- إنضم
- 23 نوفمبر 2021
- المشاركات
- 415
- مستوى التفاعل
- 2,387
- النقاط
- 0
تعالى نحط مقارنة و نشوف معايير المنافسة هتكون عادلة بين مصنع قطاع خاص و مصنع تابع للهيئة العربية للتصنيع
و هنتكلم من منظور التكلفة و السعر مع تحييد كافة العناصر المعيارية للمنافسة سواء المتعلقة بالمنتج زي " الجودة ، خدمة مابعد البيع " او المتعلقة بالتوزيع زي " تفاهمات حصص التوزيع ، الحماية من الاغراق " ، بإعتبار جدلاً ان المعايير دي كلها متساوية بين الطرفين
بيراميدز
ـ مصنع حديث الانشاء ، بيحاول يعمل لنفسه اسم و منافسة في السوق العالمي او الداخلي
اي مشروع في بداية بتكون قدرته على امتصاص صدمات السوق او الازمات الاقتصادية ، غالباً بتكون ضعيفة
ـ المصنع يقع في المنطقة الصناعية جنوب بورسعيد
و لا يقع ضمن المنطقة الاستثمارية الحرة ببورسعيد اللي بتتمتع بالإعفاءات الضريبية و الجمركية
وبالتالي المصنع لا يتمتع بالاعفاءات الضريبية أو الاعفاءات الجمركية على مشتريات التاسيس او مشتريات الانتاج كحال المنطقة الاستثمارية الحرة
و ان كان يتمتع ببعض الاعفاءات ، فلن تقارن ابداً بالاعفاءات الممنوحة للهيئة العربية للتصنيع " سنتحدث عنها لاحقاً "
ضيف الكلام السابق ، على كلام صاحب المشروع نفسه ، عن العوائق اللي قابلته و مازالت بتقابله
من بيروقراطية و عدم الرغبة في منحه اي حوافز ، و لم يتم اصدار اي بيان حكومي للرد على الرجل او تكذيبه !
الهيئة العربية للتصنيع
ـ مؤسسة اقتصادية ضخمة و عريقة ، لها باع طويل في الصناعة ، تتبع للحكومة و رئيس اللجنة العليا ليها هو رئيس الجمهورية نفسه
ـ ضخامة الهيئة و تعدد نشاطها الصناعي الى جانب الدعم الحكومي لها ، دي عوامل مؤثرة جدا في قدرتها على تحمل صدمات السوق و الازمات الاقتصادية ، عكس مصنع صغير لسه بيبدأ
ـ الهيئة مُعفاة من ضرائب القيمة المضافة على الاستيراد .
من فضلك,
تسجيل الدخول
أو
تسجيل
لعرض المحتوي!
ـ الهيئة معفاة تماماً من أي ضرائب أو رسوم
و بتاكيد المحكمة الادارية العليا و دي حيثياتها
من فضلك,
تسجيل الدخول
أو
تسجيل
لعرض المحتوي!
و ده كمان قانون 150 لسنة 76 عن حصانات و امتيازات الهيئة
من فضلك,
تسجيل الدخول
أو
تسجيل
لعرض المحتوي!
من المقارنة السريعة دي ، نقدر نقول ان معايير المنافسة "من منظور التكلفة " بين الهيئة العربية للتصنيع وبين أي مصنع او جهة لا تتمتع بالاعفاءات اللي بتتمتع بيها الهيئة ، .. هتكون معايير تنافسية غير عادلة
أما عن الجدوى الاقتصادية من التوسعات في بلد اخر " السعودية " بدلاً من التوسع في مصر
جزئية الرواتب و متوسطها في السعودية 1000 دولار ، ده بعيد كل البعد عن الواقع
غير ان الكلام الصادر عن جهات حكومية سعودية عن متوسطات الرواتب و غيرها ، بيكون كلام غير دقيق
لان الواقع شيء و الكلام الرسمي شيء اخر ، خصوصا فيما يتعلق بالوافدين و المقيمين
ده غير ان فيه جاب كبير جدا بين رواتب العاملين في القطاع الحكومي السعودي و القطاع الخاص
لكن رغم كده متفق معاك ان بالمقارنة بين مستوى الرواتب بين مصر و السعودية
الافضلية " من منظور التكلفة و الاستثمار " هتكون لمصر و ده امر بديهي
و اتعلمنا ده في مدارسنا ، " العمالة المصرية الماهرة الرخيصة "
لكن هل بند الرواتب فقط كافي ، اني اقول تكاليف مشروع في مكان اقل من تكاليف مشروع في مكان اخر ؟!
فيه مصطلح مالي اسمه " المصروف الرأسمالي "
و ده بيكون الانفاق اللي بيعود على المنشأة بإيرادات على اكتر من سنة مالية و ده بيكون انفاق لشراء اصول منها طبعا الاراضي
هل يجوز اني ماحطش في الاعتبار " الأرض المجانية " لما اتكلم عن تكاليف التأسيس ؟
و هي أصل " غير مستهلك الا في حالات الامتياز " أصل بيعود على المنشأه بعوائد على مدار عمر المشروع ككل
فيه مصطلح مالي تاني اسمه " المصروف الايرادي "
و ده كل مصروف او انفاق بيدر على المشروع عوائد على مدار فترة مالية واحدة
هل يجوز النظر لمصروفات سنة مالية " دون النظر لعوائد السنة دي " ؟!
هل يجوز النظر أصلاً لتكاليف مشروع على مدار زمني محدد " دون النظر لعوائد المشروع في السوق اللي أُنشئ فيه " ؟!
عشان اتكلم عن تكاليف لازم اتكلم عن عوائد
عشان اتكلم عن ارباح يبقى بقارن التكاليف بالعوائد
و الارباح في النهاية هي اللي بتحدد نجاح المشروع من عدمه ، مش حجم التكاليف !
و برضو زي ماقولت ، الموضوع في النهاية منطق الربح و زيادته و الخسارة و تجنبها
و اللي بيعبر عن المنطق ده هو الارقام ، و الارقام دايما بتكون واضحة
و لان ماعندناش داتا و ارقام واضحة فكلامنا في النهاية هيكون عبارة عن محاولة للوصول لاقرب نقطة من الحقيقة , لكن مش الحقيقة المطلقة
الحقيقة المطلقة من وجهة نظري ان مافيش حد هيسيب مكان هيكسب فيه 2 قرش ، عشان يروح مكان هيكسب فيه 1 قرش !
و إلا يبقى بنتكلم عن حد مجنون !