مرحبا بك في منتدى الشرق الأوسط للعلوم العسكرية

[Mohamed M78]

تركيا توقع أول عقد تصدير للطائرة القتالية "بيرقدار آقنجي"​

تاريخ النشر: 29.01.2022 | 10:38 GMT

Legion-Media
ذكرت وكالة "الأناضول" أن شركة "بايكار" التركية لصناعة الطائرات المسيرة، وقعت أول عقد تصدير للطائرة القتالية بلا طيار "بيرقدار آقنجي"، التي تعتبر واحدة من أحدث منتجات الشركة.

وقال خلوق بيرقدار، رئيس فرع إسطنبول في الرابطة التركية لمجموعة الصناعات الدفاعية والملاحة الجوية والفضائية، ومدير عام شركة "بايكار": أتممنا الإجراءات اللازمة ووقعنا عقد التصدير الأول للطائرة القتالية التركية غير المأهولة "بيرقدار آقنجي (Bayraktar Akıncı TİHA)".
وأضاف: "في إطار العقد، سنقوم بتسليم الجهة المستوردة العدد المطلوب من الطائرة بيرقدار آقنجي، والأنظمة الأرضية لها في عام 2023"، دون أن يكشف هوية الجهة المستوردة.
وذكر أن الطائرة المسلحة غير المأهولة "بيرقدار تي بي 2" تم توقيع عقود لتصديرها مع 16 دولة.
إقرأ المزيد

من فضلك, تسجيل الدخول أو تسجيل لعرض المحتوي!

وقال بيرقدار في تصريحات لـ"الأناضول" أن زيادة حجم الصادرات التي تحققت وفق رؤية الاعتماد على الذات، كان "أكبر نجاح لقطاع الصناعات الدفاعية" في عام 2021، مشيرا إلى أن تلك الصادرات حطمت العام الماضي رقما قياسيا، متجاوزة لأول مرة عتبة الـ3 مليارات و22 مليون دولار.
وأضاف أن القيمة المضافة المحلية في تكوين الصادرات تتطور بطريقة متزايدة من سنة إلى أخرى، مشيرا إلى أنه إلى جانب توفير مكاسب اقتصادية، توفر الصادرات الدفاعية أيضا أساسا مناسبا لإقامة علاقات استراتيجية مع البلدان المستوردة لتلك التقنيات، وتطوير الأنشطة التجارية والاجتماعية معها.
وذكر أن 75 في المئة من إجمالي الصادرات التركية في مجال الصناعات الدفاعية، ترسل إلى الولايات المتحدة الأمريكية وروسيا وفرنسا وألمانيا والصين.
وقال إن الهدف الرئيسي للقطاع هو زيادة حصته في السوق العالمية، ودخول تركيا قائمة أكبر 10 دول مصدرة للتقنيات الدفاعية في غضون 5 سنوات، مضيفا أن تركيا نجحت خلال السنوات الأخيرة في تخفيض وارداتها الدفاعية بنسبة 60 في المئة.
وتابع: "نقوم الآن بتصدير المنتجات ذات القيمة المضافة المطورة والمصنّعة محليًا مثل المركبات المدرعة والطائرات والمنصات البحرية والذخيرة والطائرات بدون طيار إلى 169 دولة حول العالم، بما في ذلك دول حلف شمال الأطلسي (الناتو) وبلدان الاتحاد الأوروبي".
المصدر: "الأناضول"

 

[hazem]

حقيقي قصص نجاح كبير ربنا يستر يا رب ونلحقهم 🤲🤲🤲

 

[madodedo]

من فضلك, تسجيل الدخول أو تسجيل لعرض المحتوى !

مفيش خيار تانى يا نلحقهم يا يلحقونا 🔪🤪 بس كل المطلوب مننا كا مصريين ننغص عيشت رجال الصناعة العسكرية المصرية 🤣 علشان لو حسو باللأمان هيرجعو للcomfort zone الى كانو فيها لعشرات السنوات فى ناس بتزعل منى لما بنتقد بشكل فج لكن للأسف دى طبيعتنا مبنشتغلش غير تحت الضغط فى اخر لحظة علشان كده الحلو هنشاور عليه والوحش هنعريه لمصلحتنا 😘

 

[مرمبتاح]

من فضلك, تسجيل الدخول أو تسجيل لعرض المحتوى !

