مرحبا بك في منتدى الشرق الأوسط للعلوم العسكرية

انضم إلينا الآن للوصول إلى جميع ميزاتنا. بمجرد التسجيل وتسجيل الدخول ، ستتمكن من إنشاء مواضيع ونشر الردود على المواضيع الحالية وإعطاء سمعة لزملائك الأعضاء والحصول على برنامج المراسلة الخاص بك وغير ذلك الكثير. إنها أيضًا سريعة ومجانية تمامًا ، فماذا تنتظر؟
  • يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......

دعوة للنقاش جيلان قاسم ورقعة الشطرنج ...... و تكون اقطاب عالمية جديدة

دعوة للنقاش

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
فى الموضوع دة هنقل لكم مقالات للدكتورة جيلان قاسم التى تنشر على احد صفحات الفيس بوك
وهى خبيرة فى المجال الاقتصادى والسياسى ولها رؤية تمكنها من تحليل المعطيات الحالية للوصول الى احداث مستقبلية
وفى الحقيقة عجبنى تحليلاتها ورؤيتها وتوقعاتها التى معظها يصيب عشان كدة قولت انقل لكم المقالات هنا لمناقشتها
وهبدأ معكم من رقعة 19 / 6 / 2022 على الرغم من انة هناك مقالات كتيرة قبل كدة بدأت منذ الحرب الروسية الاوكرانية

وهستمر مع كل مقال جديد ينزل هنزلو هنا
 
التعديل الأخير:

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 19 يونيو 2022 :
جيلان قاسم
اولااااااااا : و دي حاجة مفرحاني
الشباب الصغير اللي بيتابعوا رقعة الشطرنج وبيدوروا عليها في الجروبات
انا اللي بشكركم وممتنة لكم جدااااحقيقي انتوا مهمين اووي عندي
مش عايزة حد يضحك عليكم تاني .. ومش عايزاكم تسمعوا لحد دوني ابدااا
ثانيا : نشوف بعض الاسئلة
د. مصطفي حجازي بيسأل بما ان فرصة الغاز جت لحد عندنا .. ليييه منتوسعش في اكتشافات الغاز
* بالفعل يا دكتور مصر شغالة من 2018 علي حقل نور في البحر المتوسط
و ده الاحتياطي بتاعه مهول ويكفي لسنة 2045 واللي شغال فيه شركة ايني
* و وزارة البترول بتبحث عن شركات اخري بنفس مواصفات ايني لانها تناسب مصر لعمليات الحفر والتنقيب طب ليه متكملش مع ايني
👈🏻

لا تضع كل بيضك في سلة واحدة
🤷🏻‍♀️

كليوباترا هو كده حجم الغاز اللي هتاخده اوروبا مش هيأثر علي الاستخدام المحلي .. ومش هياثر علي الاحتياطي
* طبعا انتي تقصدي ان اوروبا تحلبنا يعني
لا ده مش هيحصل لان العقود بالكميات اللي هيتم ضخها وجداولها .. هما لو هيحلبوا فهتكون اسرائيل وبمزاجها
* ايطاليا هتاخد 2.900 مليار متر مكعب و هتدفع كاش يعني ملوش علاقة بشغلها معانا
* موضوع تصريح اورسولا ده مجرد كيد نسا في بوتين .. والسيسي ردها لها في كلمته في المنتدي الاقتصادي
امبارح بقا انا نزلت بوست عن جفاف اثيوبيا ووهم النهضة و فوجئت ان كتير جداااا معلوماتهم عن النيل
و المنابع واثيوبيا بسيطة جدا ... و ده ملف الاعلام أخفق فيه لدرجة انه جعل من اثيوبيا فزاعة لنا
ما تيجي بقا يا عزيزي
نفهم موضوع اثيوبيا والنيل ده عشان محدش يخوفك تاني
من الاكاذيب اللي اتعلمناها هو ان نهر النيل من اكبر انهار العالم وبتاع
* نهر النيل اطول انهار العالم
و يقال ان لو اضافنا الروافد علي نهر الامازون هيحتل المركز الاول
* عرض نهر النيل اللي متوسط اتساعه 7.5 كم
الامازون 40 كم
فهو نهر صغير مش زي ما احنا متخيلين
الخناقة كلها فين يا عزيزي
الخناقة في نسبة ال 68% اللي بينزلوا من بحيرة تانا في اثيوبيا للنيل
* ما هو نهر النيل له منبعين
🔸
منبع النيل الابيض و ده من بحيرة فيكتوريا اللي متحكم فيها تنزانيا و اوغندا وكينيا
ومصر دولة صديقة للدول دي وعندنا فيها استثمارات تقدر ب 5.4 مليار دولار غير التعاون الطبي
🔸
منبع النيل الازرق من بحيرة تانا في اثيوبيا و ده بيضخ حوالي 68% من مياه النيل
اثيوبيا بقا عايزة تستحوذ علي 60% من نسبة ال 68%
اللي هي هتعادل 40.8% من مياه النيل اساسا وتسيب لباقي الدول 59.2% من إجمالى نهر النيل
المنبعين دول بيلتقوا في مدينة الخرطوم في السودان يعني السودان هتتكدر معانا
🤷🏻‍♀️

بس زي ما انت شايف كده يا عزيزي .. عاملة من سلطنة عمان و متخاذلة كالعادة
😏

🔷
قولتلك امبارح ان اثيوبيا فيها جفاف شديد جدا حول القرود لقردة متوحشة بتهاجم الاطفال و نفوق الكتير من الماشية ... غير ان 77% من الشعب بيعاني من سوء وفقر تغذية
والناس استغربت
ازااااااي ده عندهم منبع النيل و في جفاف
لا هما عندهم منبع النيل الازرق و ده له دورة حياة 20 سنة
7 سنين فيض فيضان عالي و وفرة مائية
7 سنين جمر شح مائي رهيب وانخفاض في المنسوب و الاعتماد كليا لباقي الدول علي ان المجري يمتلئ بالامطار
6 سنين هدنة اللي هو وضع استقرار نسبي
وبالمناسبة اثيوبيا بقالها 18 شهر مفيش سحابة بلت غسيل فراو ام احمد في البلكونة
🙄

الجفاف العنيف ده حصل سنة 1955 واستمر ل 1959
و اتكرر سنة 1972 ل 1976
و اتكرر سنة 1984 ل 1991 و دي كانت الموجة الاعنف
📌
اثيوبيا لا تملك آليات توزيع المياه
الجغرافيا بتاعتها صحاري ومرتفعات و نسبة السهول 27% فقط
" و لو انت مفكر ان مصر دولة زراعية تبقا غلطان مصر صحراوية طبعاااا
احنا 93% من مساحة مصر صحرا واحنا متمركزين في وادي النيل و ساحل البحر المتوسط
😏
"
📌
طيب نشوف بقا ده هيأثر علي سد النهضة ازاي
🔹
اول نقطة اثيوبيا بتعمل ماركتنج للسد بأنها تملك مساحة من 5 ل 10 مليون هكتار صالحين للزراعة
و عايزة تزرعهم للغير تجيب دول تستثمر عندها زراعيا يعني
دول بالمتوسط 16 مليون فدان كده
منظمة الفاو اعلنت ان في 7 مليون هكتار تصحروا بالكامل
🤷🏻‍♀️

🔹
اثيوبيا بتتاجر بالكهربا اللي هتولدها من السد
لحد انهاردة مش عارفين يركبوا الا توربين واااحد في الضفة الشرقية و مطلعش كهربا
ولا قماش حتي بسبب مشاكل جسم السد و رفع المياه
🔹
اللي اعلامنا مش شغال عليه
هو تصريح الاتحاد الافريقي في 28 نوفمبر 2021
بإن اثيوبيا سيتم تفكيكها سياسيا بسبب الحرب الاهلية
الجيش الاثيوبي بتاعهم ده بيحارب في جبهة تحرير شعب اورومو من ناحية
بيحارب جبهة تحرير التيجراي من ناحية تانية
والجبهتين متقدمين بطلب للاتحاد الافريقي بالانفصال زي السودان و الصومال و وقف الحرب و نزع السلاح
هاتلي دولة ممكن تمول اجزاء دول
📌
ما هو بالمنطق كل نانو دولة بعد كده هتقولك انا عايزة نصيبة من فلوس السد
و كهربته وميته .. ولا اييييه
😉

كماااان و ده المهم حاليا
اسرائيل هتعمل hold لموضوع السد ده حاليا عشان بلعومها بقا في ايديك
نهر اليورو المتدفق لها من الغاز محبسه معاك انت
حلو الكلام .. حلوووووو
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
🔷
ندخل بقا علي اجابة سؤال
ليه مصر متدخلش شريك في السد النهضة و تبقا هي المتحكمة فيه
🤔

