مرحبا بك في منتدى الشرق الأوسط للعلوم العسكرية

[Hunter]

من فضلك, تسجيل الدخول أو تسجيل لعرض المحتوى !

هتعرف اكتر لما اوصل لمقال انهاردة

 

[TOPOL]

من فضلك, تسجيل الدخول أو تسجيل لعرض المحتوى !

كلامها بخصوص التحرك عالسد لفت انتباهي فعلا

 

[Hunter]

رقعة شطرنج 29 يونيو 2022 :

جيلان قاسم
انا عارفة اني اتأخرت
بس كان في حدث مهم كان لاااازم استني اعلانه في روسيا
عشان اديكم العيدية

هنبدأ رقعتنا من ام الدنيا

الاربعاء 29 يونيو 2022
صدر الاذن من هيئة الرقابة النووية المصرية لشركة روساتوم الروسية
للبدء في بناء اول محطة نووية مصرية في الضبعة
و روساتوم أصدرت البيان بتاعها في التليفزيون الروسي ببدء تشييد الوحدة الاولي
" قوام المحطة 4 وحدات "
تعمل كل منها بكفاءة 1200 ميجا وات
لقد فعلها السيسي يا ولاد
انتزعها من رحم الغرب

ولو انت متعرفش
فتعالي اعرفك
الاتفاقية دي اتمضت بين مصر وروسيا في مارس 2017
رجالتنا بقالهم 5 سنين
ما بين وكالة الطاقة الذرية .. و مجلس الامن .. و الامم المتحدة .. و رقابة .. وتفتيشات
والمواتن اشششف نايم علي كرشه في الحر مفرهد مش عارف رجالتنا بتعمل ايه

لحد ما يوم 26 يونيو اللي فات ده خلصنا كل جولاتنا وكسبناها
و انهاردة صدر اذن البناء

في واحد عزيزي كده شايفاه قاعد عايز يقولي وانا استفدت ايه يا چي

انا اقولك يا عزيزي
بس بالشطرنج
* انت متعاقد مع السعودية علي انك هتبيعلها كهربا
* وهتدخل في اعادة اعمار سوريا و العراق ولبنان وهتبيع لهم كهربا بردوووو
* وبتعمل مدن جديدة و مشروعات قومية
و زراعية و مصانع وبتوسع الرقعة السكنية .. يعني بتعيد التوزيع الديموغرافي
هتجيب منيييين كل ده

من المحطة النووية
ولو انت انهاردة عندك فائض هتبيع لسوريا
فأنت عقدك مع السعودية هيبدأ التوريد في نهاية 2025 .. و انت هتستلم الوحدة الاولي في اكتوبر 2025
فهمت يا عزيزي .. قول اللهم بارك وسمي الله في سرك
فيييين اما كنا بنفطر علي اجواء الشموع الرومانسية في رمضان .. ومش شايفين الاكل ونحسس ونعتذر ونحسس ونعتذر ........... الله لا يعيدها

عزيزي اللي بقا بروفيشنال بيبصلي من تحت النضارة ويقولي ... بعد 5 سنين يا چي .. اشمعني دلوقت

هقولك بس خليها سر .. عشان الحاجات دي بتتحسد
عشان اللي انت عايزه من الاتحاد الاوروبي هتخده بمزاجهم ... عشان محبس الرئة بتاعتهم في ايديك انت

عماد كان مأكدلي اننا خسرنا روسيا
واننا مش حليفه في المنطقة وكان يقصد ايران
مع ان انهاردة اليكسي ليكاتشيف رئيس روس آتوم قال في البيان : ونحن حقا محظوظون بالعمل مع مصر بوابة افريقيا والحليف الازلي لدولتنا العظمي

الحلوة بلادي السمرة بلادي الحرة بلادي

اقولك علي خبر تاني يا عزيزي
وفيه بقا قمة حرفنة الشطرنج
مصر انهاردة اشترت 815 الف طن قمح من ممارسة شراء دولية
بدأت چى تقول مصطلحات مكعبلة تاني

هقولك عشان دي شغلتي بقا

* الممارسة الدولية دي يعني مؤسسة بتملك سلعة بيحتاجها الدول
* بتسلمها لمؤسسة تجارية في ديلرات تشوف الحكومات اللي محتاجة السلعة دي
* الديلر ده هو ال Back door للمؤسسة البائعة
* يبيع و يتمم آليات السداد و يخلص الصفقة و يسلم السلعة للمشتري والشيكات او النقدية او whatever يعني للبايع و ياخد عمولة المؤسسة اللي شغال فيها من البايع
مصر بقا اشترت ال 815 ألف طن انهاردة
و بعتت بالفعل الدفعة المقدمة
مين بقا صاحب القمح الله اعلم
كل اللي اعرفه ان الدفعة المقدمة مكنتش بالدولار ولا اليورو
انما اييييه العملة مش ممكن هقول ابدا

ومتحاولش تضغط عليا يا عزيزي عشان اقولك ان الدولة البايعة دولة عليها عقوبات .. عشان مش هقول ابداااااا

 

[Hunter]

-----------------------------------------------------------

ابرهة الحبشي بقا واللي بيتعمل فيه
الجيش السوداني بيقصف مدفعية تقيلة
ومندوب اثيوبيا بيصوت في الاتحاد الافريقي
و قدم طلب .. زي بتاع الاحاطة بتاع مجلس الشعب ده
بيقول مصر بتقصف اثيوبيا و بتاع

رد عليه نائب رئيس الاتحاد الافريقي السفير اسماعيل شرقي ... و ده بالمناسبة من افضل دبلوماسيين الجزائر
وقاله

طب ما تروح مجلس الامن ... عندك ما يثبت ان القواعد العسكرية المصرية طلع منها طلقة واحدة تجاهك روح مجلس الامن

راح دينا مفتي قاله اوووف و دبدب في الارض كدهو ومشي
الدكر اللي فيهم اسمه دينا

السودان بقا بتجمع فيديوهات ووثائق لاتهام ابي احمد بإنه مجرم حرب

" هو مصطفى مدبولي رئيس الورزاء كان بيعمل في الجزائر أيه انهاردة

" ...

حاجة كمان بقا
نزلتها بوست علي البيدج بس عشان عزيزي اللي مش علي الاكونت
فاكرين لما قولتلكم في رقعة 24 مارس ان الخليج هيوقف استثماراته في السد
انهاردة عبد اللطيف الزناني وزير خارجية البحرين في المؤتمر الصحفي اعلن علي لسان ملك البحرين

دعم مصر في أمنها المائي وتوقف اي اجراء من شأنه الضرر بمصالح مصر
و انها مع مصر في اجراء تخده ضد اي اثيوبيا أيا كاااان

البلورة السحرية حجي

* البحرين وقفت انهاردة
* الامارات وقفت في ابريل
* الكويت رفضت انهاردة بردووو القرض اللي كانت طلباه اثيوبيا منها
و ده لأن الكويت قررت البدء في تقشف صارم نظرا لظروفها الاقتصادية السيئة

معلومة لك يا عزيزي
منظمة فيتش اللي صنفت اقتصادك في مصر انه متقدم وتوقعتله نمو 5.9% ... و اخد التصنيف BB +
امبارح طلعت تقريرها للحكومة الكويتية بسرعة اجراء تقشف واجراءات مالية صارمة
لأن البلاد تسجل عجز متتالي
و توقف قانون الاستثمار
و اقرت ان النمو الاقتصادي للاقتصاد الغير نفطي -3%

عارف ليه يا عزيزي الكويت ب بترولها بغازها وضعها كده
عشان الحكومة بتحط التيتينا للشعب كل
ما يعيط
زي ما ايمن ابن احلام كراوية عايز النظام المصري يمشي كده
اخرة التيتينا وحشة

بالمناسبة يا عزيزي انا ومجموعة من اصدقائي كنا بنتهدد الصبح من واحد اثيوبي ان جيشهم 2 مليون وشخروميت الف جندي وعندهم اسلحة حارقة مارقة باشقة
يرضيك اتهدد في وجودك يا عزيزي
وانا بخاف اصلي

