مرحبا بك في منتدى الشرق الأوسط للعلوم العسكرية

انضم إلينا الآن للوصول إلى جميع ميزاتنا. بمجرد التسجيل وتسجيل الدخول ، ستتمكن من إنشاء مواضيع ونشر الردود على المواضيع الحالية وإعطاء سمعة لزملائك الأعضاء والحصول على برنامج المراسلة الخاص بك وغير ذلك الكثير. إنها أيضًا سريعة ومجانية تمامًا ، فماذا تنتظر؟
  • يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......

دعوة للنقاش جيلان قاسم ورقعة الشطرنج ...... و تكون اقطاب عالمية جديدة

دعوة للنقاش

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج " 2 " الجمعة 23 سبتمبر2022 :.
✍️د.جيلان قاسم
مشهياصكم اهو 😁😁
🔴 نبدأ بقا بالحاجات اللي بحبها
Приезжайте на родину Твои братья ждут твоего возвращения

اللي مكتوب علي اليافطات في الميدان الأحمر
" تعالوا للوطن الام .. اخوتكم هنا مستنينكم "
بالاحتفالات و الموسيقى الحماسية و المغنيين الروس
و موسيقي الجيش
الروس بيدعموا الاستفتاءات الخماسية في اوكرانيا
" انا علي فكرة بحب نشيد الجيش السوفيتي جداا وحماسي بالنسبة لي 😁😁"
بس تعالوا نشوف ماذا يفعل سيد الكرملين
🔷🔶 انهاردة و لمدة 5 ايام بداية استفتاء انفصال 23% من ارض اوكرانيا " اللي هي اصلا منشقة عن الاتحاد السوفيتي .. يعني فلوسنا وعيالنا و بيرجعولنا يا عمممي 🤷🏻‍♀️🤷🏻‍♀️"
مناطق خريسون .. زابورجيا .. دونتيسك .. لوهانسك .. دونباس " و بالروسي دامباس .. عشان لو كتبتها دامباس متفكروهاش خطأ املائي 😁"
الخطوة دي لها تأثيرين
♦الاول اقتصادي 👇🏻👇🏻
▪منطقة زي خريسون مثلا هي مزرعة القمح الاوكراني
فحضرتك كده بالسلامة اوكرانيا في القمح
" فاكرين في 13 مارس نزلت بوست علي الاكونت الرئيسي : و تنتج روسيا 37% من انتاج القمح في العالم
تؤ تؤ يا چي
ده 28% فقط
چي : لا ما روسيا هتاخد خريسون اللي بتنتج 9% من القمح عالميا 🤷🏻‍♀️"
و بفضل الله مفيش توقع وااااحد خاب مع الشطرنج من يوم الحرب دي 👌🏻
▪زابورجيا 👈🏻 طبعا محطة الطاقة اللي بتنور 20% من اوكرانيا ...... يعني كييف و لفيف وميكولايف اللي هينورهم القيصر ... والله هو منور الدنيا بس ده مش وقت مشاعر 😍😍😍
▪دونباس .. لوهانسك .. دونتيسك 👈🏻 مصادر الحديد .. غلال ... يورانيوم
📌بيعيش فيهم حوالي 8 مليون اوكراني
اللي هي اصلا تعدادها 45 مليون اساسا 🤷🏻‍♀️🤷🏻‍♀️
▪يعني انخفاض حوالي 18% من حصيلة الضرايب تخرج من جيب كييف الي موسكو 👌🏻
" ما انت لازم يا عزيزي تفكر في الموضوع باكيدچ كده گ خساير لاوكرانيا
▪هترتفع نسبة البطالة في اوكرانيا من 10.9% الي 32%
هو ده غلاسة كده 🤔
لا يا عزيزي
المصانع الموجودة في المناطق دي كانت مستوعبة حوالي من 20% الي 25% من العمالة
فالمصانع ومعامل التكنولوجي والمزارع هتبقا لمواطنين روس بقا
" بعد كده هتبقا عايز تشتغل يا حبيبي 👈🏻ابقا روسي 🤷🏻‍♀️"
و بناءا عليه الدخل الاجمالي والناتج القومي لاوكرانيا هيتمسح بيه الارض عااادي جداا
و ده سبب هيخلي الاوكران يرجعوا لاصولهم الروسية اسرع من فكرة الحرب

♦ثانيا سياسيا :
اللي متخدوش بالسلاح .. تخده بالسياسة
جوازات سفر
معاشات محترمة
تعليم مجاني
تأمين و رعاية طبية
وجيش قوي ومصانع سلاح
التغيير الجيوسياسي 👈🏻 تستغل الارض انها تلعب لمصالحك

و ده تخطيط الكسندر دوجين بقا " روسيا الكبري " 👌🏻

🔷🔶 موضوع النووي بقا
بتصفح في Rt لقيت عنوان
Nuclear war is possible : US commander

For the first time since the Cold War, conflict with a nuclear-armed peer is “no longer theoretical"
ده ظابط اميركي اسمه تشارلز ريتشارد كان في قوات الكوماندوز هو اللي بيقول ان من وجهة نظره من الحرب الباردة لحد دلوقتي دي اعلي فرصة لاندلاع حرب نووية يعني

و واشنطن بوست نشرت خطاب من المرحوم جثة البيت الابيض التائهة ل بوتين
بيقوله اوعي تكون بتضحك علي عمك الضو يا واد يا رضا 😁😁
محتوي الخطاب
نووي ايه يا بوتين اللي بتهددنا بيه .. انت مش عارف ان نووي يعني فناء العالم و انتهاء الحضارة
يعني روسيا بتهدد بتدمير العالم

الحقيقة بوتين بيسيب الطلعات دي لحبة القلب ماريا زاخاروفا 😍😍
الست طلعت في تصريح صغنن كده 👈🏻 لا روسيا .. لا عالم .... و لكم جزيل الشكر بالاهتمام بالامر فعليكم ألا تتصرفوا بغباء كما سبق بتهديد حدودنا بالناتو قبل العملية العسكرية ............ و شوحت بايديها كدهوووو ومشيت 😁😁 .. في السوادة اقسم بالله 👌🏻
--------------------------------------------------------------------
🔴 نحتسي حسوتين نسكافيه
و بسمع محمد رشدي بناديلك بناديلك فين انت وانا اجيلك .. بحبه ❤

🔷🔶 معلش مضطرين نزعج الاخوة الدونيين عبيد الامبريالية الغربية
و نقولهم ان الاتحاد الاوروبي بالفعل في مهب الريح
♦ يعني مخابرات بوتين تعبث بالشرق الاوروبي
لدرجة ان المظاهرات بقت واجب يومي
ارتفاع اسعار الطاقة في بلغاريا 40%
رومانيا 38% عن الارتفاع السابق اللي كان 10% يعني بالصلاة علي حضرة سيدنا النبي 50% تقريبا و لسه الشتا
دي حكومة رومانيا هتهرب براها اصلا 😁😁
كراوتيا المعارضة بتنظم موعد استفتاء للخروج من الاتحاد الاوروبي .... وبتلعب علي نقطة ان اصلا الاتحاد الاوروبي اصلا مستحقرنا ومش بيضمنا لمنطقة شنجن

🔹في فرق بين الاتحاد الاوروبي و بين منطقة شنجن
دول مصطلحين مختلفين
في 6 دول اتحاد اوروبي لكن مش شنجن 👈🏻 ايرلندا .. قبرص .. رومانيا .. بلغاريا .. كرواتيا وكان معاهم بريطانيا وانفصلت فاصبحوا 5 دول

الدول دي مش اقتصادات كبيرة
يعني شرق اوروبا دول علي قدهم
لكن بداية التفكك هتكون من هناك
لانهم شعوب مش متحملة اساسا ضغوطات اقتصادية
ومعندهمش قدرة ولا دعم حكومي انهم يتحملوا فواتير الطاقة
فهيبقي التكلفة محملة علي الشعب
اللي هينفجر في وش الحكومات بشكل مفاجيء

🔷🔶 لكن علي الصعيد الاخر
و زي بوست الفراندة ما قسم العالم و لا صينية البسبوسة اللي بعملها بمزاج 😋😋
صعود حكومات اليمين
يوم الاحد هنبارك لتحالف اخوة ايطاليا علي فوزه في الانتخابات
و الحقيقة انا بدعم الحكومات الهتلرية دي .. الكوكب ده مش بتاع ميوعة يعني
اديكم شايفين المرحوم اهو لبسنا كلنا في حيطة 😏😏

♦بس امبارح بقا
بيرلسكوني طاح في الاتحاد الاوروبي كله
و مسك أوروسولا ڤون دير لاين واتهمها انها سبب تدمير اوروبا .. وانها عشوائية
و انهم مش ناسيين موقفها من ازمة كورونا و سوء ادارتها
ومازالت بتعاند
و انها عايزة تفرض قوانينها المنافية للطبيعة علي ايطاليا
" وهنا هو بيساند وزير الثقافة بتاعهم لما قال ان ايطاليا مش هتقنن الشذ..و ذ الجنسي ... ومش هتقنن احقيتهم لتبني الاطفال لان ده هيدمر ايطاليا فيما بعد "
و طلعت اوروسولا تقول لااااااا ازاي ده انت كده ضد الديمقراطية و الحرية " كلمتين مشبوهتين اقسم بالله " 😏😏😏
♦ولما اتسأل الحكومة الايطالية الجديدة هتقف في صف مين قالهم 👈🏻 بوتين
ده واحد بيدافع عن حدوده .. والناتو هدده
و لو انا مكانه هعمل كده
و المفروض المتبقي من أراضي اوكرانيا يجي ادارة " محترمة " تحكمها .... كفاية علي الادارة الفاسدة دي
و قال انا مش عارف الغرب ازاي واقف جنب ادارة جعلت دولتها مصنفة من اعلي دول العالم في الفساد و الرشوة و الاختلاس
" ده زفت ليسكي هيرفعله ازازة چاك دانييل و يعمله لايف من اللي بيطوح فيه ده 😁😁😁"

بس أنا گ چيلان بحترم الناس اللي زي بيرلسكوني ده
و بثق فيه ... محبش الحياد اللي اشبه بالعار
مبحبش الميوعة
مبحبش عباية حكيم العركة دي
انت يا مع الوطن .. يا ضده ........ متقرفناش بمواعظ بقا فارغة 🤷🏻‍♀️🤷🏻‍♀️

🔷🔶ألمانيا بقا الست وزيرة الخارجية دي بتتصرف علي انها رئيس حكومة و بتلبس ألمانيا أكتر ما هي لابسة
عملت دعوة مفتوحة لأي حد معارض لبوتين
انه يروح ألمانيا و ياخد لجوء سياسي
♦طب هتدفعي منين اعانات لجوء 🤔
و لا هتوظفيهم منين 🤔
و لا هتدفيهم منين .. و لا هيجوا بأنابيب الغاز بتاعتهم 😁😁

🔷🔶 و بما اننا لسه في اوروبا
نشوف خناقة البرلمان البريطاني
كانت عركة لطيفة اووي والله والمحافظين والعمال والاستقلال طاحوا في بعض ... و انا أضحك 😁😁

📌الحكومة القمر بتاعت ليز تراس قررت تخفض الضرايب في أكبر تخفيض من 40 سنة
📌الشعب يفرح بقا 🤔🤔
متتسرعش يا عزيزي
التخفيض علي الاغنياء .. و أصحاب شركات الطاقة
طب و الدين العام هتعملوا فيه ايه
العجز في الايرادات هتعوضوه منين 🤔🤔
📌 لا ما احنا هنرفع اسعار الطاقة في بداية الشتا 😁

وهنا بقا انفجر نواب حزب العمال و الاستقلال
ان حزب المحافظين خرب الدولة وفشل في ادارتها لمدة 12 سنة ... و انهم بيعملوا لصالح طبقة الاغنياء اللي هما منهم 🤷🏻‍♀️🤷🏻‍♀️🤷🏻‍♀️🤷🏻‍♀️

يا جماعة عيب كده
ده انتوا لسه عندكم حالة وفاة
احترموا العقربة اللي قعدتوا تلفوا بيها لما حمضت منكم .. كان فاضل تنقعوها في تتبيلة 😏😏
---------------------------------------------------------------------
🔴 كنت اتسألت عن ما يحدث في ايران
و هل امريكا لها يد فيه
فالحقيقة يا عزيزي انهاردو حصل تصرف منهم يثبت ان لهم ايد و رجل كمان 😏😏

♦قرار انها تعمل انترنت مجاني لايران من الاقمار الصناعية
وهنا بقا تظهر مدي خطورو السوشيال ميديا
نشر الشائعات .. بث حالات الفوضي و الفوران .. توليع الدنيا وخلق جبهات معارضة
اللي يدمر اي دولة
عشان كده احنا بنجازف بأعراضنا و سمعتنا و سلامنا النفسي عشان ميحصلش في مصر 👌🏻👌🏻

♦ايران مش ملايكة .. ده نظام لعين و فاسد
لكن وقت الفوضي هناك هو اللي مش مناسب للوضع العالمي

كده لمينا الدنيا تقريبا
ولسه حاجات بسيطة ان شاء الله نلمها بردو

هذا و استغفر الله لي ولكم و لكل عزيزي اختار انه يكون في صف بهية حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
✍️ د.جيلان قاسم
ازيكم .. أنا بخير و زي الفل في نعمة و فضل من ربنا
لكن 23 اكونت ما بين اتحظروا إلي مقيدين
ومحاولات مضنية لفك القيد

لذلك هستخدم برنامج وورد أكتب عليه و اعمل كوبي عشان أقلل وقت فتح الاكونت ده اللي عملنا معجزة لفك التقييد عنه

♦️رقعة شطرنج 25 سبتمبر 2022 :
في يوم هتتفتح فيه مكتبة الفاتيكان .. و مكتبة قصر بالمورال
و هيكون في ناس عندها الفرصة انها تقرأ " ما بال القرون الاولي " .. ما تم اخفاءه و دسه و مخططات تغيير العالم وفقا لما قدره الله
و بردو ساعتها هيظهر ناس تنطبق عليهم الاية الكريمة
وَلَوْ فَتَحْنَا عَلَيْهِمْ بَابًا مِنَ السَّمَاءِ فَظَلُّوا فِيهِ يَعْرُجُونَ (١٤) لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ (١٥) ﴾
يعني بردو مش هيكون فيهم أي أمل انهم يفهموا اللي بيحاك للعالم 😏😏

🔴هنبدأ بفشل كل المحاولات لتأمين سوريا لحد الان :
سوريا تقريبا بيتم قصفها يوم و يوم .. الحجة ان اسرائيل بتحاول تتصدي لايران
لكن القصف علي مدنيين .. في قلب المدن .. علي مخيمات سوريين عزل

🔷🔶 من سنة 1758 و مخطط تفريغ سوريا موجود و معد بالفعل
الازاحة .. الابعاد ... سميها يا عزيزي زي ما تسميها بس هو الهدف 👈🏻 تفريغ سوريا
مش هنكر ان الشعب السوري مشارك الصراحة في المخطط ده .. ان كل الاحتمالات بتيجي علي بالهم إلا احتمال العودة ل سوريا
ايوا طب مين هيدافع عن حتمية وجودية الوطن
هتمضوا مع لاعيبة محترفة من برا 😏😏 .. طب ما جربتوا و القوات الروسية اجتهدت مع القوات السورية
و ده مش عشان سوريا تبقا مرات عمهم
ده عشان بوتين مخططه من أيام تفكيك الاتحاد السوفيتي انه ينتقم من النظام العالمي و يبوظله خططه اللي منها تفريغ سوريا و تقسيم مصر مسلمين ومسيحيين .. وبعد كده النصين يطحنوا في بعض

♦ بالوضع الحالي ده اسمحلي يا عزيزي أقولك ان أي محاولات لاستعادة سوريا من غير أهلها .. هو عبث 🤷🏻‍♀️
و مفيش جيوش هتدخل تساعد الحقيقة .. و تجرجر المنطقة لحرب شرق أوسطية مش هتنتهي
عايز بلدك يا عزيزي الزلمة روح دافع عنها
خايف تموت هناك .. أعتقد انك مش هتموت ناقص عمر " من لم يمت بالسيف مات بغيره .. تعددت الأسباب و الموت واحد " 👌🏻

اسرائيل هتفضل تقصف سوريا .. و ايران هتفضل تتمدد للجنوب جوا سوريا عشان توصل للقدس .. و سوريا طول ما هي وطن بلا شعب ....... فمحدش يحط أمل للعودة

▪ مش نظرة متشائمة لكن قراءة للأحداث اللي بتتطابق تقريبا 🤷🏻‍♀️
تصريحات وزير خارجية تركيا بإمكانية مقابلة بشار والتنسيق معاه عشان عودة الامان لسوريا
لا يمكن نصدقها .. في 6 شهور الاتراك كذبوا في وعودهم أكتر من الصهاينة في تاريخهم كله 😏

🔴 و الشئ بالشئ يذكر : هو ممكن ايران النظام فيها يتغير يا چي 🤔🤔
يبقا القيامة هتقوم يوم الخميس العصر 🙄🙄

النظام الايراني الحاكم عنده استعداد يتخلص من 30% من الشعب في مقابل الابقاء علي وجوده
🔹 اجهزة تشويش فائقة الدقة للتشويش علي الاقمار الصناعية اللي أمريكا أعلنت انها هتوصل بيها انترنت مجاني للمتظاهرين
🔹 ادوات قمع شديدة القسوة ... و لسه الحرس الثوري منزلش علي فكرة

ده سايبين الشرطة تتعامل .. يعني كل البلاوي السودا دي و شرطة بس
🔹 المعتقلات اللي اتفتحت ومخيم الاشراف السني اللي تم افراغه .. و بعد التليفزيون ما نقل وقائع هدم المخيم .. القناة نفسها تم تعطيلها

حاجة نظام الورق ورقنا و الدفاتر دفاترنا كده 😒😒

ده مش نظام هيمشي او يتنازل
ده ابراهيم رئيسي المذيعة الاجنبية رفضت تغطي شعرها عشان تعمل معاه لقاء .. طردها هي والاعداد و القناة واللي مشغلينها 🤷🏻‍♀️🤷🏻‍♀️

وحاليا بتضرب في كردستان العراق ظنا منهم ان الاكراد هما سبب اشتعال الاوضاع في داخلها
📌هو طبعا البنت اللي توفاها الله كردية
لكن الضرب هيمتد لمناطق السنة العراقيين اللي رافضين السوداني رئيس الوزراء المرشح من ايران 😏😏

🔷🔶لكن بؤرة الصراع الايراني علي قد ما هي مؤثرة في الشرق الأوسط
علي قد ما في خازوق مخبي لنا اسمه " اليمن "

♦الحوثي فجر خلاص
يعني بيتعامل بفجور
▪ تجويع للمعارضين له
▪افغانستان جديدة بقا ومنع البنات من الذهاب للمدارس
▪ بياخد الاطفال من اهاليهم يدربهم علي حمل السلاح .. ووقت الدك هيوقفوهم دروع بشرية زي من شهرين بالظبط

وفي ظل انشغال ايران بأحداثها الداخلية و إهمالها لجبهة اليمن
توقفت طبعا المساعدات و الادوية و تفشت الاوبئة و الناس بتشرب وبتستحمي من مياه الابار المخلوطة بمصارف الصرف الصحي

فاللي هو انتوا بتعملوا ايه
أو منتظرين ايه 🤔🤔

و بالمناسبة تفشي الكوليرا في سوريا ده بفعل فاعل .. سوريا انضربت بقنبلة بيولوجية .. ما هو مفيش وباء في اول يوم بيصيب مئات يعني 😏😏 " فاكرين بوست الفراندة أما قولتلكم علي نهاية السنة هتظهر معانا اوبئة جديدة .. و دي أخر كروت الدفاع لحكومة العالم الخفي 🤷🏻‍♀️🤷🏻‍♀️"

♦حل اليمن مش هيكون الا حل عسكري حاسم للتخلص من الحوثي
اااه هيكون في ضحايا طبعاا أبرياء .. لكن لو فكرنا بالمنطق ده المنطقة العربية كلها هتكون ضحية وباء فتاك و عمليات ارهابية متكررة

الحوثي هينزل يعرض نفسه في سوق المنظمات الارهابية عشان ياخد تمويل وهيقرفنا في حياتنا .. وحياتنا اصلا مش ناقصة .. كفاية علينا زفت ليسكي 🤷🏻‍♀️🤷🏻‍♀️
-----------------------------------------------------------------
🔴 قبل ما نتابع تطورات الحرب
نشوف الجون الجديد اللي مصر جابته في ورقة الغاز الرابحة
🔷🔶 كان في حقل غاز قبالة سواحل غزة اسمه " غزة مارين "
السلطة الفلسطينية قافشة فيه .. و الصهاينه قافشين فيه
و عامل زي البيت الوقف
تكلفة تطوير والتنقيب واستخراج الغاز 1.2 مليار دولار
وهيحقق ايرادات سنوية 150 مليون دولار
رجالتنا العظماء بقا بقالهم 8 شهور بالظبط بيتفاوضوا في حوار الحقل ده
و في النهاية مذكرة الاتفاق اتعملت أول امبارح
🔹مصر هي اللي هتتولي عمليات استخراج الغاز من الحقل ده
يعني لا السلطة الفلسطينية ولا اسرائيل لهم علاقة بيه
في مقابل انه العوائد منه هتتقسم علي 3 شركاء
بعد خصم 12% اتاوة " و ده عرف متعارف عليه في التنقيب "
لحساب مصر
يتبقا 88% يتقسموا بالتساوي علي مصر وفلسطين واسرائيل 👌🏻👌🏻

🔷🔶ده الخبر اللي ممكن أي حد يقوله لك
لكن اللي مش هتلاقيه إلا في الشطرنج
♦مين اللي هينقب عن الغاز ويستخرجه 👈🏻 مصر .. عن طريق مييين 👈🏻 شركة ايني الايطالية
حلو الكلام .. حلووووو
♦ايه اللي حصل في ايطاليا " توقعات فراندة چيلان قاسم و صعود حكومة اليمين الموالية لبوتين "
♦شركة ايني 18% منها بتملكه روسيف شركة التنقيب الروسية

يعني الشرط اللي شرطته اسرائيل وهو بيع الغاز للاتحاد الاوروبي .. هيتم تحت اشراف حكومة موالية لبوتين .. يعني هيدخل بردووووو من تحت منخير القيصر ورجاله في ايطاليا🤷🏻‍♀️🤷🏻‍♀️

🔷🔶 بس كده يا چي 🤔
لا يا قلب چي
و دي حتة فيها ذئابة مخابراتية
♦اسرائيل كانت طلبت انها تاخد 50% لوحدها من عوائد الغاز
وبعد تدخل الاتحاد الاوروبي
و بعد تصميم مصر
و بعد ما اسرائيل حسبتها ولقت ان العناد هيخسرها
♦رضخت لاعتبار السلطة الفلسطينية دولة لها نصيب
فأنت عن طريق الاقتصاد بتقدر تسرسب "حل الدولتين" انه يكون امر واقع اهوووو
ما هو حتي لو حصل خلاف يوما ما بين اسرائيل و الشريكين الاخرين .. هتروح تقاضي الشريكين باعتبارهم دولتين 🤷🏻‍♀️🤷🏻‍♀️🤷🏻‍♀️
وصلت يا عزيزي

🔷🔶 وبما اننا جوا ملف الغاز
ف تاجر النسوان بيلعب في عداد عمره
يعني راح للسلطة الليبية في طرابلس و عمل معاها أول امبارح مذكرة تفاهم 👈🏻 للتنقيب عن الغاز
" بيعدي الخط الاحمر 😁"

♦تعالي كده معايا يا عزيزي .. ونحتسي حسوة نسكافيه
فاكر لما كلمتك عن زيارات السيسي وبن زايد و بن سلمان لليونان 🤔
فااااااكر ولا مكنتش بتذاكر في غيابي 😒😒
و كان في ناس بتسأل ايه المصلحة اللي ممكن نحققها من دولة غلبانة زي اليونان
و قولتلكم مسمار في نعش تاجر النسوان
🔹اللي حصل بقا 👇🏻👇🏻
اجتماع عاجل بين نيكوس دبندياس وزير خارجية اليونان والسيد سامح شكري .. نتيجته 👇🏻👇🏻
▪اليونان 👈🏻 الاتفاقية التركية الليبية غير ملزمة و تهدد استقرار المنطقة .. و أي تواجد تركي فيها هو اعتداء عسكري 👌🏻👌🏻
▪مصر 👈🏻 الاتفاقية غير ملزمة و اتفاقية 2019 كمان ملغية ... والاتحاد الاوروبي سيتدخل لصالح مصر

♦طيب ايه دور بن زايد وبن سلمان 🤔
ما هو يا عزيزي لو تاجر النسوان قل بأصله ساعتها استثمارات السعودية والامارات اللي قرروا يعملوها في تركيا هتتنقل لليونان .. بحجة انه اقتصاد واقع واليونان مناخ اقتصادي جاذب 🤷🏻‍♀️🤷🏻‍♀️

♦ده غير ان تاجر النسوان اصلا من اسبوع عمل حركة ندالة مع سيد الكرملين 👈🏻 منع نظام مير المصرفي الروسي خوفا من العقوبات الامريكية
🔸بن سلمان حبيب بوتين و بيقودوا سوا حملة الذل الطاقي في أوبك للغرب
🔸بن زايد بيتغدي انهاردة بيف ستراجانوف مع القيصر في موسكو
🔸السيسي حدث ولا حرج
فسهل جدا ان بوتين يلطش تاجر النسوان كف 3D عن طريق الثلاثي