يا مروتي الجميلة ميبقاش ابني علي كتفي و ادور عليه
دي دولة غير مستقرة سياسيا ولا حربيا ومتناحرة مع القارة كلها .. وكل اسبوعين ظابط جيش بيحاول يعمل انقلاب علي السلطة
غير انهم لصوص
واغتالوا مسئول كبير عندهم عشان مستندات سرقة فلوس التمويل
😏
... بيقتلوا بعض هيعملوا معانا احنا ايييه بقا
🤷🏻‍♀️

طب ايه هي حزمة عقوبات 666 يا چي
🤔

دي يا عزيزي عقوبات اتعملت لمحو الدول من الخريطة
* منع خروج طيران من الدولة او دخول طيران لها عزل جوي
* اغلاق المرافئ البحرية وتعيين قوات اجنبية للمراقبةعزل بحري
* سحب جميع السفراء و البعثات الدبلوماسية واغلاق السفارات عزل سياسي
* تعليق عضوية الدولة في منظمات التجارة والغذاء والصحة العالمية
* منع اي تمويل حتي لو علي شكل معونة و طرد الدولة من كافة الانظمة المصرفية العالمية
* قطع وسائل الاتصالات والمعلومات
و هما كانوا لوحوا بيها في 11 ابريل اللي فات ده بسبب ابادات التيجراي
🤷🏻‍♀️

ايه الامل الوحيد لأثيوبيا .. تفتكر ايه
يا عزيزي
🤔

ان مصر تضربها عسكريا
😱

تخيل بقا ان ده الامل الوحيد لحل مشاكلهم
ساعتها هيطالب بمعونات وتمويلات و رعاية طبية ولجوء وليلة كبيرة اوي سعاتك
سد النهضة اتقرت فاتحته خلاص
وهي دي اللي بيسموها سياسة النفس الطويل
11 سنة تصريحات واستفزازات و ردح
ومفيش كوباية ميه نقصت من حصة مصر
اوووووعي تتزحلق ورا بتوع يلا نحارب .. اصله خايف يحارب .. اومال جايب الرافال لييييه
خليهم يتسلوا
😉

نشوف بقا العبث اللي عمله المرحوم انهاردة
وطبعا نحب نقوله ألف سلامة علي الدلقة اللي اندلقتها من علي العجلة .. قدر ولطف
انت كنت بتركن
تخيل لو الجلالة وخداك وبتجري بيها ووقعت
كانوا جابوك من علي حدود المكسيك
🤷🏻‍♀️

لكن هو مش ناوي يجيبها البر
انهاردة فرض عقوبات علي 4 شركات اماراتية
* فيوتشر چيت
* شبنج G X
* سكاي زون تريدنج
* يوتشيم چنرال
بدعوي التعاون مع ايران وتسهيل بيعها للبترول
ومعاها 3 شركات ايرانية
* فنافاران كيميكاب
* خارك
* مارون
" خد بالك خارك دي في بينها وبين روسيا تعاون كبير "
وكمان شركتين صينيتين مقرهم هونج كونج
* كين ويل انترناشيونال و دي متعاملة في النفط الفنزويلي كمان
* تيمفورد انتربرايزيس و دي بقا اللي
لسه بتنظم صفقتها مع السعودية
🤷🏻‍♀️

و رجل اعمال صيني چينفنج جاو
و رجل اعمال هندي محمد شهيد ركن الدين وده ديلر البترول في الهند
و ان شاء الله شوية النفط الروسي اللي شركة ريزدانس الهندية بتبيعهم لامريكا هيخليها توقفهم .. و يروح يقع من علي العجلة براحته بقا
😒

انت متخيل واحد بيشتم محمد بن سلمان امبارح
و انهاردة بيعمل عقوبات علي الامارات
و رويترز و واشنطن بوست منزلين مقالات تحليلية لكلمة السيسي في منتدي بطرسبرج
و بيقولك السيسي بينقلب علي امريكا
و ده جاي يتكلم معاهم في مفاوضات
اول مرة اشوف رئيس امريكي ال IQ بتاعه معادل غطا حلة جرانيت
😏

من البلورة السحرية بقا الرد السعودي الاماراتي هيكون في اوبك ان شاء الله
😉

الخليج كله بيخرج من العباءة الامريكية
البحرين انهاردة وقعت اتفاقية تكامل صناعي مع جمهورية باشكورتوستان الروسية
و التوقيع كان بحضور بوتين
و دخلوا نظام مير المصرفي الروسي
ووزير السياحة البحريني هينطلق في جولة لشركات السياحة الروسية لتعزيز قدوم افواج سياحية في الشتاء القادم
" حد يصحلنا خالد العناني و النبي ... يعني يادوب يغسل وشه و اييييييه بقا
😏
"
ومن ضمن القرارات الاقتصادية علي هامش المنتدي الاقتصادي
قناة TNT الروسية اعلنت عزم روسيا بناء محطة اسالة غاز في مصر مدينة الاسكندرية لسهولة توصيل الغاز الروسي لدول افريقيا
* خبرين بقا استعد لسماعهم أي وقت
الخبر الاول اغتيال زينيلسكي
و ده اللي هينفذه الاتحاد الاوروبي بنفس ذات نفسه
😱

خد المعلومة دي يا عزيزي
احد احزاب المعارضة الاوكرانية اسمه " كتلة فلاديمير سالدو "الاتنين 20 يونيومتوجه لمقر رئاسة الاتحاد الاوروبي
ومعاه شوية ملفات ... شوووووية ملفااااات انما عنب
* انتهاكات حقوق انسان داخل السجون للمعارضين اعتقلهم زينيلسكي من يوم ما اتعين
* علي اغلاقات لمقرات احزاب
*علي فيديوهات مداهمة بيوت معارضات والاعتداء عليهم
* علي ملفات فساد مالي متورط فيها زيلينسكي نفسه
انتهاكات ايه واعتقالات ايه بس يا زيزي
ده مصدق نفسه
المهنة لمت والله
كل ده بقا ينسف فكرة الانضمام للاتحاد الاوروبي تماماااا
و بالتالي السادة زعماء النخبة الغربية
مش هيبقا قدامهم الا انهم يخلصوا منه عشان يخلصوا من وجع الدماغ ده و يجيبوا رئيس يتفاوض مع بوتين
🤷🏻‍♀️

الخبر التاني انتحار خوان جويدو زعيم المعارضة الفنزويلي المعين رئيس فنزويلا من امريكا
😱

بس تحديدا معرفش هينتحروه امتي
🤔

ااااه كنت هنسسسسي
الكونجرس بعد ما وافق علي اسلحة مطورة تتبعت لاوكرانيا
رجع في كلامه
هيبعتوا من اللي في مخازن الخردة
بيقولك هحارب لاخر اوكراني و هنتصر
شوف الثقة
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 20 يونيو 2022 :
✍️
جيلان قاسم
نبدأ ب بعض الاسئلة :
🔹
هل ممكن القنبلة البيولوجية اللي انضربت بيها كوريا الشمالية من الحدود الجنوبية يستخدموها في اي مكان تاني
* وارد جدا طبعا
المعامل البيولوجية الامريكية البريطانية موجودة في دول كتير مش بس اوكرانيا
حركة بوكو حرام الارهابية في نيجيريا بتحمي معمل بيولوجي كبير جدااا .. المستندات اللي مع بوتين بتقول انه بيتخلق فيه الايبولا
لكن منظمة الصحة العالمية الحيادية الهايلة الحلوة الكيوت رافضة تاخد منه المستندات
و تعمل لجان مراقبة عشان هو متوحش وشرير و نوتي
😏

🔹
مين الناس الاسرائيليين اللي بتموت في الامارات دول
* بص يا سيدي
الحرب المخابراتية الدموية بين اسرائيل وايران بدأت بالفعل .. ودي اقصي حاجة هيوصلوا لها
* اللي حاصل دلوقت
ان اسرائيل بتستهدف العلماء الفيزيائيين الايرانيين بالاضافة لظباط الحرس الثوري
و تغتالهم و بالفعل في خلال 10 ايام مخلصة علي 13 فرد
في المقابل ايران اي شخص اسرائيلي هي مستهدفاه
موساد بقا ولا شاباك ولا مدني هي بتتعامل وقتي
ف احنا ندعو الله لهم بالتوفيق كده و يستمروا في الاسلوب ده لحد ما يخلصوا علي بعض ... ونفرح كلنا
🤷🏻‍♀️

🔹
هي البلد مفيهاش سلبيات
هي الصفحة دي مش بتنتقد اي قرار حكومي
ده غير اسلوب كتابة الكومنتات اللي فيها سخرية مني .. وانا مطنشة
لكن لو عايزة سلبيات في جروبات الاخوان او تابعي بهجت صابر
لكن هجاوبك علي سؤالك عن سد النهضة عشان بس مدي سذاجة الافتراضات
📌
الاخت بتقول ايييه ما يمكن موضوع فشل الملأ الأول والتاني في سد النهضة ده بيضحكوا بيه علينا ... مخدر يعني زي ايام النكسة كده
و يقولوا وقعوا طيارات و هما بيكدبوا
و من هنا يا عزيزي تلقط الدماغ انت
😁

