- إنضم
- 30 نوفمبر 2021
- المشاركات
- 10,778
- مستوى التفاعل
- 29,571
- النقاط
- 43
- المستوي
- 10
- الرتب
- 10
Marker
1 d · Facebook for Android ·
أيوة الواقع تخطى الحلم 👌
و دة بيحصل لما يكون إفتتاح مصنع بحجم إنتصار عسكري و إحنا لسه في أكتوبر شهر الانتصارات و إفتتاح اليوم هو نصر عظيم ،
⚡ في 2001 أول مرة سمعت فيها عن الرمال السوداء لما الجرائد هنا تناولت أخبار خلافات بين اهالي البرلس و الحكومة على أراضي وضع يد للأهالي و الحكومة رافضة الوضع و طلع قرار جمهوري بملكية الأرض لوزارة الكهرباء برقم 154 لسنة 2001
⚡و ( للعلم عملية تسخين الأهالي هناك كانت شبيهة تماماً بعملية تسخين أهالي دمياط عشان مصانع إسالة الغاز ما تكملش ) يعني من زمان و إلى الأن اي مشروع فيه خير لمصر العملاء ووما أكثرهم بيسخنوا الناس إنها ترفض المشروع ، لكن بعدها ما مفيش نهائيا أي اخبار عن الرمال السوداء أو المنطقة اللي حصلت فيها مشاكل ،
⚡ في 2007 قابلت واحد أخ صديق ليا كان عنده كافيه على البحر الصغير في الروضة و كل شلة الروضة هتفتكر أيام الكافية دة و كان الراجل دة بيصدر طن الرمال السوداء ب 40 دولار بالشحن كمان و طن الرمال السوداء ب 22 دولار و في المقابل بيستورد مواد غذائية بنسب خصم تتخطى 70%و لما سألت واحد من أصحاب عمري من شلة علوم من فريق مسرح علوم عن الرمال السوداء و الرمال البيضاء اتخضيت من كم الصناعات اللي بتدخل فيها و كلها مهمة جدا جدا و حقيقي اترعبت من أهمية الرمال السوداء لأن كل عناصرها بتدخل في صناعات إستراتيجية سواء عسكرية أو غيرها و حزنت و أحبطت بشكل كبير من فكرة إنها كنز مهمل عمدا عشان يتسرق منها ،
((( أو بالأصح تم الإتفاق ضمنياً من دلاديل الغرب على تعطيل أي مشروع مهم للبلد بتسخين الناس عشان ترفضه و من نظام بيسمح ببيع مواد خام من خلال خدامين و صبيان له و مش بيقوم بدوره إنه يقوم بتصنيعها و يعظم قيمتها المضافة ))) ،
و للعلم الموضوع كان وصل من البجاحة في السرقة إنهم بينزلوا إعلانات على موقع على بابا إن طن الرمال السوداء بكذا و كان أخر سعر 19 ألف جنية مع إن الطن ممكن يدخل لمصر مش أقل من 60 ألف دولار و الرمال البيضاء كذلك حسبنا الله و نعم الوكيل فيهم،،،
⚡ في سنة 2015 الريس أجتمع مع عدد من العلماء المصريين العباقرة في الخارج اللي العالم كله يشهد بتميزهم الفائق زي دكتور مهندس هاني عازر و دكتور طارق شوقي و دكتور هاني سويلم و دكتور إبراهيم سمك و غيرهم من العلماء المصريين اللي كلهم إخلاص و إيثار لمصر ، و كل واحد منهم قدم ورقة عمل و ساهم بجهده بلا مقابل في إعادة بناء مصر اللي بنشوفها دلوقت و إستغلال كل مواردنا بأفضل شكل ممكن ،
⚡ المهندس هاني عازر عمل أنفاق قناة السويس و الدكتور طارق شوقي عمل بنك المعرفة المصري و نظام تعليم محترم لا يرفضه إلا من لا يعي تطور العلم و سوق العمل الأن و غدا و الدكتور هاني سويلم وزير الري حالياً و صاحب أفضل تقرير فني عن سد النهضة و مشاكله و عيوبه و الدكتور ابراهيم سمك و هو أفضل من يعمل في تكنولوجيا الطاقة الشمسية في العالم و شوفنا كلنا حقل إنتاج الطاقة الشمسية في بنبان بأسوان و اللي وكالة ناسا نشرت ليه مجموعة صور من القمر الصناعي و كان مهتم جدا بإستغلال الرمال السوداء،
⚡ لما قابلت الراجل المصدر للرمال السوداء في 2007 و عرفت بعدها القيمة المهولة للرمال السوداء بقيت أتلصص أي خبر عن إستغلالها لحد سنة 2014 في سبتمبر بعد تولي السيسي ولاية الأمر بثلاث شهور فقط لما صدر قرار تاريخي من رئيس مجلس الوزراء بتاريخ 9 سبتمبر 2014 صدر قرار السيد / رئيس مجلس الوزراء في المؤتمر الخاص ببحث إستغلال الرمال السوداء بأنشاء الشركة المصرية للرمال السوداء كشركة مساهمة مصرية طبقاً لأحكام القانون (159) لسنة 1981
⚡ ثم تأسست الشركة المصرية للرمال السوداء كإحدى شركات جهاز مشروعات الخدمة الوطنية، بتاريخ 15 فبراير 2016 برأس مال مُصدر قدره (500) مليون جنيه وتم زيادته ليصبح 4 مليارات جنيه بنسب مشاركة 61% لجهاز مشروعات الخدمة الوطنية، 15% لهيئة المواد النووية، و12% لبنك الاستثمار القومى، و10% لمحافظة كفر الشيخ، و2% للشركة المصرية للثروة التعدينية.
