ولا فيه شيء من اللي كاتبه صاحب البوست ليه اي سند تاريخي هو بيعتمد علي جزء المجهول والمفقود والموروث من التاريخ دون دليل وبيستغل مساحه الفىاغ دي ويحط اي كلام اعتمادا ان مافيش شيء ضده..لايمكن الفصل في هذه المعلومات التاريخية... إلا عن طريق علماء المصريات الموثوق بهم... سواء مصريين أو أجانب...
بارك الله فيك علي اهتمامك بالردولا فيه شيء من اللي كاتبه صاحب البوست ليه اي سند تاريخي هو بيعتمد علي جزء المجهول والمفقود والموروث من التاريخ دون دليل وبيستغل مساحه الفىاغ دي ويحط اي كلام اعتمادا ان مافيش شيء ضده..
علي شويه استغلال لكره ليهود لزوم جذب الانتباه علي حبه مدح ذاتي من اللي بتعجب الجماهير علي غموض ونقل وربط حجات مالهاش علاقه ببعض بخيوط الغموض لزوم الاثاره ..
كل علماءالاثار المعروفين الحاليين اللي تحرروا من الموروثات التوراتيه يقرون بعدم وجود دليل اثري للانبياء ومنهم مش بس زاهي حواس ولا كمان سليم حسن وعبدالحليم نور الدين الله يرحمه
يعني رقعة مهمة قبل دي ونقول اهو بدأت تكتب كلام مهم يجي بعدها الكلام الهجوصي دا.The Queen of chess♟♟:
#ذات_المخالب:
🔷🔶 من سنة 715 ق.م
من قبل ميلاد السيد المسيح ب 715 سنة .. و اليهود بيحاولوا السيطرة علي العالم لأنهم شعروا بإنهيار وجودهم و افكارهم
تاريخ الجماعات السرية بدأ من أيام تعاون شيشنق الرابع الملك الغير مصري الذي حكم مصر و اللي كان عهدهم عهد الاضمحلال للاسرات ال 21 و ال 22
و ده ل إنهاء آثار الاسرة ال18
📌 اشمعني ال 18 🤔 .. ما في ال 19 و ال 20 🤔
اشمعني اخفاء اثر ال 18 تحديدا 🤔
هنقووووول :
🔷🔶 الالحاد هو مخطط وقع فيه ضعاف النفوس و العقول
و ده بسبب ان الجماعات السرية قدرت تخفي 550 سنة من تاريخ العالم
و ده خلي الباحثين مش قادرين يعملوا ربط تاريخي بين الاحداث التاريخية و بين القصص الديني
ف كان التوجه انهم يقولوا ان القصص الديني أساطير 👌🏻👌🏻
بالاضافة لعدم وجود اثار تاريخية للأنبياء في الاماكن اللي بيدوروا فيها عليهم 🤷🏻♀️🤷🏻♀️
-------------------------------------------------
🔵 لصوص و طمس الحضارة المصرية :
في اتنين تم اغتيالهم لأنهم كانوا هيفضحوا الاسرار اللي تثبت تسيد الحضارة المصرية علي العالم و اللي اغتالهم اليهود
♦نيكولا تسلا :
تسلا مخترعش الكهربا و لا حاجة ... تسلا نقل علم المصريين القدماء في الكهربا للعالم
و سرقه توماس اديسون
و دخل مع الجماعات السرية للتخطيط لاغتياله
" اديسون مكنش يهودي .. كان ربوبي يؤمن بوجود اله لكن يري ان العالم لا يحتاج لأديان .. لكن لابد من وجود اله يتحكم في الكون
أيا كان هو مين الاله ده بقا
كائن علوي .. لوسيفر .. ايا كان مش هيفرق
و ده الطريق للوقوع في براثن الجماعات دي و اعتناق فكرهم و الولاء لهم 👌🏻"
📌 هي الحضارة المصرية كان فيها كهربا 🤔
لو حضرتك روحت الاقصر هتلاقي جدارية كبيرة فيها صورة مصابيح كهربية يصدر منها اضاءة لإنارة الشوارع و الطرقات
و في متحف لندن في بردية هامبتون اللي تم اخفاءها و اللي كان فيها ازاي الهرم الاكبر مصدر كهربا ... و بيطلع منه التردد المتذبذب لانتاج كهربا 👌🏻👌🏻
📌 عايز دليل 👈🏻 برج تسلا ل انتاج الكهرباء Wardenclyffe Tower
و كل الدراسات اثبتت التطابق بينه و بين فكرة الهرم الاكبر
بنفس الابعاد الهندسية
بنفس الاحداثيات
بنفس نسب الارتفاعات و التركيبات الفيزيائية
و لما اتسرق منه الاختراع المسروق هدد بفضح الحقيقة للعالم و ان Wardenclyffe Tower هو نسخ من الهرم الاكبر .. ف تم اغتياله في امريكا 🤷🏻♀️🤷🏻♀️
طب راحت فين الكهرباء و التطور التكنولوجي ده .. تم هدمه عن طريق شيشنق الرابع الملك الخاين المتعاون مع جماعة اومبير اليهودية السرية 👌🏻👌🏻
♦الشخص التاني اللي تم اغتياله هو لورد كارنفون :
📌 عشان تعرفوا قد ايه تم خداعكم بالاساطير
مفيش حاجة اسمها لعنة الفراعنة
دي اكذوبة اخترعها روتشيلد سنة 1923 عشان يداري علي 46 جريمة قتل ارتكبوها لاخفاء حقيقة نسل الانبياء الحقيقي .. و شعب الله المختار
اللي فوق ده كوووووم
و اللي جي كووووم تاني خالص
لو انت من عبدة الاسرائيليات و مقدسي الاشخاص و الساجدين لكعب الاحبار .. متكملش قراءة
انما لو انت ابن كيمت الشريف ... ف اللي انا هقوله ده يعلمه كل علماء المصريات المصريين لكن نصهم تم شراءه بالمال و اتخرس ... و النص التاني خايف من مصير جمال حمدان
لكن آن الاوان ان أحفاد النبي ادريس يعيدوا كتابة التاريخ و يدافعوا عن شرف نسلهم و نسبهم 👌🏻👌🏻