هما يضحكوا عليكي انتي
بس انا و اللي زي ميضحكوش علينا
لييييييه
عشان احنا مهتمين بنتايج الاقمار الصناعية اللي مكنتش موجودة في 67 ... و مهتمين بتقارير حاجة اسمها الاتحاد الافريقي ... ومتابعين حاجة اسمها التسويات الحربية
ف اطمني محدش له مصلحة يضحك عليكي
تعرف يا عزيزي
في شريحة قسما بمن رفع السماء بلا عمد
نفسهم سد النهضة ده يكمل و هاين عليهم يجيبوا له تمويل
لمجرد بس انهم بيكرهوا السيسي
😁

🔹
السؤال الاخير : هل عندنا حقول غاز في البحر الاحمر
لحد انهاردة مظهرش حاجة
مع ان في 3 شركات عالمية شغالة في الملف ده
شيفرون الامريكية و شل و مبادلة
📌
كان حد سألني قبل كده ازاي ليبيا عايمة علي البترول و الخليج و احنا في النص معندناش
أرزاااااق ومقسمها الخلاق يا عزيزي
😁

احنا فعلا ثرواتنا النفطية محدودة مع ان الحدود البحرية المرسمة كويسة جدااا
🤷🏻‍♀️
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
عايزين بقا نعرف
🔹
ماذا يحدث في اوروبا
🔹
بريطانيا و امريكا مالهم سخنانين علي خراب الكوكب ليه كده
🤔

رد فعل الدول الاخري هيكون ايه علي العبث الانجلوامريكي ده
🤔

اول حاجة هقولهالك
ان فرنسا مشت في سكة اللي يروح ميرجعش
و مش أنا اللي بقول
دي الست اليزابيث بورن رئيسة الوزراء هي اللي قالت انهاردة اللي حصل ده مؤشر خطر علي فرنسا واحنا داخلين في مرحلة اللااستقرار
ايه اللي حصل يا چي
🤔

المعارضة الفرنسية كلهاااا كسبت الانتخابات التشريعية
و حزب ماكرون فشل و جاب كحكة في كل المواد
🤷🏻‍♀️

تخيل يا عزيزي
برلمان كل اللي فيه معارض للرئيس والحكومة
طبعا دول عايزين الست محاسن الحلو هي اللي تمسك رئيس البرلمان ده عشان تحكمه
😁

وشوف بقا مين اللي نجح
* مارين لوبان اليمين المتطرف اللي كانت نازلة قصاده وحليفة بوتين هي وحزبها وابوها وعمها و بتاع السوبر ماركت اللي تحت بيتهم
* ايريك سيوتي ابن بوتين البار
🤷🏻‍♀️

* چان لو ميلانشون و ده يمين جمهوري و كان نفسه يبقا رئيس وزرا بدل اليزابيث و منفعش فجه يطلع تلاتين اهلها بقا في البرلمان ... و ده شخص اصولي يدعم كل الحركات القومية
يعني نقدر نقول ان البرلمان الفرنسي اللي نجح علي مقاعده بوتين
😁

عشان كده الست اليزابيث بتقول ان اللي حصل خطر
🤷🏻‍♀️

خطر ليه يا حجة
مش هي دي الديموقراطية .. مش انتوا عايزين ديموقراطية
خدوووووا ..... ديمقراطية
🙄

🔹
وشوف بقا البرلمان المرزق
في اليوم اللي بيعلنوا فيه عن نواب البرلمان
مطار شارل ديجول بيلغي 25% من رحلاته بسبب اضراب الموظفين اللي عايزين مرتباتهم تزيد 300 يورو بحالهم
" متقارنش ال 300 يورو بإنهم 300 جنيه
ال 300 يورو دول كتييييير "
طب اشمعني يا مسيو ال 300 دول تحديدااا
🤔

قالك لأن حجم الانفاق بعد ارتفاع الاسعار بقا يعادل 600 يورو
احنا هنشيل 50% و الدولة 50%
" و بردو يا عزيزي متفكرش المرتبات 10000 يورو ... لا دي بتبدأ من 1700 يورو مثلا "
فلما الانفاق يزيد 600 يورو من اصل 1700 يبقا الاسعار في فرنسا زادت بنسبة 36% تقريبا
🤷🏻‍♀️

📌
حاجة كمان و دي ملاحظة شخصية لكن هامة بالنسبة لي :
الشعب الفرنسي ده شعب يموت في الانتخابات
و بيحقق نسب حضور تفوق ال 90%
* في انتخابات الرياسة حضر 33.6% فقط من الناخبين
* في انتخابات البرلمان حضر 38.2% فقط من الناخبين
و ده معناه ايييييه يا عزيزي
📌
معناه ان الشعوب اللي ضحكت علي العالم بالمصطلح المشبوه المسمي ديموقراطية .. وقت الجوع و التضخم اشمئزت منه
🤷🏻‍♀️

فاكرين زماااااان اما كنت بقولكم اعتي الديموقراطيات لا تمارس الديمقراطية .. اهوووو فرنسا قدامك اهي
هاتلها ديكتاتور يأكلهم ويشربهم و يثبت الاسعار ويرفع المرتبات .. هيعملوله تمثال
و يطوفوا حوالية
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
طب و ألمانيا يا چي
🤔

والله يا عزيزي مش عارفة اجيبهالك ازاي
بس هما قرروا يرجعوا للفحم تاني
هيستحدثوا تقريبا وزارة يسموها وزارة الحطابين في الجبال النائية و العجائز حول المدفأة
😁

ألمانيا اعلنت ان الغاز عندها في المخزون
لا يتجاوز ال 50% و انهم بيبذلوا قصاري جهدهم عشان الشتاء القادم سيكون الاصعب .. و ان النسبة دي يا دوب تكفيهم لاكتوبر
و هنتجمد يا بيه
و حاجة منتهي الصعبانيات
تدري شنو السالفة يا عزيزي ... اولاف شولتس هيتذكر في التاريخ الالماني بأبشع الالفاظ ..... هيتشتم بأمه
والحقيقة قطر بتذل فيهم حرفيا
و لا مش هنسيل غاز
و اعملوا محطات تسييل
و هيسبوهم لحد اكتوبر وبعد كده يعلوا عليهم سعر الصفقة بشكل هياخد الاقتصاد الألماني سوبر سوبليكس
وعشان يخفف نفقات الحكومة شوية
فالحكومة الألمانية قررت رفع الدعم عن المواطنين
اااه والله يا اشششف تخيل
فراو هيلجا و انا بهبااك موهاميد هيترفع عنها الدعم زيك بالظبط ... ابسط يا اشششف بقيت ألماني
😁

ونفس قرار العودة للقرن ال19 بتاع الفحم ده
اتخذته بريطانيا
بس بريطانيا بقا عندها جوا شوية حاجات انما اييييه شغل عالي
مظاهرات حاشدة بالعاصمة لندن بسبب سوء الاحوال المعيشية و ازدياد الفقر
ايرلندا الشمالية قررت الانفصال خلاص عنها .. و الاستمرار مع الاتحاد الاوروبي .... ومشفش وشك هنا تاني يا حنا السكران انت
و لو علي الفلوس اللي عايزها مننا
ملكش عندنا حاجة ... اعملنا محضر في القسم
😁

يوم 30 يونيو عمال النقل و سائقي القطارات و الشاحنات قرروا عمل اضراب مفتووووح
🤦🏻‍♀️

" ربنا يجعل بركة اليوم المفترج ده تحل عليك زي ما حلت علي الاخوان كده "
* عارف يعني ايه مفيش قطارات و لا الباص الاحمر الحلو ده ولا الشاحنات يا عزيزي
يعني بريطانيا ستصاب بتصلب الشرايين
ده غييييير اضراب المطارات الانجليزية
في شهر يوليو وهيبقا مفتوح .. اعتراضا علي خفض الاجور و زيادة الضرايب
في وسط كل العبث اللي عندهم ده
وزير الدفاع البريطاني باتريك ساندرز طالع يقول متقلقوش يا جماعة
انا خلااااص بجهز الجيش البريطاني .. و رايح احارب روسيا و أخلصكم من هذا العتي طائر الرخ ال 64 حصان
يا عم اتنييييييييل .. اتنييييييل
🙄

في كل ده الدول الغربية مش هتتحمل هراء زيادة
الناتو بيقول ان الحرب دي يمكن تستمر سنوات
سنوات ايه يا حج
ده انتوا داخلين علي مجاعة بعد 4 شهور بس
😒