ف موضوع يا چي ده اردوغاز دخل ليبيا
ده اسمه رصاصة فشنك و هيدفع تمنها
مش كل الحرب قصف مدفعية .. قصف الاقتصاد بيكسب أكتر 😉😉
---------------------------------------------------------------------
🔴 نروح للحرب بقا
🔷🔶 طبعا تهديدات النووي شغالة زي الفل كأنهم هيعزمونا علي بارتي 😏
▪كيم يانج اونج قال 👈🏻 التجارب دي نووية تكتيكية .. و الصواريخ اللي سقطت في بحر اليابان مقصودة
و أنا لن اتخلي عن سلاحنا النووي في ظل الفوضي العالمية دي ... و مش محتاج حد يستفزني لأن كوريا الشمالية لها أهداف لكنها متحلية بضبط النفس " بيقول حكم العاقل الراسي 🙄🙄"

♦لكن المهم ما تم توقعه بالظبط من أمة الله الغلبانة چي
▪قولتلكم المقاطعات الاوكرانية هتنضم ل روسيا بعد الاستفتاء 👈🏻 وحصل
▪قولتلكم ان هيحصل قصور في التسليح الغربي لأوكرانيا 👈🏻 وحصل
▪قولتلكم ان زفت ليسكي هيتصرف تصرف أحمق من اجل استفزاز الكرملين
و ابتزاز الغرب
وحصل 👈🏻 تفجير جسر القرم
واللي روسيا اعتبرته عمل ارهابي علي الاراضي الروسية .. ومن حقها تدافع عن أراضيها
حقها ولا مش حقها .. حقها يا ابو كمال 🤷🏻‍♀️🤷🏻‍♀️
طب الرد أعنف مما توقع الغرب
بتوكة القايش و تلطيش
🔹كييف جت علي الارض .. البنية التحتية بالسلامة
🔹بولندا بتلطم عشان حدودها اتغدغدت
🔹مولدوفا بقا ريأكتد 👈🏻 الله وانا مالي يا لمبي صواريخ ايه اللي نزلت عندي دي 🙄🙄 .. ومظاهرات بقا هناك ضد الحكومة والدنيا بايظة 🤦🏻‍♀️

♦بوتين عارف يحط لكل خرابة العفريت بتاعها
▪ايطاليا 👈🏻 فيها رجالته
▪فرنسا 👈🏻 مارين لوبان قالباها ومظاهرات و دعوات للخروج من الناتو و مغادرة الاتحاد " فاكرين يا حلوين مين اللي قالتلكم لوبان رجل بوتين الفرنسي 👌🏻"
▪ألمانيا بقا 👈🏻 بتنازع الحقيقة
فقرر بوتين تأديب وزيرة الدفاع والخارجية وشولتس بالمرة
ازااااااي 👈🏻 عن طريق قصف السفارة الالمانية في كييف
القنصلية او السفارة هي أراضي اجنبية علي ارض الدولة .. يعني قصف ألمانيا 🤷🏻‍♀️🤷🏻‍♀️

الرد الالماني 👈🏻 وزيرة الدفاع قالت طب فاكرين منظومة الدفاع الجوي اللي اوكرانيا طلبتها في ابريل الماضي " iris t slm "
احنا بقا هنبعتها فورا لأوكرانيا
طب وماله يا غالي .. ما هو ده المطلوب
اقفل يا بني حنفية الغازات النبيلة و اليورانيوم الروسي .... و فرج المانيا المعني الحقيقي للايام السودا يا ميللي 🤷🏻‍♀️🤷🏻‍♀️" يعني حبيبي بالروسي "

♦بعد تقدم قوات فاجنر
و بعد السيطرة علي خليموف
وبعد دخول بيلاروسيا الحرب واستعدادها وجاهزيتها لقصف بولندا
رمضان قاديروف بيعلن انهاردة علي قناته علي تليجرام 👈🏻 بردووووو الحرب لسه مبدأتش
" قاديروف عامل عمرتين و 3 حجات و مخلص ذنوبه وجاهز ليوم القيامة غالبا 🙄"

🔷🔶 السؤال المهم : هل احنا بصدد حرب نووية 🤔
شوف يا عزيزي
كل التهديدات دي و تحريك الغواصات النووية
ولكن كل الاطراف بتجتهد في منع الوصول لمرحلة الحرب النووية .... يعني احتمال بعيد بردوووو

♦ترامب مثلا تحالف مع بوتين
مش لازم التحالف انه يطلع يقول ان بوتين جوز خالتي يعني
لكن ما يفعله في تقليب الداخل الامريكي علي المرحوم
و خلق زخم شعبي مناهض لمعاداة روسيا
و تقدمه في كسب مؤيدين له يوميا
يوضحلك ان في وقت قريب هتخرج دعوات امريكية بوقف دعم اوكرانيا و انهاء الصراع هناك 🤷🏻‍♀️🤷🏻‍♀️

▪العم ايلون ماسك مثلا قطع خدمات الانترنت عن اوكرانيا
ممكن تشوفها تفصيلة مش مهمة
لكن احسبها من ناحية انها إظلام معلوماتي
و أقماره الصناعية مبقتش بتخدم الاوكران
" وطبعا مش لازم نغفل ان ايلون ماسك هو الابن الروحي لدونالد ترامب 👌🏻👌🏻"

🔷🔶 في نهاية الامر
بوتين 👈🏻 هينتقم شر انتقام لجسر القرم
الغرب 👈🏻 مش في حالته اللي تسمحله بالرد أكتر من انهم يبعتوا سلاح .... بس ناتو يضرب روسيا .......... معتقدش
" يا عزيزي ده من اواخر اكتوبر هيفصلوا شبكات المحمول عننا 8 ساعات يوميا توفيرا للطاقة 😩😩"
ادارة المرحوم 👈🏻 بتلعب بكل كروتها
-----------------------------------------------------------------------
🔴 طبعا انا عارفة ان فايتنا كتير
و هنتناوله واحدة واحدة بس مواضيع مترابطة
مبسوطة اني رجعت انزل الشطرنج تاني 🥰🥰

" خبر الغاز بتاع غاز مارين نزل بتفاصيله علي موقع Almonitor" الامريكي للي حابب يتأكد من معلمة رجالة بهية

🔸هذا واستغفر الله لي ولكم و لكل الناس اللي وحشتني ووحشتها في صفحتي و في الجروبات و في كل مكان ... و تعيش بهية حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج الاربعاء 12 اكتوبر 2022 :
✍️د.جيلان قاسم
🔴 هنبدأها بخبرين لطاف كده
🔷🔶 اولا : الاخت ليز تراس حاسة ان كده كده الانجليز هيغوروها في داهية في انتخابات مارس القادم
فقررت تعمل خطوة تغري بيها حكومة العالم الخفية
عشان ينجدوها في الانتخابات

🔸اصدرت قرار بنقل سفارة اسرائيل من تل ابيب للقدس و اعترفت بالقدس عاصمة اسرائيل
علماء المسلمين في بريطانيا " ومعرفش ايه الوظيفة دي اساسا " بس هو كيان عرفي كده قدم للملك تشارلز اعتراض رسمي 😏😏

لكن ده اجراء طبيعي بعد عودة العلاقات البريطانية الامريكية وتحالف الانجلو ... فلازم أجندة التهويد تتم للاخر 🤷🏻‍♀️🤷🏻‍♀️

🔷🔶 الخبر التاني :
يوم 17 سبتمبر 2022
البرلمان الالماني أصدر نص قانون بطرد كل أعضاء جماعة الاخوان المسلمين من حملة أي جنسية خارج ألمانيا
▪هي أصلا مدرجة تنظيم ارهابي مخرب للدول
لكن كانوا سايبينهم يوفقوا أوضاعهم
▪انهاردة بقا جمدوا كل أرصدتهم البنكية و أغلقوا مقراتهم وجمعياتهم ... و أمهلوهم ل يوم 1 نوفمبر لمغادرة ألمانيا
و إلا سيتم توقيفهم قانونيا

و أنا من موقعي هذا بتمنالهم التشتيت في الارض لحد ما يوصلوا للقطب الجنوبي والبطاريق كمان تطردهم .. أمين 🙏🏻🙏🏻
----------------------------------------------------
🔴 نيجي بقا لنقطة كده لافتة نظري :
دلوقت يا عزيزي أي دولة بتعصي أوامر الشيكا بيكا .. تقوم تلم العصابة بتاعتها
و تفرض عليها عقوبات

و اخرها روسيا .. و التهديد لإيطاليا بالعقوبات لو دعمت بوتين
♦طيب السؤال هنا 👈🏻 في خلال السنة الجاية دي هل العقوبات الغربية هيبقا لها قيمة عالميا و لا لا
لو حللنا الأمر سياسيا
هنلاقي ان أساسا العقوبات بقت رصاصة فشنك
حاجة كده لحفظ ماء الوجه

ايه أدلتك علي الكلام ده يا چي 🤔🤔
🔹 عزيزي اللي مذاكر الشطرنج من اول الحرب هيفتكر معايا كام نقطة كده
▪فاكرين رقعة فنزويلا 👈🏻 طرد المندوب الامريكي چيسون من فنزويلا
واعلان نيكولاس مادورو انهم هيتجاوزوا العقوبات
و هيعقدوا صفقات مع ايران و روسيا اللي هما معاقبين اساسا 🤷🏻‍♀️🤷🏻‍♀️
و الصين دخلت في اتفاقية بترولية مع فنزويلا في شهر مايو .. في تحدي صارخ للعقوبات

▪اتكلمنا عن ايران 👈🏻 التحالف الايراني الروسي
حتي النفط بقت بتخرج الناقلات علي عينك يا تاجر و بتخرج سفن حربية تحميها
" اللي هو عايز تجرب .. قرب 🤷🏻‍♀️"

▪طبعا روسيا جم يعاقبوها عاقبت هي الكوكب كله 😏 .. دي عاقبتني انا شخصيا و انا من فانز أبو البتابيت 😩😩

لكن ان دولة صغيرة تقلب الترابيزة علي الغرب كله
و تخرج وثائق مسربة
و تسجيلات فيديو و فويسات
لمندوبي المفوضية الاوروبية
ده اللي هنستعرضه مع بعض 👇🏻👇🏻
♦ دولة نيكاراغوا انسحبت من منظمة الدول الامريكية
و مش كده وبس
مقر المنظمة دي في واشنطن .. ولها مكتب تمثيل رقابي في العاصمة ماناجوا
قفلت المكتب و طردت كل اللي فيها في شكل ترحيل
وسحبت ممثليها من واشنطن

و طلع دانيال اورتيجا رئيس الدولة أعلن ان بلاده لن ترضخ للعقوبات .. و انه هيقطع علاقات دبلوماسية مع امريكا وأي دولة تابعة لها
ظهر كمان وزير الخارجية دينيس مونكادا
وقال 👈🏻 المنظمة دي ما هي إلا أداة شر في يد الشيطان
وانها مجرد اسم دبلوماسي لأنشطة مشبوهة
زي اييييييييه 👈🏻 انشاء معامل بيولوجية في الدول الفقيرة .. و المعامل دي بيتم تخليق فيروسات و اوبئة فيها
و خرج مستندات عن تخليق متحور للملاريا
و خطة نشره في المكسيك 🤦🏻‍♀️

🔹ليه المكسيك تحديدا 👈🏻 غالبا هما زهقوا من هجرة المكسيكيين و اختراقهم الحدود الامريكية .. فقالوا و نقرف نفسنا ليه لما ممكن نبيد الناس دي ونخلص
تفكير جميييييل .. لا وكله حقوق انسان بقا انما شغل فنادق و عليه من فوق طبقة كرسبي من الديموقراطية 😒😒😒

و في خطاب دانيال اورتيجا دعا كل دول العالم للتكتل ضد شيطان العالم زي ما وصفه
و راح لاغي التعامل بالدولار 👌🏻👌🏻

🔷🔶 ممكن عزيزي يشوف ان ده شئ ملوش أهمية
و ايه نيكاراغوا دي كمان 🤔🤔
لكن سياسيا يا عزيزي
ده اسمه التمرد السياسي و نزع الهيمنة 👌🏻
يعني الكبير والصغير مبقاش يحترم قرارات الدول السبعة خلاص ... و هو ده اللي هيعجل بانهيار نظام القطب الواحد

" فاكرين بوست الفراندة لما قولتلكم ترقبوا أكتوبر و نوفمبر 🤷🏻‍♀️🤷🏻‍♀️"

🔷🔶 و بمناسبة العقوبات
تعالي يا عزيزي ناخد رشفة قهوة و نفكر بصوت عالي سوا سوا
♦ هو ممكن السعودية يتوقع عليها عقوبات زي ما الكونجرس بيهدد
و بيتناقش 🤔🤔
محدش كبير علي العقوبات .. زي البحر ملوش كبير كده 😁😁
طب ماذا لووووووو 🤔
🔹شوف يا عزيزي
و انا قاعدة في مكاني كده أقدر اقولك بن سلمان هيعمل ايه ... شوف انت بقا لو طلعت الفراندة 😁😁
▪أول خطوة هتكون الانسحاب من اوبك
و أوبك بلس
يعني اييييه 👈🏻 يعني هوقعلك الحيطة النفطية اللي انت مركون عليها
و دي هتبقا ضربة البداية
لأن روسيا ساعتها ما هتصدق و تنسحب
و الامارات بعد " كل سنة وانت طيب يا صديقي العزيز بوتين " هتنسحب ونص 😉
" كل العظماء اللي لما بتهب منهم بيخربوها مولودين في اكتوبر يا اخي .. ايه الشهر العجيب ده 😌"
▪طب مصر 🤔
هو أصلا الكونجرس هيمووووت ويعاقب مصر بأي سبب
ساعتها مصر هتأخد موقف عدائي صريح مع امريكا
يبقا هنا في خسارة ثنائية
🔸اولا 👈🏻 انهيار المنظمة النفطية الدولية اللي هتحل محلها المنصة الطاقية الروسية اياها اللي كنت قولتلكم عنها
و دي كارثة عالمية .. لأن كل حلفاء الخليج وروسيا هينسحبوا
🔸ثانيا 👈🏻 خسارة منطقة كتلة الشرق الاوسط گ كتلة عسكرية ومنطقة ثقل

▪تاني خطوة ل بن سلمان 👈🏻 هيفتح الباب علي مصرعيه للصين 🤷🏻‍♀️🤷🏻‍♀️
وهتبقا دي بقا القشة اللي قسمت ظهر الحمار مع كامل احترامنا للحمار
لأن بن سلمان ساعتها هينضم بقوة لأي تحالف يناهض الغرب و يكسره اقتصاديا
و هينتهي تسعير النفط الخليجي كله بالدولار 🤷🏻‍♀️🤷🏻‍♀️
----------------------------------------------------
🔴 في ظل دخول الشتا بقا
و في ظل العبث الاقتصادي الاوروبي
هل أوروبا هتقاوم 🤔🤔

🔸بوست الفراندة و صعود اليمين 😉
حتي بولندا يا مووووؤمن
طلع فيها يمين بيقود مظاهرات ضد
" أكرنة بولندا "
حزب التاج القومي برئاسة جريجرزيجورز براون بيقود حملة ضد الحكومة البولندية لوقف استقبال الاوكران
و تقديم اي دعم ل اوكرانيا باعتبار البولند اولي يعني 🤷🏻‍♀️🤷🏻‍♀️

🔸لكن الحكومة البولندية اساسا محتاسة في خوازيق لألمانيا
و النبي بدأت أتعاطف مع الالمان سيكا 😁
بولندا قفلت الغاز الروسي اللي كان بيمر في اراضيها عن ألمانيا .... وقالت لهم معلش يا جماعة أصل الانبوب بيسرب 🙄🙄

فجأة كده سرب يا حج
اااه مركبناش جلدة فسرب 🤷🏻‍♀️🤷🏻‍♀️
طبعا ده ورقة ضغط رخيصة علي الالمان عشان يدفعوا التعويض اللي الحكومة البولندية طلباه
وكمان تقف جنبها في ضم جزء من الغرب الاوكراني 👌🏻👌🏻

♦بوتين هنا بقا صياد قروش 😁
أنا مستعد أبعت غاز لالمانيا
بص بقا ضرب العصافير بحجر واحد
▪ألمانيا ترفع العقوبات أوووو .. تدفع بالروبل
▪هنقلكم الغاز عن طريق المواني التركية والبحر الاسود
كده يرمي كعب لتاجر النسوان فيرجعه تااااني يطيع وبس
▪يوصل الغاز لايطاليا و لو ايطاليا عايزة تبيع منه تبيع .. فيبقا بيدعم رجالته هناك

والله الراجل محترم أهووو و يبدي حسن نيته
الكورة في ملعب الاغبيا بقا 😁

🔷🔶 طب تعالوا نبص علي مسيو ماكغو كده
و السلك العريان اللي لفاه عليه مارين لوبان
▪مظاهرات حاشدة في فرنسا ضد ازمة الوقود .. وضد العودة للمفاعلات النووية .. وضد التضخم .. وضد ارتفاع الاسعار
خطب لوبان عبارة عن 👈🏻 نخرج من الاتحاد الاوروبي .. هو بوريس جونسون اكثر وطنية من ماكرون
و نخرج من الناتو ... احنا عايزين نطلع علي تسليح الجيش الفرنسي .... ولا احنا اتكشفنا 🤔🤔
▪مصانع السكر بعضها وقف بسبب الطاقة
مارين لوبان فرشتله الملاية .. انت هتدمر الصناعات الفرنسية
اضطر يخرج من الاحتياطي الاستراتيجي
" خد بالك يا عزيزي فرنسا هي اكثر منتج للبنجر في اوروبا وبالتالي هي مصنع اوروبا للسكر " ... يعني مش السكر غلي وانا أحلي بايييه .. ده أمن قومي🤷🏻‍♀️🤷🏻‍♀️
▪وزير الطاقة الفرنسي 👈🏻 اتهم امريكا بالسرقة
قال امريكا بتستغل الظروف و بتبيعلنا الغاز 4 أضعاف اسعاره .. و دي سرقة و تكسب من الحرب .. و ده مش شكل صداقة ده بوتين أشرف منهم 😁😁

▪فيدرالية العمل والعمال اعلنت الاضراب العام
وزيرة العمل هددتهم بفض التظاهرات بالقوة و ارجاعهم للعمل بالقوة
" أين حقوق الانسان .. أنا لا اراها يا سيد فيليب 😏😏"
مارين لوبان تسكت ... أبداااااا
حرضت النقابات العمالية انها تقاضي الحكومة

ماذا بينك وبين الله يا ماكرون حتي تتجوز بيرچيت و تعاديك لوبان 🙄🙄
♦موقع France info اعلن امبارح ان خلال الربع التالت من 2022 .. في 9000 شركة فرنسية أعلنت افلاسها

🔷🔶 وبردو مش عايزين ننسي نبارك للملك تشارلز علي الصناعة الجديدة عنده 👈🏻 الشمووووووع
ما هو كهربا مفييييش
فقرر الانجليز اللجوء للشموع
و النبي أجواء رومانسية تدعو لزيادة عدد السكان وهي مش ناقصة والنعمة 🙄🙄
♦وكماااااان 👈🏻 اسكتلندا أعلنت الاستقلال الاقتصادي عن التاج البريطاني
العقربة تشعر بالالم في حفرة جهنم المرزوعة فيها 😌

🔷🔶 لو هنشوف اخبار الحرب
بوتين يتبع سياسة الاظلام
كييف ضلمة ومعاها لفيف وخاركيف
والقوات الروسية أخدت بلدة ليمان
♦صحيح زفت ليسكي قدر يضرب محطة كهربا روسية بصاروخ بعيد المدي امبارح بالليل
بس من ساعتها ومفيش حاجة بتنور كييف الا الصواريخ الروسية 🤷🏻‍♀️🤷🏻‍♀️
ومن ساعة تم قصف قاعدة عسكرية اوكرانية و تدميرها تماما 👌🏻👌🏻
وطبعا رد فعل زفت ليسكي للغرب عاااايز سلاح بسرررعة
بصوا انتوا لافوني سلاح وعدوا الجثث يابا
طب ما انت بتتلب كل مرة 🙄🙄

يمكن القادة الروس متمسكين بجملة الحرب لم تبدا بعد
لكن الحقيقة الحرب بدأت بالفعل
و الجندي الرابح هو 👈🏻 الشتاااااء
----------------------------------------------------
🔴 الخبر اللي كنت منتظرة اتأكد منه
طبعا سامعين عن النزاع البحري في ترسيم الحدود بين لبنان و اسرائيل و اللي بتتوسط فيه امريكا

بعد مجهود رجالتنا ومفاوضات
اسرائيل وافقت تدخل الصفقة بشرط تسليم حقول الغاز لمصر هي اللي تنقب وتستخرج و تبيع الغاز ده
و يتفقوا علي تقسيم عادل زي حقل غاز غزة كده 👌🏻👌🏻
و ده جول جديد لمصر
و يبقا تقرير منظمة فيتش عن مصر بتحولها من دولة مستهلكة للطاقة الي جسر الطاقة عالميا هو كلام مبني علي حقيقة أهوووو 🤷🏻‍♀️🤷🏻‍♀️
يااارب الخير كله لبهية يارب ❤

هذا واستغفر الله لي ولكم و للامام المتغلب و لكل اللي بيحب بهية حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج الخميس 13 اكتوبر 2022 :

عندنا بقا انهاردة حاجات غريبة و عجيبة .. فاكرين برنامج جلال علام كان اسمه لطائف و طرائف باين اهو زيه كده 😁😁

🔴شولتس التائه زي ما بيطلق عليه الالمان بقا مرحوم هو كمان غالبا 🤔

طلع انهارة في خطاب حماسي يتهم بوتين انه بيشن حرب صليبية علي اوروبا
انت بتقول ايه يا حج 🙄🙄

الكلام ده يا عزيزي لازم نحلله من كل أوجه النظر :
سيبك من فكرة ان الحروب الصليبية بقت كخ دلوقت .. و لما كانت علي العرب وبيت المقدس كانت حرب حلوة و لانقاذ رأس الرب و الفشنك ده كله .. هي كانت حرب لصوص لسلب ثروات الشرق كالعادة
♦لكن اللي قاله شولتس ده فضيحة ... اااه والله فضيحة للنظام العالمي كله

وتعالي أقولك ليييه 👇🏻👇🏻
بوتين ضد الغرب في اييييييييه

🔸المثلية : بوتين ضد الفكرة المنافية للطبيعة البشرية السوية دي .. وقال في كذا خطاب ان ده ضمن مخططات المليار الذهبي
اخر خطاب قال فيه والله يا جماعة المثلية دي كلمة مبتدعة لتجميل قذارة الفعل
و ان العالم كله مخدش حاجة من المثلية إلا الامراض النفسية والجنسية والاوبئة الفتاكة مثل الايدز .... و ذلك في اطار تخفيض عدد سكان العالم وكأنهم الله الذي يحدد عدد خلقه
" الكلام ده كلام أي حد عاقل و متزن .. ملوش علاقة بعقيدة معينة " اييييه بقا علاقة الصليب بالموضوع 🤔🤔
🔸الخلاف بين الكنيسة الروسية الارثوذكسية و الفاتيكان : و ده بسبب اقرار الفاتيكان لزواج المثليين من كام سنة كده .. و اعلان البابا فرنسيس ان الملحدين هيدخلوا الملكوت
الراجل الصراحة عمل المنح الالهية سداح مداح 😏😏
و الكنيسة الارثوذكسية الروسية أعلنت هرطقته و تحديه للانجيل و انكاره لعقيدة الفداء والخلاص ضمنيا لتصريحاته ده
و اتهموه انه مخرف 🤷🏻‍♀️🤷🏻‍♀️ .. مش أنااااااا ده البطريرك كيرل الاول بطرك موسكو
عشان محدش يمسك في خناقي أنا 🙄🙄
🔸سن تشريعات تحمي الحرية الجنسية لمن هم فوق 16 سنة : بوتين شايف ان الانسان اقل من 21 سنة هو مراهق نفسيا وعقليا و بالتالي اختياره للعلاقات الجنسية لابد انه يكون محكوم بضوابط أسرية .. و مينفعش يصرح لتلاميذ ثانوي بممارسة الجنس
الغرب شااايف ان ده تخلف 😒😒

اتهامات الغرب التقدمي الجميل كلها منحصرة في الفوضي الجنسية الحقيقة .. طب هنا أي حد ذات أيديولوجية تحمل اتجاه ديني او أصولي هيكون في صف مييييين 🤔
طبعا بوتين 🤷🏻‍♀️🤷🏻‍♀️
و من هنا يبقا كل الاحزاب اليمينية في اوروبا بتدعم بوتين ضد حكوماتهم .. و بتشكل ضغط علي حكوماتها و بتقود مظاهرات ضد حكوماتها
♦ زي مييييييين 👈🏻 " حزب البديل من أجل ألمانيا " و ده حزب يميني ألماني مقره برلين واللي اتأسس سنة 2013
و اللي بعد خطاب شولتس اللي أعلن فيه للعالم توجهات الغرب الضالة اللي بتستهدف تدمير العالم .. و بدل ما يشيطن بوتين طلعه الحاكم الذي يقف للدجال بالمرصاد " عليا النعمة بوتين ده مؤيد بقوة من عند ربنا .. كل ما يجوا يشيطنوه يلبسوا هما😁 😁"
يعمل ايه الحزب ده انهاردة
يسلم التليفزيون الالماني شرايط أصلية ل زفت ليسكي وهو بيقول خطبه و لايفاته " تحسوه يوتيوبر مش رئيس دولة 😏"
♦الخطب كلها بتتم في قصر شديد الحراسة وخلفه غرفة طعام او جلوس او حديقة
و بيلبس حسب طبيعة الخطاب
و يجي مخرجين محترفين يستخدموا الفوتوشوب و يعملوا له خلفيات .. مرة في جبهة القتال و مرة بياكل وسط الناس و مرة في مداخل خريسون
♦المصيبة بقا ان التليفزيون الألماني أذاع الشريط اللي عليه الفيديوهات كلها 😁😁😁
فضيحة السمكة في طاسة القلية 😁😁
♦يقوم يطلع رئيس المخابرات الاوكرانية يتهم المخابرات الروسية بإنها بتمول حزب البديل من أجل ألمانيا .. و يشتم شولتس
طب يا غالي بردو مقولتلناش و للفانز بتوعكم بهاليل الغرب .. هو انتوا بتزوروا ليه و البهلوان بتاعكم فيييين 🤔🤔