🔸ادريس 👈🏻 اودريس 👈🏻 اوزيريس
هو اول من اعطي النبوة بعد آدم عليه السلام
و هو ابن شيث ابن آدم
مصري ولد في ارض مصر
اتاه الله النبوة
▪اول من خط بالقلم
▪اول من تعلم حياكة و خياطة الملابس
▪اول من وضع اسس الحكمة و الفلسفة و علم الاجتماع و العلوم الانسانية
هرمس الهرامسة و صاحب المتون و الداعي الي عبادة الله الواحد الاحد 👌🏻👌🏻
▪اول من تعلم عدد السنين و الحساب و علم الارقام
▪اول من تعلم اللغات
و لا ننسي ان جده آدم علمه الله اسماء كل شئ
للاسف لما علماء المسلمين بيدوروا علي نسب الانبياء بيروحوا علي التوراة ... اللي ربنا عز وجل قالهم ان الحاخامات زوروها
لكن لعدم قدرتهم علي الوصول لمعلومة تاريخية صحيحة مفيش امامهم الا توراة عزرا الكاتب 🤷🏻♀️🤷🏻♀️
و اللي وضعت فارق بين آدم و ادريس 3 اجيال
و خلته ادريس ابن يارد ابن مهلائيل ابن شيث ابن ادم
ده كمان سموه اخنوخ و جعلوه نبي من انبياءهم
و هما اساسا مكنش لهم وجود 🤷🏻♀️🤷🏻♀️
🔸في بردية تومي اللي موجودة في متحف سان بطرسبرغ
و اللي كتبها احد كهنة آتوم
اوزوريس كان يخط بالقلم ... و اول من فرض علي المصريين ارتداء الملابس و علمهم الحياكة و كان صاحب كلمات التقديس و ذكر الاله اثناء الخياطة
( في حديث يقال انه لا اصل له عن ان نبي الله ادريس كان لا يدخل ابرة و لا يخرجها الا و قال سبحان الله و الحمد لله و لا اله الا الله )
من اين أتي ادريس بالكلمات تلك لو لم تكن مصر موحدة 👌🏻👌🏻
هل يعقل ان ارض فيها نبي الله لا يؤمن أهلها و مش أي نبي .. ده اتقال فيه " و رفعناه مكانا عليا "
🔷🔶 اكذوبة ولاد العم :
لا انتوا نسل سام و لا تعرفوا سام و لا احنا ساميين اساسا
احنا أدارسة ... المصريين نسل ادريس عليه السلام
و منعرفش مين اخنوخ التوراتي اساسا 🤷🏻♀️🤷🏻♀️
و من نسل ادريس تناسل الانبياء شرقا و غربا
( و لا اليهود نسل سام و لا نسل نوح و لااااا لهم علاقة بيه و دي كمان اسطورة صهيونية )
و دول الاسطورتين اللي كان لورد كارنارفون هيكشفهم هو بنته ليدي ايفيلين و تم اغتيالهم بسببهم
حقيقة نسل المصريين و عدم تبعيتهم بالسامية .. و حقيقة ارض الانبياء
🔴 الاسرة ال18 و ال 550 سنة المجهولة المخفية :
او الاسرة التحتمسية 👌🏻
لأن بعض ملوكها تم اطلاق عليهم لقب تحتمس
لقب 🤔
يعني تحتمس ده مكنتش اسماءهم 🤔
لا دي ألقاب
و عموما معظم ملوك مصر كان لهم اسماء و ألقاب لما يتولي الحكم
حتي الملكات
يعني نفرو نفرو اتون بقت نيفرتيتي 🤷🏻♀️🤷🏻♀️
♦ناخد كده بداية الاسرة :
تحتمس الاول :
و ما كتب عنه في الجبتيانا كتاب التأريخ المصري الذي لم تطوله يد التزييف للمؤرخ مانيتون السمنودي ابو التأريخ ... و ليس هيرودوت خاااالص
🔳 نشوف كده نقط اتكتبت عن سيدنا تحتمس الاول " عليه السلام "
📌 الملك تحتمس الاول هو اول من صنع الدروع و الصدريات للجنود في الجيش المصري اللي كونه
و كان بيصنعها بنفسه ... و علمها للمصريين .. و كان صاحب موهبة في " تشكيل الحديد " تشكيل 🤔
" وَلَقَدْ آتَيْنَا دَاوُودَ مِنَّا فَضْلًا ۖ يَا جِبَالُ أَوِّبِي مَعَهُ وَالطَّيْرَ ۖ وَأَلَنَّا لَهُ الْحَدِيدَ (10) أَنِ اعْمَلْ سَابِغَاتٍ وَقَدِّرْ فِي السَّرْدِ ۖ وَاعْمَلُوا صَالِحًا ۖ إِنِّي بِمَا تَعْمَلُونَ بَصِيرٌ (11) "
و في جداريات القاعة الفسيحة في معبد آمون اللي بناها تحتمس الاول ... قصة تشكيل الحديد
الإلانة 👈🏻 تيسير الشئ و تسهيله ليكتسب مرونة التشكيل
يعني اول من صنع الدروع و فهم قوة المعدن الارضي اللي هو الحديد هو تحتمس الاول
و اللي الفارق بينه و بين داوود التوراتي 550 سنة 🤷🏻♀️🤷🏻♀️
و اللي ورثها عنه ابنه تحتمس التالت و ابدع فيها فقدر يشكل الدروع للجنود الراكبين علي العربات الحربية 🤷🏻♀️🤷🏻♀️
🔸 بردية تورين لم تذكر ده و بس
لا دي وصفت وصف دقيق اماكن استخراج الحديد اللي اكتشفها تحتمس الاول
و اللي استطاع من خلال صنعته تحقيق مجد عظيم للجيش
السابغات 👈🏻 الدروع
و بعده ابنه تحتمس التالت طور الصناعة ووضع حراس علي مناجم الحديد
حراس غير مرئيين 🤔
" غير مرئيين يعني ايه .. طب ما البشر مرئيين عاااادي 🤷🏻♀️ .. حراس من غير البشر "
▪هو مين بيحرس مقابر الاجداد 👈🏻 الرصد 🙄
نكمل و نشوف برديات تورين بتقول ايه :
امنحتب الاول كان ملك مصر ...حصل في عهده تمرد
اعلن امنحتب الاول
ان من يستطيع قمع التمرد هيورثه حكم مصر
التمرد ده كان في الجنوب
تحتمس الاول قرر هو يقمع التمرد ده و يواجه الملك المتمرد .. و اختار معاه كوكبة جنود لكن كان لازم يفتنهم عشان يتأكد من ولاءهم