مفكر نفسه بيكلم سالي فؤاد بتاعت ريجيم
ال 7 خطوات

يلاااااا ان شاء الله مفيش اثيوبيا ولا حاجة

 

[Hunter]

-----------------------------------------------------------

احنا لسه في المنطقة العربية اهوووو زي ما طلبتوا
بس لازم هخدك افسحك في بلاد برا بردو

لكن يهمنا تصريح السيد ايمن الصفدي وزير خارجية الاردن انهاردة
الراجل قال ايه

نفي نفيا قاطعا بنية الاردن المشاركة في تحالف يضم اسرائيل
و ان التحالف هو عربي
وتحت قيادة دولة عربية
وان الاردن سبق وان اوضحت موقفها مع مصر والسعودية بإلتزامها بحل الدولتين
و بالمناسبة ده كلام وزير خارجية البحرين انهاردة

تقولي بقا شرق اوسطي ..وسط اشرقي
فيييييش الكلام ده ........ احنا اسفين يا اشششف لو بنبوظلك بوستات القومية

الناس اللي سألتني عن رأي في الملك حسين
و الملك عبد الله
يا باشا انا مش هتجوزهم
مبحبش حسين عشان مواقفه السودا معانا
و عبدالله فوق دماغنا طول ما هو مع مصر
اي حد مع مصر يبقا صحبي وحبيبي وكفاءة
تيجي علي مصر امك هتزعل .. لأني هجيب سيرتها جامد .. جاااامد يعني
هي دي السياسة
ماكو عواطف .. ماكو مشاعر .. ماكو عدو دووم .. ماكو صديق دووم
فهمتوا الحچي مالتي

-----------------------------------------------------------

بص بقا يا عزيزي
علي محمد بن سلمان و هو بيلعب لعبة الموت
بقا خطر .. وانا بقيت من معجبينه ..... سياسياااااا

موريتانيا عندها ازمة مياه شرب بقالها فترة
ركز في النقلات

المغرب بتشد موريتانيا لحضن اسرائيل وكنت قولتلك انها اتوسطت في فتح سفارة وخدت عمولتها

المغرب وعدت موريتانيا بحل القصة بتاعت الميه دي حتي لو هتلجأ لاسبانيا حبيبتها

اسبانيا مش لاقية تاكل اصلا .. ده غدوهم كرواسون في اجتماع الناتو انهارة

واسرائيل عندها صراع سياسي كبير
و بينيت اعتزل السياسة .. واللي جي بعد كده مش هيكمل اجندة التحالفات

راح بن سلمان مطلع مرسوم ملكي بمنح موريتانيا قرض سعودي ب 5 مليارات دولار للبدء في مشروع قومي يوفر مياه الشرب ل 20% من سكان موريتانيا

يا اخي انا القفا اللي اتلسعته المغرب غسلني من جوا

تسألني وتقولي ليه بن سلمان عمل كده
اقولك ارجع لرقعة قمة النقب لما المغرب هي الدولة الوحيدة اللي وافقت علي تمرير الصفقة النووية لايران

قلبها اسود السياسة مش كده

 

[Hunter]

-----------------------------------------------------------

وبما اننا جبنا سيرة ايران
فأحب اقولكم ان المفاوضات اللي كانت بتم انهاردة في الدوحة بين امريكا وايران فشششششلت

وطلع انريكي مورا المنسق الاوروبي للمحادثات الخاصة بالصفقة النووية قال ان اللقاء انتهي بلا جدوي

يبدو كده يا عزيزي ان ايران عندها موائمات اخري

قولتولي هو انا قولتلكم امبارح مصطفي الكاظمي رئيس وزراء العراق كان بيعمل ايه
في طهران امبارح

اااه يحمل رسالة من بن سلمان ... معلش بقا يهده الزهايمر بنسي

بس شفت قطر يا عزيزي
بتتوسط في صفقة تأذي العرب
صحييييح يا ولاد ان تابت البتاعة ..ت كدهوووو بقا
اللهم اني صايمة

-----------------------------------------------------------

اتحريت وفرهدت يا عزيزي
جو العرب حر جدااا
تعالي اخدك القطب الشمالي

يبدو ان النرويج ليتوانيا عضتها في رقبتها ف قلبت زومبي زيها
مين قديم معايا من سنة فاكر اما كنت بحكيلكم علي ارخبيل سفالبارد

المهم الحتة الحلوة دي فيها عمال روس شغالين في البترول
هي اصلا كلها منطقة طاقة و في كذا دولة لها هناك شركات تنقيب

سفالبارد تحت السيادة النرويجية انما روسيا بتملك 46% من الحقول فيها

جت النرويج انهاردة قفلت علي المنطقة الروسي اللي فيها .. وقالتلك العمال دول والشركات دي ملهاش عندنا اكل وشرب من انهاردة
طبعا بتسأل عن رد فعل البيبي الروسي

فلاديمير ديجيباروف نائب رئيس لجنة اامن الشئون الخارجية في الدوما
طلع في بيان رسمي وقال
ان الاسطول الشمالي الروسي مقره اصلا سفالبارد
اخدلي بالك انت يا ابراهيم

و ان ده اسمه تلويح عسكري .. لان المواطن الروسي سلامته ليست عبث
و اوجه نفس البيان الي ليتوانيا وحصارها ل كالينجراد
و لو الناتو مقويكم .. فأنتوا متعرفوش اسطول الشمال ده فيه ايه
ده يالهوي علي اللي فيه

ده مقر الغواصات النووية

كان حد سالني هو ايه مستفيده الغرب من اللي بيعمله ده يا چي

بص يا عزيزي الموضوع ده محتاج عرضهم علي دكاترة نفسيين
بس هو تفسيري الشخصي .. انه العنجهية والغطرسة منعاهم من الاعتراف بالهزيمة
عارف انت لما يبقا واقف شوية بلطجية علي قمة الشارع .. ويجي شاب عضلات يفك حزام البنطلون و بالتوكة فيهم كلهم
مسح بهيبتهم الارض
مش هيستسلموا بسهولة

وكيسنجر قالها امبارح

ان بوتين اصبح هو اللي بيستنزف الغرب وبيجرهم لخسائر مهولة

 

[Hunter]

وبمناسبة الهيبة الغربية
طبعا كتير شاف فيديو ماكرون و هو بيجري ورا المرحوم و بيقوله مستر بريذيدنت انا اتصلت بمحمد بن زايد عشان يزود انتاج البترول قالي لا مش هزود دي الطاقة القصوي
و قولتله طب اتصل علي بن سلمان
فقالي مش هيزود

بص يا عزيزي
الاخبار والميديا الفرنسية اللي فاشخة ماكرون
بتقول ان شطارة الكاميرات في الالتقاط للتسريب

لكن انا بقولك ان ماكرون هو اللي عامل الحركة دي
كاميرات ايه اللي لقطت

اقولك حاجة لطيفة
فرنسا .. ألمانيا رفضوا انهاردة في اجتماع الناتو تصنيف روسيا دولة عدوة
حنا السكران قالهم اومال هي ايه
رد اولاف شولتس قاله

مضايقنا شوية انما مش عدوة

وفي سياق اخر بشار الاسد اعترف رسميا بالدونباس جمهورية روسية
قام زينليسكي دخل علي مؤتمر الناتو
و اعلن قطع اوكرانيا العلاقات مع سوريا
و هدد سوريا بأنه هيشدد العقوبات عليهم

وماكرون و شولتس بيبصوا لبعض ولسان حالهم بيقول هو مين اللي عامل فيها جوز اختنا ده وبيفرض عقوبات

-----------------------------------------------------------

وطبعا مادام المرحوم خطي اوروبا
بكعبه المحني ده .. شرارة بيه
لازم تحل البركة علي البورصات
بورصة اوروبا مؤشر stoxx 600 حقق هبوط مقدارة 0.7%

قطاع السيارات انزلق في مرحلة الخساير 2.7%
و دي خساير لتالت مرة في اسبوع واحد
انهاردة الشاشات كانت حمرااااء
و انخفاض عوائد السندات

