزين يعملوا فيها مصنع خشب وباللات القش يتم تصديرها خام من ميناء دمياط بدلا من عمل مصنعين تلاته بدمياط لاستغلال هذه الثروة المهدره
🔘طيب إعملوا لنا مصانع وأطرحوها أسهم على الدمايطه فقط ( اللى جمعوا 2 مليار جنيه في أيام لجامعة الأزهر الجديدة ) وهما بالتأكيد هيجمعوا أي مبالغ تحتاجها هذه المصانع
★أقول لكم ... أعملوهم في جمصه علشان الخير يعم علينا وعلى أهل الدقهليه
🔘بلدنا جعانه مصانع ... وتحتاج رفع ناتجها الصناعي الهزيل مرتين تلاته على الأقل ، وإحنا لو أعلنا فقط عن البدء في إنشاء هذه المصانع هتلاقوا ناس خلايجه داخلين يريلوا عليهم علشان يشاركوا فيهم ... ده بجانب أن الدمايطه عندهم احتياطيات نقديه " تحت البلاطه " أكثر من عمان والبحرين مع بعض 😄
منقول من مهند فايد