ف امر جنوده بتعميق ممر مائي معين لتبحر فيه الحملة .. و انهم ميشربوش منه حد الارتواء
و كان مبرره 👈🏻 حتي لا ينخفض منسوب المياه ... و كانت حجة غير مقنعة للجنود
لكنها كانت اختبار الولاء
و كل من شرب و ارتوي في ايام التعميق تم اعادتهم الي العاصمة و سار تحتمس الاول الي الملك المتمرد بعدد قليل لكن قدر ينتصر عليه
"فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُم بِنَهَرٍ فَمَن شَرِبَ مِنْهُ فَلَيْسَ مِنِّي وَمَن لَّمْ يَطْعَمْهُ فَإِنَّهُ مِنِّي إِلَّا مَنِ اغْتَرَفَ غُرْفَةً بِيَدِهِ ۚ فَشَرِبُوا مِنْهُ إِلَّا قَلِيلًا مِّنْهُمْ ۚ فَلَمَّا جَاوَزَهُ هُوَ وَالَّذِينَ آمَنُوا مَعَهُ قَالُوا لَا طَاقَةَ لَنَا الْيَوْمَ بِجَالُوتَ وَجُنُودِهِ ۚ قَالَ الَّذِينَ يَظُنُّونَ أَنَّهُم مُّلَاقُو اللَّهِ كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ ۗ وَاللَّهُ مَعَ الصَّابِرِينَ" 🤷🏻♀️🤷🏻♀️
♦في بردية هامبتون اللي كانت في متحف لندن و تم اخفاءها بعد تولي اليزابيث الحكم
ان موكب آمون اللي كان بيقل الملكة حتشبسوت و اللي كانت بتحمل لجوارها تابوت امون " تابووووت "
توقف التابوت امام الكاهن تحتمس التالت لاختياره للحكم معها .. تحتمس التالت وريث تحتمس الاول و احد ابناءه
🔷🔶 تعالوا نشوف ما تم كتابته في البرديات و علي جدران المعابد عن اول امبراطور في الارض و اللي التاريخ بيشهد انه كان له ملك لم يكن عند احد سابقيه من الملوك و لم يتكرر لمن بعده 👌🏻👌🏻
📌 تحتمس التالت ملكه كان شرقا الي العراق مرورا بالشام و فلسطين ثم جنوبا الي اثيوبيا و هضبة المنابع ثم غربا الي بني غازي ثم شمالا الي قبرص و كريت
و اول من كون اساطيل لتأمين السواحل
" قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّن بَعْدِي ۖ إِنَّكَ أَنتَ الْوَهَّابُ "
📌 النهضة المعمارية في عهد تحتمس التالت
كانت تماثيل عملاقة
و معابد و مسلات تم تشييدها في اوقات قصيرة زمنيا
يعني موسي بن ميمون المؤرخ اليهودي بيقول ان المبني كان يشيد في سنوات بينما في عهد تحتمس التالت كان يشيد في اشهر قليلة مزين بالنقوش و مرصع بالاحجار الكريمة و الجميع لا يعرف كيف .. و ان الخزينة المصرية كانت بها حجارة طالعة من اعماق البحار .. و محدش عارف ازاي كان بيخرجها 🤷🏻♀️
" وَمِنَ الشَّيَاطِينِ مَن يَغُوصُونَ لَهُ وَيَعْمَلُونَ عَمَلًا دُونَ ذَٰلِكَ ۖ وَكُنَّا لَهُمْ حَافِظِينَ "
📌 تحتمس التالت كان قائد حربي من الطراز الاول
دخل 17 معركة عسكرية
لم يصاب فيها بخدش
لدرجة ان اعداءه سجلوا ان في جنود لا تري كانت تحاوطه .. و ان رميه فقط هو اللي كان بيصيب
و علي الصور اللي في الجداريات اللي فيها اصطفاف الجيوش ... هنلاقي في مسافات فاضية بين الجنود
و محدش عارف ليه اتساع المسافات دي
لكن في المعارك كان يسقط قتلي في المسافات الفارغة دي وكأن في جنود خفية
"وَحُشِرَ لِسُلَيْمَانَ جُنُودُهُ مِنَ الْجِنِّ وَالْإِنسِ وَالطَّيْرِ فَهُمْ يُوزَعُونَ "
📌 تحتمس التالت اول ملك مصري ينشئ حديقة حيوان في مصر .... لا و كانت فيها حيوانات غير معتادة للمصريين كان بيجيبها من غزواته
و انه كان بيمشي بينها
كأنه مروضها مثلا او كأنه بيتكلم معاها 🤔
و ان ابوه كان بيكلم الافاعي 🤷🏻♀️
" وَوَرِثَ سُلَيْمَانُ دَاوُودَ ۖ وَقَالَ يَا أَيُّهَا النَّاسُ عُلِّمْنَا مَنطِقَ الطَّيْرِ وَأُوتِينَا مِن كُلِّ شَيْءٍ ۖ إِنَّ هَٰذَا لَهُوَ الْفَضْلُ الْمُبِينُ "
📌 رالف ايرلس المؤرخ البريطاني صاحب كتاب صحة الروايات التوراتية عن مملكة داوود و هيكل سليمان
استند الي برديات هاورد كارتر
عن واقعة غريبة جدااا لا يمكن تتكرر في التاريخ مرتين
و عن طريقها نقدر نكذب اسطورة جغرافية بردو انضحك علينا بيها 🤷🏻♀️🤷🏻♀️
🔸ايام تحتمس التالت عرف ان في ارض في الجنوب تحكمها امرأة " اسمها ماكيدا "
الارض دي قرب منبع النيل
شعبها كان بيعبد الشمس .. ارسل لها تحتمس التالت رسول لدعوتها للتوحيد و ان الشمس هي مخلوق من خلق الله القدير
مستشارين ماكيدا اشاروا عليها انها ترسله رشوة مجوهرات
ف رفض الرشوة و ارسل لها صناديق اضعاف اللي ارسلته و دعاها عنده
و بعد ما وصلت مملكة تحتمس آمنت بالله لما رآته من عظيم الصنع و ان عرشها قد سبقها و ان تحتمس التالت يملك قدرات لا يمكن ان يعرفها دون اله قوي
القصة دي نشرها رالف ايرلس اول طباعة علي ان القصة تخص شيشنق التالت
لكن شيشنق التالت كان عهده عهد اضمحلال اساسا