كان يوم اخبر انهاردة علينا في الشغل
وهنفتح علي خساير بردو
ومكملين ليوم السبت

-----------------------------------------------------------

فرهدت مني انت يا عزيزي مش كده

هقولك اخر معلومة بس و هقفل والله
البنك الدولي انهاردة طلع تقريره

الصين ازاحت امريكا من المركز الاول في النسبة من الناتج القومي العالمي
* الصين

18.8%
* امريكا

15.8%
* الاتحاد الاوروبي

14.8%
انا بس بدي فكرة لل ستاااااارز بتوع الاقتصاد اللي بيقولوا اقتصاد امريكا لا يمكن يتزعزع ابتاااااا ابتاااااااااااا

هذا واستغفر الله لي ولكم و لكل المصريين الجدعان اللي شاركوا في يوم العيد و لرجالتنا في الجيش المصري اللهم سدد رميهم وثبت اقدامهم واحملهم بقوتك يارب العالمين

 

[Hunter]

رقعة شطرنج 30 يونيو 2022 :
جيلان قاسم
والحقيقة بمنتهي الحزن
البلد دي حلوة اووووي ... بس اعلامها زبالة اووووي
فالقنوات مش قادرة تجيب شخص واحد فقط قادر علي نقل الصورة الاقتصادية بدون ما يصدر ذعر للناس
و يا ريته ذعر صحيح ... ده مفتعل

سيادة الخبير البورصجي اللي كل يوم يطلع علي الناس البورصة المصرية بتقع
السندات بتضيع
ماشي ...........
بص يا عزيزي
الاول انت لازم تعرف البورصة المصرية دي تكوينها ايه
يعني نسب التداول فيها ازاي

* مصريين 72%
* اجانب 19%
* عرب 9%
اللي حصل الاسبوع ده ان صافي التعاملات

10 مليار جنيه
منهم 487 مليون جنيه معاملات اجانب
اللي هما بيعملوا تخارج من السوق
بيبيعوا اسهمهم بأي سعر عشان يروح يشتري ورقة مالية اخري

هل انت السوق المالي الوحيد اللي فيه تخارج
لا كل بورصات العالم حاليا بيخرج منها الاجنبي وبيشيل المحلي او الصناديق السيادية الوطنية
صافي شراء العرب كان 1.8 مليار جنيه
يبقا الشرا > البيع
يبقا هنا البورصة خسرت تخارج متعاملين اجانب
و كسبت اخري

امتي اولول واقول البورصة بتخسر
لما يبقا كله بيبيع
زي بورصة وول ستريت كده
ف يا سيادة الخبير لما تطلع علي الناس تقول البورصة بتقع و الاجانب بيهربوا
ما يهربوا ... ما المستثمر اراك السعودي بالنسبة للبورصة الامريكية هو اجنبي
اما باع اسهمه في وول ستريت وخسرها 2 مليون دولار في ساعة زمن ده هدم البورصة
كمان يا عزيزي بالبلدي كده
البورصة دي لعبة الهوا
ورقة = 10 جنيه

دي اسمها قيمة فعلية
بعد ساعة تبقا ب 20 جنيه

دي اسمها قيمة سوقية
بعد ساعتين بقت ب 18 جنيه

هنا هي خسرت من قيمتها السوقية 2 جنيه ...... لكن هي مازالت كسبانة في قيمتها الفعلية 8 جنيه

امتي يا باشا واحدة زي تطلع تولول علي البورصة
لما القيمة السوقية للورقة تبقا ب 9 جنيه

طب لو القيمة السوقية = القيمة الفعلية
يبقا لسه البورصة كسبانة
مع ان المكسب صفر اهووو
بس السهم ماسك نفسه زي ما بنقول بلغة السوق

السندات يا چي

الخابور الاقتصادي بيقول السندات الدولارية المصرية بتموت ومش لاقيين لها اكسجين

الاول يا عزيزي نعرف يعني ايه سند سيادي
السند السيادي ده عبارة عن ورقة بتصدرها الحكومات
تبيعها لناس او شركات او حكومات اخري
بفايدة سنوية
ليه

عشان تلم الفلوس دي تصرفها في الانفاق الحكومي
بنية تحتية بقا .. مشروعات قومية ... whatever

ممكن تصدرها بالعملة المحلية او بالدولار
ايه اللي حصل في مصر
ولاااااا اي حاجة

السندات الدولارية المستحقة تراجعت قيمتها ب 1.3 سنت
و اللي منتهي اجلها سنة 2040 تراجعت 57.581 سنت
طب وانت طالع ترعب الناس علي سند هيحين اجله سنة 2040 لييييه .. ما يمكن ربنا ياخد امك قبلها
و لا الدولار يتم اغتياله بنجاح ونخلص من الهوسة دي

طب ليييه اصلا نزل السند
عشان الجنيه المصري فقد 16% من قيمته امام الدولار اللي مسجل 18.82 جنيه
و ده طبعا بعد محاولات الانقاذ اللي بيعملها الفيدرالي واللي زي ما احنا شايفين بترفع التضخم عالميا لما هتلبس اقتصاد العالم في خراسانة
وعشان اللي الدونية فشخاهم
الجنيه الاسترليني اللي هو قيمته اعلي من الدولار
فقد 15% من قيمته امام الدولار
ومصيبة بورصتهم اكبر لانها معتمدة علي 66% اجانب
فهمت يا عزيزي
متخليش حد يخوفك تاني و ميرضاش يفهمك
ويا ريت الخبرا الاقتصاديين لما اتمنشن عندهم ميعملوش بلوك
عشان بدل ما هقلعك ملط في الضيق كده علي اكونتك
هجيبك في الشطرنج و هتبقا فضيحتك عالمية
و ده اكونت عائلات ده

 

[Hunter]

---------------------------------------------------------------------

عايزة افكركم بحاجة كده
الله الوكيل ما حد اهتم منكم بيها اساسا
تفتكروا سنة 2018
كان في مصر معرض اسمه معرض ايديكس
معرض تسليح
اللي رجالتنا كانوا منورين فيه اسود قمر

المعرض ده كان عبارة اتفاقيات عسكرية
اسمع يا مولانا
* شراكة بين القوات البحرية المصرية و ناڤال جروب الفرنسية

دي بتصنع بوارج و فرقاطات وغواصات عادية و نووية كمان و زوراق دورية
وبتعمل خدمات الصيانة
* القوات الجوية و راڤال بتاعت الطيارات اللي لسه متزفرتش دي
* اتفاقية تسليح بين قوات الدفاع الجوي و ليونارد الايطالية

لتوريد رادارات متطورة
* اتفاقية بين القوات الجوية و كاتيك الصينية

لتوريد طائرات مسيرة
* اتفاقية شاملة بين وزارة الدفاع وشركة سلنجر الفرنسية للتصنيع المشترك ونقل التكنولوجيا وتسويق و بيع في الشرق الاوسط وافريقيا
ليه انا بقولك علي الاتفاقيات دي اللي لما كانت بتيجي في التليفزيون كنت بتجيب قناة فتافيت
عشان استعرض معاك المجهود اللي مبيروحش علي الارض

مندوب الاتحاد الافريقي انهاردة كان في سلنجر عشان محتاجين تطوير لبعض الدول قدمت طلبات مواصفات للشراء
بحكم اتفاقية الشراكة والتسويق
سلنجر هتدرس الطلبات
و لو هتورد .. يبقا التوريد عن طريق مصر

مصر هتستفاد ايه
*اولا استفادة استخباراتية

مين عنده ايه
*ثانيا عمولات مالية
يا عزيزي الجيوش لها اقتصاد برا اقتصاد الدولة
وبيزنس داير
مش عشان بيسرقك زي الصيع بتوع حكم العسكر ما بيقولوا
ده عندهم مؤسسة مالية .. مسئول عنها بشواااات في تدوير الفلوس
الجيش الامريكي نفسه كده

هيطلعلي صايع دلوقت يقولي والعمولة اللي داخلة للجيش دي انا ك صايع استفادت منها ايه

فالحقيقة مضطرة اقول معلومة ممكن تتأكدوا منها بنفسكم
كل سلاح من أسلحة الجيش اول كل شهر بيعمل ايداع بمبلغ متفق عليه في صندوق تحيا مصر
اللي بيطلع منه للبلد