هينتحرووووه بأسرع مما نتخيل هذا المهرج العميل
لا و طالع انهاردة يقول ايييييه انتوا ادوني سلاح تاني بس و انا و المصحححف هستعيد كل المدن اللي اخدها بوتين
فكرني بسعيد صالح ويونس شلبي
اديله تاني عشان يعوض ده حظه ماشي
😁

طب اومال بريطانيا و امريكا بيصعدوا اوي كده لييييه يا عزيزي
🤔

*يكونش حاسين انهم خلاااص بينهاروا
فقالوا نغرق العالم معانا
و نعملها حرب عالمية بقا لا تدع و لا تذر
🤔

*يكونشي بوتين شاط ترابيزة الماسونية برجله
ف التعليمات صدرت بهاتوا عاليها واطيها
لكن هنا بقا تراهن علي المواطن الاوروبي الكيوت اللي مش وش بهدلة .... و اللي هيطلع ياكل حكامه لو تخاذلوا معاه
-----------------------------------------------------------
نشوف بقا عم الكوكب
🇷🇺
بيعمل ايه :
مبدئيا هي خاركيف احلوت في عينيه
و قرر ياخدها
يلاااا بالهنا والشفا
قفل خط الغاز اللي بيمر في الاراضي التركية
قالك اصله بعافية وهنعمله صيااااانة
طب هتقفله قد ايه طاااه
😭

قالك قد 10 ايام 16 سنة كده مش هنطول يعني
🤦🏻‍♀️

"الله الوكيل اردوغاز هينزل ليبيا بنفسسسسه الفترة الجاية "
وفي نفس ذات الوقت
الصين تقرر تشوف ايه العقوبات اللي معكننة علي بوتين
و نحلها سوا سوا يا عمري
🥰

عندك طيارات بوينج مأممها و محتاجة صيانة نعملك الصيانة يا بيبي .... ما هي اساسا شركة بوينج لها مصنع قطع غيار في شنغهاي
😁

عايز ناقلات نفط زيادة توصل للهند نبعتلك من المحيط الشمالي
وقفت عنهم الغازات النبيلة شوف فداااك .. انا اخد منك نبيلة نفسها .... ونعمل انا وانت اكبر مصنع تكنولوجي في العالم و نصنع موبايلات ولاب توبات و اي حاجة فيها ات في الاخر
يالهوي ع الضربة ال 4D للتكنولوجي الامريكية
ابل ريأكتد : ااحيييييييه
😱

ومش ابل بس
اي شركة لها علاقة بالرقائق الالكترونية
سيارات ،اجهزة، سلاح ، مفاعلات
اي حاجة ريأكتد يادهووتي
انا لو من المرحوم اصحي بدري و ادي للتنين مفتاح تايوان واسكته
عشان وسعت علي امريكا و بهوقت اوووي
🙄

وعشان تغفلج ع الاخر مع المرحوم
چانيت يلين وزيرة الخزانة قالت هو احنا لسه موصلناش للركود .... بس من اول يوليو هنوصل بسلامة الله
ومعرفش فرحانة ليه بصراحة
ده انتوا هتعملوا دروب ابن لذينا ربنا ياخدكم
😒

كمااااان
چوستاڤو بيرو فاز برئاسة كولومبيا
* حاسة اني بقولك طلاسم سيكا يا عزيزي
😁

چوستاڤو بيرو ده زعيم معارضة يساري من حركة معارضة هناك اسمها M 19 المتمردة
دي حركة يسارية ضد التبعية الامريكية
وياما حاول يدول قضية الحاصلات الزراعية اللي امريكا بتاخدها من كولومبيا بدون ما تدفع حاجة ... اتاوة كده
و اول قرار قال هياخده منع امريكا
من الحصول علي الغذاء الكولومبي وطرحه
ل الشعب
انت متخيل ان شعب كولومبيا بيعيش حالة سوء تغذية .. واكلهم بتخده امريكا
😏

طبعا انت فاكر اني قولتلك اعلان البرازيل التحالف مع روسيا
و بعدها فنزويلا خرقت العقوبات
و دلوقت كولومبيا
باينلها ايام زالعسسسسل أمرحوم والله
امريكا اللاتينية هتبقا امريكا الجنوبية الشرقيوڤ
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
حاجة غريبة عجيبة عملها بوتين
انهاردة كولونيل چنرال ميخائيل ميزنيسيف طلع علي الهوا و صرح تصريح مخلي الاتحاد الاوروبي بيلف حوالين نفسه
قال احنا نجحنا خلاص في نقل مليون
و 936 ألف اوكراني لروسيا من ضمنهم 307 ألف طفل
تم الحاقهم بالمدارس
و الناس عايشة حياة امنة
🤷🏻‍♀️

" شايفين حنية البيبي الروسي
😁
"
راح جوزيف بوريل وزير السياسة الخارجية في الاتحاد الاوروبي قاله اومال مين اللي انتوا عازقينهم في لوهانسك دول
🤔

اجاب
👈🏻
دول المرتزقة الانجليز و الجنسيات الاخري يا حبيبي
☺
... هو انا مقولتلكش
ده من ضمن اللي اتنقلوا ل روسيا دول
القوات الاوكرانية اللي استسلمت
🤷🏻‍♀️

لا هيحارب زيزي ليسكي لاخر اوكراني صحييييح
علي اخر اغسطس مش هيلاقي اوكران حواليه
😁

طب رجع جوزيف بوريل يقول
👈🏻
طب نأمن خروج الحبوب الغذائية و زيت عباد الشمس و القمح
راح قاله لأ و شوح بايده كدهووووو
بوتين عشان يديهم ياكلوا لاااااازم يرفعوا العقوبات
و ده حقه بصراحة
انا اكلك و انت محاصر شعبي
يااااكش تولع حتي انا مالي
🤷🏻‍♀️

-----------------------------------------------------------
🔴
وياريت مننساش نصقف للبلورة السحرية اللي قالتلكم علي اللقاءات المكوكية لدول الخليج و مصر
الاسبوع الجاي في شرم الشيخ في قمة ثلاثية
البحرين .. الاردن .. ام الدنيا
🇪🇬

لكن موضوع يؤرقني
هو العبث الحوثي وتجنيد الاطفال و قطع الطرق وخرق الهدنة والزفت ده
توقعي الشخصي
ان رد الفعل هيكون عسكري عنيف
يعني اليمنين المفروض يفوقوا بقا
العالم كله عرف ان اللي زقاكم امريكا
والمنطقة مش ناقصة .. ف كفاية غباء لحد كده استقيموا يرحمكم الله
😒

-----------------------------------------------------------
🔴
مش عايزين ننسي نحمد ربنا علي تثبيت مصر عند B+ على فيتش الائتماني
و ده معامل استقرار اقتصادي و تحقيق نمو .. اللهم بارك
معلش يا اشششف كان نفسك اقولك هنشحت وبتاع
بستك علي عماد اديب بقا
😁

هذا واستغفر الله لي و لكم و للبيبي الروسي اللي خاربها بقا .. بيفرغ دول و بيعيد ديموغرافيتها ده مبقاش شطرنج .. ده بقا حاوي
🥰
😁
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 21 يونيو 2022 :
جيلان قاسم
واسمحولي بقا اني اخلي فيها جزء اقتصاد
عشان ده الحاجة اللي بتغير مودي للافضل لما اتكلم فيها .. و أنا محتاجة ده
🔴
چيلان قاسم امبارح في اخر الرقعة قالت " عايزين نبارك لمصر علي وصولها لدرجة B+ لمعامل فيتش الائتماني
بس الاستاذ بهججة علي صفحته منزل ان ده خطر والبلد بتروح مننا ... و علي فكرة ده مش اخوان
* طب هو يا باشا الاستاذ بهججة ده بتاع اقتصاد
🤔

لا هو دكتور نسا وتوليد بس نينچا
🙄

والله يا عزيزي اللي مش فاهم وبيهبد ده عندي أخطر من الاخوان
بس تعالي نفهم الليلة
يا تطلع چيلان قاسم مبتفهمش .. يا الدكتور بهججة اللي مبيفهمش في الاقتصاد وخلاص
🤷🏻‍♀️