و بطل القصة الاساسي هو تحتمس التالت و تم اعادة تنقيح الكتاب و اعادة طبعه
بعد ما مينجرين عالم الاثار زوده بالتواريخ و قاله ان تواريخ التوراة عبثية ... و ان في سنين تم اخفاءها
و عرف ان شيشنق مكنوش مصريين الاربعة و كانوا ليبيين
و ان كاتب التوراة لما اتهم شيشنق بمطاردتهم كان لازم يوصفه بالقوة
و ده لاخفاء المطارد الحقيقي لهم صاحب الامبراطورية العظمي تحتمس التالت
و بالمناسبة رالف ايرلس مات مشنوق في غرفته 🤷🏻♀️🤷🏻♀️
🔸 سبأ مكنتش في اليمن
اهل سبأ كانوا اقل علما من المصريين بمراحل لما انضمت ارضهم للاراضي المصرية طبيعي يتعينوا في الدرجات الاقل
و احيانا خدم
و ده خلق عندهم نوع من انواع الغل تجاه السادة المصريين توارثوه علي مر القرون
" يمكن ده يفسر مؤامرات الفلاشا ضد مصر و كراهيتهم لنا زي كراهية الصهاينة بالظبط .. و ده سبب ان اثيوبيا هي دولة صهيونية "
علي فكرة تحتمس التالت له صور متكئ فيها علي عصا و هو جالس
و ان طريقة وفاته غير معروفة حتي الآن
هو ازاي ملك بالشهرة دي .. و القوة دي
ومحدش عارف مات ازااااي 🤔 .. الا معلومة انه تعرض لاغماءة طويلة لم يستفيق بعدها 🤷🏻♀️
و لا تم اخفاء طريقة موته حتي لا تتطابق مع 👇🏻👇🏻
" فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَى مَوْتِهِ إِلا دَابَّةُ الأَرْضِ تَأْكُلُ مِنْسَأَتَهُ فَلَمَّا خَرَّ تَبَيَّنَتِ الْجِنُّ أَنْ لَوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ "
🔷🔶 هل طبيعي ان مملكة زي مملكة داوود و سليمان بعد كل النعمة اللي انعمها رب العالمين عليهم دي
يخفيها بالشكل ده
♦هل يعقل ان ربنا يخفي اثار انبياءه
عشان ميكونش في دليل واحد علي نبوتهم و كتبه
و لا ربنا يحافظ علي النعم 🤷🏻♀️🤷🏻♀️
هاورد كارتر وجد كل البرديات في مقبرة توت عنخ امون .. البرديات اللي تثبت مين هما الانبياء .. و فين الرسالات .. و فين الممالك
علي فكرة تحتمس الاول كان له كتاب مقدس اسمه ابي- ايزون
هل سمعتوا عن ملك مصري ربنا أتاه كتاب مقدس 🤷🏻♀️🤷🏻♀️
الكتاب ده راح فين
طيب زابور داوود راح فين 🤔
مش غريب ان ده الكتاب الوحيد في ال 4 كتب المقدسة اللي اختفي من علي وش الارض 🤷🏻♀️🤷🏻♀️
يعني تتغربل فلسطين بحثا عن اثر واحد لاتنين ملوك و انبياء ميبقاش موجود .. ده عاااادي كده 🤔
🔴 شئ تاني :
اول من فك رموز حجر رشيد و الكتابة الهيروغليفية مكنش شامبليون
ده العالم أحمد ابن ابي بكر ابن وحشية العراقي الكوفي
و اللي فسر و ترجم برديات كتير عن نسب المصريين للنبي ادريس و ان الطوفان مكنش له علاقة بالمصريين و انهم ذرية اخري
في كتاب " شوق المستهام في معرفة رموز الاقلام " .. و اللي تم جمعه واخفاءه في مكتبة الفاتيكان بتهمة انه كتاب سحر زي شمس المعارف و العزيف 👌🏻👌🏻
و بعدها ظهرلنا شامبليون افندي بالخزعبلات و الاساطير اللي ملا دماغ المصريين بيها و كلها اكاذييييييب
♦ابن وحشية قال ان التاسوع المصري المقدس هو مجموعة نترو
و النتر وفقا للترجمة 👈🏻 انه المنتسب الي عرش الله
و لما جه شامبليون يترجم
قال انهم آلهة 👈🏻 عشان نتوصم طول حيااااتنا ب عار تعدد الالهة و الكفر زي ما خطط لنا المنظومة 🤷🏻♀️🤷🏻♀️
♦هل يعقل ان نسل الانبياء ربنا يوصفهم في القرآن بإنهم قتلة الانبياء و المكذبين بهم و يكتب عليهم التيه و الشتات
اومال نسل الشياطين يتقال فيهم ايه بقا 🤷🏻♀️🤷🏻♀️
🔷🔶 أكذوبة شعب الله المختار :
الله لا يختار قتلة
الله لا يختار خليط چينات
الله يختار نسل الانبياء فعلا
من كام سنة العقيد طارق طه رئيس قسم البصمة الوراثية واللي عمل دكتوراه من كام سنة و كان من ضمن المناقشين فيها وسيم السيسي
الدكتوراه كانت في نسب المصريين .. و اللي كانت ل تأييد دراسة ل عالمة انساب اسمها مارجريت راجو تقريبا
و اثبتت ان چينات يهود العالم غير متطابقة بالمرة ... بينما جينات المصريين متطابقة بنسبة كبيرة
العقيد طارق طه عمل تجارب اختبار موسعة علي شريحة من المصريين تعدت ال 5 مليون فرد منهم مصريين مغتربين
و كانت النتيجة تطابق جينات المصريين بنسبة 97.5%
و المفاجأة انها تطابق الحمض النووي لمومياء الملك توت عنخ امون اخر ملوك الاسرة ال18 و اللي هي اسرة الانبياء
شعب الله المختار هو الشعب اللي صان جيناته .. و لم يفرط فيها نسائيا في العهر و البغاء و استخدام الجنس و الدعارة في تحقيق الاهداف السياسية بنصووووص كتابكم المقدس 🤷🏻♀️🤷🏻♀️
شعب الله المختار عشان يكون مختار لازم امهاته تكون شريفات .. مش زي الباص المكيف
كل اللي يدفع تذكرة ...........