-----------------------------------------------------------

نطير بقا علي اوروبا
ونشوف العبث و العبط اللي بيحصل هناك
اقسملك يا عزيزي ان احنا جينا في حقبة زمنية اغبياء العالم هما اللي ماسكين الدريكسيون

بوتين نفسه بيستهزأ بيهم
يعني ترودو بتاع كندا عايز يتصور راكب حصان و اقلع القميص زي بوتين
بوتين قال شكلهم سيكون مثير للاشمئزاز
بص يا عزيزي
هو الترجمة من الروسي اللي قاله مش كده حرفيا هو قال حاجة عيب ..... واحنا صايمين

حنا السكران قال لو كان بوتين واحدة ست مكنش شن الحرب الوحشية دي علي اوكرانيا
بوتين قاله انت بس اللي كنت بتجيب ملحق تاريخ .. تاتشر شنت حربين اكثر وحشية علي الارجنتين
*وفعلا تاتشر اتسببت في حربها عشان جزيرة اوكفلاند في موت 800 الف مواطن ودمرت الجيش الارجنتيني كله
الله الوكيل يا حنا انا گ واحدة ست لو مكان بوتين لأضربكم بالنووي

زمان عزيزي بيقول وانا مالي يا چي بهري مصطبة النسوان ده

ما هو ده ملخص اجتماع حلف الناتو يا عزيزي

ولا أي حاجة
الحلف اللي دمر دولنا العربية وخرب العالم
كانوا قاعدين يقيسوا مين فيهم السكس باكس بتاعه احلي من التاني
الله يعمر بيتك يا قيصر
خليت اجتماع مجلس الحرب قعدة في كوافير ام اماني

 

[Hunter]

لكن خلاصة الكلام طلع ماكرون قال البيان الختامي
* ان روسيا بتهددنا
* والصين بتتحدانا
ايوا وبعدين مسيو ماكغون

لا انا خلاص خلصت

لكن الناس اللي قاعدة عشان تفرض عقوبات علي الكوكب و تحط ده في النوتي كورنر .. و ده وشه في الحيط
واحد منهم اللي هو رئيس وزراء ايطاليا ماريو دراجي .. محضرش اخر جلسة لانه اضطر يرجع ايطاليا
بسبب مصيبة في الحكومة
الحكومة الايطالية معندهاش فلوس تدفع الانفاق الحكومي ولا تسدد فواتير الكهربا

والتاني اولاف شولتس تم ابلاغه بتقرير ايقاف اكبر مجمع كيماويات في العالم واللي بتملكه ألمانيا عشان مفيش غاز يشغله .... و المجمع ده فيه 200 مصنع بيشاركوا ب 12% من الدخل القومي الالماني
ميركل كشفت راسها و دعت عليكم بالالماني والروسي يا بعدا
انا لو حكيتلك علي المجمع ده .. انت نفسك هتزعل عليه يا عزيزي

لكن الناس اللي بلا محن
زي بوتين وتشي رئيس الصين
لهم ردود افعال تانية
الرد الصيني

الكتلة الغربية هي اساس خراب وتهديد العالم اصلا
واحنا مش بنهدد حد احنا لنا خطي هنمشي بيها .. ولن يبتزنا اسلوب تشويه السمعة

ده الرئيس الصيني نفسه
الرد الروسي

لو فنلندا والسويد دخلوا الناتو احنا هنرد عسكريا علي اي تهديد للأراضي الروسية
و ليتوانيا دي تلموها عشان مدخلش اخدها واسميها چيلانوڤ علي اسم واحدة كده اعرفها بحبها

ده سيد الكرملين القيصر بنفسه
في المنتدي الاقتصادي لدول بحر قزوين
و اللي بينقل وقائعه شبكة رويترز بنفس ذات نفسها
لدرجة ان صامويل ليونس الصحفي كتب مقالة طويلة عريضة بيهزأ فيها المرحوم
ان بوتين بيسافر اهوووو و رايح جي و بيتكلم بمنتهي الطمأنينة ولااااا كأنه بيحارب .. وصحته زي الفل مش زي ما ال CIA بتوهم العالم انه مريض
هو انت هتعمل مع المواطن الامريكي زي ما اوباما عمل معاه في حرب افغانستان .. وكينيدي في فيتنام

خد بالك يا عزيزي ان رويترز دي مش حيادية
دي ديموقراطية
فمعني ان يطلع منها اللي يقلب علي المرحوم
ده معناه ان الامريكان جابوا بعد اخرهم بشارع منه

وفي نفس الوقت
البيه المرحوم اللي ماشي يدعم اي 5 عايزين ينفصلوا ويعملوا دولة
ربنا ردها له في بناته

ولاية تكساس قررت الانفصال
و اعلنت انها في احتفالات الكريسماس لسنة 2023
هتجري استفتاء علي الانفصال واعلان جمهورية تكساس المستقلة
*هو اصلا ده مش حاجة جديدة
ولا هو شغل هرمونات
في سنة 2020 السيناتور تيد كروز .. و ده سيناتور جمهوري كان قاد حملة لانفصال تكساس
و رجعوا بقا حاليا ومعاهم حملة كبيرة
و مؤيدين من ولايات الجنوب كمان للانفصال
و تيد كروز قال انهم هياخدوا وكالة ناسا

اصلها جوا اراضيهم
حقها ولا مش حقها .... حقها يا ابو كمال

ولو انت متعرفش
ف تكساس دي هي اكبر ولاية امريكية بعد ألاسكا
هي اساسا كانت مستقلة وانضمت للولايات المتحدة سنة 1846
لو انفصلت ... ده يالهوي علي اللي هيحصل
* تكساس فيها 31% من احتياطي النفط الامريكي
خام غرب تكساس اللي له مؤشر لوحده
* 22% من المحاصيل الزراعية بتيجي من تكساس
* فيها 15 نهر بيوفر مياه الشرب ل 27 مليون امريكي
* فيها 50 مطاااار .. منهم 18 مطار تجاري
و 13 ميناء بحري
وطبعا وكالة ناسا اللي تيد كروز قال هناخدها .. بالجيش اللي فيها بالعتاد بتاعه

لكن تدري شنو السالفة يا عزيزي
ان الدستور الامريكي مفيهوش حاجة اسمها استفتاء علي انفصال
ده معناه حرب أهلية

يلاااا اللهم وفق اخواتنا التكساسيين و سدد رميهم
اهو يشوف مشهد حصري من الموصل وكربلاء

 

[Hunter]

-----------------------------------------------------------

تعبت يا عزيزي
ما انت اجازة بقا خليك شوية

بس لازم تعرف الدولة لما بيكون معاها رجال قوية
بيكون وضعها ايه

يعني انهاردة سيرچي لافروف وزير خارجية روسيا
بيسألوه
ايه رد فعل روسيا علي الستارة الحديدية التجارية اللي الغرب عايز يفرضها علي روسيا و دولها الصديقة
*قالهم عملها ونستون تشرشل سنة 1948
وبعد كده هما اللي شالوها و جم لحد عندنا
لاننا مش محتاجين اوروبا .. اوروبا اللي محتاجانا
الروس خلقوا للصعاب
و احنا عندنا اسواقنا الجديدة الاكثر استقرارا
ومش عارفة ليه دماغي مودياني ان جزيرة الثعبان اللي كل شوية شويجو يعمل فيها انسحابات و اعادة تمركز
هي عضمة بيرميها للاوكران يلهيهم و يروح هو يدك حتة تانية
* المرة اللي فاتت سحبهم هناك و جري راح خلص خريسون
* انهاردة سحبهم علي هناك وجري خلص ليسشانسك .. وبيدك في ميكولايف
شويجو الچوكر السوفيتي

--------------------------------------------------------------------

ولازم بقا نخصص ل تاجر النسوان براجراف لوحده

مش انا امبارح قولتلكم علي اذن هيئة الرقابة علي بدء المحطة النووية في الضبعة
تقولش عاملي فولو
انا حاسة من مدة ان الاكونت مش مظبوط