و النهاردة كان الإفتتاح بفضل الله العظيم 👌👌👌
⚡ و في 2018 كنت نشرت خبر عن محطة بنبان بأسوان و إننا قريب هنصنع لوحات الطاقة الشمسية ، فدخل علق على البوست مهندس علاء الدين سيد و لي كل الشرف اني على صفحته فهو من هو عظيم القيمة و القامة فهو ( كبير مهندسين شركة رايثون ) الأمريكية و هو منصب لكم أن تعرفوا كم هو عظيم فرايثون هي أهم كيان ل تصنيع السلاح في أمريكا ،
و الأولى أيضا بمجموعة شركات تصل إلى عشرة شركات و هي المصنع الأول للصواريخ في أمريكا ،
و قال أتمنى كمصري إن مصر تستغل الرمال السوداء و الرمال البيضاء لأنها كنز المستقبل و لما رديت عليه إن مصر بقالها سنتين بالفعل شغالة على تكوين شركة لإستغلال الثروات دي و صدر لها قرار من رئيس مجلس الوزراء و هيبقى فيه مصنع تعدين و مصنع للفصل بين العناصر في كفر الشيخ ، مهندس علاء ما كانش مصدق فجبت له قرار رئيس مجلس الوزراء المذكور في السطور السابقة ،
و هنا ،،، الراجل من فرحته كان تقريباً بيبكي ❤️
و هنا أنا كهمشري أطمئنيت إننا ماشين صح لأن إستغلال ثروة مثل هذا الثروة هو أمر في منتهى الخطورة و لصالح مصر بشكل ممكن يخليها من الدول الصناعية الكبرى بمعنى الكلمة ،
⚡ أفرحوا يا مصريين و خليكم واثقين في كرم الله مش بس عشان بنستغل ثرواتنا بشكل صحيح و لا عشان بنعظم القيمة المضافة لمواردنا لكن كمان إحنا بنضع بلدنا في موقع تستحقه و في طريقنا فعلا و واقعاً إننا نكون من الدول الصناعية الكبرى 👌
⚡ عاوز تعرف إزاي مصر قررت من الاستفادة من 41 عنصر في الرمال السوداء شوف التقرير دة 👇
من فضلك,
تسجيل الدخول
أو
تسجيل
لعرض المحتوي!
⚡ و كفاية إني اقولك إن دي عدد من الصناعات اللي بتدخل فيها عناصر الرمال السوداء 👇 و دة على سبيل المثال لا الحصر 👌قوالب الطائرات.
هياكل السيارات والطائرات.
العربات المصفحة والعربات الحربية.
قضبان السكك الحديدية والكثير من الصناعات الثقيلة.
صناعات السيراميك والبلاط والمنظفات.
صناعة المواد الحرارية والمطاطات.
مواد الصنفرة، خاصة صنفرة الحوائط.
الأرضيات عالية التقنية.
صناعة الزجاج والكريستال.
صناعة المعدات الرياضية.
صناعة أدوات التجميل، والدهانات.
صناعة البورسلين، والخزف، وأواني الطهي.
عشان كدة كتبت جملة إن الواقع تخطى الحلم 👌👌👌👌👌
الحمد لله على فضله و على أن وهبنا رجال مخلصين لا هم لهم إلا رفعة هذة الأمة ،
اللهم زد من فضلك على مصر و أهلها و زد و ضاعف الخير و صبه على أهلها صبا صبا و فردا فردا 🤲
اللهم أحفظ مصر 🇪🇬 أرضاً و شعبا و جيشا و قيادة إلى يوم الدين
و #تحيا_مصر دائما و أبدأ إلى يوم الدين غصب عن أي حد 🤚
#Marker
#ماركر #الجمهورية_الجديدة
أدمن / #همشري
https://www.facebook.com/