الي اللقاء في المخلب الجديد نعرف انتوا ولاد مييييين بقا 🤷🏻♀️🤷🏻♀️🤷🏻♀️ ... و نشوف مين قايين و هابيل دول 🤔🤔
#قولتلك_ابعد_عن_حيحا
من حقك تستغرب و تندهش و متصدقش
لكن بردو لازم تدور ورا الحقيقة و تعرف السنين اللي اتسرقت راحت فين و ليه .. من حقك تعرف انت مين و بكفايانا دونية بقا ... ميبقاش ولاد الحرام بيشتغلونا و احنا ساكتين ما بين مرتشين و مغيبين 👌🏻👌🏻
و لسسسسسسه
احنا بدأنا عصر انكشاف الحقايق 🤷🏻♀️🤷🏻♀️
شوية معلومات عن تحتمس الثالث لو حضرتك تحبيعني رقعة مهمة قبل دي ونقول اهو بدأت تكتب كلام مهم يجي بعدها الكلام الهجوصي دا.
في حاجات بحثت عنها مالقتش ليها أي ذكر في الأنترنت معرفش جابتها منين.
وكتاب العزيف دا كمان عبارة عن كتاب اسطوري لكاتب عربي خيالي اسمه عبدالله الحظرد .. الحظرد دا كان بيبحث في حقيقة الكائنات الي عاشت علي الارض قبل البشر وكيفية التواصل معاهم .. ظهر اول مرة في كتابات ادبية لكاتب اسمه لافكرافت مش اكتر .. هيه فجأة خلته كتاب ممنوع ومحظور ومستخبي ..
انا عموما مش بصدق الكلام دا لكن مش بعارض نشر اي حاجة تقرف بقية الأمم الي حوالينا دي في عيشتها وتخليها دائما في موقف المدافع عن اصلها وفصلها.
ياغالي تحتمس الثالث اشهر من نار علي علمشوية معلومات عن تحتمس الثالث لو حضرتك تحب
من فضلك, تسجيل الدخول أو تسجيل لعرض المحتوي!
ماينفعش نحط اي خسائر اقتصادية إسرائيلية في اي معادلة ربح او خسارة .. مالهاش تأثير فعلي غير بشكل مرحلي .. الناس دي بتملك العالم وكل الخساير هتتعوض طالما الخسارة خسارة فلوس واقتصاد ، وبيرجعوا احسن من الأول واحنا الي هنعاني .. البوستات دي مجرد بوستات مخدرة بتلعب علي وتر احلام الناس الغلابة انهم يشوفوا إسرائيل بتخسر أو هتنهار.🔵 تعالي يا عزيزي عشان اقولك كيف تعمل #البلورة_السحرية 🤷🏻♀️🤷🏻♀️
و بالادلة 👌🏻👌🏻
🔷🔶 الوحيدة علي السوشيال و الاعلام و الميديا
اللي قالت حرب غزة بدأها الاقتصاد و هينهيها الاقتصاد هو أنا بفضل الله ✋🏻
و بردو في 22 ابريل 2022 قولتكلم اللي هينهي حرب اوكرانيا الاقتصاد .. لما تعجز دوز الغرب عن دعمها ويبقا ضهرهم للحيط👌🏻
♦نشوف الاول الكيان الزفت :
🔸امبارح ايلي كوهين وزير الخارجية قال 👈🏻امامنا اسبوعين اخرين نتحملهم قبل أن نخضع للضغط الدولي لانهاء الحرب علي غزة
📌ليه اسبوعين :
بص يا سيدي
▪امبارح اسرائيل استأنفت ضخ الغاز لمصر للإسالة بنسبة 80%
و بنهاية نوفمبر هترجع ل 100%
و ده بعد ما شيفرون قالت ان لو حقل الغاز مشتغلش .. هتفكك معداتها و تمشي 🤷🏻♀️
و شيفرون اللي تواصلت مع مصر
و رئيس مجلس ادارة شيفرون هو اللي بقاله 3 ايام بيتواصل مع وزارة البترول عشان الموضوع وقف عليه بخسارة ومش قادر يتحمل اسرائيل اكتر من كده
▪8 بورصات عالمية خرجت السندات السيادية الاسرائيلية من المضاربات
و اعتبروها سندات مجمدة
▪اقساط صندوق النقد الدولي اللي اسرائيل بتدفعها نيابة عن اثيوبيا مستحقة في ديسمبر
و لو مدفعتش هتبقا اسرائيل تخلفت عن السداد
و ده هيخرج باقي الاستثمارات اللي مخرجتش من الحرب
" ما هي اسرائيل تعهدت للصندوق تسدد 3.8 مليار دولار نيابة عن اثيوبيا ... ده عناد في مصر ليس إلا 🙄"
▪تكلفة الحرب اسبوعيا حوالي 600 مليون دولار
و الخزانة الامريكية لم تعد لديها مقدرة التمويل
و الخزانة البريطانية في مأزق
بسبب التأخر عن سداد احتياجات مقاطعة ويلز
و ويلز بتهدد بالانفصال لو فلوسها راحت لاسرائيل 👌🏻
▪الدول اللي اسرائيل طلبت منها سلاح و قذائف .. طلبت من اسرائيل تدفع كاش
و مفيش كااااش 🤷🏻♀️
▪توقف 16 مصنع و خروجهم من خدمة خطوط الانتاج بسبب استدعاء الاحتياطي
▪توقف حركة التصدير و الاستيراد
مما هدد السوق الاسرائيلي بفقدان سلع ضرورية هااامة ما بين ادوية و منتجات زراعية
طيب هنا اسرائيل تروح تعيط لمييييين 👈🏻 لماما امريكا
طب ماما امريكا تجيب منييين
ده عندها مصيبة
ان الامريكان عاملين حملة لهدم اقتصادهم بنفسهم عنادا مع بايدن ... وهي سحب كل الاموال المودعة في البنوك الامريكية و تفريغ البنوك 🤷🏻♀️
و ولايات متضامنة و بدأت التنفيذ
و في 3 بنوك بتصرخ
منهم بنك ڤالي اللي كان افلس قبل كده و انقذوه 🤷🏻♀️