طلع انهاردة يزف خبر للشعب التركي
انه هيتواصل مع روسيا عشان يعمل محطة نووية في مرسين
و اسم المحطة " اق قويو " وانه من 2018 بيفكر فيها وحاطط حجر الاساس وبتاع
علي رأي اخونا كاظم ولصورم اردوغان فعل الخنجر المسموم

وتعالي بقا يا عزيزي
شوف كلام الليل المدهون بزبدة
معرفش ليه حاسة ان دول الغرب دي متحكم فيهم الهرمونات زيينا

* اردوغاز وافق ان السويد وفنلندا يدخلوا الناتو بشروطه
السويد قالتله عينيا ... وحياة قرونك دول ولا تعدمهم انت امضي الموافقة بس و احنا عينينا
* قالهم عايز 73 واحد بالاسم ارهابيين نوتي من عندكم
منهم عائلة فتح الله جولن و المقربين
* يتلفوا يا باشا لفة هدايا ويوصلوا قصر توبكابي
وافق اردوغاز و سلموا علي بعض وباسوا بعض
* طلع وزير العدل السويدي مورجن هانسون قالك كلام ماجدالينا اندرسون ده يمشي علي جوزها في البيت
انما ترحيل المذنبين او الحكم عليهم ك ارهابيين من عدمه ده اختصاص المحكمة العليا .. اللي هي تمشي كلمتها علي الحكومة نفسها
وال 73 دول مواطنين سويدين
* هدد بقا اردوغاز انه هيلغي موافقته و قعد يزعق بقا يا عيني

المرحوم حب يراضيه قاله يا عبييييط ده احنا هنزود اسطولك ب ال F16
والسيناتور الجمهوري ليندسي جراهام اللي كان رافض وافق
و سيليست والاندر مسئولة شئون الامن الخارجي في البنتاجون وافقت وايدت موقفك
بس بردو مقموص

قفوش اووي

لا بس بيعوضوه صحيح يعني
اخدوا كل انتاجه من البيرقدار دمروه في اوكرانيا
و هيدوله 14 طيارة F 16

ولو هتسألني يا عزيزي ليه السيناتور الجمهوري وافق دلوقت ما هو بقاله سنتين بيصوت بالرفض
هقولم عشان ليندسي جراهام هو صاحب مشروع تقسيم سوريا ل 3 دويلات
و هو عارف ان تاجر النسوان مقرر عملية عسكرية في شمال سوريا
ربنا يرد كيدهم في نحورهم و ينجي سوريا من مكرهم

-----------------------------------------------------------

يلااااا يا عزيزي افراااج خلصنا
بس قبل ما اشطب
كنت عايزة اجاوب علي سؤال
لما المواطن الامريكي نصيبه من الدين الخارجي 7 مليون و 800 الف دولار
اومال المواطن المصري الغلبان ده الاووووه حرام
نصيبه كام
ولاااادنا اللي بيكبروا دول
المواطن المصري نصيبه من الدين 1268.9 دولار

مفاجأة مش كده
روح اسأل برا و لو لقيت حد يكدبني متجيش تشتري من عندي تاني

و دي احصائية يوم 28 مايو 2022
هذا و استغفر الله لي و لكم و للبيبي المصري اللي متفرهد معايا

هو عشااااني .. ده عشان مصر

 

[Hunter]

رقعة شطرنج 1 يوليو 2022 :
جيلان قاسم

وهنبدأها من الضحك المجاني اللي كانت بتقدمه صفحة السفارة الامريكية في القاهرة انهاردة

السفارة الامريكية نزلت بوست ممول
كتبت فيه ان سيادة الرئيس بوتين مانع 500 سفينة محملة بالقمح من الابحار و العالم هيواجه جوع ومجاعة و الحقينا يا حكومة
و أريد حلااااا وواد من سبير ام حمادة راسملهم سفن حمراء اللون ..... وحاجات عجيبة كده

فلو تعليقات المصريين وصلت للمرحوم هينتحر بحباية غلة من دوكها اللي بتخلص في ساعتين دي

لكن تعالى احنا بقا نشوف الدنيا من منظور آخر

مبدئيا الخبر ده مش حقيقي
الحقيقة زي ما قولتلكم امبارح
الانسحاب من جزيرة الثعبان طلع كمين
بوتين سابلهم القمح في الصوامع

لسه متحملش علي سفن ولا اي حاجة
و عملهم ممر آمن ..... عداه العيب وقززززح اهوو
هما بقا خايفين يروحوا احسن يتلبوا

طلع برنس المتحدثين والله ديمتري بيسكوف قال احنا وصلنا القمح للصوامع
و اخلينا الطريق و سحبنا قوات من جزيرة الثعبان .... نعملهم ايه تاني يتفضلوا يبعتوا اسطولهم البحري
لكن الاتحاد الاوروبي عايز روسيا تنقل القمح بقاااا
وطبعا علي اساس ان ال JUR ده جهاز بيدور علي الحسنة بتاعت آمال ماهر مثلا

روسيا يا باشا مش هتطلع فلوووكة حتي
لان روسيا مدركة كويس ان السفن دي هتنضرب في عرض البحر بهدف احداث خسائر روسية .. و يغرق القمح .. ومش بعيد كمان يتهموا بوتين انه غرق اسطوله

طب هل السفارة الامريكية عملت البوست الممول ده علي صفحاتها في اي دولة عربية تانية

قعدت انا بقا أدور
ملقتش حاجة
هي صفحة القاهرة بس

تتحرك چي ذهابا وايابا في الغرفة .. وهي تفكر اشمعني مصر

والحقيقة ان دي حركة حلوة مخابراتية
* فاكر يا عزيزي من شهر كده او اقل في واحدة من رقعاتنا قولتلك ان حنا السكران بيقول انه هيستعين بالاسطول المصري مع الاسطول البريطاني لتحرير 20 مليون طن قمح
* والادارة المصرية ولا كأنها سمعت حاجة

* طب فاكر المقال بتاع بلومبيرج اللي الكاتب فيه قال ان المرحوم يقدر يرغم مصر علي ارسال اسطولها لتحرير القمح الاوكراني لانقاذ افريقيا من المجاعة
*طب فاكر لما قولتلك ان معهد كيل الاقتصادي الالماني قال ان حل القمح في يد حلفاء بوتين في افريقيا
اربط التفاصيل كده
هتلاقي ان البوست ده محاولة للعب علي عواطف مماحين الانسانية لكسب رأي عام من الممكن انه يضغط علي الادارة المصرية لانقاذ العالم وكدهوووون

بس المفاجأة بقا ان رد فعل المصريين كان عنيف انتوا ايه معندكوش اخوات بنات

ومتستغربش يا عزيزي
هو ده شغل المخابرات
جهاز المخابرات المهارة القتالية فيه مهارة عقلية و ذهنية
ازاي من خبر اصنع رأي عام
و من فكرة ابني خطوة
والفكرة في المخابرات مش وحدة واحدة
الفكرة بتاخد تقسيمة موجية .. يعني الهدف بيكون في المنتصف و حواليه موجات دائرية بعدد معين ... اما تيجي تخلص في الفكرة دي ... بتبدأ تحرك ابعد موجة دائرية اثار حركتها تحدث اهتزازات جوا قطر الدايرة وخارجها
وهكذا بشكل متوالي للوصول لنقطة الارتكاز اللي هي الفكرة نفسها

عايزاكم بقا تتابعوا كده اخبار الصفحة دي
و تشوفوا الخطوات الجاية ..... وهتلاقوا شغل الاستعطاف والتسول الكلامي زاد
ولو ملقتوش كلامي صح
هبعت جواب استقالتي للبيبي المصري واقعدله اربي العيال بقا وخلاص

 

[Hunter]

----------------------------------------------------------

السؤال الحلو
مين يا چي اللي بيمول الدول الكبري بالمبالغ دي كلها ... هو اصلا ايه المؤسسة المالية اللي تقدر علي التريليونات دي كلها

.. و ازاي اقتصاد الدول العظمي بيتهزق كده

طيب ..... ربنا يبعد عننا مارك ابن المنكوبة ونفتح ملف قذر سيكا
بص يا عزيزي لو انت مفكر ان العالم قايم علي اقتصاد البيع والشرا المعلن ... تبقا غلطان وغلبان
العالم قايم علي