العبث الاوروبي في أبهي صوره 🤷🏻‍♀️🤷🏻‍♀️
🔷🔶وبما إننا في ألمانيا الشقيقة
فلازم نوجه الشكر لمسيو ماكغون علي حركة الجدعنة اللي عملها مع ألمانيا
♦ماكرون بدأ من الساعة 6 الصبح يوصل غاز لألمانيا
مدينة ميديلسهايم الالمانية هتاخد الغاز من فرنسا خلاااص ... و لاااا الحوجة لبوتين أهووو
▪السؤال 👈🏻 انت طلعت الغاز ده منين يا عم ماكرون
ماكرون : من الاحتياطي الاستراتيجي اللي أفرجنا عنه يوم 7 اكتوبر 😌
مارين لوبان : الاحتياطي 😳 .. ده انت ليلتك سوداااا
و طلعت الاخت لوبان عملت خطبة عصماء اتهمته فيها بتهدير مقدرات الوطن .. و قربت تتهمه بالخيانة العظمي 😁😁

تدرون شنو السالفة
علي قد ما أنا مبحبش مارين لوبان دي .. علي قد ما أنا معجبة بقوتها و بالرعب اللي عملاه لأوروبا كلها ....... بحب الستات المفترية 😁

♦و بصراحة ماكرون يستحق البهدلة .. يعني الفرنسيين بيلطموا و الدنيا فوضي عارمة و بتهددوا العمال المضربين بالسجن .. و تيجي تبقشش انت علي ألمانيا .. أراك توزع من مال أمك 😏

🔷🔶ومازالت الاخت ليز تراس ماشية علي نفس العبث بتاع حنا السكران
بعتت مضادات صواريخ و منظومة دفاع جوي لاوكرانيا
🔸تعليق كيسنجر 👈🏻 مفيش دولة بتكسب حرب بالدفاع الجوي فقط .. و ان الأرض لها حسابات أخري
و رغبة بوتين في نقل المدنيين من خريسون لروسيا مؤقتا .. هو فخ معد جيدا لاصطياد المرتزقة الاوكران جوا خريسون .. و انه لو اصطادهم هيبقا قفل عليهم الزمبيل كده .. الله الوكيل قاديروف هيعمل منهم بيف سترجانوف 😏😏
▪وختم كلامه بجملة غريبة جدااا .. قال 👈🏻 في النهاية 60% من الاراضي الاوكرانية ستصبح روسية شاء الناتو أم أبي ..... و لن يستخدم بوتين النووي الااااا اذا قام أحدهم بضربة البدء
و في دي أنا بتفق مع كيسنجر
بوتين ممكن يستخدم كيماوي .. فوسفور ... انما نووي تؤ 🤷🏻‍♀️🤷🏻‍♀️
-------------------------------------------
🔴 نروح بقا نبارك للمرحوم
و يبدووووو ان القرف الامريكي من ادارة المرحوم بدأ يؤتي ثماره
🔸يعني في الانتخابات النصفية للكونجرس
الجمهوريين اكتسحوا الديموقراطيين في ولايات چورچيا .. نيڤادا .. اريزونا .. بنسلفانيا
و ابو حنان بقا ايييييه بيشرد للمرحوم
" بالمناسبة ابو حنان ده انا زي زيه اااه .. هو محظور ومطارد من الفيسبوك وتويتر .. و أنا كمان ...... يعني معلمين عليه اهووو 😁"

♦الشعب الامريكي أصبح متحيز لاي اتجاه ضد الادارة الحالية .. اللي كل يوم بيظهرلها بلوة
خد عندك يا عزيزي 👇🏻👇🏻
▪فايننشال تايمز مثلا نشرت تقرير مهبب عن وضع الاقتصاد الامريكي الحرج 🤷🏻‍♀️
دي فايننشال تايمز .. لو چيلان قاسم اللي بتقول كان زمان العبيد اهدروا دمها و تحفيل للصبح 😏
قالت ايه فايننشال تايمز 👈🏻 الدين العام الامريكي وصل لمرحلة الخطر
تلاتة بالله العظيم قالوا كده 😁 .. 127% من حجم الناتج المحلي
و ان المواطن الامريكي العادي اصبح يتحمل 93755 دولار من حجم الدين
او ان المكلفين بالضرايب متحملين 247800 دولار 😳

" انا معرفش ازاي الامريكان عايشين من غير خوابير اقتصاديين يسودوا عيشة اللي خلفوهم بهبد ملوش لازمة زي حدانا في مصر .. تؤ تؤ ازاااي مفيش هبود أمريكي خريج دومبسكو قسم لحام يفتي في الاقتصاد بس 😏😏"
▪طب تاخد الاصعب بقا يا عزيزي
امريكا كانت بتقترض ب فايدة 1% .. زادت ل 1.3% ... انهاردة بقت 4%
يعني خدمة الدين اصبحت 455 مليار دولاااااار سنويا 🤷🏻‍♀️🤷🏻‍♀️
" بغض النظر عن عدائي لامريكا و كراهيتي لها .. لكن ان الديون تتخطي الناتج المحلي ده منحني خطر عليهم ووضع معداش عليهم قبل كده و سبب كبير هيسقط ادارة المرحوم " 👌🏻👌🏻

🔷🔶 عزيزي نفسه يعرف فضيحة تانية عن شيكا بيكا .. شايفاها في عينيييييك انا 😁😁
♦البطل بتاعنا هنا بقا هو وزير خارجية السعودية الامير فيصل بن فرحان
▪الادارة الامريكية كان المفروض عندها اجتماع مع الجانب السعودي عشان يشوفوا هيسلموا السعودية السلاح المدفوع تمنه .. و لا يرجعوا الفلوس ولا ايه
▪جم الامريكان لغوا الاجتماع .. و قالوا ان الالغاء بسبب اللي حصل في اوبك و تخفيض الانتاج و ده قرار مش راضية عنه امريكا 🤷🏻‍♀️🤷🏻‍♀️
حلو الكلام .. حلوووو
كده الادارة الامريكية ثابتة اهووو علي مبدأها و ضد اوبك و بتهدد و بتشجب
♦♦ جه الامير فيصل بن فرحان ناشر خطاب چو بايدن لمحمد بن سلمان .. اللي بيبلغه فيه انه موافق علي تخفيض الانتاج و يولع السوق العالمي علي اللي فيه و طظ في الكوكب .. بس بيترجا بن سلمان تأجيل قرار التخفيض شهر واحد بسسسسس الانتخابات النصفية للكونجرس تعدي علي خير عشان الحزب الديموقراطي موقفه وحش .. طب وربنا جون سعودي محصلش 👏🏻👏🏻👏🏻
▪ طبعا أنا هسيبك لخيالك يا عزيزي تتخيل أبو حنان أخد الخطاب ده و عمل بيه ايه .. كان فاضل يجيب رقاصة 😁😁

♦لكن السعودية عندها لعيب تاني و أنا من معجباته والله
عادل الجبير وزير الدولة للشئون الخارجية
امبارح يا عزيزي مسك مذيعة ال cnn الامريكية .. سففها التراب بالادب 👌🏻
لاول مرررررة من يوم ما وعيت علي الدنيا أسمع مسئول سعودي ينطق كلمة " سيادة السعودية المستقلة " .. طب وعهد الله عمرنا ما سمعناهم بيقولوا كده
احنا أمام ادارة سعودية قوية و طموحة و تملك الشجاعة اللي افتقدها الخليج كله سنيييين
" يسلم ايد اللي ربي و درب محمد بن سلمان 😉😉"
▪عادل الجبير اتكلم عن ان امريكا لها الحق تفرض عقوبات .. والسعودية لها الحق متعترفش بيها عااادي و تدور علي مصلحتها
و قال ان امريكا مش بتدور علي مصلحة السوق هي بتدور علي مصلحتها فقط .. و ان اوبك مش طرف في صراع بايدن مع بوتين و مش هتتسخر اداة في ايد امريكا
و ان السعودية هتدافع عن نفسها بكل الطرق و هتتحالف مع اللي هي تشوفه حليف آمن 👌🏻👌🏻

" صقفة للچبير يا جماعة بجد 👏🏻👏🏻"
🔷🔶 حاجة بقا فكاهية من كوميديا المرحوم
الراجل واقف كالعادة گ جثة تائهة عادية واقفة بتهذي 😁😁
فقال يعني ان ابني الكبير مات في العراق و حاجة يعني شريفة فاضل في نفسه وانا ام البطل وكده
راح ابو حنان قايل 👈🏻 نحن امام رئيس امريكي نسي ابنه و كيفية وفاته
بوب بايدن كان ظابط في حرب العراق لحد سنة 2005 الي ان اصيب بسرطان المخ في 2009 في امريكا وتوفي في المستشفي في واشنطن .. انه ينسب بطولات لابنه كاذبة
" و انا من موقعي هذا احب اقوله بطولات ايه في العراق يا حرامية يا سفاحين 😏"
-------------------------------------------
🔴 وبما اننا جبنا سيرة العراق الجريح
رشيد اللي فاز بالرياسة انهاردة في العراق هو كردستاني
و السوداني رئيس الوزراء هو موالي لايران .. نقدر نقول ايران هي اللي عينته
🔹مش عايزة أكون متشائمة .. بس كل الاتفاقيات اللي عملها مصطفي الكاظمي أصبحت مهددة بالالغاء .. وخصوصا الاتفاقيات النفطية و الطاقية بصفة عامة .. لأنها متضاربة مع مصالح ايران
واحتمال يلغي اتفاقية استيراد الكهربا .. لان ايران يهمها استمرار المناطق السنية العراقية في ظلام 😞😞
العراق مستمرة في الأوجاع للأسف و لن يقوم لها قائمة الا بظابط مخلص من الجيش العراقي

🔷🔶 و بجملة الجراح الحضارية .. في عبث بيحصل في سوريا بس هنتكلم عنه بكرة
عشان عايزة ألم فيه شوية أخبار و تفاصيل معينة 👌🏻👌🏻

هذا واستغفر الله لي ولكم و لكل عزيزي ☺ .. ربنا يحفظ الامام المتغلب و ينصر دايما بهية حلوة الحلوات 🇪🇬🇪🇬
 

صانع

طاقم الإدارة
إنضم
30 نوفمبر 2021
المشاركات
10,697
مستوى التفاعل
29,142
النقاط
238
المستوي
10
الرتب
10
Country flag
من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !
اولا:

توضيح بسيط سيف محمود وهو قناة ماركر على اليوتيوب قال هيستضيف دكتورة جيلان قريبا.

ثانيا:

هذا المقال من الاهرام

تخصَّصت الدكتورة جيلان فى العلوم السياسية بالجامعة الأمريكية بالقاهرة، ثم درست فى لندن الاقتصاد والعلاقات الدولية، وحصلت على الماجستير والدكتوراه، وتجيد 6 لغات بطلاقة، منها الروسية والعبرية، بما يتيح لها التعامل مع المصادر بسلاسة، وهى الآن تقيم وتعمل فى بلجيكا، ومن هناك تتابع وترصد وتكتب.

من فضلك, تسجيل الدخول أو تسجيل لعرض المحتوي!
 

صانع

طاقم الإدارة
إنضم
30 نوفمبر 2021
المشاركات
10,697
مستوى التفاعل
29,142
النقاط
238
المستوي
10
الرتب
10
Country flag
كلمة عابرة
رقعة الشطرنج
السبت 29 من محرم 1444 هــ 27 أغسطس 2022 السنة 147 العدد 49572

2018-636514778714491637-449_main.jpg
أحمد عبدالتواب

كلمة عابرة

رقعة الشطرنج

اكتشفتُ تدوينات د.جيلان قاسم، بعنوان (رقعة الشطرنج)، على بعض مواقع فيسبوك بعد بداية حرب روسيا وأوكرانيا، وكان أول ما يلفت النظر فى كتاباتها كمية المعلومات الغزيرة المُدَقَّقة من مصادرها، فى عدة موضوعات.

بدأت بالحرب الدائرة، ثم راحت تغطى مصر والإقليم والعالم، بقدرة مميزة على ربط التفاصيل المترامية فى نسق، وقراءة الواقع، مع اقتفاء أسبابه، والإشارة إلى تتابعاته وتوقعاته المستقبلية، وكل هذا بلغة بسيطة تشرح فيها المفاهيم العلمية، قبل أن تتناول اجتهادات الآخرين، بشجاعة أدبية ووضوح فى الموقف، مع من تؤيدهم ومع من تختلف معهم، وتمزج التحليل، الذى قد يكون جافاً فى معالجات آخرين، بخفة دم وسخرية لاذعة تجعل من قراءتها متعة حقيقية، ففى سياق الاستشهاد بنظريات علمية وآراء وإحصاءات وبيانات وأرقام، تستخدم أحياناً (إيفيهات) شهيرة من العصر الذهبى للسينما المصرية من أفلام الأبيض والأسود.

وكما أن لديها قدرة على التعليقات الموجزة، فهى تكتب مطولات أيضاً، وتتناول الشأن العام أحياناً فى قالب اليوميات حيث يتداخل رصدها لمجريات الأمور العامة، مع لقطات من حياتها الخاصة والأسرية، من طفولتها ومع بنتيها، مع مشاهدات من سفرياتها التى جابت العالم، ثم، قبل كل شىء، هناك حب جارف وانتماء حقيقى لمصر، ودفاع قوى عن الدولة المصرية وسياساتها، بموقف شديد الوضوح ضد عهدى مبارك والإخوان، وبتأييد قوى لـ25 يناير ولـ30 يونيو، ولا تكتفى بالتصدى لمن يفبركون فى الداخل، وإنما تلاحق أحياناً بعض الكُتّاب المشهورين فى صحف غربية ذات مكانة ونفوذ، وترد عليهم بلغتهم بقوة تفند أخطاء معلوماتهم وتكشف أغراضهم البعيدة عن ادعاء النزاهة، وتضعهم فى حرج.

وفى كل الأحول، يتلهف جمهور عريض إلى متابعتها والسؤال عنها لو تأخرت، ويحذرونها من أن هناك من يسطو على كتاباتها وينشرها باسمه، ويطالبون بأن تتولى منصباً رسمياً كواجهة مشرفة لمصر وللمرأة المصرية.

تخصَّصت الدكتورة جيلان فى العلوم السياسية بالجامعة الأمريكية بالقاهرة، ثم درست فى لندن الاقتصاد والعلاقات الدولية، وحصلت على الماجستير والدكتوراه، وتجيد 6 لغات بطلاقة، منها الروسية والعبرية، بما يتيح لها التعامل مع المصادر بسلاسة، وهى الآن تقيم وتعمل فى بلجيكا، ومن هناك تتابع وترصد وتكتب.

ahmadtawwab@gmail.com
لمزيد من مقالات أحمد عبدالتواب
رابط دائم:

من فضلك, تسجيل الدخول أو تسجيل لعرض المحتوي!
 

صانع

طاقم الإدارة
إنضم
30 نوفمبر 2021
المشاركات
10,697
مستوى التفاعل
29,142
النقاط
238
المستوي
10
الرتب
10
Country flag
من فضلك, تسجيل الدخول أو تسجيل لعرض المحتوى !
تفتكر حضرتك لو هو وهمى كان كتب عنه من الأساس فى جريدة معروفة كالاهرام او تم التحدث عنه مراسل وصحفى اخر شاب اسمه سيف محمود.

على العموم حتى يثبت العكس من طرح حضرتك أو كلام الصحفيين.

لا أرى مشكلة فى الحديث والمقالات مادام تقدم معلومات سليمة أو شرح للأحداث بدون تضليل.

واعتقد هو ده المهم.

والموضوع دعوة للنقاش فى الاول والاخر وممكن نرصد التفاصيل والارقام والمعلومات ونرفق البيانات التى تصدر من مواقع رسمية ونقارنها.

واعتقد فى هذه الحالة تكون الفائدة اكبر.

تحياتي لحضرتك.
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج الجمعة 14 اكتوبر 2022 :
🔵 المؤتمر الاقتصادي المصري هيبدأ 23 أكتوبر ل 25 أكتوبر
الريس عمله عنوان " نحو خارطة اقتصادية اكثر تنافسية "
مين اللي هيحضره .. أو ايه الاقتراحات اللي هتتقدم فيه
الصراحة مش شاغلني اوي يعني .... وبعد كلام حسن عبد الله القائم بأعمال محافظ البنك المركزي انهاردة في الاجتماع الدوري للبنك الدولي تدل علي ان الدولة محددة خططها ومش هتنفذ إلا اللي شايفاه مناسب وفقط ...... يعني سياسة الارضاء دي مش هتحصل
♦لكن اتمني يظهر شخصيات محترمة تتكلم عن علم وتقدم اقتراحات جيدة تكون سهلة في آلية التنفيذ مش افتكاسات اقتصادية 🤷🏻‍♀️🤷🏻‍♀️
-------------------------------------------
🔴 سوريا .. الوضع السوري اللي أصبح محتاج فك شفرة مش شطرنج 😏
🔷🔶 سوريا فيها بدل الحركة الارهابية شخروميت حركة .. كلها انفصالية ومعظمها فيها ظباط جيش منفصلين
و كل حركة مسيطرة علي محافظة
اللي بيحصل دلوقت بقا ان الحركات دي بدأت تتحرك في اتجاه فرض السيطرة علي محافظات بعض
🔸حركة تحرير الشام دي حركة مسيطرة علي إدلب وهي موالية لتركيا .. و ظباط اتراك اللي بيدربوا اعضاءها و تركيا اللي بتمولها بالفعل 👌🏻👌🏻
🔸تركيا حركتها في اتجاه عفرين .. للضم علي الحمامزة " و دي حركة بيتزعمها ارهابي اسمه حمزة "
🔸ايه الهدف من صعود إدلب الي عفرين 👈🏻 طرد الجيش السوري من المناطق اللي حررها من عفرين .. و فتح المنافذ اللي سدها الجيش السوري امام القوات التركية

طب هنا بقا نقدر نستخلص ان اللي بيقوله تاجر النسوان من تصريحات بإمكانية التطبيع مع النظام السوري و التصالح مع بشار .. ده مجرد كلام بيتقال لإرضاء بوتين لانه عارف مدي عمق الصداقة السورية الروسية .. وهو بردو عايز ينول الرضا 🤷🏻‍♀️
انما الواقع هو استمراره في تكدير الجيش السوري 👌🏻

🔷🔶 هل ده هيخيل علي بوتين .. او هل بشار مش هيبلغ بوتين مثلا 🤔
طبعا اكيييييد مفهوم
انما ليه بوتين معديها لتاجر النسوان .. أقولك يا عزيزي 👇🏻👇🏻
🔹هدف من اهداف بوتين هو تفكيك الناتو
طيب لو انت عايز تفكك كيان قوي هتعمل اييييه 👈🏻 هتتبع نظام البالون المنفوخ
و تروح تدوس علي أضعف نقطة فيه
و اضعف نقطتين في الناتو هما
▪تركيا و طمع حاكمها و موقفه الضعيف في الانتخابات
▪اليونان ووضعها الاقتصادي الصعب و محاولة استقطابها عن طريق الحلفاء لروسيا " مصر .. السعودية .. الامارات"
وفي نفس الوقت كده كده الناتو مهدد من ناحية الدولتين دول بسبب اشتعال الامور بينهم 🤷🏻‍♀️

♦يعني يا چي استقطاب تركيا هو مجرد أداة لطعن الناتو 🤔
ايوااا .. واكبر دليل هو عرض تاجر النسوان علي بوتين و تشي يانج انه يخرج من الناتو في مقابل الانضمام لمجموعة شنغهاي 🤷🏻‍♀️

🔷🔶ملحوظة كمان 👈🏻 لو أخدت بالك يا عزيزي من ان بوتين واخد تميم جنبه في قمة " سيكا " في الاستانا .. هي اسمها كده 😁
و قعد اتكلم معاه
و عامله قيمة
▪لو فكرت انت بقا سيكا يا عزيزي هتلاقي ان قطر هي أخر كعب لأمريكا في المنطقة العربية 🤷🏻‍♀️🤷🏻‍♀️ .. يعني استمالة قطر مش عشان عيون قطر
ده لضرب أمريكا .. و اوروبا في نفس الوقت
بيقفل باب الغاز بقا تماما 👌🏻👌🏻
لو أنا قاعدة مكان بوتين علي لوحة الشطرنج ..هو ده التفكير اللي هفكر فيه بالظبط
اعتقد انه اذكي مني طبعا و مخابراتي رهيب وماشي باستراتيجية مدروسة 👌🏻

♦لحد امبارح كنت بقول لنفسي هو كده بوتين حس ان سوريا وقعت ومبقاش لها لازمة .. وكبر دماغه منها 🤔🤔
قووووم ايه
هبطت عدالة السماء علي ستاد الدوما 😁
🔹حصلت حاجة انهاردة في جلسة مجلس الدوما
ميخائيل شيريميت عضو الدوما عن القرم تقدم باقتراح لاقي استحسان وتأييد باقي اعضاء الدوما .. و ميدفيديف قرر يرفعه لبوتين بنفسه
اييييييييه هو الاقتراح 👈🏻 قال هو احنا دلوقت مش بنعمل عملية تجديد واحلال لصواريخ فويفودا " ساتان 1 .. الشيطان 1 " و بنستبدلها بصواريخ " سارمات .. ساتان 2 "
قالوا حصصصصل يا ميخائيل
رد عليهم طب ليه بدل ما نتخلص من فويفودا و نخردهم .. نستبدل الرؤوس النووية بتاعتهم برؤوس تقليدية حربية و نبعتهم لدولة صديقة لنا وحليفة اللي هي سوريا 🤔
🔹الاقتراح ده اخد تصويت بالموافقة من 291 عضو يعني اغلبية ساحقة
راح الاخ ديمتري ميدفيديف العنيف ده تعهد برفع الطلب ده لبوتين 🤷🏻‍♀️🤷🏻‍♀️
فالحقيقة أنا اطمنت شوية ان مازال الدوما بيتعامل مع سوريا علي انها في رقبته و ده داعم ضد العبث اللي بيحصل فيها و ربما استطاع السيطرة عليه
-------------------------------------------
🔴 أما بقا عن خطاب بوتين انهاردة و أهم نقطة فيه :
القيصر قال انا معنديش أهداف لتدمير اوكرانيا .. ولا مزيد لقصف كييف في حالة انتهاء التصعيد الاوكراني
" تقديري الشخصي ان ده كمين "
▪لكن زفت ليسكي معجبوش الكلام بقا و راح ضارب زابورجيا بصاروخين
هننتظر ايه بقا الا رد روسي طبعااااا 🙄🙄
زفت ليسكي مش عايز الامور توصل للتهدئة لأنه هيخسر ملايين الدولارات اللي بتروح لحسابه
🔷🔶و زي ما قولتلكم 👈🏻 النووي لا هو خيار روسي ولا اوروبي
▪ جوزيب بوريل انهاردة قال 👈🏻 لو بوتين ضرب اوكرانيا بالنووي احنا هنقضي علي كل قواته الروسية .. بسسسس بالسلاح التقليدي مش النووي
و الحقيقة أنا معرفش هو حاسبها ازاي 🤔
يعني هو بوتين هيضرب كييف بالنووي ويستناهم ينووا هما عليه و علي اللي خلفوه
ما اكيييييد وقت ما يتاخد القرار هيبقا بالسلامة بقا الكوكب كله و هيمطر العواصم الاوروبية بالنووي 🤷🏻‍♀️🤷🏻‍♀️🤷🏻‍♀️
▪ينس ستولتنبرغ أمين عام حلف الناتو قال انهاردة بردو 👈🏻 لا احد يضع ضربة نووية من الناتو في الحسبان

ده غير خناقة وزير دفاع بريطانيا و ماكرون اللي فضحهم و قال احنا لا هنرد بنووي ولا غير نووي .. احنا امكانيتنا مازالت لا تصل لذلك القرار لانه قرار انتحاري 👌🏻👌🏻

🔷🔶 طيب مين بقا اللي بيولع الدنيا
ثنائي الشر ... بريطانيا و امريكا
صحيفة التايمز البريطانية انهاردة نزلت فيديو عن قطار عسكري روسي بيتحرك في اتجاه الحدود الاوكرانية
♦و راحت عاملة تقرير ان القطار ده من ضمن قطارات المديرية الثانية عشر المسئولة عن الترسانة النووية .... و اشاعوا خبر ان روسيا بتودي نووي ناحية اوكرانيا .. و إلحق يا جدددع
▪طلعت ماريا زاخاروف قلبي ❤ بمنتهي الهدوء قالت ده قطار اسلحة عااادي جدا متجه للبحر الاسود عشان المناورة السنوية .. انتوا بسسسس اللي بتنشروا أكاذيب لتشويه روسيا .. و ده لانقاذ شكلكم أمام العالم بعد كشف حقيقتكم ووضعكم السئ أمام شعوبكم
و هو كده الفاشل لما يتفضح يحاول يشوه الأشرف منه 👏🏻👏🏻👏🏻👏🏻 .. تضرب ولا تبالي والله 🥰🥰

يعني بريطانيا بتحط نفسها اصلا في موقف حرج سياسيا 🤷🏻‍♀️🤷🏻‍♀️
و امريكا عمالة تخوف العالم بإن روسيا هتضرب نووي .. ليكاشينكو بقا هو اللي رد
الراجل قال الحالة الوحيدة اللي هيتم استخدام النووي الروسي فيها ... هو التعدي علي الاراضي الروسية بشكل سافر .. ضربة البدء لن تكن من روسيا 👌🏻👌🏻
" ده كلامي اللي قولته لكم من يومين "
-------------------------------------------
🔵 لو هنتكلم عن الموقف المصري .. وهل هو ضبابي أم لا
و ليه مش عنيف زي السعودية و الامارات
أنا هتكلم من وجهة نظري وتقديري الشخصي بالادلة بتاعتي :
🔸مصر بعد السيسي عموما مغضوب عليها من أمريكا تماما .. حتي في وقت ترامب و برغم من انه بيحب السيسي " لأن ترامب بيكره الاخوان " لكن الكونجرس كان ومازال ضد مصر
يعني كده كده احنا مش تابعين لأمريكا في شئ
🔸روسيا حليف قديم و دايما بوتين بيقول كده .. وبعد السيسي بقا صديق مش حليف وبس