و اعضاء الكونجرس الجمهوريين قرروا يدعموا الحملة لانهاء وجود الديموقراطيين للابد بقا
وده سمع في حرب اوكرانيا كمان
♦نتابع بقا ترتيب الاحداث :
📌يوم 7 نوفمبر 👈🏻زيلينسكي قال ان سوناك تخلي عن اوكرانيا
و قاله ان مفيش دعم تاني لأن بريطانيا وضعها لا يسمح بدعم حربين
📌 يوم 9 نوفمبر 👈🏻 وزير اقتصاد ألمانيا قال ان حجم المساعدات لأوكرانيا لازم يتخفض لانه بدأ يؤذي المواطن الألماني
📌 يوم 10 نوفمبر 👈🏻 رئيسة وزراء بلجيكا قالت ان الحرب في اوكرانيا لم تحسن أخلاق الاوكران و لا تقلل من نسبة الفساد
بل زادت و كأنهم تخلوا عن مسئوليتهم الوطنية
لذلك لن يسمح لهم الانضمام للاتحاد الاوروبي لا اليوم او غد او بعد 10 سنوات 👌🏻
و ان بلجيكا لن تقدم دعم آخر و الهزائم متكررة
📌يوم 10 نوفمبر 👈🏻 ماكرون في خطابه قال
اعتقد ان الوقت قد حان للتفاوض مع روسيا بشأن اوكرانيا .... و دي كانت مفاجأة ل زيلينسكي خلته يهذي ب4 خطابات في يوم واحد كلهم هنحارب و هننتصر و بتاع 😁
📌 يوم 12 نوفمبر 👈🏻 ماكرووون تاني قال
لا مزيد من الاسلحة المجانية ل اوكرانيا ... و ان ارادت سلاح ف ليدفع ثمنه من الاموال التي تحصل عليها اعانات
ماكرون اتخنق 😁 .. البق اكل جتته يا عيني ومعندوش فلوس يشتري هراشات بالكهربا 😁
وهنا زيلينسكي طلع تصريح بالليل ان العالم الحر تخلي عن مسئوليته تجاه اوكرانيا الحرة .. و متبقاش الا امريكا الحرة تدعم تحقيق الحرية لاوكرانيا الحرة
" كمية حرية غير عادية في التصريح 😁"
📌 يقوم امباااارح بقا فجر انهاردة 👈🏻 چاك سوليفان الحر بتاع البيت الابيض الحر
يطلع في خطاب امام الاحرار
ويعلن عن قدرة امريكا علي تقديم أي دعم آخر لاوكرانيا
و ان المساعدات ل كييف ستبدأ في التضاؤل لحين التوقف تماما 👌🏻👌🏻
و ذلك بسبب رفض الكونجرس لتقديم الدعم ... وعدم رغبة البيت الابيض في تأجيج صراع سياسي داخلي
و رماها في وسط الكلام
انهم قدموا دعم بزيادة اوووي و كله راح ع الفاضي و زيلينسكي متخصص هزائم 😁
🔸وخد بالك سكوت ريتر اول امبارح في لقاء له مع نيويورك تايمز قال 👈🏻 سيبدأ الغرب التفاوض مع روسيا و لا اعتقد ان زيلينسكي سيكون حي لحضورها 👌🏻
وااااضح ان زيلينسكي مش هيستحمل الشلاليت دي كلها .. ف يقرر انه يبتز الغرب بالاتفاقيات السرية و اهمها مين فجر نورد ستريم 2 .. فينتحروه عشان يخرسوه 🤷🏻♀️🤷🏻♀️
يبقا الحربين بدأوا بسبب اخفاقات اقتصادية .. و بينتهوا بسبب انهيارات اقتصادية 👌🏻
الله عليك أچاكو أمملكة 🙈🙈
وانتي منهم يا جيجي 🤣🤣🤣The Queen of chess♟♟:
🔵 #يحدث_في_مصر_فقط:
شوفوا انا سافرت 68 دولة من دول العالم في كل القارات .. و عيشت في 18 دولة
مشفتش مواطن عامل فيها وزير مالية و محافظ بنك مركزي و عايز الدولة تاخد رأيه في القرارات المالية إلاااااا في مصر 🤷🏻♀️🤷🏻♀️
هو يعني ايه مواطن عادي بيتكلم في الاصول الاجنبية للدولة و شاغل دماغه بيها 🤔 .. هو اساسا المصطلح ده سمعتوه في حياتكم قبل كده 😏
ده مصطلح اقتصادي بحت ميفهمش كينونته او وجوده او ارتباطاته الا الاقتصاديين ... ومش أي اقتصادي كمان
يعني كلشي ان كان بتوعكم اللي متلقحين علي السوشيال دول ولااااا يعرفوا اساسا دوره في الموازنة 😏
و مع ذلك عشان نسد ثغرات الهبد و القرف البلد مش ناقصة
🔷🔶 معلش قليلا من التركيز لأن ده شغل اقتصادي بحت و مصطلحات غير دارجة ... ف أعيرني انتباهك يا عزيزي 🙄 .. و لو مش مهتم بالاقتصاد لااااا تقرأ عشان متفرهدش انا في اسئلة اجاباتها محتاجة 4 سنين دراسة في الكلية👌🏻
♦يعني ايه أصول اجنبية:
⚡يعني ايه اصل الاول طيب 👈🏻 الاصول هي الممتلكات الجالبة للإيرادات
ببساطة أهو
الاصل = أي حاجة بملكها و بتحققلي ايراد
⚡أجنبي 👈🏻 لا يحمل جنسية الدولة
يبقا هنا الاصول الاجنبية 👈🏻 الممتلكات الجالبة للايرادات و التي لا يكون مقرها الدولة
📌 زي ايه :
▪ودايع حاططها البنك المركزي المصري في بنوك اجنبية " خارج مصر "
▪ارصدة لدي الفروع في الخارج
" يعني مثلا وديعة عملها بنك cib مصر في cib انجلاند أو كريدي فرانس "
▪استثمارات مباشرة في الخارج
" سندات أو اسهم اشتراها المركزي من برا .. أوراق مالية علي جهة اجنبية يعني "