Black Organizations for Dirty Operations
* اكبر تجارة في العالم هي تجارة السلاح .. مش الاكل والشرب
* اكبر ميزان تجاري في العالم هو ميزان تجارة المخدرات
وفي مؤسسات حكومية قايمة علي تجارة المخدرات
* اكبر شبكة تداول في العالم هي شبكة تجارة النسوان
انما بقا الحاجات اللي احنا نعرفها ده اقتصاد رسمي
و له اقتصاد موازي

الفلوس اللي بتيجي من الاقتصاد القذر ..... مش هتعيش شايلة العار كده طول عمرها لازم تدخل في المؤسسات الرسمية الشيك اللي ريحتها برفان ولابسة تيد لوموند
وتعيش بقا

ازاي ده بيحصل عن طريق العائلات المالية اللي بنسميهم في السوق

money masters - money Gods
اللي زي مييييين يا چي
چورچ سورس .. فوكهلر ... ماير روتشيلد

العائلات دي بتدخل الفلوس في اقتصاد العالم ازاي

عن طريق مؤسسات متحكمة في اقتصاد الدول
زي اييييييه

* البنك الدولي اللي بتملكه عائلة روتشيلد
* صندوق النقد الدولي
وللي ميعرفش الفرق بين الاتنين
صندوق النقد الدولي

مؤسسة مالية مهمتها ضمان الاستقرار المالي للدول وتسهيل حركة التجارة الدولية والتحكم في اسعار صرف العملات
يعني مهمتها انها تشيل الدول اللي هتقع .. تشتغل علي التوافق بين العرض والطلب بين الدول
البنك الدولي بقا ده عبارة عن 5 مؤسسات مالية
بتشتغل في 3 محاور
اقراض .... استثمار ..... تسوية منازعات مالية بين الدول
وده يا باشا كسبان كسبان

* هديلك قرض

هاخد فوايد
* هستثمر معاك

هاخد عوائد استثمار
* هخلصلك منازعة مالية مع دولة تانية

هاخد عمولتي منك
بيقولك ايه بقا يا عزيزي لما كانوا بيشرحولنا اقتصاد دولي في الجامعة
ان وقت الحرب العالمية العالم حصل فيه صدمات اقتصادية
فأصبحت الحاجة لانشاء مؤسسة مالية تمتص تلك الصدمات عن الدول أمر باااالغ الاهمية .. ف العالم قرر سنة 1945 انه ينشئ البنك الدولي
وانتوا طبعا عارفين ان دمعتي قريبة
لا و باكل من الكلام الحلو

هو يا عزيزي البنك الدولي لبس الاسموكين السودا وحط البرفان الجامد سنة 1945
لكن هو اساسا اتعمل امتي

سنة 1821 علي يد ماير امشيل روتشيلد اليهودي الالماني اللي قرر انه يعمل نظام مصرفي عالمي يقوم علي فكرة المراباة " الربا يعني "
وكان عنده 5 اولاد بعت كل واحد دولة لانشاء مؤسسة مالية تستحوذ علي اقتصاد الدولة دي
انجلترا - فرنسا - ايطاليا - ألمانيا - النمسا
وبدأت رحلة الروتشيلدز للاستيلاء علي العالم ماليا
ف كل الدول الكبري دي عايشة علي اقتصاد الفايدة والمضاربة

اومال الثورة الصناعية والتكنولوجي ده
ايه ده العمارة اللي بتقع دلوقت اهوووو بسبب انهم دول بلا موارد
وهما عليهم فلوس ... لازم حركة الانتاج تدور عشان يسددوا
والا البنك الدولي هيستحوذ علي الاصول
انا مش هحبك علي طول
طول ما انت بتدفع انت حبيبي .. هتقع .. معرفكش

 

[Hunter]

ولأن روتشيلد مش Money masters بس دول كمان illuminati leaders
في سنة 2019 قرروا مشروع متوازي مع اجندة الديانة الابراهيمية الموحدة
وهي العملة العالمية الموحدة
و دي حاجة كده كانت هتخفي دول من علي خريطة الكوكب ... لانها كانت مقرر لها قيمة سوقية عالية جداا .. عشان الدول المتوسطة والفقيرة تتداول بيها فكانت هتبيع ما تملك

و ده بقا اللي قاهر الروتشيلدز من بوتين
انه جاب مشروع العملة الموحدة ده و حط عليه قليل من البابريكا والتوم البودر ودخله الفرن
و سابه يتحرق حتي

وكنت بشوف عند اخواتنا التقدميين بتوع الكتلة الغربية
ان بوتين والصين طردوا عائلة روتشيلد ..
و نكران الجميل والجحود
جحود ايه ياض ياااااا ..... ولا بلاش
اللي حصل
ان الروتشيلدز حبوا يضغطوا علي بوتين
و يوقعوا بورصة موسكو

راح الراجل الطاهر مأمم بنوكهم اللي عنده و شركتين تداول اوراق مالية والكلام ده كان في 28 ابريل 2022

الصين حست باللعبة الوسسخة دي عندها .. قامت في 16 مايو 2022 مجمدة كل انشطة روتشيلد عندها

طب هي روتشيلد لها حاجة غير البنك الدولي يا چي

احييييه يا عزيزي علي اللي لها
محطة CNN الاخبارية بتاعتهم .. فكل الاخبار اللي بتجيلك منها بتعدي علي مكتب الروتشيلدز الاول

تاني اكبر بنك في امريكا
بنك اوف امريكا بتاعهم

نسبة 57% من بنك ويلز فارجو الامريكي

اكبر بنك خاص في فرنسا companie franci- Edmond
و ده بنك و شركة اموال و شركة مضاربات

بنك Edmond de Rothschild السويسري بتاع غسيل الاموال وفلوس منظمات الارهاب و الروؤساء الحرامية

ماكدونالدز .. ستاربكس .. كوكاكولا .. 66% من نستله .. 38% من يونيليفر
و بلاااااوي كتير بقا

ف اللي شايل الدول دي لأنها جزء من مخططات اخويته هما الروتشيلدز
و نسأل الله النصر والثبات لسيد الكرملين والذين معه
عشان ننجو بمستقبل أولادنا

مالك انت يا عزيزي بالهم ده
انا مني لله .. بهدد السلام النفسي ل عزيزي

 

[Hunter]

-----------------------------------------------------------

ريلاكس كده بقا
و تعالي نشوف حوار كيسنجر مع موقع Spectator الانجليزي :
الراجل قال اللي يقولك ان روسيا مهزومة او هتتهزم يبقا ساذج
روسيا منتصرة و هتنتصر و الغرب هيعرض نفسه لمهازل
* الناتو لو عايز يورط نفسه في حرب هو حر
لكن مش هيحارب روسيا بس
الناتو هينضرب من حلفاء بوتين في الشرق الاوسط اللي هما كارهين الغرب و دول شعوب كتير ... حاسس بينا يا غالي روح يا شيخ ربنا يجعل اللي بكنه لك من نصيبك

و ل بوتين حلفاء في الشرق الاقصي
والصين لن تعود للمربع صفر ابداااا
* الواقع علي الارض بيقول ان القرم و الدونباس و خريسون والسواحل الاوكرانية بتوع بوتين خلاص
احنا نشوف طلباته ايه .. والجزء المتبقي من اوكرانيا نجيب عليه رئيس محايد ونعملها منطقة منزوعة السلاح وخلاص
لأننا لو تركنا الامور هكذا
الشعوب الغربية هتجوع
و ده هيمنع الحكومات من الاستمرار في الحرب
وهتبقا هزيمة محققة ومش هنعرف نخلص دول اخري من بين انياب بوتين
والله الراجل بيقول كلام زي الفل