الصداقة دي قايمة بردو علي قواعد المصالح
▪يعني روسيا كان لها موقف مع اثيوبيا برفض استعمال القوة
▪بعد حادثة الطيارة بوتين وقف السياحة
ومصر تفهمت الموقفين
الاول 👈🏻 كان بيأمن محاولته لبناء قاعدة عسكرية روسية في السودان فمكنش عايز اثيوبيا تقرفه
التاني 👈🏻 واحد بيحافظ علي حياة مواطنيه
▪ولما مصر امتنعت عن التصويت في بداية العملية العسكرية بوتين قال ان في دول صديقة امتنعت عن التصويت بالاتفاق لأن لها ملفات أمن قومي لها في مجلس الامن
▪لكن في المقابل لما اورسولا فون دير لاين جت قابلت السيسي و جابت الخطاب بتاع الدول السبعة .. وقالت خطاب الشعر في عبد الناصر وطلبت من السيسي انه يقفل الملاحة في وش السفن الروسية
الريس رفض
مش كده وبس
ده مصر اتحولت لل Backdoor للتجارة الروسية ... ومقطعناش استيراد القمح .. و دفعنا بالروبل .. ودخلنا نظام مير

ارجع بذاكرتك يا عزيزي للصورة الثلاثية بتاعت السيسي و بوتين وتشي يانج في الاولمبياد
هتلاقي ان كل اللي بيحصل ده متفق عليه
و كل لاعب عارف دوره كويس و بينفذه
" طب ما الصين اهي شايلة روسيا تقريبا .. لكن بدون جعجعة "
و ده اللي تخاف منه اللاعب الصامت اللي متفهمش خطواته و متعرفش تتوقعها 👌🏻👌🏻
▪ انما بقا السعودية و الامارات فالعالم كله عارف انهم البقرة اللي بتحلبها امريكا
فاكرين لما قعدنا نتريق علي زبارة ايفانكا و الفلوس اللي اتاخدت من السعودية و قعدنا نقول ترامب اخد الجزية .... انهاردة السعودية لازم تثبت للعالم انها دولة ذات سيادة
فلااااازم تقوم بسلوك عنيف وظاهر للجميع 🤷🏻‍♀️🤷🏻‍♀️

🔷🔶 طب لو اتوقع علي السعودية عقوبات 🤔🤔
انا مش محتاجة بلورة و لا فراندة عشان أتوقع
بس السيسي لو هيخسر العالم كله مش هيخسر السعودية و الامارات ... لأن الناس دي متخلتش عن مصر 👌🏻👌🏻
🔷🔶 هقولك خبر يا عزيزي
مصر هتنفذ مشروع قطار يربط من اول الكويت في الخليج لحد السودان .. جنووووب السودان
اللي هيمول المشروع الصندوق الاستثماري الكويتي و صندوق مجلس التعاون الخليجي
واللي هينفذ البنية التحتية بتاعته الهيئة الهندسية للقوات المسلحة

ده مش مشروع قومي لمصر .. ده مشروع قومي للمنطقة العربية
زي ما في يوروستار .. هيبقا في عرب ستار
يا حبايبي الدور علينا نبقا عالم أول و تتبدل المقاعد بقاااا

♦التحالف الجديد
القوة العسكرية او مصنع السلاح المتمثل في روسيا
+
الموارد و الثروات المتمثلة في الخليج
+
اللوجيستي و الموقع والبوابة المتمثل في مصر
+
مصنع العالم و التكنولوجي الجديد و العمالة البشرية المتمثلة في الصين
كل دووووول في مواجهة الطاووس المنفوش اونطة
ريش علي مفيش 🤷🏻‍♀️🤷🏻‍♀️
اتكشفت قدامنا اوروبا والغرب كله دول استعمارية عملت قوتها من سلب الاخرين و سرقتهم 😏😏😏
-------------------------------------------
🔴 طبعا الاحداث يومية
و عايزين بردو نتكلم عن اسبوع الطاقة .. و عن شكل التحالفات الجديدة عشان الامور تكون أوضح

هذا واستغفر الله لي ولكم و للامام المتغلب و ربنا ينصر بهية حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
🔵 رقعة شطرنج العودة
29 اكتوبر 2022 :
♦أول حاجة عايزة ابدأ بيها 👈🏻 لو أي حد عايش في دولة اوروبية وقالك ان حياته زي الفل والدنيا زبادي خلاط فهو بيكدب عليك .. اما عشان محدش يشمت فيه أو هرمون الدونية مرتفع سيكا
الحياة بقت زي الزفت حرفيا .. زفتين تلاتة كده 😏😏
ف هو انا ببشركم ان حياتكم في مصر اكثر وفرة و استقرار من المواطن الاوروبي اللي راجع بضهره بسرعة فرط صوتية 🙄
طبعا الكلام ده مش هيعجب المواتن أشف و لا أيمن كراوية لكن معلش دي الحقيقة
🔹 الشارع المصري بيغلي 👈🏻 هو الشارع المصري كان هدأ امتي معلش
أقولكم انا 👈🏻 لحد شهر ديسمبر 2010 .. كان بياكل ويشرب وينام و يتكاثر ويخاف يفتح بقه عشان رجالة حسن عبد الرحمن هيجيبوه من بوكسره
بس دلوقت بيتعمل صفحات للشتيمة في أي حد وأي حاجة والخوض في عرض رئيس الدولة نفسه و الدنيا حلوة ومفيش حد بيتعرضلك 🤷🏻‍♀️🤷🏻‍♀️
🔹 300 جنيه ايه اللي بيضحك علينا بيها
هو لما يكون مرتبك 4000 جنيه و يتفرضلك علاوة استثناء 7.5% ده مش حاجة مهمة
مع ان ألمانيا عملت دعم 3.1% بس و امريكا 2.2%
بس طبعا چيلان قاسم بتطبل للريس معروفة 🤷🏻‍♀️🤷🏻‍♀️ .. انما لما أقول انه اجراء حماية اجتماعية هيكلف الدولة 68 مليار جنيه في وقت احنا اخدنا فيه قرض من صندوق النقد الدولي أنا ضده أصلا ... هنتسأل بعد كده هو بيودي القروض فيييييين 🤔🤔
" هيوديها دعم مالي + دعم كهربا لنهاية الموازنة + سد العجز لحصيلة الضرائب اللي زود الاعفاءات بتاعتها ........ في حين ان الدول كلها رفعت الضرايب "
ويمكن سبب عزل ليز تراس كان الضرايب .. و مظاهرات مولدوفا اليومية بسبب ان الحكومة قررت تمول عجزها من الضرايب
▪يعني في الوقت اللي فيه بريطانيا العظظظظمي انهارت اقتصاديا بسبب الضرايب وفرضها .. مصر رفعت شريحة الاعفاءات الضريبية 🤷🏻‍♀️🤷🏻‍♀️
🔹يمكن انا قولتلكم امبارح ان في انجليز قرروا الهجرة لمصر .. الخبر هتلاقوه علي الشرقية بلومبيرج .. مشروعات صغيرة و متوسطة قررت تصفي في انجلترا و تتجه لمصر

بس انت گ مواطن عايز تاخد دعم و علاوات و يتخفضلك ضرايب و ينزلك حماية اجتماعية مادية و سلع .. بس متسددش ديون بقا
اللي هو فشختوا المنطق إلي أن استغاث والله

🔷🔶لكن تدري شنو السالفة الحزينة يا عزيزي 😞😞 .. ان مصانع ألمانيا اتجهت لكل العالم إلا مصر
يعني الهند .. الارجنتين .. باراجواي .. تايلاند .. اندونيسيا
مصانع اتفككت و راحت الدول دي
و فشلت مصر في انها تاخد مصنع واحد ... عارفين ايه السبب 👈🏻 العامل المصري
اه والله ده السبب اللي مدون في التقارير الحكومية و اللي نشره معهد كيل الاقتصادي الالماني
▪العامل المصري انتاجيته محدودة .. تدريبه سئ .. خبرته متواضعة ...... في مقابل مادي مرتفع
يعني يقدروا ياخدوا انتاجية من الاندونيسي 3 اضعاف المصري ب 30% من الأجر المادي 🤷🏻‍♀️🤷🏻‍♀️
" يا تري دي مشكلة سيسي
و لا مشكلة عصر الانفتاح الاقتصادي .. انفتاح الحرامية واللصوص و حارس العقار اللي بقا مستورد كبير و ووقف الورش و المصانع لحساب البلوبيف و الكمبوت و الچنوط الاسبور 😏"
يعني تخيل ان الحكومة والرئيس و القوانين و المناخ الاستثماري والاقتصادي مش هو السبب للفشل ده .. والسبب هو العامل المصري ........ منتهي العبث والله 😏
بس احنا عايزين ده يتحل فورا لأننا بنغلي في الشارع .. و بندعو لفوضي نجيب فيها ضرف البلد تماما بقا ونخربها عشان لما نعمل كده هنبقا حلوين وهنتغني وناكل مارون جلاسيه ديزرت يومي
عموما قسما بالله العلي العظيم البلد دي محكومة بيد ما هتسمح لمخلوق انه يخرب فيها شبر واحد .. و أتمني انه يتعمل حملة اعتقالات موسعة لأي مخلوق يفكر في انه يدعو لفوضي ... كفااااااية قرف بقا
اللي اتعمل في سنين مش هنسمح لحد يهده في يوم

🔷🔶 لو متعرفوش ف تركيا امبارح عملت حملة اعتقالات لقيادات الاخوان اللي هربانين عندها ... بتهمة التعاون مع المخابرات البريطانية لامداد قنوات اعلامية بمحتويات كاذبة من أجل الاضرار بمصر
" ده تاجر النسوان هاااا "
و اغلق قناة تليجرام بتبث فيديوهات لمظاهرات ثبت انها من 2011 تحت عناوين انها بتاريخ اليوم
للأسف مببتتعلموش .. للأسف لسه الاخوان قادرين يسوقوا كتيييير أوي هما و مراكيبهم
ياخي ملعون أبو اللحمة والفراخ اللي تخليني أخون بلدي و أنزل أخربها ورا جماعة وسسسسخة و أوسخ ما في الكون
" وطبعا عارفة الكومنت اللطيف بتاع اني مش حاسة بالغلابة وعايشة في برج عاجي و بلا بلا بلا .. و حياة ربي وما أعبد احنا بنعيش أيام سودااا و نوفمبر هيبقا أسود علي اوروبا كلها 😏"
-------------------------------------------
🔴 نشوف بقا العالم من حوالينا عشان بس ندرك حجم اننا بنعيش حرب عالمية 🤷🏻‍♀️
🔷🔶 فاكرين لما اتكلمنا عن فيلم الماعز الأليف .. و هدم الأديان
اللي بيحصل دلوقت بقا هو حالة استنفار و استقطاب ديني رهيبة
▪من 4 ايام زفت ليسكي في حوار لايف كده قعد يأنب في اسرائيل انهم مش واقفين جنبه .. و بيدعو الجيش الاسرائيلي انه يذهب للقتال في اوكرانيا حماية لليهودية .. وشايف نفسه " انتوني أشلي كوبر " 👇🏻👇🏻
" انتوني كوبر ده صاحب نظرية أرض بلا شعب لشعب بلا ارض .. و اللي كان عايز يأسس كومنولث يهودي .. يعني مجموعة دول زي اسرائيل كده تكون تحت تاج عبري واحد .. زي بريطانيا كده مثلا "
♦ تستنتج من الكلام ده والتشبيه ده اييييه يا عزيزي 👈🏻 انه بيوعد اسرائيل لو الجيش العبري حارب معاه هيديهم اوكرانيا
و اساسا من سنة 1897 و كييف روس هي مقترح انها تكون وطن بديل لليهود
🔷🔶 فاكر يا عزيزي يوم 29 فبراير اللي فات
اول حد و يمكن الوحيدة علي الفيسبوك اللي قولتلكم ان زفت ليسكي اتسبب في انهيار النظام المصرفي الاوكراني و ان وجود رئيس يهودي في اوكرانيا هو الخيانة نفسها .. يومها ناس اتهمتني بكره اليهود و اتحظرت
" يعني ربنا كرههم هحبهم أناااا 🙄"
تعالي بقا يا عزيزي أحكيلك القصة وكلام مش هتعرفه من حد غيري و هنا مفيش مارك يسكتني 😜😜"
ومفاجآت هدعمهالك بالادلة
♦مبدئيا كده فلسطين مش هي الأرض الوحيدة اللي عين الصهاينة عليها .. و فكرتهم التلمودية من النيل للفرات غير فكرتهم العسكرية الكومنولث العبري
في 4 أماكن علي الخريطة
فلسطين .. أوكرانيا .. المغرب .. اوغندا
و حاول متتصدمش من موضوع المغرب ده لأني بمهدلك فيه من شهور 🤷🏻‍♀️🤷🏻‍♀️

هات مج نسكافيه وتعالي نحتسي حسواتنا و نحكي
🔸طبعا حدوتة فلسطين عارفينها
ايه بقا حكاية اوكرانيا 👇🏻👇🏻
أوكرانيا او الاتحاد السوفيتي نفسه أو القيصرية الروسية كانت بتضطهد اليهود بسبب الاكتشاف المتتالي للخونة فيهم
نفوهم في مكان علي حدود الصين و منعوهم من الاختلاط بالشعب الروسي المكان ده حاليا هو مقاطعة بيروبيدچان
لكن مع الوقت قدروا يتسرسبوا براها و خططوا للاستيلاء علي كييف روس سنة 1907
اللي هي حاليا كييف .. و زمان كانت هي عاصمة الاتحاد السوفيتي بدل موسكو
عشان مطولش عليك الموضوع فشل و الروس عملوا معاهم الصح .. يعني الفوهرر كان كيوت بالنسبة للي عمله فيهم الروس
▪ بس احنا عارفين ان خطط الصهاينة خطط طويلة الاجل مش زيننا خلقنا ضيق و بنزهق بسرعة 😏
سنة 2014 بقا ظهرت طبقة الاوليغارشية اليهودية في اوكرانيا " المليارديرات " تحالفوا مع ميييين يا ولاد 👈🏻 مع النازيين الجدد
" احنا سمعنا الاسم ده فين يا چي قبل كده 🤔 .. في الشطرنج يا عزيزي لما قولتلك عن الفئات اللي بتحارب جنب زفت ليسكي و بيدربهم الانجليز 🤷🏻‍♀️🤷🏻‍♀️"
عمل ايه التحالف ده 👈🏻 عمل انقلاب 2014 و أطاح بالسلطة الموالية ل بوتين و جابوا بورشينكو
حلو الكلاااام .. حلوووو
▪مين بقا يا چاكو اللي متزعم الليلة دي 👈🏻 واحد من الاوليغارش اوكراني اسرااائيلي اسمه ايجور كولومويسكي
ده رئيس اتحاد الجالية اليهودية في اوكرانيا و عضو مجلس الحاسيديم العالمي و حاجات كتير كده يعني
▪عمل ايه الاخ كولومويسكي ده 👈🏻 اتفق مع رئيس الوزراء بافل لازارينكو انه ينفذ قانون الخصخصة علي الشركات والمصانع الحكومية الاوكرانية .. و بالفعل قدر الاوليغارش اليهود يشتروا كل مصانع اوكرانيا و بنوكها كمان .. لدرجة ان كولومويسكي ده اشتري بنك " بريفات " اللي هو اكبر بنوك اوكرانيا 🤷🏻‍♀️🤷🏻‍♀️
و رئيس الدولة بورشينكو اخد اللي فيه النصيب بردووو .. و لما اتفتحله حساب في البنك راح عين ايجور كولومويسكي حاكم مقاطعة دينبروبيتروفيسك ... اللي بدوره لم اليهود فيها وعملها منطقة حكم ذاتي بتاخد اوامرها من اسرائيل 👌🏻
▪اتقمص هنا بقا بورشينكو
مش عشان سيادة الدولة تؤ تؤ ..ده عشان مقبضش مقابل الحركة دي
راح عزل ايجور من حكم المقاطعة و أمم بنك بريفات
▪بمنتهي البساطة الاوليغارش مع الموساد مع نتنياهو اطاحوا ب بورشينكو و عملوا حملة دعم للرئيس الشاب الأمور الكيوت المتحمس الطموح المقرمش من برا وطري من جوا فلاديمير زيلينسكي 🤷🏻‍♀️🤷🏻‍♀️
▪اول قراراته اييييه 👈🏻 رجع بنك بريفات تاني بعد تأميمه .. و باع بنك حكومي تاني هو بنك تيفريكا ........ اللي هو ده انت هتاخد بنك وعليه بنك هدية كومبو يعني 🙄🙄
▪الحاكم الفعلي هنا هو ايجور كولومويسكي هاااا
راح عامل مكالمة لبوتين مبلغه رفض زينليسكي تغيير الدستور من اجل القرم و انه لغي اتفاقية مينيسك
" ايواااا زي ما توقعت رد بوتين كده بالظببببط 👃🏻"
▪طموح ايجور هو الوصول للمقاطعة اليهودية في روسيا من اجل اعلان الحكم الذاتي تحت الولاية الاسرائيلية
اول ما بدأت العملية العسكرية راح الثنائي الخاين كولومويسكي و زينيليسكي حولوا كل الفلوس الاوكرانية لبنوك تل ابيب .. وهرب علي اسرائيل
لكن واضح انهم في اسرائيل عارفين ان اوكرانيا بقت مركب غرقانة و بوتين مش هيتراجع ف ضحوا بالخروف اللي هناك
بس الخروف بقا بيتمحون سيكا
اللي هو أنا زيزو بتاع زمااان .. انا انتوني كوبر بتاع الكومنولث نسيتوا أيامنا وليالينا
لكن غالبا الصهاينة بينسوا بسرعة 🙄🙄
" لو عايزين تعرفوا خطة وادي الحصان و المغرب قوليلي في الكومنتات احكيهالكم 👌🏻"
📌 هل الاستقطاب الديني ده هينجح ولا لأ 👈🏻 انا بقولك لأ وهقولك بعدين ليه
انما الخطورة فيييين
في الناحية التانية 👇🏻👇🏻
رمضان قاديروف نزل فيديوهين تلاتة علي قناته تليجرام
بيدعو فيهم المسلمين والمسيحيين للجهاااد في اوكرانيا
" ابسط أجرجس انت و مينا هتجاهدوا زيينا اهووو و هتلبسوا نفس الخوازيق مش حارمينكم من حاجة 😁"
قال 👈🏻 ده الوقت اللي لازم يتحد فيه المسلمين والمسيحيين و يعرفوا انهم جسد واحد وجب عليه القتال ضد اعوان الدجال و الشيطان و الماسون في اوكرانيا .. هنا ساحة الجهاد
" نصيحة ام : خدوا بالكم من ولادكم شباب كتير اتخدرت و سافرت افغانستان زمان تحت دعاوي الجهاد .... خصوصا ان في منظمة ما دينية بدأت بالتواصل مع قاديروف لارسال شباب " ابو عائشة سخنان علي الكوكب روووخر 😏😏

🔷🔶 وناخد بالنا من مغازلة المسلمين سيكا
لافروف في اخر خطاب له قال 👈🏻 العالم الجديد لن يكون بدون المسلمين كالنظام العالمي السابق
الصراحة احنا اتذلينا كتير واتشوهنا و اتأذينا 😞😞
-------------------------------------------
🔴 طب بعد ما قولنا جزئية الاستقطاب الديني .. و شرحنا جزء مهم جدا اللي هو تدوير العالم بيد اليهود
نروح بقا نشوف شيكا بيكا 🤷🏻‍♀️🤷🏻‍♀️
الامور متلاحقة بزيادة
📌 نجاح الحزب الجمهوري وضع الادارة الامريكية في مأزق
▪التحقيق مع المرحوم بسبب سياساته النفطية الفاشلة
▪تحميل الديموقراطيين تردي الاوضاع الاقتصادية
▪الكونجرس بيطالب بوقف الحرب و وقف دعم اوكرانيا بالسلاح و الاموال .... و بيطالب بفتح مفاوضات مع بوتين
" كان في حد سألني من فترة لو ترامب كسب الانتخابات هيعمل ايه في الحرب وانا جاوبت انه هيتفاوض مع بوتين و يشوف طلباته وينهي الحرب .... أهو كلامي 🤷🏻‍♀️"

📌 وامبارح الكونجرس بيتهم الادارة الامريكية بتعمدها خسارة الحلفاء بعد الكلام اللي قاله ماكرون و شولتس
و للي ميعرفش 👇🏻👇🏻
كان في اجتماع كده بين ماكرون وشولتس علي اساسه عملوا مؤتمر صحفي و وجهوا الكلام لامريكا و قالوا ان امريكا شريك لا يمكن الوثوق به .. و انها بتسعي لتدمير اقتصاد اوروبا
و هددوا بحرب اقتصادية عابرة للاطلسي ... و ان ألمانيا وفرنسا تحملت فاتورة كبيرة نتيجة الانقياد خلف امريكا و مش هتتحمل تاني حتي لو اضطرت انها تتخلي عن اوكرانيا تماما وتنحاز لمصلحة الشعبين 🤷🏻‍♀️🤷🏻‍♀️🤷🏻‍♀️
" ماكغون وحشه ضحكة فيلادو 😒😒"
📌 وهو اصلا ماكرون و شولتس مش طايقين بعض أساسا و الدنيا بايظة بينهم
لدرجة ان ماكرون ألغي مؤتمر لودفيغسبورغ الاقتصادي المشترك بين ألمانيا و فرنسا اللي كان مقرر عقده في 26 أكتوبر و اللي بيتم عقده كل سنة من سنة 1963 لحد انهاردة
🔹ماكرون بقا لغااااه ..وقال ان شولتس ميستحقش الدعم لانه بيلعب من وراه و بيدور علي شركاء اخرين
و انه مضطر يدور علي مصلحة الشعب الفرنسي حتي لو اضطر انه يعمل زي بريطانيا و يخرج برا الاتحاد الاوروبي " مارين لوبان عاملة شغل عالي والله 😁😁"

🔷🔶 وبمناسبة اننا جبنا سيرة بريطانيا
ف زي ما قولتلكم ان ليز تراس مش هتكمل .. أحب اقولكم ان سوناك كمان مش هيكمل 😁
▪ اصلا سوناك حرامي ومساعد مراته في تربح وفساد مالي وتهرب ضريبي و حنا السكران كان بيهدده بفتح ملفه
حزب المحافظين بيلفظ أنفاسه الأخيرة ..... يلا في داهية 😏
-------------------------------------------
🔴 نحتسي حسوة نسكافيه كمان ونكمل 👇🏻👇🏻
بن سلمان .. وكمان مرة بن سلمان
ولي العهد بيلعب لعبة اقتصادية يا هترفعه للسما يا هتخسره كتير
📌بن سلمان عايز يعمل السعودية تايوان جديدة بس نفطية
مشروع سلاسل الامداد العالمية عايز يعمل مركزه السعودية ... يعني أي منتج وسيط متعلق بالصناعات البترولية والكيماوية هيتصنع في السعودية و يتباع للعالم لاي مكان بيصنع منتج نهائي
" زي حوار الرقائق الالكترونية بتاع تايوان كده "
و رصد موازنة 40 مليار ريال للبدء في المشروع
▪هل هينجح يا چي 🤔🤔
لو جاب عمال من برا .. السعودية مفيهاش عامل
مثلث اي مشروع
رأس المال .. المادة الخام .. العامل

📌السؤال اللي بيسألهولي كل مغرمين بهية زي كده ❤طب مصر ممكن تستفيد يا چي من مشروع زي ده
خصوصا بعد اتفاقيات التكامل الصناعى
عشان أكون صريحة معاكم
احنا عندنا فرصة ذهبية لو نجح بن سلمان اننا ناكل الشهد من وراه
🔹تايوان عندها ممرات بحرية توزع للعالم ... السعودية لأ
محتاجة شريك يقوم بدور اللوجستي 👈🏻 قناة السويس و المواني المصرية 🤷🏻‍♀️
لكن عندنا عائق كبييييير 👈🏻 الشعب نفسه
المشروع ده محتاج مصاريف .. محتاج مينائين تلاتة للتسليم و التسلم مختصين بيه
و احنا شعب عايزين ناخد القروض نوزعها علينا علاوات و دعم يا اما نتهم الريس بالفشل لو دخلها في مشروعات تجيب فلوس أو تأسس لاقتصاد 😏😏
فمعتقدش ان مصر ممكن ينوبها حاجة الحقيقة ... و الا نزعل خبرا المؤتمر الاقتصادي 😒
-------------------------------------------
🔴 انا معرفش فنجان القهوة ده علي حساب مين .. العيشة غليت هااااا بس ماشي 😞😞
لكن محتاجاه عشان نجاوب علي سؤال مهم بتسأله من قبل تعب لارا اللي يعفي عنها ❤

🔷🔶 ايه سر الغاز الروسي و تاجر النسوان أيها الچي 🤔🤔
شوف يا عزيزي
تسألني عن أي حاكم في العالم اقدر اقولك بكرة هيعمل ايه بفضل الله و انتوا جربتوني كتير

لكن أجي عند رئيس كان بتاع مخابرات و تلاقيني بطة بلدي يا علي 😢
لازم أفكر و أرتب افكار وتفاصيل
📌 تعالي يا عزيزي نقعد مكان بوتين علي الشطرنج ونفكر لو أنا مكانه هفكر ازاي 🤔
🔹أول حاجة 👈🏻 سياسة في كل خرابة عفريت
يعني مثلا 👇🏻👇🏻
▪اوبك 👈🏻 حط للغرب السعودية فبوظ لهم الدنيا و ذل امريكا
▪البيع والشرا والنظام المصرفي و مدخل افريقيا و الملاحة 👈🏻 حطلهم مصر
▪التحالف العسكري والتكنولوجي و سوق البيع 👈🏻 حط الصين والهند
▪المناكفة والمرازية 👈🏻 ايران
▪قفل باب التوريد للسلع الزراعية و التجويع 👈🏻 اتحالف مع فنزويلا والبرازيل ونيكاراغوا و الارجنتين