طالما مافيش قطاع خاص ولواء متقاعد بيتم مجاملته بمنصب اداري وتقني محتاج علاقات دوليه وقدره تسويقيه وخلفيه تقنيه يبقي انسي اي تقدم وهنفضل في نفس النقطه خطوه للأمام وخطوتين للخلف

 

[BungeeGUM]

من فضلك, تسجيل الدخول أو تسجيل لعرض المحتوى !

للأسف حوار كبير النقطة دي ....والمشكلة برده في مهندسين مدنيين شغالين بيضايقوا لما يلاقوا حد من برا الكيان الي هم بقالهم فيه عقود يجي يبقي هو مديرهم لمجرد انه كان لواء بحري سابق او لواء مهندس سابق او ايا كان

 

[صانع]

أستاذي العزيز مرمبتاح
وأستاذى العزيز madodedo

ما تتحدثون فيه ليس له أى علاقة بلواء متقاعد أو عدم وجود قطاع خاص القصة هى فى الأساس وخصوصاً للقطاع الصناعى العسكرى هو إرادة سياسية وقوة اقتصادية وموارد متوفرة وليست ممنوعة وارجوكم لا تحولوا المواضيع لهذه البساطه في الردود الصناعة فى المجمل ليست بسيطة ما بالك بالصناعات العسكرية واضف إليها الممنوعات على الجيش المصري وأستطيع اقولك لك انك ستصل لنقطة وسيتم إيقاف ما تفعله مره اخرى اذا أظهرت سلاح اقوى أو قمت بأى تطوير يكون فيه خطورة على اى دولة من الكبار وطبعاً الدولة الأساسية وهى اسرائيل دولة الاحتلال

 

[صانع]

من فضلك, تسجيل الدخول أو تسجيل لعرض المحتوى !

كلنا نتمنى هذا ويارب يحصل

لكن أعطى مصر جاره مهمه فى الصناعة كالمانيا وجاره ضد أوروبا كروسيا وتتدخل مصر فى حلف الناتو وانت ترى قصة نجاح كبيرة كما تتمنى لكم غير كده ستظل مضغوط عليك فى اى تطوير

 

[صانع]

من فضلك, تسجيل الدخول أو تسجيل لعرض المحتوى !

أستاذي العزيز BungeeGUM المشكلة التى تتكلم عنها تحدث فى القطاع الخاص وانت تعلم أن الرقابة أعلى كثيرا فى القطاع الخاص فما بالك بالقطاع الحكومى استاذى نحن اصحاب المشكله فى الأساس وانا اتكلم نحن فى أنفسنا يجب أن نتغير ولا اى نظام قادر أن يمنع هذه الممارسات لان المشكلة هى فى نفسياتنا ولكن أن انتبة كل واحد لعمله واشتغلنا بفكرة المجموعة ستنجح هذه المؤسسات إذا كانت حكومية أو خاصة

قصة حدثت معى
كان فى شخص من دولة فى الشرق الاسيوى وكان يعمل على ماكينة للصيانة وجاء ميعاد الغداء فقلت له لنذهب للغداء ونكمل بعد ما نرجع قال لى لا.
يجب أن يعمل هذا الجزء فى البداية نحن شركة كذا وقال اسم شركته وهذا هو ما نفتقده فى مصر الإنتماء للعمل الذى نقوم به والانتماء للشركة وهذا بالطبع يؤثر على الانتماء للوطن وهى دى مشكلتنا

 

[مرمبتاح]

من فضلك, تسجيل الدخول أو تسجيل لعرض المحتوى !

تركيا جاره لروسيا وقبلها الاتحاد السوفيتي اللي كان أخطر علي الغرب كتيرا من روسيا وعلاقتها جيده بالمانيا من ١٠٠ سنه يمكن اكتر وتركيا في الناتو من ٧٠ سنه تقريبا ورغم ذلك ماكنتش بتصنع شي .. الموضوع رغبه سياسيه بالأساس وكوادر قادره علي ترجمه هذه الرغبه علي ارض الواقع
بالنسبه لوجودنا علي جدود اسراءيل فده سبب فعلا حقيقي بس السياسه هي فن الممكن ومش لازم نكون انهزاميين

 

[hazem]

من فضلك, تسجيل الدخول أو تسجيل لعرض المحتوى !