♦أجي هنا لمعادلة 👈🏻 ازاي اطلع صافي الاصول :
صافي الأصول = اجمالي الاصول - اجمالي الخصوم
⚡ايه هو الخصم 👈🏻 الالتزام الواجب عليا سداده
هجيب اللي ليا و اللي عليا و اطرحهم من بعض و الناتج لو بالسالب يبقا عجز .. لو بالموجب يبقا فاضي 👌🏻👌🏻
♦صافي الاصول ده هنا يبقا دوره في موازنة الدولة اييييه 👈🏻 اداة تمويل
باخده اسدد بيه عجز الموازنة و عجز الميزان التجاري
اقتصاديا 👈🏻 ده اسمه اقتراض بين ادوات الدولة المالية
🔷🔶 ايه بقا دور البنك المركزي ... يعني البنك المركزي ده ايه شغلته 🤔
يطبع بنكنوت بس مثلا
♦البنوك المركزية لها اكتر من شغلانة يا اخواننا :
⚡وظيفة مالية :
▪ اصدار وطبع البنكنوت
▪الاحتفاظ بالاحتياطي النقدي
▪متابعة و السيطرة و التنظيم لأعمال القطاع المصرفي
" معلومة 👈🏻 القطاع المصرفي ده مش البنوك
ده بنوك + شركات صرافة + بورصة + شركات اموال + شركات مضاربات "
⚡وظيفة اقتصادية :
▪السيطرة علي عجز ميزان المدفوعات " في حالة حدوث عجز "
▪تقليص عجز صافي الاصول و تحويله لفائض
▪زيادة الاحتياطي النقدي
▪متابعة و توظيف الودائع الاجنبية لتحقيق وفرة مالية لسداد فوائدها و اقساطها
▪احكام السيطرة علي احتياطي الذهب و الاحجار الكريمة ان وجدت " مركزي روسيا فيه احتياطي ألماس مثلا "
▪اصدار السندات التمويلية خارجيا
▪التحكم في أسعار الفايدة علي الاقراض و الاقتراض
⚡وظيفة سياسية اجتماعية :
▪التدخل في حالات التضخم و الركود
▪تمويل الوزارات الاستراتيجية او السيادية في حالات الطواريء
" يعني وقت كوفيد المركزي مول وزارة الصحة عشان تجيب اللقاح و اجهزة التنفس و كل اللي احتاجته "
▪القيام بالمناورات المالية السياسية
" زي مبادلة الديون مع دول اخري وتحويلها لاحتياطي .. زي الامارات و تبادل الدرهم بالجنيه "
( أراهن علي 5000 يورو ان اللي بيكتبوا في الاقتصاد في مصر ما يعرفوا وظيفة البنك المركزي .. بس هو هات مصطلح غريب اعمل بيه بوست هبد من بتوع مصر بتضيع و الاقتصاد بيغرق 🙄🙄 )
نرجع لموضوعنا :
قولنا ان صافي الاصول بيحقق عجز لما الخصوم تكون أكتر من الاصول
" اللي عليا اكتر من اللي ليا "
📌 لازم هنا نقول معلومة مهمة :
الخصوم دي مش لحظية
نوووووو
▪خصوم قصيرة الاجل
" التزام واجب سداده في فترة أقل من 12 شهر "
▪خصوم متوسطة الاجل
" من سنة الي 3 سنوات .. و في موازنات بتعملها 42 شهر "
▪خصوم طويلة الاجل
ما بين سنة و اخري صافي الاصول الاجنبية ده بيتغير ما بين عجز و فائض
📌 اخر مرة كان صافي الاصول الاجنبية محقق فائض في يناير 2022
يعني قبل حرب روسيا مباشرة
و دي معلومة مهمة 👌🏻
هات بقا المعلومة اللي فوق بتاعت وظيفة صافي الاصول الاجنبية 👈🏻 تمويل عجز الموازنة و تمويل عجز الميزان التجاري
🔸بناءا عليه يبقا صافي الاصول الاجنبية حصل فيه عجز بسبب اللي حصل في مصر
نتيجة هروب الاموال الساخنة + وقف تحويلات المصريين في الخارج بنسبة 33%
اللي احنا قولنا عليه الفجوة التمويلية اللي بتعاني منها مصر
" ما هو مش هنروح نقترض ال 30 مليار دولار
لازم يكون عندك ادوات سداد و اقتراض داخلي 🤷🏻♀️"
بالتالي البنك المركزي بيصدر سندات " التزامات .. خصوم " تزود في جانب الخصوم
بالتالي يزيد الخصوم عن الاصول .. و الفارق المادي يخده يمول بيه عجز الفجوة المالية لكن في المقابل بيحصل عنده عجز صافي اصول 🤷🏻♀️🤷🏻♀️
🔷🔶 النظرة الاقتصادية للأزمة دي اييييه 👈🏻 عجز صافي الاصول الاجنبية مكمل معانا بنسب متفاوتة لحد الربع الاول من 2025
" اللي هو الربع التالت من موازنة 2024/2025"
و ده له 3 اسباب :
▪التضخم مازال في مرحلة السيطرة عليه و تخفيضه
" يعني لسه البنك المركزي هيطلع من عنده فلوس يدعم بيه قطاعات زي الكهربا و البترول .. و لسه بيتحكم في اسعار الفايدة
و احنا زمان قولنا ان فوايد الشهادات دين علي البنوك 👌🏻"
▪الاموال الساخنة اللي بقيمة 22 مليار دولار مش متوقع لها العودة بشكل كامل قبل سنة
▪تمويلات القطاع المصرفي مازالت تمويلات محلية " قطاع عائلي "
زي شهادات ال 18% كده
♦عجز الاصول الاجنبية اكيييييد مش حاجة حلوة .. لكنه شر لابد منه