طب فاضل فييييين النقطة المفتوحة .. اوروبا
طب ازاي أذل أوروبا و أخليها تسف التراب
🔸أجيب احقر حد بالنسبة لهم و أعمله معلم عليهم و اخلي روحهم في ايديه ... و بدل ما أخليكم تعملوا معاه زي اليونان لأ أنا هخليه هو اللي يذلكم
طبعا احنا عارفين ان الاتحاد الاوروبي ذالل تركيا علي العضوية من شخروميت سنة و لما فكر يعتمد اليورو بدل الليرة هددوه بالعقوبات
▪كمان هي ضربة لأمريكا
مش انتوا روحتوا ارمينيا عشان تقرفوني ... حلاااال عليكم ارمينيا أنا همنع عنها الاكل والشرب بالبعبع بتاعها و اذربيجان ... وهخلي يريڤان تيجي تبوس رجلي عشان ترجع للعباءة الروسية تاني 👌🏻👌🏻
▪وفي نفس الوقت البسفور كده بقا تحت السيادة الروسية بشكل ضمني فهيقدر يهرب من العقوبات و ناقلاته تتحرك براحتها 🤷🏻‍♀️🤷🏻‍♀️
ده التحليل المنطقي الوحيد بالنسبة لي
" انا عارفة ان عزيزي مغرم بهية حاسس بغيرة سيكا ومش عايز اي خير لتركيا .. وانا زيك والله وأكتر 😁" بس هي دي السياسة 🤷🏻‍♀️🤷🏻‍♀️
------------------------------------------
🔵 اقولك بقا شوية اخبار كده
♦مولدوفا فيها مظاهرات يومية وصلت لاشتباكات بين المتظاهرين والشرطة بسبب ارتفاع الاسعار ونقص السلع و الظلام
شعب مولدوفا عايز الحكومة تستقيل و تيجي حكومة موالية لروسيا .. و رافعين شعارات بتتهم الاتحاد الاوروبي بالانحياز للدول السبعة الصناعية فقط
▪أتوقع رحيل الحكومة وصعود اليمين 👌🏻

♦رومانيا : وزير الدفاع استقال بسبب رفضه تسليم مطار حربي للناتو
الناتو عايز يعمله قاعدة عسكرية
وزير الدفاع قال في البرلمان ده هيعرضنا لضربة عسكرية محتملة من روسيا
البرلمان مش مقتنع
راح مقدم استقالته وسابهم ياكش يولعوا

♦المجر : فيكتور اوربان بيهدد بالخروج من الاتحاد الاوروبي .. واتهم ألمانيا بأنها صاحبة أجندة قذرة .. بسبب اقتراح شولتس ان يخلي الموافقة علي القوانين والقرارات بالاغلبية و ليست بالاجماع 😒

♦هولندا : اعلنت انها مش هترجع نشاط حقل بيرخون لانه بيهدد البنية التحتية بالزلازل ومش هتمد اوروبا بالغاز .. لأن اللي عندها يادوووب يكفي 60% من احتياجاتها
وحاجة منتهي يا روح ما بعدك روح كده 😉
-------------------------------------------
🔵 حاولت أعملكم رقعة معقولة تعوض جزء من الغياب
و ربنا ييسرلي الامر و اقدر ألم كل اللي فات

هذا واستغفر الله لي ولكم و لكل ولاد بهية البارين بيها بس .. ربنا يصونها من مكر اعداءها ويجعل تدبيرهم تدميرهم يارب و يحفظ لنا حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 31 اكتوبر 2022 :

🔴 العالم الخفي .. من الصندوق الاسود للصهيونية العالمية و علاقتها بالماسونية و ذراعها الديني الاخوان
" الناس اللي هتشير الرقعة دي فيسبوك .. البقاء لله في حساباتكم مقدما 😁 ... بس كلام مهم لازم الناس تعرفه
رب العزة في كتابه العزيز بيقول " وَلاَ تَكْتُمُواْ الشَّهَادَةَ وَمَن يَكْتُمْهَا فَإِنَّهُ آثِمٌ قَلْبُهُ "
نسأل الله لنا ولكم انه يثبتنا دايما علي قول الحقيقة ولا نخشي في الحق لومة لائم

🔷🔶 فاكرين في شهر مايو عملت رقعتين مهمين
📌رقعة كيف نشأت اسرائيل و دور الدولة العثمانية و عبد الحميد التاني في قيامها
📌رقعة اتفاقية الرمح الثلاثي
اللي كانت بتربط بين اسرائيل وتركيا و ايران
وانسحبت منها ايران من 2020
" اللي عنده لينكات ينزلها هنا علي القناة "

🔷🔶عايزة تقولي ايه أيها الچاكو بالمقدمة دي 🤔🤔
والله يا عزيزي وانا متعودتش أخبي عليك حاجة بس عايزة اقولك ان لولا آل عثمان ما كانت الصهيونية 🤷🏻‍♀️🤷🏻‍♀️
و قبل عبيد العثمانيين ما يتحمقوا تعالوا نشوف مييييين اللي كان بيحكم الدولة العثمانية اساسا غير الجواري اليهود اللي بقوا سلطانات و اعوانهم 🤷🏻‍♀️

♦ في عهد اورهان باشا " السلطان اورخان غازي " اتعرض اليهود للطرد من كل اوروبا .. و النفي والتهجير القسري
الاوروبيين كانوا شايفين اليهود مجموعات من الخونة والعملاء و مينفعش يتواجدوا وسطهم
طردهم الأسبان
لجأوا لمييييين للدولة العثمانية .. اورهان باشا
قال يعني هيعيشوا أهل ذمة .. قدموا جارية يهودية " مارثا " هدية للسلطان .. واللي استطاعت انها تبقا المفضلة له وبعدها تاخده من خديجة خاتون زوجته وتتجوزه و تبقا السلطانة بيالون خاتون
📌 أول قرار اخدته بيالون خاتون هو منح منطقة حكم ذاتي لليهود .. و قرار السماح لهم بامتلاك اراضي زراعية علي أن يلتزموا بدفع الخراج
📌 المنطقة دي اييييه 👈🏻 ادرنة
اتحولت أدرنة لمقر اقامة مجتمع يهودي صرف
📌بعدها بقا الطرد لهم من صقلية وبافاريا و فرنسا
الله الوكيل طوب الارض ما كان طايقهم 😏😏
📌 طبعا بيالون خاتون هنا مسيطرة و اورهان خروف عااادي زي كل السلاطين
راحت عطياهم بورصة و شبه جزيرة جاليبولي علي بحر ايجة عشان يبقا في ميناء خاص بيهم لتجارتهم
📌 انطرد اليهود من أرض السلاڤ " روسيا وما حولها "
بقوا يزيدوا أكتر في الدولة العثمانية .. و بدأوا يبقا لهم نفوذ
بيالون خاتون السلطانة بتعزل اغوات و تعين أغوات يهود " اعتنقوا الاسلام حديثا 😉"
بتضغط علي علي اورهان بقبول تعيينهم أغا عسكر " قادة جيش "
و بيطالبوا اورهان باشا باجتياح اوروبا للانتقام من طردهم

لكن القدر مش بيمهل بيالون خاتون و بتموت و بيقل سطوة اليهود شوية
لحد عهد بيازيد التاني 👌🏻
♦والحج بيازيد التاني ده بقا لو كان عنده اكونت فيسبوك كان اداهم الباسورد بتاعه من كتر ما توغلوا في الحكم 😏
بيازيد التاني وقع هو رووخر في شباك جارية بولندية يهودية في الاصل هي بنت حاخام مدينة بودلاسكي ووقعت في الاسر واتباعت للدولة العثمانية ووصلت لسرير بيازيد التاني كالعادة بسهولة لما كان ولي العهد و امير سنجق اماسيا و بقت زوجته ناكار خاتون سلطان
📌 كده كده كان في يهود كتير موجودين .. لكن بعاد شوية عن قصر توبكابي " قصر الحكم "
أول حاجة عملتها ناكار خاتون لما بيازيد تولي الحكم انها جابت " جوزيف هامون " الطبيب اليهودي البولندي وعينته طبيب السلطان
📌بعدها بقا مستشاره السياسي و بعدين العسكري وبعدين المالي بقا هو اللي بيوزع الاموال بمعرفته من بيت مال المسلمين بعدها بقا هو وناكار خاتون اللي بيعينوا اعضاء الديوان
اللي في خلال 5 سنين كان كلهم يهود اعتنقوا الاسلام حديثا ومفيش ولا حد فيهم من أصل تركي ده كلهم بولند و أسبان وصقليين 🤷🏻‍♀️🤷🏻‍♀️
بعدها الوزير الاعظم " رئيس الوزراء يعني " احمد بن هارسك بياخد تعليماته من جوزيف هامون مش بيازيد التاني خااالص 🙄🙄
لكن ماتت ناكار خاتون و فشل جوزيف هامون انه يوصل ابنها شاهزادة قورقود للولاية العهد بسبب قوة شخصية حفصة عائشة خاتون و جوزها المجنون سليم الاول اللي قتل قورقود وخلص منه اساسا 🤷🏻‍♀️🤷🏻‍♀️
📌وهنا اتحول چوزيف هامون للولاء لسليم الأول
ما هو ده طبع اليهود .. مع الرايجة 😒
نفس دور چوزيف هامون مع بيازيد التاني لعبه مع سليم الاول بالظبط .. لحد ما مات و استلم مكانه ابنه موشيه
طبيب بردووو .. وكان بيعالج سليم الاول من أمراضه ومنها الحزام الناري إلهي يولع في نار جهنم هو وابوه و اهله كلهم بحق دم المصريين اللي سفكه 😒😒
لكن موشيه بقا كان أذكي من ابوه
📌 قدر يوصل انه يبقا حامل أختام السلطان .. وانه يغذي فيه جنون العظمة و يدفعه لاجتياح الشام و مصر و الحجاز
" الحلم بتاع من الفرات للنيل 👌🏻👌🏻"
📌 قدر موشيه يضمن ولاء أغا الجيش الانكشاري اللي كان فيه يهود كتير .. و قدر يتفق مع المماليك اللي خانوا طومان باي
چان بردي و خاير بك و حسن بن مرعي والزيني بركات
" ما هو خونة الداخل أشد خطورة من أي خطر خارجي .. أخدلي بالك انت يا ابراهيم 😏😏"
و اجتاحوا مصر واحتلوها بالفعل و اتعين عليها خاير بك الخاين و اتعين لها جامع يهودي يوسف الصقلي
" وظيفة الجامع 👈🏻 بيجمع الضرايب و الاتاوات و يبعتها لاسطنبول "
📌يوسف الصقلي ده هو اللي كان حلقة الوصل بين خاير بك و بين موشيه هامون الحاكم الفعلي لمصر والشام والحجاز
و طبعا مش محتاجين أحكيلكم عن الاهوال اللي شافها المصريين في الحقبة الوسسسسخة دي من حكم العثمانيين رعاع التتر

♦ غار في ستين داهية سليم الاول وجه بعده ابنه سليمان القانوني .. كسر شوكة اليهود شوية و خفض نجمهم لحد ما مات
لكن هوريم سلطان قبل ما تموت خزوقت الدولة العثمانية ب نوربانو سلطان الجارية اليهودية بنت ثري يهودي من البندقية " راشيل كارتيني "
و اتجوزت سليم التاني و خلصت علي اخوه بيازيد
وجابت چاكوب شلومو ابن عمها و عملته حامل ختم
و الحقيقة ان سليم التاني مكنش فاضي للحكم كان بيسكر ليل نهار " اهو ده حنا السكران اللي بجد 😁😁"
📌 ورجع اليهود يتحكموا في مفاصل الدولة العثمانية تاني
و كملوا كمان بعد موت سليم التاني وتولي ابنه مراد التالت الحكم
و ده بقا مراته كانت حاجة شغل فنادق
صفية سلطان سفاحة آل عثمان
📌 صوفيا بافو بنت الحاخام كوفو برنارد بافو
و اللي أول يوم تولي فيه مراد التالت الحكم قتلت 18 امير عثماني اخواته بمعاونة أهلها .. لأنها استطاعت انها تجيب أبوها و اخوها رائيف من البندقية لمدينة أدرنة .. وبعد كده دخلتهم القصر عادي
📌 بيتوسعوا اكتر و بيلموا بعض وبيعلنوا مناطق أكتر مناطق يهودية
بيموت مراد التالت و بيجي ابنه احمد التالت
و غالبا كل سلطان عثماني بيجي معاه خازوقه اليهودي هدية .. عرض كومبو كده
جه ومعاه كوسم سلطان 👈🏻 ماه بيكر كوسم سلطان اللي هي انستازيا أونزو بنت بيرلو اونزو تاجر مصوغات يهودي 🤷🏻‍♀️🤷🏻‍♀️

🔷🔶 لكن بينتهي سطوة اليهود علي يد خديجة تورهان سلطان
جارية بردو واتجوزت ابراهيم الاول ابن كوسم
و خلصت علي كوسم و دمرت سطوة اليهود تماماااا هي اصلا روسية مسيحية ارثوذكسية مولودة في اوكرانيا واسمها ناديا أو نيديا
📌 قدرت تتعاون مع محمد باشا كوبريللي
وتتخلص من كل اليهود اللي في القصر

🔷🔶 لحد ما جه مييييين بقا
خلف الندامة عبد الحميد التاني و اللي كان عنده خاصكي اسمها هيلين و اللي عرفته علي تيودور هرتزل مؤسس الصهيونية وبقوا صحاب الروح بالروح و الله 😏😏😏
" و طبعا تفاصيل العلاقة دي كنت سردتها قبل كده مش هنعيدها "
لكن عبد الحميد التاني هو صاحب تصريح التحكير 👈🏻 يعني هجرة اليهود لفلسطين و امتلاك الأراضي .. و انشاء المستعمرات اليهودية عشان تكون مناطق حكم ذاتي فيما بعد

♦لكن تيودور هرتزل مش حلمه فلسطين وبس
ده له حلم مشترك مع صديقه اسرائيل زانجويل و ده كان كاتب انجليزي كوميدي هو في الاصل روسي هرب ابوه من الاضطهاد وحصل علي الجنسية الانجليزية

♦عبد الحميد التاني قام بدوره و زيادة و انشأ المستعمرات اليهودية في فلسطين
بدأ بقا دور هرتزل و زانجويل للضغط علي بريطانيا في توفير أوطان لليهود
📌 قدروا يقنعوا جوزيف تشامبرلين أمين عام المستعمرات البريطانية بامتلاك شرق افريقيا
اللي هي منطقة وادي حصان 👈🏻 اوغندا وكينيا
في سنة 1895
لكن المشروع كان طي الكتمان
📌 لحد سنة 1897 لما تقدم هرتزل بمشروع استيطان سيناء
🔹 المشروع عبارة عن فصل سيناء عن الجغرافيا المصرية و ربطها بغزة وحيفا و تسليمها لليهود لإقامة دولتهم
تشمبرلين قبل المشروع
لكن اللورد كرومر رفضه

🔷🔶 ألا فكرني كده يا عزيزي المشروع ده احنا سمعنا عنه تاني امتي ومين اتقدم بيه 🤔🤔
يكونشي يا چي تقصدي صفقة القرن اللي اتفق عليها اوباما مع الاخوان في سنة حكمهم السودا التوطين في الشريط الحدودي في سينا في مقابل 8 مليار دولار 🤔🤔
يا أخي الصهاينة دول مبيعرفوش اليأس ينشأوا منظمة الماسونية و يتحكموا في العالم من أجل طموحهم و ينشأوا جماعة زي الاخوان تبقا ذراع ديني اسلامي لهم زي بردو ما مجندين الفاتيكان عاااادي 😏😏

📌 المهم يرجع هرتزل يقدم المشروع تاني للورد كرومر سنة 1902 بحجة اييييييييه 👈🏻 حماية قناة السويس
ان اليهود هيحموا قناة السويس من طموح الخديوي عباس حلمي في السيطرة علي القناة
لكن كرومر بردووو رفض
و قاله ان الخزينة المصرية مش هتتحمل تعمير سيناء لتحويلها لمنطقة سكنية
📌 يقوم يرجع هرتزل في سنة 1903 شهر فبراير بنفس المشرووووع بس ايه بقا معاه مشروع توصيل مياه النيل لسيناء ومنها لغزة لاقامة حياة و التكلفة كلها هتتحملها المنظمة الصهيونية العالمية و مجموعة المؤتمر الصهيوني
لكن كرومر بردو بيرفض خوفا من المصريين و بيصدر قراره بمنع فصل سينا عن الحدود المصرية
" مش بيفكرك موضوع مد مياه النيل ده بدعم سد النهضة بتاع ابرهة الحبشي يا عزيزي 🤔🤔 .. شايف المواضيع متشابكة ازااااي ... شايف حجم المؤامرة علي مصر ازاي و من كااااام سنة "
📌 في شهر يونيو 1903 بيتم عقد مؤتمر بازل لتوطين اليهود في اوطان بديلة
و بيتم اصدار قرار يهودية منطقة وادي حصان
📌 لكن لما هرتزل بيعرض القرار في المؤتمر الصهيوني الخامس بإنهم حصلوا علي منطقة وادي حصان گ حل مؤقت لحين الحصول علي فلسطين وسينا بيرفض نص الاعضاء لأنهم عايزين سينا
و بيوصل الامور لضرب نار و بيصاب ماكس بوردو أكبر المؤيدين للنزوح لوادي حصان لأن هرتزل كان هيعينه حاكم عليها و بيتهموه بخيانة الدين 👌🏻👌🏻
لكن لحد الآن المنظمة الصهيونية معاها وثيقة امتلاك المنطقة دي

🔷🔶 طيب هل اكتفي هرتزل بالمشروعين دول و بس
أخد فلسطين من عبد الحميد التاني
و اخد وادي حصان من جوزيف تشمبرلين
يسكت علي كده .. ابداااا 😏😏
♦ شوف وساخة الصهاينة بقا
هرتزل عارف ان ايطاليا هتموت علي ليبيا
يقوم سنة 1905 يتقدم للملك ايمانويل التالت ملك ايطاليا
انه يساعدهم هو والمنظمة في احتلال ليبيا في مقابل منحهم منطقة طرابلس وطن حكم ذاتي لليهود
📌 ايمانويل التالت رفض العرض لأن جيشه مكنش في جاهزية قتالية مع الجيش العثماني ... ما هي ليبيا ولاية عثمانية
يعني هرتزل اخد مستعمرات فلسطين من العثمانيين و راح يضربهم في ضهرهم مع الطليان 😏😏
📌 لما ايمانويل رفض .. اخد هرتزل المشروع و قدمه للسلطان العثماني اللي وافق في سنة 1906
و قاله تدينا طرابلس وطن يهودي في مقابل منع ايطاليا للوصول ل ليبيا
طبعا عمله الاوردر و لو كان عايز معاه كولوسلو و بيبسي مكنش هيتأخر .. يعني هي وطن أبونا ما احنا محتلينها اساسا 😏
📌 بعتوا ناحوم سلاووش قعد سنتين في ليبيا يدرس المنطقة لاقامة مجتمع يهودي و بنا كنيس
بس غفلجت بقاااا .. سنة 1911 مات رجب باشا الوالي العثماني علي برقة
و دخلت ايطاليا و اعدمت ناحوم سلاووش وكل اليهود اللي هناك وهدوا الكنيس ... ده أقل واجب والله 🙄🙄

و هنا بيرجع هرتزل و الصهاينة يركزوا في فلسطين وسينا تاني

بتقوم الحروب العالمية و بتيجي سنة 1948 و بيستلموا أرض فلسطين
لكن عيونهم علي سينا
فبيدخلوا سينا سنة 1967
لكن الطموح الشمال افريقي مش بيقل
بيظهر بقا لاعب علي الساحة العربية متبرع بالخيانة للعرب
♦ يا عزيزي العرب كلهم ماسكين في خناق اسرائيل إلااااا الحسن الثاني ملك المغرب
اليهود الاشكيناز اللي جايين من اوروبا للاستيطان في اسرائيل لأن مكنش في مطارات عربية بتستقبلهم .. كانوا بينزلوا يريحوا شوية و يفردوا ضهرهم في المغرب و بعدين يطلع لهم طيارات لمطار بن جوريون 😒😒😒
📌 بدأوا يتواصلوا معاه طب ما تدينا حتة مؤقتة في المغرب نعملها حي خاص باليهود
مين صاحب الخطة دي في الاساس 👈🏻 أخين يهود مغاربة اسمهم باروخ و چاكوب موشيه
بالتعاون مع الحاخام المغربي فيدال سنة 1906 و عرضوها علي عبد العزيز بن الحسن و اللي وافق علي تأمين وادي حصان لحين توفير منطقة مغربية تصلح لهم
▪ادينا انت بس الارض حتة صغننة يعني و احنا هنسيدك علي منطقة البوليساريو
" فاكرين رقعة الصحراء المغاربية والخلاف بين الجزائر و المغرب 🤷🏻‍♀️🤷🏻‍♀️"
▪و لو حبيت تاخد الساحل الموريتاني هنساعدك يا حبييييبي
📌 لكت خناقة العرب كبيرة مع اسرائيل والموج عالي فلازم يلم نفسه شوية
لكن لأننا متفقين انهم مش بييأسوا بترجع الامور تاني مع محمد السادس أفندي
و يمكن انا استعرضت معاكم في رقعات الشطرنج زيارات قادة اسرائيل للمغرب
▪في 10 ديسمبر 2020 اصدر محمد السادس مرسوم ملكي بترميم كل المعابد والاثار اليهودية من نفقة الدولة واعادة تسميتها بالاسماء العبرية
▪في 24 نوفمبر 2021 : بيني جانتس وزير الدفاع الاسرائيلي منح اسم محمد الخامس نوط الشجاعة و أشاد بموقفه من الهولوكست
و اعلن توطيد العلاقات و القيام بأول زيارة رسمية
▪في 4 اغسطس 2022 : مفتش عام الشاباك يعقوب شابتاي و معاه رئيس شعبة الاستخبارات زاروا المغرب و وقعوا اتفاقية تعاون امني و تبادل معلومات استخباراتية و أمنية
▪بعدها راح رئيس الاركان كوخافي ووزير العدل جدعون ساعز و اعلنوا موافقة المغرب علي اتفاقية ابراهام
و انهم هيضغطوا علي أمريكا لمنح المغرب السيادة الكاملة علي البوليساريو عن طريق مجلس الامن و الامم المتحدة

و طبعا ده في مقابل ايييييه 👈🏻 الوطن البديل او منطقة الحكم الذاتي اليهودي

كده أنا سردتلك الأمور كلها من قديم قديم الازل
ووضحتلك ليه الاخوان في خدمة اسرائيل سواء الاخوان المسلمين في مصر وصديقي العزيز بيريز او حزب العدالة والتنمية التركي
و فردتلك خريطة المخطط و أماكنها كاملة

🔷🔶 ويكبيديا مفيهاش المعلومات دي .. و ديانات الجواري اتعدلت كلها للمسيحية الكاثوليكية عشان الطرمخة علي الفضايح
لكن الحقيقة في كتب تاريخ آل عثمان اللي كانت في كنيسة ايا صوفيا و اختفت لما اتحولت لجامع
و ده شئ أنا ضده و الشرع ضده
و الا كان الصحابة استولوا علي الكنايس وحولوها مساجد
لكن لحد سنة 2012 كل الحقايق دي كانت موجودة في وثايق أيا صوفيا

فمش هلتفت لأي حد خيبان في الاملاء يجري يجيب من ويكبيديا معلومة و يجي يقولهالي ☺☺
في موقع جريدة هسبريس المغربية في تسريب لوثيقة هرتزل عن جعل المغرب وطن لليهود منقول عن صحيفة يديعوت احرونوت بتاريخ 19/8/ 2020

هذا و استغفر الله لي ولكم و ربنا يكفي بهية شر مخططات الخارج و خونة الداخل و تعيش بهية حلوة الحلوات 🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
ازيك يا عزيزي 💚
سمعت ان الفيسبوك و تويتر مقلوبين بسبب رقعة امبارح
يلاااا نعيش و نعكر صفو حياتهم و نكدر سلمهم العام 😁
الموضوع اللي هقولهولك ده عايزاه يوصل لمصر كلها
و لا انت مفكر ان مصر بتجيب أجوان في الغاز وبس .. لااااا ده احنا بتوع المو صلاح في كل حاجة 😉

🔴 سد تنزانيا :
مصر انتهت من أعمال البناء و الانشاء الخرساني لسد ستيجلر جورچ " أو چولويوس تيريري .. أو نهر روفيچي "
معرفش محتارين في الاسم ليه الحقيقة 😁😁

🔷🔶 ايوا يعني ايه حوار السد ده يا چي 🤔🤔
شوف يا عزيزي
طبعا انت عارف التهمة الموجهة لمصر في مجلس الامن سنة 2018 انها تعوق حركة التنمية في افريقيا ... و ده بسبب سد أبرهة الحبشي
♦في مارس 2019 قررت مصر مساعدة دولة تنزانيا في اطار التعاون و التنمية و الكلام الجميل ده
طيب هتدعمي تنزانيا ازاي يا بهية