لا الموضوع عمر مكان جاره مهمة

هي بالأساس إرادة سياسية صرفة

أحنا في الستينيات كنا كده لولا الحروب كنا عدناهم

طبعا الله يكون في عون النظام اللي موجود حل الملفات الصعبة الأول وداخل علي الملفات دي دلوقتي يعني مستحيل كا نعمل مصانع من غير بنية تحتية أصلا (كهرباء وخدمات)

المهم نبدأ بقي ومنعطلش تاني

 

[Aymanop1522]

من فضلك, تسجيل الدخول أو تسجيل لعرض المحتوى !

السيسي رد وقال المرحلة القادمة الاهتمام بقي بثلاث حاجات الصناعات عالية التقنية والزراعة والاتصالات والحاجات دية تحتيها تفريعات كتيرة باذن الله خير كتير جدا

 

[hazem]

من فضلك, تسجيل الدخول أو تسجيل لعرض المحتوى !

حقيقي تحتيهم كل قطاعات الدولة غالبا وهيبقي أقتصاد إنتاجي مش ريعي

أستاذ عبد الحليم قنديل بيصوت في ده بقاله أكتر من 40 سنة من أيام مبارك الله يرحمه

 

[madodedo]

من فضلك, تسجيل الدخول أو تسجيل لعرض المحتوى !

حضرتك لو تعرف الكيانات الصناعية الى مصر بتملكها تقدر على ايه مكنتش قلت كده على فكرة الجيش عندنا عنده كيان صناعى عملاق تم تجهيزه على فترات متباعدة من اول الستينات الى الثمنينات لحد اوائل التسعينات مع تحديثات بسيطة فى فترة 2008 أغلب المصانع دى كان فيها ما يكفى لإنتاج تكنولوجيات بكل سهولة لكن بكل بساطة اكتفو بتكرارها لو تلاحظ كل المنتجات الى طلعت الفترة الى فاتت طلعت بدون اى تحديثات للمصانع دى او تحديثات بسيطة لا كانت بتطلع من ورش المصانع حتى من أول سيناء 200 لحد تحديث نسخ الرشاش المصري بالبولمر وغيرها الفهد لم يتم اى تحديث خارجى حتى للهيكل الى تلحيمة بيتم فى الهيئة مشغلينة على الفابريكا بقاله عشرات السنين المصانع المصرية كان عندها كل التكنولوجيا الى تقدر بيها تنتج درون خفيف لكن محدش انتج حاجة الجيش كان بينقى افضل مهندسين فى مصر ويدخلو بكل حماسه اعرف واحد بس الكلام ده من اكتر من 10سنين هوا شغال حاليا فى مصنع فى ألمانيا مهندس قوى كان عنده طموح كبير جدا وافكار مبهره دخل اشتغل فى صيانة الصواريخ مستحملش وسافر مديرين المصانع اول لما تقلهم تصنيع عسكري مخة يشطح ويبقا عاوز يصحى الصبح يبقا امريكا وادونى مئات المليارات من الدولارات والا مش هعرف أشتغل مع انه لم يستغل إمكانيات مصانعه للحد الأقصى حتى الأن ده غير فى مصر كان زمان بيحصل حركة معفنة جدا و اتمنى انك متضحكش ان الدولة تعمل مصنع يشتغل شوية وبعد كده يقل إنتاج المصنع ده لحد لما يتوقف وبعد كده يتنسي ومرتبات العمال شغالة وتسئل المسؤول ليه مبتنتجش كذا يقلك معندناش مصنع ليه الدولة مكنتش تعرف المصانع الى بتملكا تخيل كانت مصر عاملة زى الإتحاد السوفيتى بعد الحرب كيانات صناعية عملاقة مترامية الأطراف بدون معلومات عنها فا تلاقى الدولة كانت بتستورد الزجاج المدرع بالرغم من ان كان عندها مصنع بيتم تجهيزه للغرض ده الى هيا بالمناسبة تكنولوجيا سهلة مش صعبة المصانع المدنية بتعملها فى مصر بسهولة او ان المصنع يكون معمول لتصنيع منتجات عسكرية ويقل احتياج الجيش منها يتم توجيهة لمنتجات مدنية ويفضل ينتجها بدون ميصنع منتج عسكرى جديد مصنع الإبرامز الى تم تجهيزه فى الثمنينات مكنش يعرف ينتج عربية مدرعة مصانع الطائرات الى انتجت طائرة نفاثة فى الستينات مكنتش تعرف تنتج درون مصنع الصواريخ الى انتج صواريخ فى الستينات لكن كان يعيبها التوجيه ميعرفش ينتج صاروخ لحمل الأقمار الصناعية الخفيفة مصر دخلت مشاريع تطوير كانت تجيب منظومة غربية وتطلب من مهندسيها عمل تعديلات للمنظومة دى وبعد كده تاخدها لمصنعها الام وتعمل التعديلات دى مقابل تصنيع المنظومة على الأراضي المصرية او ناخد مكافأة عملنا كده فى منظومة كروتال الفرنسية ومنظومة أمون طيب ليه الدول دى بتقبل كده بكل بساطة التعليم فى الغرب غالى جدا انك تحمل شهادة جامعيه موضوع صعب ومكلف علشان كده بتلاقى كلهم بيكتفو بتعليم المدرسه ومبيرحوش جامعة عكس مصر الى من أيام الملكية بتوفر تعليم جامعى بتكلفة قليلة جدا
وده خلى عندك إعداد مهندسين كتيرة جدا دى نقطة قوة لأى بلد لو مستغلتهاش تبقى غبية شوف الهند مهندسينها بهايم ولا يفهمو حاجة وكانو بيعملو كوارث وعنجهية فارغه وإصرار على رائيهم حتى لو كان غلط بكل غباء والمهندسين المصرين بيلمو وراهم عن تعامل شخصى معاهم فى شركة أجنبيه فى مصر كانت مديرة الشركة من السويد مجبره انها تشغلهم علشان اتفاقيات مع بلدهم تخلى المهندسين المصرين يراجعو ورا كل حركة بيعملوها علشان نقلل من حجم الكوارث بتاعتهم ومع ذالك بلدهم نشراهم فى كل شركات العالم بيتعلمو من كل المدارس الهندسية وعندك مهندسين مخهم الماظ ومرمين على القهاوي فى تقصير حصل بسبب سلبية القائمين على الصناعات العسكرية المصرية ومهندسينها من اول مديرين المصانع لحد الوزراة ورئيس الجمهورية اما نقطة حماية الصناعة من إسرائيل ودى كارثة تانية دولة طويلة عريضة ومش عارفة تحمى مهندسينها ده إجرام فى حق البلد المفروض المعاملة بالمثل تقتلى مهندس اقتلك 6 مفيش دولة بتتبنى بالأمنيات والنوايا الطيبة الصناعة العسكرية احد مفاصل الدولة بدونها مصر تكون دولة مشلولة بيتم إصلاح الخطأ ده دلوقت بالرغم من اننا اتئخرنا كتيييير جدا لكن الأهم توضيح مشاكل الماضي علشان منقعش فيها فى المستقبل علشان للأسف مصر بلد السنريوهات المتكررة عارف انت لما يقلك اخد اربعين قفا على سهوة هوا ده حال الصناعات عندنا 🤣