🔷
ايه هو فيتش ده اساسا
🤔

هقولك يا عزيزي بس ركز معايا
لما حضرتك بتروح تشتري تلاجة بالتقسيط من B.Tec مثلا ... بتعمل اييييه
* بتودي جواب مفردات مرتبك وتملا ابليكشن
ف الشركة بتبعت حاجة اسمها استعلام عندك في البيت
ولو كيان كبير بتدي صورة بطاقتك للمحامي بتاعها يستعلم عنك
نفس الكلام لو رايح تاخد قرض من بنك
* بتقدم ورقك و تعمل فايل محترم كده وتسيبه في قسم الائتمان فيه ضماناتك
و بعدين قسم الائتمان يستعلم عنك
حلوووو الكلام ... حلووووو
📌
أهو بقا يا عزيزي الكوكب ده له مؤسسات اقراض
زي البنك الدولي .. وصندوق النقد الدولي
و عندهم مؤسسات مالية شغالة لهم شغلة الاستعلام دي
زي ايييييه
* فيتش
*موديز
*ستاندارد اند بورز
الشركات التلاتة دي وظيفتها انها تستعلم عن الاوضاع المالية للدول وتقديم تقارير عنها أول بأول
بيشتغلوا توينتي فور سيڤن 24/7
كل شركة من دول لها شرايح او مستويات
أعلاها triple A بلس ... و ادناها triple D ماينس
لكن المستوي الواحد بيتصنف 9 مستويات فرعية
يعني المستوي الاول بيتقسم الي
AAA+
👉🏻
AAA
👉🏻
AAA-
👉🏻
AA+
👉🏻
AA
👉🏻
AA-
👉🏻
A+
👉🏻
A
👉🏻
A-
طبق ده علي المستوي اللي بعده اللي هو
The B's classification
و بعدين The C's classification
و بعدين The D's classification
📌
افضل الدول ائتمانيا هي ال A .. و أخطر الدول هي ال D
مش محتاجة فكاقة يعني
🤷🏻‍♀️

لكن ده كل تصنيف فيه اخطر و افضل
ناخد مثال من ال B's
* ال -BBB + / BBB / BBB
👈🏻
بيكون فيها الاستثمار مخاطره مقبولة ..
و الاقراض مخاطره آمنة
* ال -BB+ / BB / BB
👈🏻
مخاطر الاستثمار متوسطة .. و الاقراض آمن
* ال - B+ / B / B
👈🏻
مخاطر الاستثمار مرتفعة بالحد الذي يمكن السيطرة عليه وتوجد ضمانات ... مخاطر الاقراض آمنة
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
📌
مصر فييييين بقا يا عزيزي
👈🏻
B+
يعني الترتيب السابع من المستوي التاني من التصنيف
و فرحانة يا چي
😏

ااه يا عزيزي وتعالي اقولك ليه بالارقام
چي بتاعت ارقام زي ما انت عارف
🤷🏻‍♀️

🔹
سنة 2008 لما كان في الازمة العالمية بتاعت الرهن العقاري
تصنيف مصر كان CCC-
🔹
سنة 2011 سنة التوترات السياسية
تصنيف مصر كان D+
👈🏻
بتنزل اهوووو
🔹
سنة 2012 اللي هي السنة السودا بتاعت الاخوان
تصنيف مصر كان DD-
اللي هو لو عايز تديله قرض خد منه كلاويه رهن
ده ميمضيش ده تاخد اعضاءه البشرية
😏

لما اقفز من دوبل ماينس D ل بلس B
لاااااازم افرح
🤷🏻‍♀️

📌
طب يا چي المؤسسات دي بتعمل ريبورتاتها دي بناءا علي ايه ... ولا هو بيصحي مبسوط الصبح يروح رازعنا ال بلس .. متخانق مع المدام يهبدنا ال ماينس
🤔

لااااا يا عزيزي
الناس دي شغالة علي 3 محاور
🔹
المحور المالي : وضعك المالي اييييه
* عندك دهب في مخزونك
* عملاتك في الاحتياطي متنوعة ولا عملة واحدة
* ميزانيتك فيها ايرادات ولا لا
* دينك الداخلي قد ايييه
* القطاع الخاص مستحوذ علي قد ايه من السوق
* عندك مشاريع قومية شغالة و بتنجزها
ولا بتأكل وتشرب الشعب و تحطله السكاتة وخلاص
🔹
المحور السياسي والعسكري
* دولة متحاربة
* في انقسامات داخلية و نزاع اهلي
* في صراعات مسلحة بين الاحزاب " احنا بفضل الله عندنا احزاب من عالم ديزني لاند عايزة السلطة وبس
🙄
"
🔹
المحور الاجتماعي
* ظاهرة تسرب الاطفال من التعليم
* حملة المؤهلات العليا
* معدل الجريمة
" انا عارفة يا عزيزي انه بوست دمه تقيل ..
و كلامه ماسخ
بس معلش طول بالك معايا عشان محدش يضحك عليك وتعرف انت واقف فين ك دولة
و رايح فين
🤷🏻‍♀️
"
خصوصا ان بريطانيا قررت تحاربك اعلاميا وتفتح قناة لبودرجية الثورة و صيع الاخوان ... فمش عايزين حد من دول يلعب ب عزيزي ... عشان عزيزي ده انا بحبه
🥰
"
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
المهم :
كل ما انت ك دولة اجتازت ليڤل للاعلي بتتقدم في التصنيف
📌
طيب هل المؤسسات دي بيستعين بيها البنك الدولي و صندوق النقد الدولي بس يا چي
🤔

لا يا عزيزي
دي متاحة لكل الصناديق السيادية والاستثمارية في كل الدول
يعني مثلا
👇🏻

كوريا الجنوبية عايزة تعمل مدينة استثمارية في السويس
🔸
تروح علي مؤسسة فيتش وتقولها بعد اذنك عايزة موقف التصنيف بتاع مصر
فيتش تديها التصنيف
🔸
تدرس نقطة نقطة وتلاقي التقييم او التوصيات بتاعت فيتش ان مصر مناخ آمن للاستثمار لانها مستقرة سياسيا .. كمان بصي
يا كوريا سددت ديون قد كده .. و دينها الداخلي بيقل .. وعندها مجالات كذا وكذا فيها مشروعات قومية وشركات حكومية مساعدة
توضح الروؤية وتبدأ تعرض خططتها الاستثمارية
🔹
كمان المؤسسات دي مش بتدي تقرير حالي وبس لااااا .. دي بتدي تقارير لاخر 20 سنة
فلما اي مستثمر يشوف من زمان كنا ايه وبقينا ايه ده يفرق معاه
ويفرق مع البنك الدولي اللي سنة 2004 رفض يديلك قرض عشان تصنيفك زي الزفت
وانهاردة بيقولك محتاج كام تاني عشان تخلص خطة الاصلاح الاقتصادي
🔸
فهمت يا عزيزي ايه حوار فيتش ده
وانت بقا تحكم مين بيفهم في الاقتصاد وعارف بيقول ايه
چيلان قاسم .. ولا بهججة
😏

🔴
طب انا كده استفدت ايييه يا چي
🤔

لو سردتلك الامثلة فهما كتير
لكن هقولك حاجة بسيطة حصلت امبارح
🔷
منتدي الاستثمار الافريقي اللي كان بيتم بتاريخ 19 الي 22 يونيو
جتله مؤسسات مالية خليجية قالتله عايزين نستثمر في صناديق سيادية في قارة افريقيا
رشحلي دول
📌
مين المؤسسات دي :
* جهاز ابو ظبي للاستثمار
* شركة ابو ظبي القابضة ADQ
* الهيئة العامة للاستثمار الكويتي
راح القائمين علي المنتدي قالهم والله عندنا
9 صناديق سيادية
اولاااا
👈🏻
خدوا مصر حطوا فيها استثمارات بنسبة 50%
ثانيا
👈🏻
ال 50% الباقيين اعملوا بيها طفرة في دول محتاجة و خد عليهم كل الضمانات اللي تتيح لك امتلاك اصولهم
مين هما الصناديق الباقية
انجولا .. چيبوتي .. اثيوبيا .. الجابون .. غانا .. المغرب .. نيجيريا .. رواندا
و ده موقف مصر المالي من فيتش و موديز اللي بالمناسبة رافعة تصنيفنا عن فيتش ل BB
ف عندهم مشروعات و جهاز حكومي لها
و الدنيا حلوة
🔹
والباقيين دول يعني اللي مفيهاش لله بتغرق يا طال عمرك يعني
🙄

وبالفعل تم توقيع الاتفاقيات
و السادة الملحقين التجاريين بتوعنا عملوا شغل كويس جدااا
" ادعيلي يا عزيزي ابقا ملحق تجاري وانا انزلك روسيا كلها صيف شتا سياحة في مصر
و مشروعات .. شوف هشهيصك كده ..... بس نوصل
🥹
"
🔸
طبعا هتسأل السؤال المهم
ليه الاعلام متكلمش عن خطوة زي دي
يا عزيزي ياسمين صبري نفسيتها وحشة وعندها اكتئاب .. اقتصاد ايه واتفاقيات تجارية ايه بس اللي هنهتم بيها .... حس بالمسئولية شوية يا اخي
🙄
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
طب يا چي امريكا اللي هي امريكا داخلة علي ركود اقتصادي و ديونها ارتفعت ل 31 تريليون و 910 مليار دولار
🤔
... مصر مش هتتأثر
🤔

🔷
اكدب عليك لو اقولك لااا
طبعا هتتأثر
بس نسبة امتصاصك للركود هيكون اعلي من الاقتصادات الكبري
اقولك مثال
👇🏻