و هنا كانت الصدمة لإثيوبيا و كل من وراها و العالم كله
بهية هتبني اكبر سد في افريقيا و اكبر من السد العالي نفسه
♦ طبعا تنزانيا اللي بتعاني سنويا من تدمير شامل بسبب فيضان نهر روفيچي و القضاء علي آلاف الهكتارات الزراعية .. بالاضافة لان 50% من تنزانيا عايشة في الظلام .. مفيش كهربا
♦تنزانيا لا تملك اموال لتمويل مشروع عملاق زي ده
هنا مصر تحملت التمويل بالكامل
وقيمته 2.9 مليار دولار 👌🏻👌🏻
الحكومة المصرية + شركة المقاولين العرب + مجموعة السويدي الكتريك
" هي القروض دي بتروح فييين يا حكومة .. بتروح في استثمارات توقفك علي رجلك يا نن عين الحكومة 😏"
🔵 شوف العظمة بقا 👇🏻👇🏻
📌 يونيو 2019 بدأنا اعمال الانشاءات في السد .. وفي نوفمبر بدأنا تحويل مجري نهر روفيچي بالفعل
📌 في اكتوبر اللي فات اعلنا الانتهاء من اعمال البناء و الانشاءات
📌 انهاردة بنعلن اننا هنبدأ في الملأ في 15 ديسمبر القادم .. قولوا ماشاء الله لا قوة الا بالله 👌🏻"
وبالفعل بدأوا تركيب التوربينات الكهربية

♦ طول السد 1025 متر عند القمة
ارتفاع 131 متر
سعة تخزين 34 مليار متر مكعب
خد بقا المهم 👈🏻 محطة توليد كهرباء بقدرة 2115 ميجا وات
" و هنا الزتونة 👌🏻"
4 سدود فرعية بدأوا الانشاء بالفعل لتكوين اكبر خزان مائي في افريقيا
4 مفيض مائي

🔵 حلو يا چي الكلام ده .. مصر استفادت ايه بقا 🤔🤔
أهوج يا عزيزي و متسرع
تنيثي و لا تتسنعي 🙄🙄
اللي بيدير السد ده هو مصر
يعني تنزانيا كل اللي هتستفيد منه انها تاخد كهربا تنورها كلها .. وتحمي ارضها من الفيضان
انما كل استثمارات السد ده هي مصرية بنسبة 100%
🔹حد يسألني ليه تنزانيا تحديدا يا چي 🤔🤔
اقولك أنا 👈🏻 عشان الزتونة اللي قولتلك عليها فوق 👆🏻👆🏻
تنزانيا دولة عجيبة حدودها 8 دول بحالها
ال 8 دول هياخدوا كهربا من سد تنزانيا بعقود مصرية 👏🏻👏🏻👏🏻
لان السد و ال4 سدود فرعية هيوفروا اكتر من 6000 ميجا وات فائض يمكن بيعه .. تنزانيا هتحصل علي 18% فقط من عوائد البيع " اتاوة طاقة " و مصر الباقي
🔹 الخازوق المتجهز لابرهة بقا 👈🏻 ان بالفعل في ديسمبر هنبدأ البيع و العقود بالفعل 🤷🏻‍♀️🤷🏻‍♀️
يعني دول الجوار اللي كانت اثيوبيا معولة عليها تبيعلها كهربا .. بخخخخخ
لأن مصر بتقدم أسعار تفاضلية و بالفعل الكهربا موجودة مش لسه المكنة هتطلع قماش 😁
📌 بالاضافة لآلاف الهيكتارات اللي مصر هتزرعها حوالين السد و ارض تنزانيا خصبة جدااا اكتر من التربة المصرية أضعاف
ومن #البلورة_السحرية
مصر هتستغل الساحل التنزاني علي المحيط الهندي و الشركة القابضة للموانئ هتعمل مينا عملاق للتصدير 🥰🥰

يبقا انت هنا افشلت سد النهضة بالفعل
و بقا عندك مفيض وخزان مائي عملاق
و كل يوم بتزود قوتك في انك مركز نقل الطاقة للعالم
غير الرقعة الزراعية التنزانية اللي هتبقا ملكك

🔹و لو سياسيا بقا
فأنت كده معاك 9 دول افريقيا بتوعك .. في جيبك اللي انت متحكم في كهربتهم و هيجيبولك رئاسة الاتحاد الافريقي وانت قاعد باشا 🤷🏻‍♀️🤷🏻‍♀️

دي بهية اللي لو الزمن مال ما تميل
و ده السيسي الامام المتغلب اللي مش داعي حرب ولا تخريب .. بالعكس سلام ورخاء و بيشتغل بكل جهد
#احنا_معاك_ياسيسي
و تحيا مصر آلاف المرات 🇪🇬🇪🇬🇪🇬
 

JOKer 88

انا لست وزير دفاع ولست في هيئه التسليح 😛
إنضم
18 نوفمبر 2021
المشاركات
10,430
الحلول
1
مستوى التفاعل
41,154
النقاط
238
المستوي
10
الرتب
10
الموقع الالكتروني
twitter.com

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
من فضلك, تسجيل الدخول أو تسجيل لعرض المحتوى !
وهوا دة الضرب تحت الحزام لاثيوبيا
بأفشال مخطط اثيوبيا لتصدير الكهرباء للدول المحيطة
وبكدة دى تكون اكبر ضربة لسد النهضة نفسة

بالمناسبة دة مش اخر سد هنبنية فى سدود اخرى جارى العمل عليها وفى دول تانى كمان
 

JOKer 88

انا لست وزير دفاع ولست في هيئه التسليح 😛
إنضم
18 نوفمبر 2021
المشاركات
10,430
الحلول
1
مستوى التفاعل
41,154
النقاط
238
المستوي
10
الرتب
10
الموقع الالكتروني
twitter.com

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 2 نوفمبر 2022 :

وكلما اقتربنا من مؤتمر المناخ .. كلما اشتد النباح علينا .... علي بهية 🇪🇬🇪🇬
🔵 مش هتكلم عن الاسكرين شوت اللي متاخد للبت نرمين عادل و معتز مطر وهما بيتكلموا عن 11/11 ... والمستر اللي هيكافئهم اللي معتز مطر كان بيقابله
أنا اصلا كلي يقين ان المخابرات المصرية راكبة تليفوناتهم كلها 🤷🏻‍♀️🤷🏻‍♀️

أنا بس يا عزيزي عايزاك تقف معايا في تفصيلة صغيرة
👈🏻المستر اللي في لندن👉🏻
وهنا لازم نسأل سؤال مهم : بريطانيا هتنسي امتي ان مصر ضيعت عليها كل مستعمراتها و دمرت الحقبة الاستعمارية 🤔🤔 .. بريطانيا هتنسي امتي طموحها في امتلاك قناة السويس 🤔
📌 الاجابة : مش هتنسي أبدا
وتعالي يا عزيزي أقولك سوناك رئيس الوزراء الجديد قال ايه عن مصر 👇🏻👇🏻
▪سأله الصحفي انت ازاي تعتذر عن حضور مؤتمر المناخ في مصر
رد عليه بمنتهي التعالي : قاله مؤتمر المناخ ده السنة اللي فاتت كان في بريطانيا .. و احنا قدمنا فيه كل حاجة ممكنة و الحلول المتقدمة .... مفيش دولة هتقدر تقدم زيننا خصوصا دولة زي مصر من دول العالم التالت .. الاهتمام بشئوننا الداخلية افضل من الذهاب لدولة زي مصر
▪سأله الصحفي يعني لو كان المؤتمر معمول في دولة من الدول السبعة الصناعية كنت هتروح
رد عليه : بالطبع سأذهب

دي رسالة من سوناك انه بينظر لمصر و تعالي واحتقار .. وان أيامنا الجاية مع بريطانيا مش هتكون أحسن حاجة بالعكس .. في مواجهات هتحصل بيننا لكن دبلوماسية 👌🏻👌🏻

📌 و ده يعني اننا أمام رئيس وزراء بريطاني قرر انه يعادي مصر من بداية توليه " لكن هو مين مكانش بيعادينا اما علنا او سرا 😏"
و الحكاية مش حكاية أديان مش عشان هو هندوسي و الحكومة المصرية في 2013 رفضت بناء معبد هندوسي في القاهرة
لا الحكاية أكبر شويتين من وجهة نظري
📌 ريشي سوناك هو من أصول هندية متزوج من اكاشتا مورتي بنت رجل الاعمال و المالتي ملياردير الهندي ناجافارا مورتي
و صاحب اكبر كيان اقتصادي استحواذي في العالم
🔹 يعني ايه كيان استحواذي 👈🏻 يعني منظمة مالية نشاطها قايم علي شراء المشروعات القائمة بالفعل لأعلي سعر و تحويلها أصل من أصول المنظمة الثابتة

بتقولي كلام مجلعص يا چي 😏
بالبلدي كده زي المقاول اللي بيدخل يشتري بيوت قديمة بس في مناطق حيوية .. يهدها و يعملها برج كبير و يبيع ويكسب علي حس موقع البرج
حلو الكلام .. حلوووو
📌 مؤسسة إنفوسيس دي بقا حاولت مع الحكومة المصرية من 2014 لحد 2020 اكتر من محاولة للاستحواذ علي مؤسسات حيوية .. زي القابضة للمطارات .. تعمل كيان يبقا شركة قابضة للفنادق في سيناء و البحر الاحمر " قولتلي سينا 🤔 ااها طيب فهمت 😏"
تتقدم بمشروعات علي منطقة حدودية زي حلايب و شلاتين مثلا
و الحكومة المصرية بترفض

طب السؤال اللي بيطرح نفسه علينا 👈🏻 ليه المطارات .. ليه المناطق الحدودية الملتهبة .. ليه سيناااااا 🤔🤔
مين وراكم بالظبط
و لا أنا شكي مش في محله يا عزيزي 😉
عداء البيزنس ده اتنقل أهو لعداء سياسي ... و سوناك مش شريف ده فاسد و بيتربح هو ومراته بس تشارلز مكنش عنده غيره

وعموما تشارلز قريب هيتنازل عن الحكم لابنه .. و ابنه الدنيا هتبهوق منه
و احزاب الاستقلال هتقفز علي السلطة " دي حتة كده من #الفراندة "
📌 طب حاليا ايه اللي بيحصل 👈🏻 الاخوان أخدوا تصريح من الحكومة البريطانية بفتح قناتين يتعمل فيهم برامج يبثوا فيهم سمومهم ضد مصر .. و اخدوا تصريح حاجة اسمها لم شمل .. يعني يجيبوا أهاليهم و أسرهم

و محامين بريطانيين عايزين يترافعوا عن محمد بديع والشاطر و حسن مالك
" انا معرفش هل قانونا ينفع محامي اجنبي يترافع أمام المحاكم المصرية و لا لا " لكن ايه النشاط اللي حل عليكم فجأة ده 🤔🤔
📌 الضغط في قضية علاء عبد الفتاح ... هو مش غريبة ان بريطانيا تمنح الجنسية لحد مقدمش عليها علي أراضيها اساسا و لا تنطبق عليه الشروط 🤔🤔
📌 الاقامات اللي اتمنحت لعناصر الاخوان اللي انطردوا من تركيا
" اي حد سافر اوروبا عارف مدي صعوبة الحصول علي اقامة .. انما واحد ينزل مطار هيثرو يلقي الاقامة منتظراه بوظيفة كمان 🤔"

كل ده بيعمله المستر اللي اتقال عليه في الاسكرينات
المستر ده ظابط المخابرات المسئول عن ملف تخريب مصر .. و لو تفتكروا كان في سكرينة نزلت لمحمد علي بيقول فيها ان المستر في لندن مبقاش بيرد علي تليفوناته مهما اتصل بيه 👌🏻👌🏻
المستر اللي بيغير الوجوه كل فترة ما بين دقون ل شمام ل واحدة قضت 3 سنين سجن في قضية اداب 🤷🏻‍♀️🤷🏻‍♀️
لو 11/11 فشل كالعادة .. هيقولوا 12/12 و بعدين 1/1
و يفضلوا كده
لأن ده عداء ابدي
المهم انك گ مصري تكون عارف مين عدوك الحقيقي ومين وراه 👌🏻👌🏻
-------------------------------------------
🔵 ليه بايدن جي قمة المناخ طيب .. ما هو كده كده غضبان علي مصر وموقع علي العقوبات 🤔🤔
فاكرين يا ولاااااد قمة جدة
لما قولتلكم جي يتسول نفط و غاز .... بردوووو أنا عند موقفي
جي عشان يوصل لحل مع بن سلمان عن طريق السيسي و بن زايد
بدليل انه قال انه هيقابل السيسي مقابلة خاصة بينهم لدراسة الاوضاع في المنطقة .. انهي منطقة .. دي اكتر منطقة مستقرة في العالم حاليا هي الشرق الاوسط 🤷🏻‍♀️🤷🏻‍♀️
▪دليل كمان 👈🏻 الشخص اللي بعته ل بن زايد امبارح يطلب منه ترتيب لقاء خاص بينهم اثناء عقد مؤتمر المناخ

▪أزيدك من الشعر بيت 👈🏻التسريبات الايرانية
لو انت يا عزيزي ركزت في التسريبات دي هتلاقيها بتتكلم عن تهديدات حصلت بالفعل
التهديدات دي وصلت للسعودية بفعل فاعل في التوقيت ده لتخويفها و اللعب بأعصابهم لسببين 👇🏻👇🏻
🔹اولا : إلغاء صفقة صواريخ الباتريوت للسعودية برغم من معرفة امريكا باحتياجها لها لتأمين مصافي البترول و قرار استبعاد السعودية من أي تدريبات عسكرية مشتركة و سحب القوات الامريكية من السعودية.. وده تم من 12 يوم بالظبط
🔹اعلان بوتين عن سعيه في مفاوضات تضم ايران و السعودية ومحاولات فرض أجواء التصالح بينهم بضمانات روسية

هنا بقا أمريكا تشعر ب يالهوي مع 6 آخرون
الباتريوت كانوا هيموتوا عليه عشان يأمنوا نفسهم من ايران اللي ممكن يتصالحوا معاها 🤔🤔 .. يعني كده مش هيهمهم وقف التسليح ده كمان ممكن ياخدوا سلاح من روسيا
ده انا اتنسيت كأني ما جيت بقااااا 😳😳
📌يبقا هنا ارجع للعبة القديمة 👈🏻 خليهم خايفين عشان يفضلوا محتاجين لنا فيسمع الكلام و ينفذ المطلوب 🤷🏻‍♀️🤷🏻‍♀️
خصوصا ان المرحوم بيمهل بن سلمان لحد اجتماع 2 ديسمبر القادم لأوبك انه يسمع الكلام .. و بن سلمان منفض له
و اعتقد ان بن سلمان أدرك ان ايران مصايبها الداخلية مخلياها مش فاضية تهدد حد 🤷🏻‍♀️
------------------------------------------
🔴 عايزين بقا نبص علي الكوكب البائس اللي احنا عايشين فيه ده :
و يجيلي عزيزي و يقولي الصين مالها لا اسكت الله لها حسا يا چي 🤔
عارف الانسان السوسة اللي يبقا عامل مؤدب وكيوت .. وبعدين يقوم لسعك لسعة تطلع من نافوخك
أهي الصين دي يا أخي
♦ البعض يقولك انها بتطبق سياسة صفر كوفيد و بتقفل المدن و بتاع عشان كورونا
لكن السؤال : اشمعني المصانع اللي مرتبطة بصناعات الغرب تحديدا هي اللي الكورونا بتظهر فيها وبتتقفل 🤔🤔
▪مصنع فوكس كون في شوندا اللي مسئول عن تصنيع ايفون و منتجات ابل تم اغلاقه
بس شوف بقا
احنا قفلناه علي العمال اللي فيه وحولناه لمعسكر داخلي عشان منعطلش الانتاج .. بس العمال هربت .. نعمل ايه نقطع نفسنا يعني 🙄🙄
يا راااااجل 😳
يعني الكورونا سابت كل المصانع و اختارت المصنع اللي بينتج 70% من انتاج ابل و فيه 20 ألف عامل لا و هربوا كمان🤔🤔
هنا أبل فهمت اللعبة و اعلنت انها داخلة 2023 بخساير لأول مرة في تاريخها لأن الاصدارات الجديدة تم توقفها 🤷🏻‍♀️🤷🏻‍♀️
و ده رصاصة اقتصادية وجهتها الصين بمنتهي الهدوء .. و ابل مش هتسكت ده هيقلعوا ملط للادارة الامريكية تحت تمثال الحرية 😁😁

🔷🔶 طب هو اساسا تشي يانج خلاص بعد فوزه بالفترة التالتة للرياسة أعلن العداء لامريكا خلاص
- خطابه امام الحزب الشيوعي ووصفه لأمريكا بالانانية و كلامه عن ضرورة انتهاء عصر الدولار
- زيارته للسعودية
- اعلانه ان تايوان جاية جاية غصب عن امريكا
- وصفه لبوتين انه البطل الحقيقي بدل ابطال الافلام الامريكية المزيفين
كل ده عداء رسمي مش محتاج تفسيرات و لا شروحات
🔷🔶 و للعلم اوروبا علاقتها بالصين مش زبادي خلاط يعني
ده لسه هولندا و ألمانيا طالعين ببلوة ان الصين بتدير مكاتب شرطة صينية علي أراضيها في روتردام وامستردام في هولندا .. و فرانكفورت في ألمانيا
وانها مش مكاتب خدمة جالية ولا حاجة .... ده فيها ظباط شرطة متقاعدين و بيديرها المخابرات الصينية
" لسه عضمها منشفش المخابرات الصينية دي .. مستجدة بتتقفش بسرعة 😁😁"
-------------------------------------------
🔴 لو جينا بصينا علي الحرب الروسية الاوكرانية بقا :
هنلاقي بوتين مدشمل اوكرانيا
و عشان أكون بنقلك الاحداث بأمانة
روسيا اللي ضربت سد خيرسون مش أوكرانيا ...
📌 بالمنطق كده 👈🏻 سد خيرسون بيمد امدادات المياه ل 5 مدن مش تحت السيطرة الروسية .. غير الكهربا اللي بتاخد منها مولدوفا اللي اساسا والعة من المظاهرات
يبقا المستفيد من ضرب السد هي روسيا
و الهدف اتحقق بالفعل
▪اظلام تام ل 5 مدن اوكرانية + قطع المياه عنهم
▪مدينتين في مولدوفا ضلموا و سكانهم طلعوا مظاهرات من امبارح بالليل لحد دلوقت في الشوارع

♦التشيك واااالعة : مظاهرات في العاصمة براغ و مدينة بيرنو
الناس عايزة الحكومة تمشي و يطردوا الاوكران كمان
ومحاكمة وزير الدفاع انه بعت كل السلاح التشيكي لأوكرانيا
" طب ما الناس معاها حق .. لو بوتين اتخبط في نافوخه و قرر يمسي علي التشيك هيعملوا ايه من غير سلاح 🤔 هيكنسوا عليه الجوامع 🙄 "
مطالبات بالانفصال عن الاتحاد الاوروبي

♦الناس اللي لها اصدقاء في فرنسا بيقولوا لهم ان الدنيا حلوة اسألوهم بيباتوا في عربياتهم قدام البنزينة و لا بيدفعوا 5 يورو رشوة للعامل عشان يحافظ لهم علي دور البنزين
فاكرين ايام المدعوق مرسي لما كنا بنفطر و نتسحر قدام البنزينة .. ده حال فرنسا كلها دلوقت
" كل ساق يسقي مما سقي 👌🏻👌🏻"

يوم اعلان خروج بريطانيا من الاتحاد الاوروبي قولت لاخويا الموضوع مش موضوع اعباء مالية و هجرة من دول فقيرة لعندهم ... الاتحاد الاوروبي بيتخطط له مخطط ما بس مش مفهوم
لكن اللي حاصل اهوووو .. امريكا بتفرم فيه عشان تنجو .. عملاه سلمة واقفة عليها من الطوفان 🤷🏻‍♀️🤷🏻‍♀️

♦الوضع ده هيستمر لإمتي👈🏻 الشتا هو اللي هيحدد
و بوتين بيضلمها و بيعطشهم و الدنيا بقت ساقعة بالفعل و كل يوم أصعب
مش عندكم سويت نوفمبر .. اوروبا بقا فيها صويت نوفمبر 😁 ولسه لطيم ديسمبر وصريخ يناير 🙄🙄

🔷🔶 ليا بقا ملاحظة : كل اليوتيوبرز حتي الوطنيين منهم بيعتمدوا علي عنوان مرعب وكاذب عشان المشاهدات
▪ روسيا توجه ضربة لتجويع مصر ...بوتين مش عارف بيعمل كذا كذا
وتدخل تلقي هبد التنين المجنح اقسم بالله
محدش بيكلف نفسه يترجم كلام صح و جايز لجهلهم باللغة الروسية
🔹 ماريا زاخاروفا في المؤتمر الصحفي بعد تعليق اتفاقية الحبوب
قالت ان الرئيس بوتين مستعد لتوريد الحبوب الروسية بنفسه بدون وساطة لدول افريقيا المحتاجة
و ان اتفاقية توريد القمح لمصر لا مساس بها و هي اصلل مش ضمن الوساطة التركية ... يبقا ليييه نبث الرعب في قلوب الناس ان روسيا هتوقف القمح و مصر هتجوع
الفلوس اللي بتيجي عن طريق نشر الاكاذيب دي فلوس حرام علي فكرة

🔷🔶 اتهامات روسيا لبريطانيا محدش هيهتم بيها من الدول الغربية لأنها شغالة لحسابهم أساسا ... فالفترة الجاية هنشهد انتقام روسي من بريطانيا
اللي هو هاخد حقي بإيدي
بس مش هيبقا ضربة عسكرية طبعاااا .. هتبقا ضربة مخابراتية 👌🏻👌🏻
و أظن احنا شوفنا ان تليفون ليز تراس المخابرات الروسية طلعت ركباه و الرسايل قبل ما تقراها ليز كان بيقراها بوتين 😁😁

📌الضربات اللي بتوجهها روسيا لاوكرانيا مش هتتوقف
و مجموعة النسور الامريكية اللي هي القوات الخاصة دي هتتورط في اشتباكات هتعظم من خساير أمريكا
في مكالمة اتسربت للمرحوم و زفت ليسكي وهو بيقوله انت خسرتنا كتير ومحققتش أي تقدم و بتاخد سلاح و فلوس و بيتاخد منك أراضي أكتر .. المرحوم قفوش أووي 😁
و كل يوم في الشتا بوتين هيكسب اكتر و الشعوب الاوروبية هتثور أكتر
و هنوصل للحل اللي قال عليه كيسنجر 👈🏻 التخلي عن اوكرانيا و التفاوض مع بوتين 🤷🏻‍♀️🤷🏻‍♀️
------------------------------------------
🔵 عايزة اقولكم ان مصر قوية و ثابتة
مصر قدرت تعمل تحالفات قوية
▪الشام الجديد👈🏻 مصر والعراق و الاردن
▪التحالف الرباعي 👈🏻 مصر والسعودية و الامارات و البحرين
▪العمق الافريقي في 13 دولة هعملكم لهم رقعة كويسة
▪بيع السلاح للسنغال اللي عزز علاقتنا بالسنغال و هي منصب رئيس الاتحاد الافريقي الحالي
▪مركز نقل الطاقة عالميا للخليج واوروبا و افريقيا
▪بتملك اهم معبر مائي

بهية مش هفق .. مصر عادت شمسك الذهبي
ومهما اتهاجمت و لا اتشتمت و لا اتخاض في عرضي فأنا هفضل بدعم بلدي و ريسها و جيشها و شرطتها وكل مؤسساتها

ابن حزم الاندلسي قال :
من تصدر لخدمه العامة، فلا بد أن يتصدق ببعض من عرضه على الناس، لأنه لا محالة مشتــوم، حتي وإن واصل الليل بالنهــــار.”
ان كان في رجالة زي الورد بتدفع دمها فدا لتراب بهية هاجي أنا فيهم ايه 🇪🇬🇪🇬

هذا واستغفر الله لي ولكم و للامام المتغلب و كل من حب مصر ووقف معاها في الشر قبل الخير 🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
مساء الخير
رقعة شطرنج السبت 5 نوفمبر 2022 :

🔵 بداية كلامنا : بكرة حدث مهم جداا لمصر .. بكرة نتيجة سعي دؤوب لمدة 3 سنين اننا ناخد القمة في شرم الشيخ
COP 27
و يشاء رب العزة اننا ناخدها في ظروف سيئة جدااا للكوكب .. حرب عالمية و أزمات اسعار و طاقة بعد خروج من إغلاق عالمي بسبب وباء
لكن الامم المتحدة .. الاتحاد الاوروبي .. green peace 👈🏻 كل دي منظمات بتشيد بأداء مصر
بداية من بكرة كل ولاد بهية الاشراف هيقدموا أعظم أمثلة الانتماء و الوطنية .. القمة مش في شرم الشيخ بس
العالم كله بيرصد مصر كلها
♦ملناش دعوة بولاد الزواني بتوع المظاهرات " و أنا اقصد الكلمة 👌🏻" .. اللي منتظر مخرف امريكا عشان يتظاهر بطلب توقيع عقوبات علي مصر ده ابن زنا .. هو أساسا أمه معرفتش معني الشرف في حياتها
النوشتاء بتوع التظاهر في المنطقة الخضرا في شرم الشيخ انتوا عارفين ان انتوا كلكم في قلب بعض زواني ولاد زواني ومحدش عارف مرات مين فيكم في حضن مين 🤷🏻‍♀️🤷🏻‍♀️
انا مش قلقانة علي مصر منكم و لاااا حد هيعبركم و هتعيشوا انجاس و تموتوا أنجاس و هما و اي حد بيدعو او بيأيد او بيدعم أي فوضي خلال قمة المناخ
ثورة البروستوتيوت و الشمامين
end of the text 👌🏻👌🏻
-------------------------------------------------------
🔴 عشان ننظر للداخل المصري لازم نشوف العالم بيحصل فيه ايه 👇🏻👇🏻