يا اخي كلمتين كيسنجر دول خلوني صقفت لنفسي
لأن ده اللي بقول فيه بقالي 4 شهور

كيسنجر قال كل من يظن ان هناك عودة لما قبل 24 فبراير 2024 ده راجل اهبل

زيلينسكي يسكت بقا ابدااااا
لا عنيف اوي يا عزيزي
طلع لايف وقالك

علي اوروبا منع استيراد الغاز والنفط الروسي فورا في هذه الساعة .. وقام رازعلهم علي المكتب كدهووو .. فخافوا هما
لما لقاهم خافوا قلبه رق .. قال تصريح عالمي
ان اوكرانيا هتبدأ تورد كهربا ل اوروبا من بكرة

ماكرون ريأكتد : مش لما تنور اوكرانيا كلها يا موكوووووس

وطلع ميخائيلو ڤيدروڤ وزير التحول الرقمي الاوكراني ومعرفش ده ايه علاقته بالقوات المسلحة
بس هو جاب دلوه و جه يدلو بيه
قالك احنا استخرنا الله وقررنا انشاء وتأسيس اول جيش طائرات مسيرة " درون " و هنبدأ ب 200 طيارة
طبعا احنا كلنا ثقة فيكم
بأمارة ال 130 بيرقدار التركي اللي بوتين خلاهم فتافيت بقسماط
علي رأي سعيد صالح
ادوله تاني .. ادوله عشان يعوض ده حظه ماشي

حرب الألش والافيهات

طب ما تيجي نشوف كده كلام الجد كيسنجر موقفه ايه في ارض الواقع
و هي الناس دي فعلا هتتلب ولا ايه
ف هنلاقي كده ان فورين بوليسي مسكت الادارة الامريكية ردحت لهم
لييييه بقا يا عزيزي
و شوف اللعب

انهاردة تم تفريغ حمولة ناقلة نفط روسية في ميناء ولاية لويزيانا الامريكية
ناقلة النفط تابعة ل شركة فيتول الروسية
و اسمها دانيتونا .. اللي بتوصل لولايتين كمان من قبل الحرب
الصحفي قال انتوا مش قادرين علي بوتين عشان ذاللكم و انتوا المتحكم فيكم بوتين والعقوبات دي اكذوبة بتضحكوا بيها المجتمع الدولي .. وانا مصدوم فيكم

* طلع رد من البيت الابيض قالك اصل فيتول دي مفيش عليها عقوبات
لم تدرج بعد في العقوبات .. و دي شركة خاصة مش حكومية.. ومش صحاب بوتين ده صاحبها بيصلي الجمعة مرتين في الاسبوع
وعموما يا عزيزي
فيتول صاحبها واحد من الاوليغارش اللي شايلين بوتين صح .. و زود السعر علي الامريكان و بيدفعوا

ضحك مجاني والله بيتقدم لنا

طب طمنا علي ألمانيا يا حج

قولتلك امبارح ان اكبر مجمع كيماويات الماني مهدد بالغلق
* المجمع ده اسمه باسف موجود في مدينة لودفيجشافن
ده بيضم 200 مصنع .. بيساهم في 12.7% في الناتج القومي
بيصنع كل حاجة
من اول الكيماويات لحد الزجاج والسيراميك

كبير اقتصاديين الكيان ده اسمه بيتر ويسترهايد
طلع في بيان حزين حقيقي امبارح قال
روسيا هتقطع الغاز بداية من 11 في الشهر الجاري .. و ده بيهددنا بالاغلاق
تسريح عشرات الالاف من العمال والموظفين
تدمير صناعات كبري
وقف استيراد كبير
ان تخيل الامر فقط هو كارثة لا يستطيع العقل استيعابها

 

[Hunter]

مأساة فعلاااا يا عزيزي
لا حول ولا قوة الا بالله

طب ما تخليهم يا بيتر يطلعوا يدوك من دهب العراق .. اللي كان بيتحمل في الصناديق الخضرا الكبيرة اللي عليها علم ألمانيا .....
ولا دي اتسرقت جواني

معلش الحرام مبيدومش
ده غير ان الحكومة الالمانية قررت فرض ضرائب علي الغاز ... عشان يقدروا يدفعوا تكلفته
وجدير بالذكر ان وزير الاقتصاد طلع يبلغ الشعب خبر معرفش ايه البومة ده
ان الاقتصاد الالماني خسر في ال 6 شهور اللي فاتوا 193 مليار يورو .. حوالي 205 مليار دولار

فرنسا بقا ما بين قطع كهربا في الشمال
لاضرابات متتالية
لدرجة ان مطار اورلي و رواسي وقفوا تماما
ومسيو ماكرون مش طايق حياته

و لان الناتو شايف ان كيسنجر عنده حق
وبلاش يستفزوا بوتين اكتر
مجلس الامن رفع العقوبات عن كالينجراد انهاردة

وشوف الندالة
قالك احنا رفعنا العقوبات
لو ليتوانيا بقا عايزة تستمر في الحصار .. دي مشكلتها الداخلية وتخلص مع روسيا بقاااا

هتبقا چيلانوف قريب

ليتوانيا دي بتفكرني بنكتة الفار اللي بيدخل البار يسكر و يبص للاسد ويقول في واحد هيطلع ميتين امه

ده اليابااااان
اللي هي كوكب اليابان الشقيق
امريكا مبلطجة عليها في تريليون دولار مش عايزة تسدد منهم حاجة
والقيصر انهاردة طردهم من حقول سخالان اوبلست بتاعت الغاز في بحر الشمال
و راح مأمم حصة شل اللي هي 27%
ومجمد اصول ميتسوي و ميتسوبيشي
و قالهم من انهاردة مفيش حكومة انا الحكومة
و بتلطم اليابان من ساعتها
ومحدش عارف يتصرف
يا باشا هو انت مش سخنت اوي وقت بداية الحرب
ونزلت قائمة ممنوعين من الدخول لليابان روسيين
وجمدت رصيد رئيس بيلاروسيا .. صحيح هو 6700 دولار بس جايز كان محتاجهم في مصاريف مدرسة الاولاد

زعلان ليه
هو انتوا عايزين تفرضوا عليه عقوبات وهو يطبطب
انتوا بتفرضوا
هو بياخدكم علي دراعه .. و يتكا

كل الدعم لدراع القيصر

شل دي عملت حركة من شهرين
قالتلك احنا مش هنقعد في روسيا تاني
انا رايحة بيت ابويا و عايزين فلوسنا
الحقيقة ان بوتين كان حنين معاهم دخل شركة لوك اويل الروسية اشترت ال 411 محطة بنزين بتوع شل
بالسعر اللي يناسب لوك اويل .. و تنازلات رسمية عن الاصول
علي طريقة احنا منقلبش الحرام

-----------------------------------------------------------

خبر كده قبل الفينيش
مش انا اول امبارح يا عزيزي قولتلك علي حوار بحر ايجة و العوق بتاع تركيا و اليونان

اليونان اشترت 24 طيارة رافال
و قدمت طلب شرا لل F 35 الامريكية عايزة 30 واحدة
انا بقول نعمل log out من الكوكب بقا وكفاية كده

هذا و استغفر الله لي و لكم وللعسل البيبي المصري

.. والروسي عشان محتاجينه بردو في ايامنا دي

 

[s e t]

Hunter​

بصراحه تحيه كبيره ليك على ذالك الجهد ...هو تحليلها رائع لكن فى بعض الاحيان بتفلت منها

 

[Hunter]

رقعة شطرنج 3 يوليو 2022 :

جيلان قاسم
مبدئيا كده
فكرة ان واحدة ست تظهر بلا مقدمات ..
و لا هي بتطلع في فضائيات .. و لا بتاخد فلوس من سبونسرز .. و لا عندها قناة يوتيوب ولا عايزة تعمل اساسا
و عايشة برا البلد كلها يعني مش مستفيدة حاجة من اي حاجة من اللي بيحصل فيها
و تزاحم السادة الخبراء الرجال
طبعا فكرة مؤلمة نفسيا لهم ...... خصوصا قطاع السبوبجية