هتتأثر أكتر امتي
لما تبقا بتطبخ كيلو لحمة علي الغدا وبقيت تطبخ نص كيلو
ولاااا
لما تبقا بتطبخ 3 كيلو لحمة و فرختين و بطاية مكلبظة و بقيت تطبخ نص كيلو لحمة
العالم كله هيطبخ نص كيلو لحمة
شوف بقا كان فيييين ونزل للنص كيلو ده
🤷🏻‍♀️

🔷
هو ايه يا چي اثار الركود اللي ممكن نحس بيها
🤔

هو اول معلومة لازم تعرفها ان الركود الاقتصادي 6 انواع
اللي هيحصل للعالم ده اسمه ركود الصدمة الاقتصادية
من اثاره
👇🏻

* رفع نسبة البطالة
لووووو الدولة مفيهاش مشروعات استثمارية او غطاء من المشروعات القومية حتي وان كانت ذات وتيرة بطيئة
* تخفيض الاجور
و ده محصلش ولا هيحصل في مصر علي الاقل في القطاع العام
🤷🏻‍♀️
معرفش ايه موقف القطاع الخاص
* انخفاض القوة الشرائية
ف احنا كلنا امل اننا نستوعب الفترة دي وتعدي علي خير
بس تعدي وانت فاهم .. غير ما تعدي وانت مش فاهم و بتزيد جواك الغضب من شئ انت مش عارفه
🤷🏻‍♀️

كده خلصنا جزء الاقتصاد
فاضل بس حاجة سألني عليها صديق
هو سامح شكري بيعمل ايه في لوكسمبورج
" كنت عزماه ع الغدا عندي
😁
"
🔹
بص يا سيدي
سنة 2013 و تحديدا في شهر ديسمبر
مصر دخلت حاجة اسمها مجلس الشراكة مع الاتحاد الاوروبي
و ده بعد محاولات استعادة السياحة..و التعاون مع شركات التنقيب والبحث عن الطاقة
🔹
كل سنة في حاجة اسمها الاجتماع الدوري لمجلس الشراكة بيحصل في اول ديسمبر .. السنة دي الدورة التاسعة للمجلس
و السنة دي قالك نعمله بدري ما بوتين يتهف في مخه ويضرب لوكسمبورج وبروكسل
🙄

🔹
بس هو الحقيقة مش كده
الحقيقة انهم لسه كان عندنا اورسولا فون دير لاين ووفد كبير فقالك احنا نعمل الاجتماع بدري عشان نأكد علي مصر الكلام
🤷🏻‍♀️
... يعني ده شئ دوري
ولو السنة الجاية لو كان في لسه اتحاد اوروبي هتبقا الدورة العاشرة
😲
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
نرجع للسياسة بقا
و نشوف التخلف الرسمي اللي بتعمله ليتوانيا
الست انجريدا سيمونيتا رئيسة الوزراء اقنعت الرئيس الليتواني جيتاناس ناوسيدا
وبالمناسبة ده رجل اقتصاد من الطراز الاول بس معاه حاشية من البهايم
😏

اقنعته ان بوتين هيخلص علي اوكرانيا و يجي ياكلنا
فاحنا عايزين الناتو يعمل عندنا قاعدتين تلاتة كده نخوفه بيهم
📌
يحاول ناوسيندا مع الناتو
راح الناتو رفض ... يا عم سيبنا في اللي احنا فيه
📌
قام ناوسيندا قالك بوتين ده مش عتريس
انا اللي 100 عتريس في بعض .. ده انا بلوة مسيحة
و راح قاطع الطريق علي كالينجراد
😳

كالين.... ايه يا چي
😳
مش دي اللي انتي قولتلنا عليها القاعدة العسكرية المخيفة اللي فيها صواريخ اسكندر وباليستي وبتاع
😳

اااه يا عزيزي تخيل
😒

عارف رد فعل روسيا اييييه
📌
انطوان علي خانوف حاكم كالينجراد العسكري استدعي سفير الاتحاد الاوروبي لدي موسكو ماركوس اديرير
و قاله شوف يا ماركوس يمين بعظيم لو ما عقلتوا ليتوانيا في اقل وقت ممكن لا يتعدي
4 ايام
يبقا تشتروا تي شيرت اخضر معفن زي بتاع زيلينسكي ل ناوسيندا
😏

وانا من موقعي هذا احب اسأل السيدة انجريدا رئيسة الوزرا .. بتحركي علي الشر ليه يا حجة
ماشية بمبدأ وقوع البلا ولا انتظاره مثلا
🤔

العالم يا عزيزي يبدوا ان اخر سنتين تلاتة كده امتلأ بالكثير من الحكام الحمقي
🤦🏻‍♀️

🔸
يعني هما مش شايفين العظمة اللي بتعملها السوخوي su 35 في الدونباس
📌
اوكرانيا اعلنت دخول القوات الروسية للمنطقة الصناعية في سيفرودونيتسك
و الحصار اشتد علي مصنع ازوت
🤷🏻‍♀️

وان سماء الدونباس لا يمكن الاقتراب منها في وجود السوخوي
👏🏻

حتي تحس بالاسم فيه فخامة كده سوخووووي
انما ايه F16 يا اخي اف عليك وعلي معرفتكم
😏
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
كام حاجة كده ع السريع
🔷
عايزين نصقف لمحمد السادس علي فطنته وحكمته انه طلع من مخزون المحروقات بتاعه عشان اسبانيا صعبت عليه
و ليلي بن علي وزيرة الانتقال الطاقي
طلعت امبارح فضحته
وقالت ان مخزون المغرب من المحروقات يكفي ل 57 يوم فقطططط
🤷🏻‍♀️
🤷🏻‍♀️

براڤو يا بتاع رالي السيارات
استمر
انا اصلا مبحبكش
😏
😏

🔷
كنت لسه امبارح بقولكم الحوثي بيستغبي
وواضح انهم مصممين علي انهاء وجود الشعب اليمني
امبارح تم مصادرة مركب اسلحة ايرانية متجهة للحوثي
فيها الصواريخ اللي بيضربوا بيها مصافي البترول في السعودية
و المسيرات الحلوة اللي بتطلع تقصف ارامكو دي
😏

🔷
بولندا الحلوة الكيوت بتاعت الحريات
بتقولك لو بوتين اخد الجنوب الاوكراني زي الشرق
ف الغرب الاوكراني يلزمني بقاااا
🙄

🔷
اسرائيل كالعادة بتنسج سيناريوهات
و تصدقها
بيني جانتس وزير الدفاع
بعد ما قعد يسكر مع بينيت نفتالي
طلع علي جلسة في الكنيست
وقام قايل احنا بنرتب علي منظومة دفاع جوي دولية مع كام دولة كده جنبنا و لما ابونا المرحوم يجي
هيجيب في ايده التوقيعات
📌
معرفش بقا مجددش باقة النت ولا ايه
مش شايف العلاقات المهببة بين المرحوم وبين الخليج ومصر
يا جدع ده لسه فورين بوليسي امباااارح
منزلة صورة لنصف الوجه الاعلي للسيسي وكاتبة فوقها لا تثق ابدا في رجل مخابرات لانه من السهل ان ينقلب عليك في اي وقت
😁

🔹
مالهم رجال المخابرات يا لويزي يا عرة الصحفيات انتي
😡

-----------------------------------------------------------
🔴
طبعا بعتذر علي تقل دم الجزء الاول من البوست بس حاولت ابسطه علي قد ما قدرت
هذا واستغفر الله لي ولكم و للبيبهات كلها بقا
🥰
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
✍️
جيلان قاسم
من قلب الاجتماع
صقفة للبلورة السحرية
👏🏻
👏🏻
👏🏻

اخلص اجتماع
و احاول اقنع ڤيرمسكي واحلف له 100 امين اني معرفش ميرڤت يمين
و بردو مش هيصدق انا عارفة
ما انا لسه قايلة له اول امبارح ترقب خبر اغتيال زينيلسكي اي وقت
و معانا اول محاولة و نقول ألووو
جايالك يا كالينجراد جايالك يا غالية
و على فكرة هتتكرر تاني
وجايز المرة دي تكون متعمد فشلها
في تمهيد للعالم انه هيتم الخلاص منه من اعوانه
😉
😉


289646753_3254779048138346_7825333404337222865_n.jpg
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة انهاردة 22 يونيو 2022 :
✍️
جيلان قاسم
تاريخ مميز خليكوا فاكرينه
📌
انهاردة الرقعة رقم 100 من اول يوم في العملية العسكرية
💪🏻

مااااائة يوم من الشطرنج .. چيلان ماركيز
😁

عشان كده هناخد بقا شوية أسئلة حلوين
🔹
ست الكل حبيبتي اللي بتسأل عن الريس هل فعلا مسافر تركيا
اللي راح تركيا هو الامير محمد بن سلمان ولي عهد السعودية
وكان ادوغاز موصيه يتقابل مع الريس في السعودية مثلا
و الريس قال اه ان شاء الله أما افضي
😁