 

[صانع]

من فضلك, تسجيل الدخول أو تسجيل لعرض المحتوى !

عارف كلامك فعلاً كويس بس الصراحه فى حاجات كتير ناقصه الشركة اللى انا بشتغل فيها قطاع خاص بتعمل من ٦٩ شوفت تقريباً كل شركات القطاع العام وشوفت اغلب المصانع المدنية وتعاملت مع المصانع العسكرية واعرف قدرتها جيدا جدا واعرف تاريخ الشركات العامة والعسكرية وأغلب الخاصة واضح من كلام حضرتك انك ماتعرفش أية سبب وصول الحال لذلك للاسف هو التاريخ عصر الانفتاح والتعامل بالتجارة ونسيان الصناعة وبعد ذلك الحرب وتدمير اقتصاد البلد ثم حسنى مبارك وتكملة سلسلة الإهمال للقطاع العام وتغليب بعض الكيانات الصناعية من قطاع خاص حتى انتهى معظم القطاع العام

وبداية الانهيار هى من إغراق الأسواق بالمنتجات المستوردة والبعض عن التصنيع من ايام السادات وبعده حسنى مبارك واستمر الموضوع حتى أصبحت الصناعة لا تستطيع المنافسة وخصوصاً بعد دخول الصين والاستيراد المفرط والمدمر منها وسبب ذلك ضعف أكثر فى الصناعة وأصبحت التجارة هى الأساس

