مفيش حاجة هتجبنا ورا غير القروض
وهتدفع العجز في الميزان التجاري منين ؟
احنا بنستهلك اكتر ما بننتج .. هنجيب الفرق ده منين ؟
احنا بنزيد يوميا اكتر من ٤٠٠٠ الاف مولود جديد
يبقى احنا محتاجين كل يوم نبني الاتي مش عشان نتطور لكن ليبقى الوضع على ما هو عليه :
- ١٠٠ فصل دراسي يوميا
- ٢٠٠٠ شقة بخدماتهم يوميا قيمتهم على الاقل مليار جنيه .. يعني سنويا ٣٦٥ مليار جنيه للبند ده فقط عشان تحافظ على الوضع كما هو
- ١٠ مستشغيات جديدة يوميا
- حوالي ١٥ الف جنيه زيادة يومية في دعم العيش فقط
ده غير زيادة الحاجة للمياه والارض الزراعية والصناعة وحاجات تانية كتير
انت بتقول الصين والهند .. ياريتنا نبقى زي الصين او حتى الهند في معدل الزيدة السكانية.. الدول دي مش كل اراضيها صحراء قاحلة زي مصر.. مصر افقر دولة في العالم مائيا من ناحية سقوط الامطار.. مفيش غير النيل اللي حصتنا فيه تكفي فقط لاطعام ٥٥ مليون مصري
مفيش حاجة هتجيبنا ورا غير اننا نتكلم عن مشاكل بلدنا من غير ما نكون فاهمين حقيقة المشاكل دي