🔹
استاذ خالد ذكي بيسأل هو ايه الرؤية في خطة اقتصاد مصر القادمة
واضح جدااا يا عزيزي اننا داخلين علي مرحلة استثمارية و التكاملات الاقتصادية
يعني سوق رأسمالي ب 3 محاور و هنستعرض ده بعد شوية
🔹
كذا حد سأل ليه بنسيب النيل يصب في البحر بقا
هو غالبا يا اعزائي المعلومة عندكم متخزنة في العقل الباطن
😁

لما كنت نزلت رقعة التنمية الزراعية في مصر
قولتلكم ان المصبات لفروع دمياط و رشيد اتقفلت بالفعل
و بيعاد نزول المياه لمشروع الدلتا الجديدة من فرع دمياط
و دخول مياه فرع رشيد للصحراء الغربية اللي هو مشروع مستقبل مصر
📌
ولسه مكملين شبكة المواسير العملاقة اللي هتستقبل المياه لاعادة ضخها
👌🏻

والمفروض ان كان في مواسير اقطار عملاقة جاية من ايطاليا
لكن بسبب نقص الغاز عندهم توقفت
و المصانع المصرية هي اللي هتنفذ بأمر الله
🇪🇬

* مينا سمير : ازاي روسيا اخدت كالينجراد
يا ابو ملحق يا مينا
😒

هتلاقيها في رقعة 13 يونيو تقريبا
اخدتها في مؤتمر دولي بعد الحرب العالمية اتعمل للتفاوض مع روسيا عشان تترك الاراضي اللي احتلتها وهي رايحة تقابل الفوهرر في عقر داره
" يا ميناااااا البورصجي لا ينسي ذاكرة حديدية .. اجمد كده "
* استاذ عرفات شايف ان المفروض نرجع للغرب
يا باشا الغرب حاليا هو اللي بيجري وراك
☺

انت تقعد تتعزز و تحط رجل علي رجل و في ايدك محبس الغاز بتاعهم
🤷🏻‍♀️

📌
كمان هما بينهاروا ليه نديهم قبلة الحياة ... ميستحقوش
الاتجاه للتحالف العربي حاليا هو اصح خطوة ممكن تتاخد
هتديك قوة مالية وعسكرية و چيوسياسية
* محمد شعبان : ايه توقعك من زيارة بايدن
ولاااا اي حاجة يا عزيزي
هو خربها علي كل الاصعدة قبل ما يجي
📌
وخد بقا معلومة من البلورة السحرية : احتمال بنسبة 95% عودة نتينياهوو للسلطة في اسرائيل
و ده راجل مبيحبش العرب وبيصرح بده
و عنده العنجهية الكدابة بتاعت الصهاينة
ف موضوع التعاون عسكريا مع العرب اللي المرحوم بيسعي له هيبوظ من عندهم قبل عندنا
📌
حاجة كمان مهمة
في المؤتمر الصحفي بين الملك عبد الله و بن سلمان قالوا ان حل الدولتين هو الحل الوحيد الذي تتقبله المنطقة
و دي عقدة في منشار عن الصهاينة
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
-----------------------------------------------------------
🔴
ندخل بقا علي الرقعة
ونبدأها بردو بسؤال بيتكرر
ليه بنحتاج لشركات بحث و تنقيب
ليه معندناش شركة وطنية
🤔

🔷
لازم هنا اجاوبك بأمانة
مبدئيا كده الشركة دي عشان تبدأ محتاجة راسمال لا يقل عن 30 مليار دولار ... ده طبعا احنا حاليا مش فائض
كمان الابحاث لسه ما أظهرتش حجم ومقدار للثروة البترولية
🤷🏻‍♀️

و ايني مش واخدة 40% من حقل ظهر
و أنا هقولك التوزيعة
📌
الشراكة أصلا بين شركة ايجاس المصرية المفوضة من الحكومة المصرية ... و شركة أيرك برودكتس بي ڤي اللي اختارت لنا ايني ممثل لها
📌
الحقل مقسم الي :
* 40% لصالح شركة ايني بشكل مؤقت لحين استرداد التكاليف
👈🏻
لأن الاتفاق ان الحكومة المصرية مش هتتكلف دولار واحد
* 60% لمصر
ثم ال 60% مقسمين بردو
* 35% منهم ل ايني
* 65% منهم ل مصر
📌
طيب ال 40% منهم دول هيرجعوا امتي
" اللي هما بتوع التكاليف الاولية "
هينتهوا في مارس 2025 ان شاء الله
وبعد كده هيبقا التكلفة تكلفة استخراج عادية بند خصوم يعني
📌
طيب ايني بقا عملت اييييه
جت علي نسبة ال 35% بتاعتها
* باعت منها 10% لشركة BP الانجليزية
* و باعت لشركة روسفنت الروسية 30%
و الصفقة دي كان قيمتها 1.25 مليار دولار راحوا ل ايني
و 114 مليون دولار حاجة اسمها منحة التنازل ل صالح مصر
يعني كده الحقل متقسم
* 35% ل 3 شركات
* 65% ل مصر
والشركات دي هي اللي بتصرف و المعدات معداتها
و مصر كمان بتاخد من الارباح حاجة اسمها اتاوة دي بتعادل 12% من الارباح
وبعد كده ال 88% الباقيين يتقسموا بالنسب الموضحة 35 : 60
ده حوار ايني و حقل ظهر
-----------------------------------------------------------
🔴
تعالي بقا نتفرج علي الاجوان الاقتصادية اللي مصر جابتها :
كنت قولتلكم ان الصندوق السيادي السعودي هيستثمر في مصر ب 10 مليار دولار
منهم امبارح تم اتفاقيات عددها 14 بقيمة 7.750 مليار دولار
📌
في اييييه بقا الاتفاقيات دي
في البيك
😁

شخروميت مليار في فراخ بروستد
😁

يا رااااجل قول كلام غير ده
" خد بالك عشان اي جحش من
🤔
جمع جحش ايه
🙄

المهم
👈🏻
يقولك جايب فلوسه لمصر عشان التهديد قوله بس يا حبيبي الاتفاقيات دي هتعمل انتعاش في السوق السعودي وهتخلق كيانات جديدة و تفتح سوق عمل جديد عندهم
يعني هو مستفيد مننا
وتعالي اقولك ازاي
👇🏻

اول مجال هو مجال البنية التحتية والمقاولات
عشان يدخلوا في المقاولات عندنا
اتكون كيان اقتصادي كبير في السعودية اعلنه عنه امبارح
هو " اكام الراجحي "
و ده كيان جديد مندمج من شركة اكام للتطوير العقاري و مجموعة الراجحي للاستثمارات
📌
الكيان ده شغله كله هيبقا في مصر
في الساحل الشمالي تحديدا
وهيدخل في شراكات مع الشركات المصرية زي حسن علام
في تطوير خط الساحل الشمالي و بناءه وتعميره
📌
ف أنت كده جبت حد يمولك و يشتغل معاك ويفتحلك سوق جديد ...... وشغلت الناس و مصانع الرمل و الاسمنت والحديد ..... وعملت حركة انتعاشة في السوق العقاري
يجي اللي مش عزيزي ويقول طب والغلبان والفقير هيستفاد ايه من الساحل الشمالي
الغلابة يا حكومة
😒
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
وهنا لازم تكون مجهز اجابتك ان مفيش دولة في العالم بتستهدف الغلابة بس ليل ونهار يعني
المنتج النهائي مش هيفيد الغلبان والفقير فعلا
لكن طول مراحل انتاجه
المستفيد هو الغلبان " وبعدين ما كلنا غلابة لله والله "
* المشروعات دي هتشغل النجار والسباك
و النقاش ومشرف الجودة ومشرف العمال
و الغفير علي الخامات والمهندسين و السواق توفير فرص عمل جديدة دون الخلل بالهيكل العمالي الحالي .... يعني ناس من البطالة
🤷🏻‍♀️

🔸
الخدمات اللوجيستية و ادارة المواني
* شركة ارايز دخلت شراكة مع مينا دمياط لبناء محطة متعددة الخدمات لاستقبال السفن العملاقة ترانزيت و خدمات ملاحة
" زي المحطات اللي عاملاها مينا شنغهاي كده
🔸
مجال الادوية
شركة فاركو هتتكامل مع شركة جمجموم فارما السعودية
فاركو هتفتح في السعودية
و شركة جمجموم هتفتح في مصر مصنع وشركة ادوية كبير
🔸
خوارزمي فتشرز و خزنة كومباني
رايحين السعودية لتوسيع النشاط المالي
🔸
شركة اكوباور مع القابضة المصرية للكهربا
اتفاقية توليد ونقل الكهربا من طاقة الرياح
وبيعها للسعودية
🔸
4 شركات في مجال الاغذية
خد مثال
60 فرع للبيك
* هيشغل كااام عامل
* مزارع فراخ
* موردين البطاطس
غير موضوع سلاسل الامداد
واللي داخل فيها شركات كتير منها مغربي للزراعة و تريانجل جروب
ايه رأيك بقا يا عزيزي
🤔