ويا سيدى العزيز أن أعلم جيدا قدرة المصنعين المصرين من قطاع عام وخاص وجيش لانى اتعامل مع كل هذه القطاعات واعرف ماتسطيع الدولة عمله والقطاعات خاص وعام أو ماتبقى من القطاع العام واعرف جيدا مهارة اليد العاملة والمهندسين فى مصر

أما ما تتكلم عليه فى الصناعات التى خرجت من الجيش فى الاونه الخيرة فى بسبب اسرار من القياده السياسيه لعمل ذلك وقاعدة البناء موجوده فالطبع تم عمل هذه الآليات العسكرية الجديدة ولكن ماتم إدخاله من ماكينات DMG وتحديث خطوط الانتاج هو من اعطاك القدرة لتطوير الأسلحة الخفيفة مثل الرشاشات و الأعيرة النارية الحديثة وعيار الناتو الذى لم يكن موجود من قبل ولم ينتج وكانت مشكله ايام ٢٠١١

ولو الدولة عايزة تعمل اكتر من كده هتعمل لان الأساس موجود وفعلاً مصر عملت تعديلات كثيرة على معدات وتم و اعتمدتها الدول المصنعة فعلاً

ولكن هل وافقوا بأنك تقوم بتصنيع المعدة وتطويرها لتكون جزء من سلاحك فى المستقبل اعتقد لم يحدث وللاسف لن يحدث الا لو انت من صنع المعده بالكامل من البداية واضفت عليها ما تريد

 

[صانع]

من فضلك, تسجيل الدخول أو تسجيل لعرض المحتوى !

لا يا سيد العزيز الجاره سبب كبير فى وقف كتير من مشاريعك والضغط عليك لعدم امتلاك بعض الأسلحة بشكل رسمى وعلنى

وللعلم الاتحاد الأوروبي كان مانع عنك التقاوى وعمل مركز بحوث يعمل فى هذا المجال بشكل حقيقي فى مصر ايام حسنى مبارك وكان السبب انك تظل تستورد منهم

هل نسيت الاعلان المشهور لجودة القمح الامريكى

 

[صانع]

من فضلك, تسجيل الدخول أو تسجيل لعرض المحتوى !

لا يافندم روسيا فى الاصل لم تكن عدو هل نسيت أنها كانت مع قوات الحلفاء فى الحرب العالمية الاولى وكانت بعد ذلك فى الحرب العالمية الثانية على الحياد فى البداية ثم دخلت للحلف مره اخرى وسبب من أسباب توقف الحرب فى اليابان ليست هوروشيما وناجازاكى فقط ولكن توغول الروس وهذا ما زاد من اتخاذ قرار ايقاف الحرب من جانب اليابان حتى تحافظ على هويتها ولا تصبح مثل روسيا

أما بالنسبة لتركيا فى بدأت حدود الثمانينات من ٨١ تقريباً وتقاربها مع ألمانيا وأنها بعد تحلفها مع الناتو أصبحت خط الدفاع ضد روسيا بالنسبة للغرب بعد ما امريكا وجدت أن الاتحاد السوفيتي سيكون قوة أمامها يجب تفكيكها وهذا ما حدث واعتقد انت تعلم ما تم لتفكيك الاتحاد السوفيتي لتصبح امريكا القطب المتحكم الأوحد فى كل العالم وهذا استمر من وقت طويل وحتى الآن مازال بعض الشئ بعد ظهور الصين ومحاولة روسيا الرجوع لسابق عصرها من جديد

وللاسف أن نحن كنا غارقين فى حروب من زمن عبد الناصر حتى إلى ٧٣ وتم استقلال اخر جزء من مصر هى طابا سنة ١٩٨٨ واعتقد كان لازم يحصل تعمير لكل ما حدث ايام الحرب وهذا أخذ وقت طويل

انا باقى ماذكرت هو صحيح الاراده السياسيه مهمه أو بالصح هى اصل البداية ولكن اقول لك انك إذا وصلت لنقطة فيها سلاح نوعى أو تهديد الجاره أو لدول أخرى كبرى سيتم إيقاف ما تفعله يكفى الثورة التى اخرت من عمر الشعب سبع سنين تقريبا حتى استطعت أن تقوم مره اخرى وفى ظل جائحة اخرت العالم اجمع