لازم الدولة تلجأ له زي ما لجأت لاجراء رفع الفايدة و اللي أنا قولتلكم انه دوا مر
لكن اقتصاديا عجز صافي الاصول الاجنبية له احتمالين :
يا اما يكون مقلق .. او غير مقلق
📌 امتي يكون مقلق و يسبب أزمة اقتصادية زي شرق اسيا في 2006 كده 👈🏻 لما تكون 30% او اكثر من الالتزامات هي خصوم قصيرة الاجل
📌 وغير مقلق 👈🏻 طبيعي لما تكون التزاماته متوسطة او طويلة الاجل
ايه هي حالة مصر 👈🏻 13.4% من اجمالي الخصوم الاجنبية هي خصوم قصيرة الاجل
يبقا احنا هنا مش في مرحلة الازمة اساسا 🤷🏻♀️
🔷🔶 ايه الحل الاقتصادي اللي الدولة المفروض تشتغل عليه عشان تحل ازمة عجز صافي الاصول الاجنبية 👈🏻 تحسين هيكل ميزان المدفوعات👌🏻👌🏻
يعني احول ناتج ميزان المدفوعات من عجز إلي فائض
♦ايه هو بقا ميزان المدفوعات ده 🤔
ده سجل بيتم تسجيل فيه كاااافة المعاملات التجارية و المالية للدولة
بيتكون من 3 عناصر :
📌أولا : الحساب الجاري للدولة :
و ده بيتكون من
▪ الميزان التجاري
" واردات و صادرات "
▪بيانات تمويل عمليات الشراء الحكومية
▪بيانات الانفاق الحكومي علي البنية التحتية للدولة
" و ده عادة بيتمول ب سندات .. زي السندات الزرقا اللي قولتلكم عليها في فايل الاقتصاد"
طب هي مصر بس اللي بيحصل فيها عجز حساب جاري 🤔
⚡هو انتوا مش شايفين امريكا هي اقوي اقتصاد في العالم " الاكذوبة اللي بقالكم قرن عايشين فيها "
في 2006 وصل عجز الحساب الجاري الامريكي الي 816 مليار دولار و اتعملت جلسات طارئة لمناقشته
لأن استمراره معناه اللجوء لمزيد من الاقتراض لتمويله .. و بالطبع ده يؤثر علي سقف الدين
و لم يتم حل الازمة دي
ف وصل الحساب الجاري الامريكي لعجز 975.91 مليار دولار في 2020
و بنهاية 2023 بنتكلم في تريليون و 200 مليار دولار
" لان امريكا بقالها 3 سنين مبتسددش سندات لحد 🤷🏻♀️"
📌ثانيا : الحساب المالي :
و ده بيتكون من بندين :
▪ملكية محلية للاصول الاجنبية 👈🏻 احنا املاكنا ايه برا الدولة
▪ملكية اجنبية للاصول المحلية 👈🏻 الاجانب بيملكوا ايه عندنا
العجز فيه معناه ان الدولة بتبيع من احتياطي الدهب بتاعها .. او اسهم الشركات الحكومية اكتر ما بتشتري
و ده معندناش فيه عجز
يعني محقق فائض الحمد لله
" اااه هيجي حد يقولي ازاي محقق فائض و في عجز صافي اصول 👈🏻 عشان احتياطي الدهب و شراءه عاااالي 👌🏻"
فاكرين عبد المنعم مدبولي في الفيلم اما كان بيخبط علي رجله و بيقول لاااااازم البفتيك
اهو انا .. اااه لازم اجيب تفصيلة التفصيل احسن المواطن اشف يتقمص 😏
📌 ثالثا : حساب رأس المال :
و ده رقم غير فاعل لانه دايما ضعيف و هو معاملات مالية لا تضاف لدخل الدولة 👌🏻
🔷🔶 هو احنا طيب بنشتغل علي ده بقا و لا الدولة مش في دماغها 🤔
عشان اجاوب السؤال ده لازم ألجأ لقوة امتلاك المعلومة
في موازنة 2022/ 2023 👈🏻 ميزان المدفوعات حقق فائض 882.4 مليون دولار
⚡هل ده رقم كبير 🤔
في العموم لا
انما في حالة مصر رقم ضخم جدا
ليييييه 👈🏻 لأنه مش حقيقي .. ده ناتج ربحية
انما الايرادات اللي حققها ميزان المدفوعات هي
882.4 مليون دولار + 10.5 مليار دولار رقم العجز في ميزان المدفوعات في موازنة 2021/2022
يبقا انت سددت العجز الضخم ده و كمااااان دخلت موازنة الدولة 882.4 مليون دولار
و بالتالي حسنت من اداء ميزان المدفوعات
اللي هو الحل الاقتصادي اللي قولتلك عليه فوووووق
يبقا هنا الدولة عارفة مشاكلها و شغالة علي حلها بطرق ناجحة 🤷🏻♀️🤷🏻♀️
ليه لما تبقا غير متخصص تتكلم في اللي ميخصكش
ليه تكون يوتيوبر مش فاهم تعمل محتوي علي شئ ممكن يتسبب في كارثة بسبب جهلك
ليه لما تكون مواطن لا هي شغلتك و لا تخصصك و لاااااا لك علاقة بيها تثير تساؤلات في امور سيادية
بمنتهي الاريحية 50% من الازمة المصرية سببها المواطن المصري
كفاية هبد و هري بقاااااا و اتقوا الله في البلد شوية
أي حد مش اقتصادي متكتبش في أم الاقتصاد و اخررررررس خالص
يااااارب احفظ مصر من المصريين
يقال ان سيدنا النبي صلي الله عليه وسلم له دعاء " اللهم اكفني شر أصدقائي أما أعدائي فأنا كفيل بهم "
اللهم اكف مصر شر المصريين أما الخارج فمصر كفيلة به 🫤🫤
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?