انا اساسا من وقت منعي من تويتر
وانا انقطعت عن السياسة والاقتصاد في الميديا .. مجرد تعليق علي حدث وخلاص
لما قامت الحرب الروسية
ولقيت الناس بتتخطف في اتجاهات غريبة .. بدأت اكتب الشطرنج
بعرف اكتب كلام مجعلص ومصطلحات صعبة الفهم علي الخبرا بتوع الفضائيات نفسهم .. وبتكلم 6 لغات غير العبري والعربي ...... بس
انا مش في سكشن جامعي
انا بقصد اوصل المعلومة للشخص البسيط اللي مش عايز حد يسيطر علي عقله بالباطل تاني في اطار لايت .. عشان الاقتصاد و السياسة علم سخيف و تقيل ومش محبب للناس
لا باخد جنيه من البلد و لا انا عايزة منصب
و لا حد هيشوفني اصلا .... ومنصبي هنا زي الفل وساترني ومكفيني و مخليني شبعانة ..... مطلعش اقول حق يراد بيه باطل
عشان طارق عامر شاطني بالشلوت من منصب مستشار مالي .. و لا محمد فريد طردني برا المقصورة

و يشهد الله اني لا أريد الا وجه الله ثم البلد اللي ملناش غيرها .. ومتصدقة عن نفسي وعن بناتي بكل كلمة بيخاض بيها في عرضي .... من مجاذيب الخبرا و دلاديلهم
ف ياريت تخلوا مهازلكم علي الضيق
عشان لو انا قلبت علي الوش التاني .. اللي انتوا مفكرين انهم بيحموكم اول ناس هيسلموكم عشاني ... وافهموها زي ما تفهموها يا مش عزيزي

-----------------------------------------------------------
طولت عليكم بس معلش بمر بحالة قرف واشمئزاز

من يوم مشروع مستقبل مصر الزراعي ..
و حصاد القمح .. و بعدها شراكة الغاز بتاعت الاتحاد الاوروبي
و في هجمة منظمة علي البلد حرفيا

المطلوب ان البلد تقع
لكن موقعتش ... ومش هتقع بأمر الله
من 9 سنين و احنا كل يوم بنصحي علي اخبار ان مصر بتنهار .. لكن مش بتنهار

 

[Hunter]

طب ايه الحكاية .... ولا بلاش كلمة
" الحكاية " دي عشان مشبوهة هي و كل اللي فيها

بيقولك يا عزيزي ان مصر لازم تقع
عشان احنا بنمول المشروعات بديون قصيرة الاجل
والمفروض انها تتمول بقروض طويلة الاجل
* بناءا عليه يبقا القروض طويلة.الاجل في مصر اعلي من القصيرة الاجل
حلو الكلام .... حلووو
لا مش حلو
ليييه

عشان البنك المركزي المصري طلع بيان اتنشر في الجريدة الرسمية الساعة 12 الضهر وفي جريدة المال حوالي الساعة 3 عن القروض
قال
القروض طويلة الاجل

تمثل نسبة 91.2% من حجم الدين الخارجي
القروض قصيرة الاجل

8.8% ... اللي هي النسبة المتبقية يعني ... وقال انها مستحقة السداد بنهاية ديسمبر 2022

هو اساسا يعني ايه قرض طويل الاجل يا چي

اللي هو مدته فوق السنة
يعني اي دين فوق 12 شهر هو قرض طويل الاجل
* سواء سندات .. اذون خزانة .. حتي قروض البنك والصندوق الدوليين
يعني السندات اللي هي صدرت في 2021 مستحقة سنة 2061 دي طويلة الاجل
ايوا مدة 40 سنة هو سند طويل الاجل اصدرته الحكومة

طب ده المشترين بيبعوه

اه بيبيعوا حاليا بسبب التخوف من حالة الركود الاقتصادي العالمية .
لو انا انسانة عديمة الضمير هوقف معاك المعلومة علي كده
بس عشان الضمير فلازم مسيبكش مصدوم وتايه
* واقولك ان بنك اوف امريكا اعلن امبارح
2 يوليو 2022 دخول الاقتصاد الامريكي في حالة الركود
و لأن انت وغيرك من اقتصادات العالم رابطين نفسكم بالدولار ... ف لازم هتتلطش
" فاكرين الرقعة اللي شرحنا فيها يعني ايه تضخم و يعني ايه ركود ... و قولتلكم ان بعد التضخم هندخل في ركود .. ومش هنوصل للكساد

"
*هل في تخارج للاموال الساخنة من البلد
والله العالم كله فيه تخارج
بس انت في مصر بقا
اقتصاد ريعي و لا انمائي
انت اقتصاد انمائي ... بالتالي المواطن العادي محسش باللي خرج واللي دخل

طيب هي لما البورصات بتقع ده بيوقع الاقتصاد يا چي

شوف يا عزيزي
البورصة بتأثر في الاقتصاد علي حسب مشاركتها في السوق

عدد الشركات المصرية 157874 شركة
عدد الشركات المقيدة في البورصة المصرية 240 شركة

منهم 22 شركة موقع عليهم غرامات بسبب مخالفات في القيد

المؤشرات في البورصة المصرية 3

* مؤشر EGX 30

بيمثل اعلي 30 شركة متداول عليها من حيث السيولة والنشاط
* مؤشر EGX 70

و ده اعلي 70 شركة من ال 210 الباقيين
* مؤشر EGX 100

معامل ال 100 شركة بعد ال 30 & 70

 

[Hunter]

امتي اقول البورصة وقعت
لما ال 3 موشرات ينهاروا يبقا القيم الدفترية
" الفعلية " للاسهم اكتر من قيمته السوقية
و لما 80% من تصحيحات السوق تفشل في فترة عام
زي ايييييه

زي مؤشر ستاندرد اند بورز 600 الامريكي
حاولوا يعملوا له تصحيح 38 مرة و فشلوا
ف كده خلاص
الشركات اللي بيتعامل عليها اسهمها وقعت

ايه اللي بيحصل في البورصة المصرية بيخليها تقفل علي تراجعات

هو هو اللي بيحصل في وول ستريت .. لندن .. هونج كونج .. يورو نكست .. بكين ... باريس
المجازفة بالمخاطر رغبة في تخفيض الخسائر
المفروض انا ك سمسار بورصة لما ألاقي السهم بيخسر قدامي اعمل حاجة اسمها margin call
عملية نداء الهامش

اللي هي اغلاق الصفقة اجباري
لكن الركود مخلي الديلرز يأجلوا ال margin call لحد ما يوصل لان الخسائر = الرصيد الموجود في محفظة المستثمر

بالبلدي هي قمار .. روليت
طول ما انت معاك فلوس تروحك البيت .. بتفضل ترمي الزهر
هل ده صح او غلط

fifty fifty percent
يعني مرة هتصيب ومرة هتخيب و القمار هيستمر
اما نقط ارتفاع او تراجعات

البورصة مأثرة في ايه في حياتك كمواطن مصري اقتصادك انمائي مش ريعي
اسأل نفسك هل بتضارب في البورصة
لو بتضارب فانت هتخسر لحد ما الحال يتعدل
لو ملكش علاقة بالبورصة فأنت مالك بقا

يعني مثلا حصلت فرة في طيور الكناري النيوزيلندية المنقطة
اللي هيتأثر هو اللي بيربيها وبيبيعها
انا گ شخص معرفش عنها حاجة هتفرق معايا في ايه او هتأثر علي حياتي في ايه

اومال امتي الدنيا تبوظ بسبب البورصة

لما يبقا عندي السوق فيه 10 شركات
منهم 8 مقيدين

بس احنا هنفلس ... اااه البلد هتقع ... ده الديون مش عارف ايه
و يظهرلي واحد حمار في كومنتات يقولي انتي ازاااي تهاجمي قامة .. انتي قارنتي حجم دين المواطن المصري بالامريكي ده جهل منك
طبعا هو انا استفاضت وعملت معادلات علي رقعتين
بس تدرون شنو السالفة
ان ده يغذي النرجسية
ان حمار معرفش بوجوده علي كوكب الارض بيسعي ورايا وما صدق لمحني في منشن عشان يقل ادبه عليا ... بعد ما بيقرا كل كلمة .......... اعيش و ادوس عليكم

انا مبحبش الا الارقام .. دي روحي روحي روووحي

و بردو لازم اعتمد بيانات اكبر مؤسسات مالية في العالم
و لا اروح أحكي فب اي حكاية