🔷🔶 أول حاجة نحمد الله و نشكر فضله علي نضافة الارض من نجس من الانجاس رجل المخابرات البريطانية ابراهيم منير
موضوع انه كان بيشتغل لحساب المخابرات المصرية و بعدين خانها و اشتغل للمخابرات البريطانية ده هبد
ابراهيم منير ده كان حتة عصفورة متسواش 3 سنت ... زي ما عصام سلطان كان عصفورة حسن عبد الرحمن بتاع امن الدولة 🤷🏻‍♀️🤷🏻‍♀️
" طبعا عارفين يعني ايه عصفورة "
و لما هرب علي لندن زيه زي كل رعاع الجماعة اعلنوا تجنيده لحساب المخابرات البريطانية اللي أساسا ملفه فيها من يوم 26 سبتمبر 1988 .. و يوم 8 اكتوبر 1989 اتفتح حساب باسمه في بنك رويال بنك اوف سكوتلاند فرع نات ويست
بعدها اتقفل الحساب في 2001 و اتفتح في برادفورد اند بينجلي
اللي لما الحكومة اممته سنة 2014 سحب منه كل فلوسه و راح علي مقر غسيل الاموال الاوروبي بنك بوبلار اسبانول في اسبانيا 🤷🏻‍♀️
" مرات ابراهيم منير نفسها متعرفش الحسابات دي .. بس سبق وقولنا ان اللي بيلاعب الافاعي رفاعي 😉"
ف عقبال كلكم يا جماعة الغل و الاجرام تحصلوه علي جهنم 🙏🏻🙏🏻

🔷🔶 ندخل بقا علي اوروبا وكيف انفرط العقد الاوروبي بالفعل
سيبنا من المظاهرات اللي في كل حتة يا عزيزي .. وتعالي نركز في التفاصيل المهمة و نربطها ببعض
♦لقد خانت ألمانيا الجميع .. اوووه يا حرام 😢😢
كنت قولتلكم ان ألمانيا نقلت مصانع كتير إلي الصين والهند و تايلاند لعدم قدرتها علي مواجهة أزمة الطاقة .. واحتياطي الطاقة يا دوب هيكفي 70% من البيوت لمدة 9 اسابيع بداية من اليوم او اقل
📌 الحكومة الألمانية وجدت ان الملاذ الصناعي الآمن هو الصين ... فذهب شولتس الي بكين معتذرا 🤷🏻‍♀️🤷🏻‍♀️

شولتس في الصين لانقاذ الصناعة الألمانية و ده حقه
▪يعني امبارح " ومش عارفة مدي صحة الموضوع لكن بسأل ناس هناك " مجموعة متاجر ضخمة جدا اسمها جاليريا كاوفهوف كرشتات اعلنت انها علي وشك الافلاس ..... دي بتشتغل في البراندات لكل شئ ترفيهي ووكالات سفر و سياحة
هي اساسا كانت استحوذت علي مجموعة توماس كوك اللي كانت افلست سنة 2020 خلال الوباء
وواضح انها مكنتش خطوة موفقة و ده كان ضغط مالي
انهاردة جاليريا لا فيها بيع و لا شرا و لا سياحة و لا تشغيل و مضطرة تعمل اغلاقات و هي اساسا حوالي 100 فرع
▪طيب أنهي حكومة هتستني يحصل كوارث اكتر من كده ... من شهر قفل مجمع البتروكيماويات العملاق .. و دلوقت المتاجر
كان لازم حل و الحل عند الصين .. يبقا روح حب علي ايد عمك تشي يانج و قوله أنا اسف و انت حبيبي من أيام الحج ماو 🤷🏻‍♀️🤷🏻‍♀️

طبعا دي كانت فرصة لأن ماكرون يعبر عن غله تجاه شولتس و يتهمه بالتواطئ .. والمرحوم يطلع يهذي بكلمتين من بتوعه
لكن الواضح ان شولتس منفض 😁😁
ده مش بس منفض
ده عمل حاجة محصلتش في تاريخ الحزب بتاعه
باع 30% من ميناء هامبورج للصين .. ألمانيا بتبيع الاصول يا خبرااا عاااا 😳😳
شوفلنا سيدة لوكاندة البرنسيسات تعملنا فيديو عن الخروج الامن ل شولتس اللي بيبيع الأصول .. "هيهيهيهيهي ضحكة برلنتي عبد الحميد 😁😁"
♦طب يا چي ليه دولة زي ألمانيا تعمل كده .. تشارك في مشروع اللالئ المضيئة البحري اللي أمريكا هتموووت و تدمره للصين في تحدي لأمريكا 🤔🤔
أنا اقولك يا عزيزي
في مقابل الاجراءات ده ألمانيا هتضمن الرقائق الالكترونية لمصانع السيارات الألمانية " مرسيدس .. BMW .. فولكس " ...... و الا مستقبل الصناعة دي هيتهدد
📌طيب ايه كمان محتاج الرقائق الصينية يا چي 🤔🤔
السلاح يا عزيزي
ألمانيا الحرب عرت ضهرها
محتاجة تصنع سلاح
بس الصين عشان تديها رقائق للسلاح هتاخد باقي المينا ... ف شولتس في موقف مهبب فوق دماغه ...... بس ما باليد حيلة اللي يمشي ورا الامريكان بقا 😏😏

🔷🔶 طب لما ألمانيا الجامدة آخر فيصل تندل مع الغرب كده
هولندا بقا اللي هي أساسا قولتلك من أسبوع انها قالت في الاتحاد الاوروبي انها مش هتدي غاز لحد و مش هتشغل الحقل اللي بيتسبب في زلازل عشان حد
مش هتندل بقاااا مع الغرب
♦ رئيس وزراء هولندا مارك روته امبارح الجمعة طلع أعلن رفع العقوبات عن روسيا 😁😁
و رفع تجميد أصول الشركات الروسية اللي بتعمل في هولندا .. و أعاد حركة الطيران يعني رفع الحظر الجوي
و خلاص بقا روسيا أخت بلادي 😁
" طبعا اورسولا فون دير لاين تشعر ب يا حوستي السودا يانا ياما هي و المرحوم و 5 آخرون 😏😏"
الست لسه مفقاتش من القلم اللي لسعته لها چورچينيا ميلوني .. بتتعدل لقت مارك روته 🙈🙈

🔷🔶 چورچينيا ميلوني جت في اجتماع الاتحاد الاوروبي و قالت لهم 👈🏻 شوفوا بقا يا حبايبي سلاح ايطالي تاني لاوكرانيا بححح .. أنا معنديش سلاح يكفيني أساسا
ده أنا باسم الشعب الايطالي عايزة أطالب دول الغرب ببدائل السلاح اللي ماريو دراجي بعته يا اما عايزة فلوسه

و هنا عم الصمت المكان 🙄🙄
فلوس ايه يا چوچو اللي عايزاها
قالت لهم فلوس السلاح اللي أخدتوه
هو روسيا بتحارب الناتو 👈🏻 لأ
هي اوكرانيا أساسا دولة ناتو 👈🏻 لأ
طب هي أوكرانيا دولة اتحاد أوروبي 👈🏻لأ
أومال بتاخدوا مننا سلاح و مساعدات لييييييه ..... احنا عايزين فلوسنا يا اما كده يا اما نطلق .. طلقني 😒😒
♦سابوها يومين يمكن تهدي
وقالوا يقابلوها في اجتماع المجموعة السبعة .. تكون اعصابها ارتاحت شوية
و بيتكلم اوستن ان أمريكا لم تتخاذل و أمريكا مازالت مصممة علي العقوبات .. وكده ايطاليا موقفها بات مقلقا
🔹علي طريقة چيلان قاسم قالتله عقوبات ايه يا ابو عقوبات
وقامت مطلعة ملف شحنات البنزين الروسي اللي ايطاليا بتشتريها لأمريكا من روسيا وتاخد عمولتها .. أنا عايزة فلوسنا يا ابو عقوبات انت 😁😁
أن أن تشششش ... اقسم بالله مساااخر بتحصل
طبعا أوستن مبقاش عارف هو في ماسورة في الكرسي ضربت و لا هو اللي رشح 🥹🥹

و بوظت ميلوني الدنيا و خربتها فوق دماغ المجموعة السبعة
ده كمان كرسي في الكلوب
بيقترحوا عدم حضور قمة ال G20 زي زفت ليسكي لو بوتين حضر
ردت عليهم و هو من امتي أساسا اوكرانيا لها مقعد في ال G20 .. انتوا اللي بتجيبوه من يوم الحرب في كل اجتماع و لا مؤتمر عاطفيا .. و العواطف ليست قائد جيد علي الاطلاق
الترجمة 👈🏻 كفاية محن بقا 😌😌

🔷🔶 لكن فرنسا ليست بعيدة عن الفوضي الاوروبية
في حركة معلمة حرفيا
مارين لوبان دعمت شاب عمره 27 سنة وجابته رئيس حزب الجبهة الوطنية " القومي " اليميني المتشدد اللي هي كانت رئيسته هي و أبوها
♦يسألني عزيزي و يقولي ليييييه دي بتموت علي المناصب 🤔🤔
أنا أقولك لوبان بتفكر ازاي 👇🏻👇🏻
📌حكومة ماكرون و ادارته مهددة بالرحيل كل ما الاوضاع بتسوء ... وهي من سئ لأسوأ
📌 و احتمال يكمل ال 4 سنين بتوعه مش كبير
📌 اللي نجح ماكرون هو تيار الشباب .. طب لو أنا گ حزب جبت شاب سياسي كان واخد كرسي في انتخابات 2019 و له نفس التوجهات القومية
كده هقدر أكسب تيار الشباب اللي بيدعم ماكرون
📌 واللي حسبته حصل بالظبط 👌🏻👌🏻
بمجرد اعلانها فوز چوردان بارديلا ذو ال 27 سنة رئيس للحزب
انقلبت فرنسا و بقت مارين لوبان داعمة الشباب و تأييد واسع من السوشيال ميديا و الشارع نفسه
📌 طب لو ادارة ماكرون بالسلامة
هتبقا كده مرشح قوي مدعوم من كل الفئات و الحزب بتاعها قدر يسيطر علي تيار الشباب 🤷🏻‍♀️🤷🏻‍♀️
" أيام الجامعة كان عندي دكتور يقولنا في قاعدة سياسية بتقول من أجل مكاسب مستقبلية ضخمة لا مانع من تضحيات حالية " .. و هو ده اللي عملته بنت الناصحة لوبان و الشباب الفرنسي في خلال كام شهر هيهتف بالروح بالدم نفديك يا بوتين 😁😁

أبو البتابيت بيدير الحرب دي بطريقة بعد 20 سنة هتدرس في معاهد الحرب
الخلخلة الداخلية لمجتمعات كاملة و اقالة حكومات و فضائح بالجملة 👌🏻👌🏻

🔷🔶 و علي ذكر الفضايح بقا
لازم نروح لبريطانيا
في سياسي بريطاني كان نائب في البرلمان عن حزب المحافظين بردو
اسمه چورچ جالوي
الراجل ده عامل قناة يوتيوب بيحلل فيها سياسة
كلمة فرش الملاية ل ليز تراس شوية علي اللي عمله فيها هي والمخابرات البريطانية
الراجل عمل حلقة .. جاب فيها كل رسايل ليز تراس اللي الروس حصلوا عليها
وعرضها
و قالها نعم يا ليز الروس علموا كل شئ 🤷🏻‍♀️🤷🏻‍♀️ لقد فضحتي بريطانيا بغباءك .. أنتي أغبي من جاء في منصب رئيس وزراء
لقد علم الروس انك من فعلتيها 👈🏻 تفجير خط نورد ستريم
ومش كده وبس
دي طلعت متورطة في تفجير جسر القرم و الاعتداء علي الاسطول الروسي في البحر الاسود
▪فاكرين لما قولتولي اوكرانيا فجرت جسر القرم .. و انا قولتلكم لا دي بريطانيا 😁😁 أي خدمممة اهي ليز اعترفت علي نفسها بنفس ذات نفسها 😁😁
وطبعا روسيا قافشة في الموضوع ده والله الوكيل ما هتحل بريطانيا 🤦🏻‍♀️
-------------------------------------------------------
🔵 لكن في رحي الحرب بقا
بوتين بيفرم فعلا
📌 امبارح عطي اوامر بتفريغ خريسون من المدنيين .. ده معناه ان في مطحنة هتحصل
و بالفعل بدأوا السكان يسيبوا خريسون
📌 غير انه بيضرب في البنية التحتية لدرجة ان 45% من أوكرانيا اصبحت بلا كهربا و لا مياه
" علي فكرة الشتا بدأ في اوروبا .. الجو برد و مطر 🥹🥹"
📌 بيضرب في 4 اتجاهات
خريسون .. خاركيف .. زابورجيا
غير دونباس اللي محاصر الاوكران عند حدودها و عاملهم محررررقة فعلية 👌🏻👌🏻
🔸 لدرجة ان رئيس وزراء بولندا اعطي اوامر ببناء اسلاك شائكة علي الحدود البولندية تحسبا لاجتياح بيلاروسي
و قال اوكرانيا مهددة بالمحو من علي الخريطة .... طبعا ده شايف الطحن من بلكونة بيتهم 😁😁
📌 وبوتين بدأ معركته الكبري

♦يسألني عزيزي : هو ليه بوتين بيحتاج درونات من ايران .. او قذائف من كوريا الشمالية
هو السلاح الروسي هينفد ولا ايه 🤔🤔
بالمنطق كده
روسيا اساسا مصنع وتاجر سلاح
تاني مصنع سلاح في العالم
الحكاية ان بوتين مبيقدمش حاجة ببلاش لحد
▪هيبيع النفط الايراني و يديهم سلع غذائية 👈🏻 هياخد درونات
▪هيدي غاز لتركيا 👈🏻 اخد البيرقدار
▪بيصوت بالفيتو حماية لكوريا الشمالية في مجلس الامن 👈🏻 هياخد قذائف لهب

مفيش حاجة ببلاش عنده
و ده الصح طبعااااا
فاللي حاصل ان چنرال الجزار و چنرال وينتر " General winter " و فاجنر و قاديروف اجتمعوا في أوكرانيا لانهاء وجع الدماغ ده بقا
عشان نفوق لتأسيس النظام العالمي متعدد الاقطاب 🤷🏻‍♀️🤷🏻‍♀️🤷🏻‍♀️
-------------------------------------------------------
🔴 لكن المرحوم بردو مش عايز يطلع الا بالدم زي الخفاش
بيأجج منطقة صراع جديدة
مقدرش علي الصين و تحملها للاستفزازات بتاعته ... بيلعب علي المجنون كيم يانج أونج
📌 كل شهر بيعمل مناورة مع كوريا الجنوبية
المناورة كانت المفروض تخلص الخميس
حلو الكلام .. حلوووو
لا مش حلووو
قرر الجنرال الامريكي تمديدها للسبت
و اقترب من حدود كوريا الشمالية
📌 راح بوبوس رازعهم 4 صواريخ باليستية قصيرة المدي بالاقتراب من المياه الاقليمية الكورية الجنوبية
و مطلع 180 طيارة حربية خلت السما ضلمة فوق دماغهم
خلاهم جروا كلهم و انسحبوا للداخل الكوري الجنوبي

طب لييييييه بتنكشوه و انتوا عارفين انه عايز يبعت الكوكب كله لابوه في الاخرة .. هااا لييييه 🙄🙄

وطلعوا ينددوا و يشجبوا و يتهموا الصين و روسيا بحماية بلطجة كوريا الشمالية
طب وانتوا بتحموا اييييه بقا😏😏
-------------------------------------------------------
#نعم_لمؤتمر_المناخ_لا_للتخريب
خدوا الهاشتاج ده علي صفحاتكم في فيسبوك و تويتر و تليجرام
انشروه و اشتغلوا عليه
ادعموا مصر في أيام فاصلة ومهمة

المثل بيقول ان تابت ال.... ت....
أيمن نور عمل فضائية جديدة من فيتنام اسمها حرية 11/11
" رايح فيتنام يعمل ايه هو مكفهوش حقن السليكون راح يشيل حاجات و يحط حاجات ولا ايييييه 🙄🙄"
و انا بقول ان 11/ 11 هيكون يوم خير كبير علي مصر .. و هنقدر ننجز كل عقودنا و استثمارات جديدة

♦في 3000 شاب و شابة متطوعين في شرم الشيخ لاستقبال الوفود و عمل برامج سياحية متكاملة تلف بيهم مصر
ربنا عادل مستحيل هيخذل الشباب اللي ضحت بوقتها ومجهودها عشان بهية
و احنا كمان من كل مكان بندعم بلدنا و ريسنا و بندعي ربنا يحفظ جيشنا وشرطتنا و يوفقهم يظهروا مصر بالشكل اللي يليق بيها 🙏🏻🙏🏻

🔷🔶 كلمة اخيرة بقا
چيلان قاسم أما بتعيش في دولة مش بتاكل من خيرها وبس و لا هي لها فضل عليها
انا محدش له فضل عليا الا بلدي و اخر خير و عز كان بيت أهلي ... اقامتي هنا طالت و لا قصرت فهي مؤقتة
و اللي لهم عندي ضرايبهم و بياخدوها ع الجزمة القديمة والجديدة بيقاسموني في شقايا ... حتي الجامعة الخوجاتي اللي اتخرجت منها كنت بتعلم بفلوس أهلي بردوووو

أرجع أو مرجعش أتنعم في عز مصر فمش مسموح لمخلوق يتدخل في اللي ملوش فيه انت مش هتربيني .. أنا مش شغالة في بنزينة يا حبيبي
و بحسدكم علي عز مصر اللي مش عاجبك فعنه ما عجبك سيبها وغور في داهية ..... سهلة أهي 🤷🏻‍♀️🤷🏻‍♀️

هذا و أستغفر الله لي ولكم و للامام المتغلب و لكل عزيزي هيدعم بهية و يقف معاها ... حلوة الحلوات 🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج يوم العظمة الاحد 6 نوفمبر 2022 :
يوم أن جاء العالم إلي أرض استعادها شعبها وجيشها بدماء رجالها "من المؤمنين رجال صدقوا ما عاهدوا الله عليه فمنهم من قضي نحبه ومنهم من ينتظر و ما بدلوا تبديلا " ... أرض الفيروز سيناء #شرم_الشيخ_مدينة_السلام ❤

🔵 و زي ما اتعودوا معايا ... أنا بنشر الايجابيات وبس أنا بسلط لك الضوء علي كل بارقة أمل لنا و لبهية 🇪🇬🇪🇬
♦في خطوة مفاجأة انهاردة أعلنت المنطقة الاقتصادية لقناة السويس عن اطلاق أول مشروع لانتاج الامونيا الخضراء خلال قمة المناخ اليوم
ومجمع مصانع الانتاج هيكون في منطقة السخنة بالقرب من الميناء
🔹المنطقة الاقتصادية مشاركة بجناح ضخم في المنطقة الخضراء .. من وقت الاعلان عن المشروع و مندوبين الدول الزراعية بتعمل اجتماعات مع وليد جمال الدين رئيس المنطقة الاقتصادية
🔹المشروع هيستحوذ علي 14% من انتاج الامونيا الخضراء عالميا بحلول سنة 2025 ثم 27% بحلول عام 2027
و هيحقق دخل 8.5 مليار دولار سنويا
و ده اعلي من دخل قناة السويس الحالي و اقترب من دخل السياحة مثلا و ضعف صادرات السلع الغذائية

🔹ده أول عقد هيتوقع في مؤتمر الخير ده .. يا تري الناس اللي كانت بتسأل هو ليه بنوسع الموانئ .. و بنطورها و الشغل والمصاريف في موانئ السخنة
وليه عملنا شركة قابضة للموانئ المصرية ... عرفت الاجابة 👈🏻 رؤية مصر 2030 🤷🏻‍♀️🤷🏻‍♀️

انا خايفة أحسدنا 🙈🙈
" و لولا اذ دخلت جنتك قلت ما شاء الله لا قوة إلا بالله " ❤🇪🇬

🔷🔶 في تصريح كده لمحمد بن سلمان بيقول فيه 👈🏻 اوروبا الجديدة ستكون هي منطقتنا منطقة الشرق الاوسط ... و أنا من شهور بقولكم ده
و بقولكم ان مصر هتكون قلب الحدث و مركز الطاقة ان شاء الله
-------------------------------------------------------
🔴 نيجي بقا نشوف زيارة مفاجئة .. بلا دعوة اتوجهتله
أبرهة الحبشي صحي الصبح خد طيارته الرئاسية و قرر ينزل شرم الشيخ يحضر مؤتمر المناخ 🙄
بيتصرف من منطلق انه بيت اخوه تقريبا 😁😁
كان في استقباله السيد وزير الدفاع بعد ابلاغ الرئاسة بتصريح الهبوط

♦البعض بيقول انه جي يطلب دعم مصر له في مواجهة التيجراي
أنا كالعادة بغرد خارج السرب بس بناءا علي معلومات 🤷🏻‍♀️🤷🏻‍♀️
اول امبارح الجمعة الجهات المتناحرة في اثيوبيا وقعت اتفاقية هدنة 👌🏻
و هو حاسس انه جاب الديب من ديله .. ميعرفش ان اسبوعين و هيتلب علي قفاه تاني من التيجراي

📌ابي احمد جه مصر عشان موقفه متأزم جدااا ... هو جي يدور علي أي حل ينجده من مصيبته
▪سد النهضة بتاعه فشل ملأه لتالت مرة و اضطروا يفتحوا البوابات لتفريغ المياه
▪التمويل وقف بالتالي عمليات البناء والانشاءات وقفت 🤷🏻‍♀️🤷🏻‍♀️
▪سد تنزانيا اللي قولتلكم عليه هيبدأ الملأ في 16 ديسمبر القادم .. و بدأ يتركب له بالفعل توربينات الكهربا
▪اثيوبيا اعلنها البنك الدولي دولة متعثرة عن سداد ديونها .. و مش بس كده ده الصين هتحط ايديها علي خط السكة الحديد أديس أبابا - جيبوتي ... و مبني الاتحاد الافريقي في أديس أبابا🤦🏻‍♀️🤦🏻‍♀️

الاسطي توينز الترزي جي مصر لاحتمالين ملهمش تالت
📌اما عرض مأساته علي مندوب و مراقبين البنك الدولي و يرضيك يا عمدة ابنك السيسي حدفني بالسفندية 😢
📌 او التدليل علي ممول جديد عشان يقدر يحمي كرسيه اللي الاثيوبيين خلاااااص جابوا بعد اخرهم بشارع منه
بس طبعا هو معتقد ان مدام سوسن هي اللي مرافقاه في فترة وجوده و هياخد راحته 😁😁😁

عارفين مشكلة اثيوبيا ايه يا أعزائي
ان اللي مشغلها مسفه من قدرات مصر .. مصورها لها انها مصر مبارك 😉
📌 و ممكن طبعا يقعد مع رئيس أركان الجيش يقوله متبعتوش سلاح للتيجراي .. و طبعا يثبت اننا بنعمل كده 😌😌
-------------------------------------------------------
🔵 و يبدو ان لقاء اللواء عباس كامل مع البرهان قائد القوات المسلحة السودانية بدأ يؤتي ثماره
انهاردة البرهان مسك الميكرفون و عمل فيها سيسي في نفسه أوي
و قالك الجيش السوداني تحمل في السنوات الماضية ما يفوق قدراته عشان يقدر يزيح الجماعات المتطرفة .. و أي محاولات اعتداء او تطاول علي القوات المسلحة غير مسموح بيها و هيكون عقابها شديد
و أعطي الفرقاء في السودان فرصة لتوحيد الصفوف و خروج حكومة وطنية

♦و أنا گ چي معرفش ايه المحن ده .. و ايه فرقاء دي
ما تستبعد الفرقاء و الزفتاء
و ابدأ انت استحقاقاتك السياسية وحل الاحزاب و الحركات
أجي أمسك السودان شهرين أعلمك كيف تدار الدولة مثلا ولا ايه
بس أنا عندي تقفيل سنة .. موووش فاضية 🙈🙈

لكن بعيدا عن هذا و ذاك
دي خطوة جيدة من أجل تأمين حدودنا
" براجماتية أوي انا مش كده .. يعني مش عشان متعاطفة مع السودانيين يا چي .. تؤ تؤ عشان حدود بهية يا عم 😁😁"
------------------------------------------------------
🔴 تعالي بقا يا عزيزي أفجرلك مفاجأة من العيار التقيل
تثبتلك صحة كل اللي بيتقال في الشطرنج 👌🏻👌🏻
🔷🔶 البنتاجون و الادارة الامريكية كلها مقلوبة .. و معاها المواقع الاعلامية المؤيدة للحزب الجمهوري
لييييييه يا چي 🤔🤔
أنا اقولك
امبارح السبت كان في حاجة اسمها الندوة السنوية لرابطة الغواصات البحرية و تحديث الصناعات في امريكا
بيحضرها قادة الجيوش و مصانع التسليح و الصحافة و ناس من البيت الابيض
♦يجي وقت كلمة الادميرال تشارلز ريتشارد قائد القوات الامريكية الاستراتيجية " ستراتكوم "
راح الراجل الطيب ده قال ايه في كلمته 👇🏻👇🏻
بصوا يا جماعة الصراع في أوكرانيا ده ليس الأسوأ ..و مش صراع أساسا للولايات المتحدة بل مجرد عملية إحماء للأسوأ
لأن الخطر الاضخم قادم لا محالة
المنافسون مثل الصين يتفوقون علي الولايات المتحدة .. و ان لم تستطع الولايات المتحدة التصعيد من لعبة الردع سنواجه الانهيار 😳😳
مين اللي هتنهار 😳 .. أمريكا 😳😳
لا يا راجل متقولش كده 🥹🥹
طبعا الناس في القاعة بقت بتبص لبعض
راح مكمل 👈🏻 كان يمكني أن أعدكم بوعود وردية .. و أردد الأكاذيب
لكن بينما أقوم بتقييم مستوي ردعنا ضد الصين أجد ان سفينتنا تغرق ببطء .. لكنها تغرق 🤷🏻‍♀️🤷🏻‍♀️

يا أخي ده كلام زي الفل يستحق الواحد يوزع عليه شربات ورد من الحلو بتاعنا بتاع شركة قها ده .. بحبه أوي 😁

♦ طبعا الكلام ده بمجرد نشره حسم نتيجة الانتخابات في نيفادا و أريزونا للجمهوريين
ما هو مرحومنا من امبارح و عمال اما أنا أو الفوضي .. لو أنا مكسبتش ستري امريكا أعوام مروعة
علي أساس ان في عهده العالم زي البط يقوم من النوم يغطس و يعوم و هات يا لعب ...... ده انت جبت ضرف الكوكب بزهايمرك و التهابات البروستاتا و كل امراضك 😏😏
♦يسكت بقا أبو حنان ... أبدااا
ترامب من امبارح و هو بيسرب كل مكالماته مع كل الناس عن كل الناس 😁
وقال انه من المرجح انه يترشح في انتخابات 2024 لانقاذ امريكا
-------------------------------------------------------
🔴 نحتسي بقا حسوتين نسكافيه
عشان نشوف أبو البتابيت عايز ايه 😒😒

♦ماكرون هرمون الاستروجين غالبا مرتفع عنده سيكا .. بعد ما قفل مكالمة مع بوتين راح مسربها للمستشار الاعلامي بتاعه .. اللي بدوره بعتها لل " ديلي ميل "
ملخص المكالمة 👇🏻👇🏻
ان ماكرون بيقول لبوتين هو انت صحيح يا فيلادو هتستخدم النووي .. طمني يا حبيبي
ف بوتين قاله انا بستعجب من استياءك أو خوفك من النووي .. مع إنك في معسكر الدولة اللي لجأت بمنتهي عدم الأخلاق لاستخدام النووي مع الأبرياء في اليابان
بص بقا الجملة دي يا عزيزي 👈🏻 " لكن استخدامها للنووي في هيروشيما و نجازاكي ذكره التاريخ انه انتصار لها و انهاء للحرب العالمية الثانية
ربما هي استراتيجية ناجحة أن لا داعي لمهاجمة المدن الكبري لتحقيق الانتصار 😉😉
ف ماكرون قاله 👈🏻 تقصد انك تنوي تفجير نووي تكتيكي في شرق اوكرانيا و عدم مهاجمة كييف
منشروش بقا رد بوتين
يمكن قال كلام عيب و احنا معانا مراهقين 😌😌
📌 ماكرون يشعر بالرعب مع كل سكان الاتحاد الاوروبي اقسم بالله 🥹🥹

🔷🔶 لكن لو تسألني يا عزيزي عن التهديد ده
اقولك ان بوتين بيهت الغرب
اصل الضربة النووية مهما كانت محدودة هتوصل لروسيا أثارها بردوووو .. بوتين مش غبي
📌كمان لو عنده النية الفعلية لها .. يبقا ليه بيعمل تفريغ قسري لسكان خريسون
حتي قائد القوات الاوكرانية انهاردة بيقول أنا عارف ان في خريسون فخ كبير .. و انسحابات الروس منها ده لسحبنا في العمق ........ طب بتتسحب ليه يابني ما تقعد في بيتكم وسط عيالك 😁

📌 غير اللي بيحصل في كييف
الروس طلعوا 40% من منشآت الطاقة برا الخدمة ... المدينة بقت ظلام هي وابمدن المحيطة بيها اساسا
عمدة المدينة اعلن احنا توقف عندنا خدمات المياه و في خلال يومين هتتوقف خدمات الصرف الصحي ... و كييف تحولت كتلة باردة
و بندرس نفل السكان ل 1000 ملجأ تتوفر به تدفئة 🤷🏻‍♀️🤷🏻‍♀️
📌 مدينة باخموت بتتعرض لقصف مستمر لدرجة ان سكانها مشيوا من نفسهم و اجلوها .. وبدأت اقتحامات القوات الروسية

🔷🔶 هو صحيح ان امريكا حركت الغواصة النووية اوهايو من جبل طارق باتجاه البحر الاسود في حماية البحرية الملكية البريطانية .... بس ده شو استفزازي ليس إلا
ليييييه بتقولي كده يا چي 🤔🤔
اقولك يا عزيزي
هتروح علي موقع واشنطن بوست هتلاقي عنوان 👇🏻👇🏻
U.S privately asks Ukraine to the show Russia's open to negotiations
ايه اللي مكتوب تحت العنوان ده
تسريبات لا علي الخاطر و لا البال
📌 مكالمات بين بايدن و زفت ليسكي و بين بلينكن و زفت ليسكي
ان عليه البدء في مفاوضات مع روسيا بقا

بتقولي ايه يا چي 😳 .. امريكا عايزة اوكرانيا تتفاوض 😳
مش انا اللي بقول يا عزيزي
ده الواشنطن بوست 😁
بس أنا كنت قولتلك بعد ضم ماريوبل ان امريكا هتلاقي نفسها مفيش عندها غير التفاوضو ده كان في شهر يونيو
رقعة الشطرنج اللي قولتلك فيها ان بوتين هيعمل استفتاءات لضم المدن وهيضمها
و بالفعل ده حصل 🤷🏻‍♀️🤷🏻‍♀️
وبعدها في شهر اغسطس كيسنجر قال ان امريكا مع بدايات الشتا هتبدأ تفكر في المفاوضات

📌 وده ليييييه يا عزيزي
عشان الشطرنج اوضح لعبة في العالم و النقلات هي اللي بتجبر اللاعبين علي تحديد تحركاتهم 👌🏻👌🏻
اوروبا بدأت تتراجع عن دعم اوكرانيا و القفز من مركب الناتو
و امريكا ظروفها الاقتصادية مش هتقدر تستوعب لوحدها هم اوكرانيا 🤷🏻‍♀️🤷🏻‍♀️

📌طب رد زفت ليسكي ايه 👈🏻 لا انتوا تمشولي بوتين من السلطة و انا اتفاوض مع الرئيس الجديد لروسيا
اصل كده شكلي هيبقا وحش و يبقا بوتين ذلني و ذل الغرب
أنا مش هرد عليك
الكلام ده اكيد ماريا قلبي زاخاروفا وصلها و هي اللي هترد عليك 😁 او ديمتري ميدفيديف
و لو جاب سيرة الست الوالدة زي المرة اللي فاتت متزعلش بقا 😁😁😁
بوتين مين اللي يمشي عشان تتفاوض ده 😁😁

♦هات بقا التفاصيل دي جنب بعض
و يبقا احنا هنا بصدد بوادر تخلي امريكا عن اوكرانيا 🤷🏻‍♀️🤷🏻‍♀️
وهي اصلا غضبانة علي ألمانيا اللي راحت ارتمت في أحضان الصين علي حسب تعبير كاميلا هاريس

🔷🔶 المشكلة ان الارتماء في احضان الصين ده عامل انقسامات داخل ألمانيا نفسها
📌 يعني أنالينا بيربوك وزيرة خارجية ألمانيا انهاردة طلعت تصريح ان 5000 شركة تصنيع ألمانية في الصين ده رقم كبير ومخيف ... و عليهم تجنب اخطاء الماضي مع روسيا
انهم اعتمدوا علي طاقة روسيا اعتماد كلي وانهاردة بيعانوا ... فاليوم بيعتمدوا علي التصنيع في الصين و بعدين هيعانوا
ووصفت الصين انها مش شريك دولي
دي منافس و غريم و ضد النظام العالمي الحالي اللي بتحاول الصين و روسيا و الشرق الاوسط انهاء وجوده .... صراحة لدرجة البجاحة😁

🔷🔶 علي صعيد اخر :
بدأت الحرب علي ريشي سوناك في بريطانيا
مين قالكم انه مش هيكمل 😁
الراجل طالع في تصريحه يقول للشعب : الحكومة مش هتحل لكم كل مشاكلكم
لانها غير مؤهلة لده اساسا ... ومفيش حكومة في العالم تقدر تتحمل مشكلات شعبها بنسبة 100% .. اومال انتوا گ شعب بيعمل ايه 🤷🏻‍♀️🤷🏻‍♀️
📌 ولما كلموه عن اضراب قطارات لندن الجزئي اللي عطل لندن تماما امبارح
بسبب سوء الاحوال المعيشية لسائقي القطارات و مطالبتهم بزيادة 10% للأجور
قال 👈🏻 الشركات الخاصة عايزة تزود هي حرة .. انما الحكومة معندهاش فلوس تزود حد و إلا هنلجأ للخيار الأصعب و هو رفع الضرايب

دي طبعا نظرية اقتصاد الست لواحظ 🤷🏻‍♀️🤷🏻‍♀️
يعني الناس عايزة مرتبات زيادة
فأنا أزود الضرايب عليهم و اخد منهم و اديهم تاني .... جمعية و دايرة يابا 😁😁😁
طبعا البرلمان انتقد الكلام ده
وقال يبدو ان سوناك لا يملك خطة لإنقاذ الاقتصاد البريطاني
دي بقاااا بداية التمرد عليه 🤷🏻‍♀️🤷🏻‍♀️

🔷🔶 ومازالت الصين قافلة علي العالم سلاسل الامداد .. طبعا متججة باستراتيجية صفر كوفيد 😒😒
بتذل التصنيع والتسويق العالمي 👌🏻
-------------------------------------------------------
🔵 عندي لكم خبر غريب بقا :
من أول امبارح و الأمن التركي بيعتقل كل الاخوان المقيمين في تركيا من مصر و السودان و تونس
لدرجة ان في ناس اتمسكت وهي بتهرب من حدود تركيا مع العراق خوفا من الاعتقالات
و قيادات إخوانية من مصر تم احتجازها في بيوتها
القلبة دي هتخلي مطر و ناصر و العرر دول هيهاجموا تاجر النسوان الفترة الجاية ... لأن الناس اللي صادر عليها أحكام في مصر تم اعتقالها في سجون أزمير بالفعل
🔹هل تاجر النسوان بيتقرب لمصر .. الله أعلم
هل دي مواءمات معينة .. مقدرش أقولك دلوقت ... لكن الايام هتوضحلنا كل شئ


🔷🔶 طبعا منظر الوفود و المطارات و التأمين في شرم الشيخ يفرح
الشباب المتطوعين قمرات كده ربنا يحميهم
أسودنا من الجيش و الشرطة شكلهم يطمن كل العالم
ومعرفش من الصبح من ساعة ما شوفت طيران التأمين الحربي في ال TV
و أنا بيتردد في وداني اغنية الست فايدة كامل
دع سمائي فسمائي مُحرقهْ
دع قناتي فمياهي مُغرِقهْ
واحذر الأرض فأرضي صاعقة
هذه أرضي أنا وأبي ضحّى هنا
وأبي قال لنا مزقوا أعداءنا
أنا شعبٌ وفدائيٌّ وثورهْ
ودمٌ يصنع للانسان فجْرهْ
ترتوي أرضي به من كل قطره
وستبقى مصرُ حرة .. مصر حرة 👌🏻👌🏻

هذا و استغفر الله لي ولكم و لمولانا الامام المؤيد بنصر الله و لكل ولاد بهية في شرم الشيخ حلوة الحلوات 🇪🇬🇪🇬🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج الاتنين 7 نوفمبر 2022 :

🔵 و أنا قاعدة بحتسي النسكافيه بتاعي بمنتهي الهدوء و الكياتة 😌😌
سمعت كده في قناة اخبارية ان امبارح هبطت طائرة الاحلام علي أرض شرم الشيخ
و المذيعة مبهورة أوي و هي بتقول
Et maintenant l'avion de rêve a atterri au pays de Sharm El Sheikh
قولت لنفسي بقا حتة الطيارة اللي بوقود صديق للبيئة هي بالنسبة لكم طائرة الأحلام
أومال لو عرفتوا ان مصر عندها مشروع الأحلام بقا 😌😌
🔷🔶 فقولت لازم اعرف عزيزي بمشروع الأحلام ... و ابقا أنا أول حد في مصر يكلمك عن المشروع ده 🤷🏻‍♀️🤷🏻‍♀️

♦سنة 1961 ناصر العظيم كان عنده حلم العمق الأفريقي و إن مصر تبقا رئة تنفس الدول الافريقية البحرية
جه واحد اسمه دكتور أحمد نبيل اقترح عليه ربط بحيرة فيكتوريا بكل الروافد المائية لحين الوصول إلي البحر الابيض

دكتور احمد نبيل كان راجل عبقري مهندس مخه برلنت .. لكن العين بصيرة و الايد قصيرة 😞😞 ..... مفيش موارد مالية
مصر واقعة مع البنك الدولي والغرب .. والدول الافريقية بتكافح من أجل الاستقلال 😒😒
ومات المشروع علي كده
♦لكن سنة 2013 بقا و تحديدا في شهر نوفمبر قرر مولانا الامام بإحياء الفكرة
و بعت رجاله للدول الافريقية 7 دول بالظبط ... و للاتحاد الافريقي
و يلاااا بينا نعمل مشروع قومي افريقي 👌🏻👌🏻👌🏻
♦ ايه هو يا چاكو المشروع ده 🤔
👈🏻مشروع ربط مائي ل8دول افريقية👉🏻

ازاااااااي 👇🏻👇🏻
هعمل ممر مائي عملاق يربط بحيرة فيكتوريا اللي هي بيطل عليها 3 دول افريقية كينيا و اوغندا وتنزانيا ... الممر ده هيبقا اخره اسكندرية في مصر علي البحر المتوسط ......
🔹چاكو بدأت تهزر أهووو .. و النسكافيه ده مضروب باين 😏😏
طب أنا عمري هزرت معاك في مشروعات
يا عزيزي يا متهور انت 😁

خد هقولك و ركز معايا
الممر الملاحي ده هيبدأ من 3 مواني علي بحيرة فيكتوريا .. كل دولة من التلاتة لها ميناء
بعد كده يروح علي البحيرات الاستوائية في اوغندا .. ثم 👈🏻هيوصل لبحر الجبل عند حدود جنوب السودان .. ثم 👈🏻 يدخل علي منطقة السدود في بداية النيل الابيض .. يخلص النيل الابيض كله .. ثم 👈🏻 نهر السوباط .. ثم 👈🏻 نهر عطبرة .. ثم 👈🏻منطقة الشلالات في وادي حلفا .. ثم 👈🏻 يعبر من هاويس سد مروي .. ثم 👈🏻 بحيرة ناصر الي مجري النيل الي فرع رشيد واخيرا اسكندرية

عزيزي ريأكتد : 😳😳😳
إنتي قد الكلام ده يا چي 🙄🙄
قده ونص كمان
ما هو أعمال الانشاءات اللي عند السد العالي
و خزان أسوان دي عبارة عن انشاء الهاويس لعبور السفن
📌 يعني ايه .. يعني المشروع ده مش لسه في الدرج مستني مدام عفاف 🤔🤔
تؤ تؤ
خد المعلومة دي 👇🏻👇🏻
كامل الوزيري في أغسطس اللي فات أعلن الانتهاء من تنفيذ 2135 كم من المشروع بالفعل
و الانتهاء من بناء ميناء وادي حلفا
و تعبيد وتهذيب منطقة الشلالات
كل دااا بأيدي مصرية
و تكلفة كمان مصرية 🤷🏻‍♀️🤷🏻‍♀️
📌 مش عزيزي هيعلي صوته علينا هنا ويقول وانا أصرف لييييه علي وادي حلفا و لا شلالات
اخرس انت دلوقت
وهفهمك بعدين 😏😏
♦طب المشروع ده بدأ امتي 🤔
بدأ في يناير 2015
بعد البنك الافريقي ما قدم منحة 650 ألف دولار لعمل كافة الدراسات للمشروع .. و بعد ما افضل استشاري ومهندسي العالم قدموا رؤيتهم و شكل المشروع
في سبتمبر 2015 قدم البنك الافريقي منحة أخري 750 ألف دولار تكلفة شراء المعدات اللازمة
و دخلت الهيئة الهندسية المصرية و المقاولين العرب ... و عشرات الشركات الافريقية للبدء في العمل 🤷🏻‍♀️🤷🏻‍♀️

يعني أنا مش بهذي
أنا بحكيلك واقع يا عزيزي و فيه اجزاء اتنفذت بالفعل 👌🏻👌🏻

🔷🔶 طب مش انتي بقا بتاعت فلوس .. كلمينا عن الفلوس .. العاااائد
يا چي
انا كده استفدت ايييه 🤔
اقولك 👇🏻👇🏻
الدول المشاركة في المشروع ده كلها دول حبيسة ... ملهاش منفذ بحري
بوروندي .. الكونغو .. كينيا .. تنزانيا .. اوغندا .. جنوب السودان .. السودان لها مينا علي البحر الاحمر
📌 الدول دي بتعاني من مصيبة ملهاش حل بالنسبة لهم 👈🏻 أرض خصبة و لها انتاج زراعي عالي ومش عارفة تصدر أي حاجة
ماهو الاتحاد الاوروبي مش هيبعت طيارات بتكلفة خرافية يستورد بيها غذاء .. مش ثمرة الافوكادو الكينية اللي هتطلع وحمة في ضهر الواد يعني 😏😏
بالتالي الناس دي عطلاااانة ومخروب بيتها .. مش قادرة تقدم خدمة التصدير
📌 لما تعمل بقا المشروع ده
هيبقا لك مينا 👈🏻 الاسكندرية
و كمان تكلفة النقل الملاحي رخيصة جدااا بالنسبة للطرق الاخري
فأنت هتوفر حوالي 30% من تكلفة التقل البري ... ف اسعارك هتكون منطقية
و تقدر تبيع

♦ المشروع ده متكامل
يعني 👇🏻👇🏻
ممر مائي .. طريق بري معاون .. خط سكك حديدية .. ربط كهربائي .. كابلات معلومات و اتصالات
" كل دي بيزنس و فلوس 🤷🏻‍♀️"
♦الطريق ده هيفتح حركة التبادل التجاري
و الاستيراد والتصدير لدول افريقيا بنسبة زيادة 225%
وكمان هينشط السياحة
و كمان هيرفع الاستثمارات

🔷🔶 جت رواندا طلبت انها تدخل في المشروع ده وقالت نضم نهر الكاچيرا للمشروع
المشروع تكلفته من 2.5 مليار دولار الي 3 مليار دولار
فمصر و تنزانيا طلبوا ان رواندا تتحمل نفقات الانضمام ... وبالفعل تقدمت رواندا بطلب قرض ميسر من البنك الدولي في 2020 و لسه بتعمل اجراءات اصلاح اقتصادي عشان تحصل عليه
♦جت اثيوبيا أم صورم 😏 قالت لاااا انتوا تاخدوا معاكم النيل الازرق
لكن الدراسات قالت النيل الازرق فيضاناته عنيفة و ذات ميل قوي ومش هينفع
قالت طب خدوا نهر بارو طااااه 😭
الدراسات بردوووو قالت لا والله ده حوضه ضيق و مينفعش لحركة ملاحة

فرصة تانية بقا
تلعب علي سد النهضة يا أبرهة 😜😜

♦بص بقا للمشروع ده من وجهة نظر چيوسياسية
8 دول انت منفذها البحري .. اللي من وراك قادرة تطور نفسها و تصدر سلع بتبوظ و بتترمي بمليارات
بتعمل مشروعات تقاوم الفقر فيها
بتستقبل استثمارات من خلالك

يا عزيزي مفتاح الباب بقا معاك انت .. انت اللي تقفل عليهم وتحبسهم جوا وانت اللي تدخلهم النور و الهوا
فأنت كده بقيت الكبير بتاعهم .. وهما في جيبك 🤷🏻‍♀️🤷🏻‍♀️🤷🏻‍♀️
فهمت يا عزيزي ☺☺

🔷🔶 هنيجي بقا للسؤال المؤلم ..
ليه يا چي الاعلام مش بيقولنا الحاجات دي ... ليه مشروع عملاق هيدخل للبلد دخل ممتاز ووضع سياسي محدش جاب سيرته و هو بادئ من سنين 🤔🤔
عشان الاعلام ده مأجور

عشان الاعلام ده عايزك دايما خايف وقلقان و مش شايف أي بادرة نور

عشان الاعلام ده جزء من اعلام الدجال .. و اعلام الدجال شيطاني عايزك تعيش خايف من الفقر اللي ممكن يكون مجرد وهم
أنا ست مؤمنة بكل كلمة في كتاب الله و اختبرت آيات الله في حياتي .. ربنا في محكم آياته بيقول " الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ "
يبقا أي حد ذو عقل هيمشي ورا مين
ورا الشيطان واعلامه اللي بيحاصرنا بدعوات الفقر .. و لا بأهل الله اللي بيبلغوا رسالات فضل الله
انت تصدق مين و تسمع لمييييين
لأتباع الدجال .. و لا لجنود الله عز وجل🤷🏻‍♀️🤷🏻‍♀️ حكم عقلك مش هتسأل تاني 👌🏻
---------------------------------------------------
🔴 طب بما اننا في افريقيا
تعالوا نشوف العظمة اللي بتعملها بهية جوا القارة الرائعة ... " أنا بحب افريقيا و بحب السفر فيها فقرية اااه 🙄"

استثمارات مصر في افريقيا زادت الي 13.3 مليار دولار و علي نهاية العام هتوصل ل 15 مليار دولار
♦ تنزانيا 👈🏻 كنت كلمتكم عن السد
الي جانب السد ده
📌في المزرعة المصرية التنزانية و دي عبارة عن 8 مزارع من اصل 22 مزرعة بتتجهز
📌 و عملنا محطة توليد طاقة شمسية هناك
♦غانا 👈🏻 عملنا شركة طيران غانا ايروايز
اللي مصر بتملك فيها 75% و غانا 25%

♦كمان جنوب السودان 👈🏻 تم الاتفاق وبداية تأسيس شركة طيران اير كايرو بنفس النسبة

♦ الكونغو و غينيا 👈🏻 اتفاقيات تكنولوجية بين 15 شركة مصرية و 17 شركة استثمار مشترك بين الدولتين

🔷🔶 تعالي بقا أكلمك عن الشغل التقيل
و هو ايييييه 👈🏻 الفلووووس
طبعا انت عرفت العوق بتاع سويفت ومير و الهم ده كله
شوف بقا الاستحواذات المالية 👇🏻👇🏻
♦ بنك مصر 👈🏻 فتح فرع في چيبوتي و فرع في اريتريا
♦ بنك CIB مصر👈🏻 استحوذ علي 51% من بنك ماي فير كينيا
♦ بنك القاهرة 👈🏻 اخد 100% من أسهم بنك كمبالا اوغندا ... و بكده يبقا اول بنك في العالم يستحوذ علي بنك كامل خارج اراضيه
♦البنك الاهلي 👈🏻 عمل بنك في چوبا جنوب الصومال باستثمارات 30 مليون دولار

🔷🔶 في مجال الانشاءات بقا
المقاولين العرب بتنفذ في غينيا 3 طرق عملاقة
طريق انجيما - سيبوبو
طريق بيكو
طريق ألنجيا - كوبي

وكمان بتنفذ مشروع محطة معالجة مياه الشرب بمساحة 60 ألف متر مربع هتخدم 5000 منزل
كل دي استثمارات و شغل و عوائد و سيطرة سياسية 🤷🏻‍♀️🤷🏻‍♀️
---------------------------------------------------
🔴 النسكافيه خلص بحسواته كلها .. وعملنا قهوة كمان عشان نقول شوية اخبار عن الحرب 😁😁

🔷🔶 بينما انظار العالم في شرم الشيخ .. ابو البتابيت مغفل النظرات دي
و بيعزق في اوكرانيا 🤦🏻‍♀️🤦🏻‍♀️
القوات الروسية دخلت 5 مدن انهاردة و سيطرت عليها تماما 👌🏻👌🏻

📌وبعد ما امبارح قولتلكم عن ان اللي بيحصل في خريسون انه فخ روسي
كل اليتيوبرز و القنوات الاخبارية فجأة كده حللت الاحداث انها فخ .... غشاشين اوووي 😁😁😁
و نبه قائد القوات الاوكرانية من الفخ ده

📌 قوات فاجنر بقا افتتحت مبني ضخم جدا في مدينة سان بطرسبرج .. ألف مبروك والله
مش كنتوا بتنكروا صلتكم بيها يا كرملين 😁😁 فتحتوا لهم مقر
لا ده كمان اعلنوا فاجنر قوات معاونة للجيش الروسي
المبني عبارة عن طوابق ادارية و معسكر تدريب و ثكنة جنود و يحمل العلامة " Z" 👌🏻👌🏻

🔷🔶 وانهادة سيرجي ناريشكين مدير الاستخبارات الروسية فضح الاخت ليز تراس فضيحة جديدة .. ومعاه ماريا قلبي زاخاروفا ❤ في مؤتمر صحفي
و استعرضوا رسالة من ليز تراس ل توني بلينكن يوم 26 سبتمبر 2022 مكتوب فيها " لقد أنجزت كل شئ " بعد الاعلان عن تفجير خط نوردستريم 🙄🙄

ماريا بقا قالت لها اييييه 👈🏻 التوقيت ربما يكون صدفة
ولكن وجب عليك يا ليز أن توضحي للملايين ما هو الشئ الذي أنجزتيه .. ان لم يكن للروس فعلي الاقل للبرلمان البريطاني الذي يغفل حجم التوريطات التي ورطيه فيها بشكل غير احترافي
وعلي العالم ان يسأل و يتلقي اجابات بغض النظر انك متهمة أمام روسيا .. و كل مخطئ سيحاسب 👌🏻👌🏻

ليز بقا زمانها بتكنس ميدان بيكاديللي علي ماريا 😁😁😁
-------------------------------------------------------
🔴 الرقعة دي حبيت أستعرضلكم فيها تواجد مصر في افريقيا و الحلم الحقيقي
أحلام بتتحول لواقع في المستقبل

بيهتم بيها كل عزيزي وبس
و بكرة تشوفوا مصر
بيعايرونا بفقرنا ..... بس أنا مش هسكت .. و مسكتش فعلا يا مولانا

هذا و استغفر الله لي ولكم و لمولانا الامام المؤيد بنصر الله ... ولكل ولاد بهية اللي مؤمنين بإنها هتبقا قد الدنيا وهتفضل حلوة الحلوات 🇪🇬🇪🇬🇪🇬
 

المواضيع المشابهة

الذين يشاهدون الموضوع الآن

أعلى أسفل