نقول اللهم بارك و ربنا يزيد ويبارك
👌🏻

-----------------------------------------------------------
🔴
نبص بصة علي العالم بقا
ونبدأ من اوروبا
مدير وكالة الطاقة فاتح بيرول أرسل بيان الي رويترز قالهم ايه احنا جتلنا تقارير تفيد ان روسيا قررت قطع الغاز نهائيا عن اوروبا
لأن عندها طلبات خارجية وعقود اخري
" القيصر ماشي بمبدأ . فمن استغني نحن عنه اغني "
😁

بكرة هيطلع معانا تريند
ماذا لو عاد الاتحاد الاوروبي معتذرا
و النبي لو معتمرا وعامل حج ما في غاز بردو
😁

هذا من شأنه تجمد القارة الاوروبية في الشتاء القادم
علي الاخ ماكرون القاطن في الشانزليزيه
ان يسرع في العملية z و لا x
المهم يخلصوا من المهرج العميل قبل الشتا
🙄

وبما اننا جبنا سيرة ماكرون
فأقولكم علي أول لطشة المعارضة البرلمانية في الحكومة الماكرونية
و بص شوف مارين لوبان بتعمل ايه
كنت قولتلكم ان اليمين المتطرف والاصولي
*سكرتيرة الدولة لشئون التنمية في الحكومة " دي علي درجة وزير " كريسولا زاخاروبولو "
في شكوتين اغتصاب مرفوعين عليها
واحدة يوم 25 مايو والتانية 16 يونيو
لأ مش هي اللي تم اغتصابها
هي اللي اغتصبت 2 ستات .. حرمة صعرانه
😁

هي كانت اصلا طبيبة نسا
وعليها تهم تحرش بالستات
و دي قضيتين اغتصاب بالقوة
ومارين لوبان طلبت التحقيق فيها لاثبات سلوكها المنحرف و طردها من منصبها
و الخبر ده اتنشر علي ماغيان الاسبوعية
و فرانس برس ووصل رويترز .. وحاجة اخر جرس يا عزيزي
يسكتوا علي كدااااا
ابداااا
النائب المعارض ايريك
فتح قضية ماكرون حاول التعتيم عليها
لوزير التضامن و المعاقين " هي اسمها كده بتوع الديموقراطية المتنمرين
😒
"
ايه القضية دي 3 حالات اغتصاب منهم 2 سيدات من ذوب الاعاقة الفكرية و الراعي لهم هو اللي اتقدم ضده بالشكوي
لا حكومة تشرف رجالة وستات
🙄

طبعا الموج عالي .. تقدمت الست رئيسة الوزراء بالاستقالة ... وماكرون رفض وقالها انا في عرضك انتي في مقام ماما خليكي جنبي
🥹

وبكده يا عزيزي اقدر اقولك ان فرنسا داخلة علي حرب طااااحنة بين البرلمان المعارض
و الحكومة
و في صوباعين تلاتة اربعة بتجيب للحكومة اللي تحت الحوض كله
😏

و في النهاية هيحصل المخطط الروسي
و الحكومة هتبقا من المعارضين لماكرون .. الموالين ل بوتين
😁

" مش انا اول امبارح اما سألتوني مين فاز في انتخابات برلمان فرنسا ... قولتلكم بوتين
😁
"
اظن يا عزيزي مكنتش تتخيل ابدااا ابداااااا ان الدول بتدار بالشكل ده ....... أنا مني لله مش كده
😔
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
---------------------------------------------------------
🔴
طب نشوف مهرج ليتوانيا
ماريا زاخاروفا المتحدث باسم وزارة الخارجية الروسية
سألها صحفي ايه موقف موسكو من ليتوانيا حتي لو فكت الحصار عن كالينجراد
قالتله بص يا عزيزي فكوا الحصار .. مفكوش الحصار
لقد انتهت المرحلة الوردية بين روسيا وليتوانيا
🤷🏻‍♀️

انا خلاص كويت التي شيرت الاخضر المعفن ل ناوسيدا
😁

راحت رئيسة الوزرا في ليتوانيا ردت الجيش الليتواني في اقصي استعداده للدفاع عن ليتوانيا
ف ردت ماريا زاخاروفا ببيان لطيف استعرضت فيه الجيش الليتواني
فطلع
23400 جندي بالاحتياطي
🙄

و 5 طائرات مقاتلات
و 8 مدرعات
و فيل و بيدق
🙄

دخلت علي الخط وزيرة دفاع المانيا وقالت ليتوانيا دي ناتووو .. ااه احنا مش هنسيبها وهندافع عنها والجيش الالماني موجود
😡

ردت ماريا زاخاروفا تااااني لقد كان قرار ألمانيا باعادة تسليح الجيش قرار سليم
تخيل يا مونبيه ان الجيش الالماني تعداده بالاحتياطي 200 الف جندي من سنة 1991 ... من بعد تفكيك الاتحاد السوفيتي كانوا قد شعروا بالامان
😕

" انا شايفة عقلها الباطن و هو بيقول وجالكم اللي ينيمكم من المغرب يا غجرررر
😡
"
راح اولاف شولتس لحق المتهورة وزيرة الدفاع وقال احنا ان شاء الله هنعيد بناء الجيش الالماني و نعيد تسليحه و بعدين نصحي بدري كلنا ندافع عن ليتوانيا
😁
احنا محتاجين 100 مليار دولار لبدء اعادة التسليح
🤷🏻‍♀️

" حرب فرش الملايات والله
😏
.. بس بوتين معاه جوز ستات موقفينه علي ارض صلبة
💪🏻
"
وبما اننا لسه في اوروبا
ف اكتشفوا في بريطانيا فيروس جديد ل شلل الاطفال
ووجدوا الفيروس في عينات اخدوها من مياه الصرف الصحي في بيكتون شمال شرق لندن
و ده فيروس اعراضه في اول 3 اسابيع شبيهه بالانفلونزا
بعد كده بيهاجم اعصاب العمود الفقري و قاعدة الدماغ ويؤدي لشلل في الساقين
🤷🏻‍♀️

-----------------------------------------------------------
🔴
حاجة بقا مكنتش تخطر علي البال والعالم اتفاجئ بيها انهاردة
اليابان اعلنت انهيار العملة
الين أصبح عملة منهارة
و بتعتذر للشعب ان الاسعار هترتفع بنسبة 100%
و ذلك بسبب ارتفاع تكلفة الاستيراد وخصوصا للوقود والمواد الخام
🤷🏻‍♀️

وفي مكان اخر
الحكومة السيرلانكية اعلنت انهيار الاقتصاد
و خرج رئيس الوزرا اللي وزير مالية
ناشد الشعوب بإنها تتوجه لهم بالاعانات الغذائية و الادوية و الوقود
🙄

-----------------------------------------------------------
🔴
صحيح قبل ما انسي عم المجرة بيقولكم اي حد له ديون او سندات عند روسيا
يروح ياخدها بالروبل
اللي سجل انهاردة 53 روبل / دولار .... بيعمل عظمة الروبل من اول الحرب
👏🏻

و هو خلاص أصدر المرسوم
و اذاعته وكالة الانباء الروسية انترفاكس
و قال بعض العملات الدولية قررت الانتحار يوم ان فرضت علي روسيا عقوبات
واثيييق من الفوز
😁

هذا واستغفر الله لي ولكم و للتحالف العربي
و معانا عم المجرة وتحيا مصر
🇪🇬
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
رقعة شطرنج 23 يونيو 2022 :
جيلان قاسم
هو تميم جي لييييييه
🤔

هو هيبقا في مصالحة مصرية قطرية
هو احنا هننسي اللي عملته معانا قطر
🔷
هنبدأ الاجابات من تحت لفوق
من امتي المصري بينسي تاره ... ده لو تميم جاب امه وجه يخبطوا علي بيوتنا مش هننسي انهم متورطين في دم رجالة الكتيبة 101 ... ولا قضية التخابر
😏

طب و كده هنعلن المصالحة المصرية القطرية
ونعلنها ليييييه يا عزيزي
هو احنا اصلا كنا قولنا دوليا ان احنا متخانقين معاهم
🤷🏻‍♀️

العركة كلها كانت ضمنية
انما دبلوماسيا مفيش اي خلاف معلن
طب و جي ليه بقاااا
🤔

و عشان نجاوب علي السؤال ده .. محتاجين نفتكر كام نقلة كده
يوم 23 مايو اللي فات اتوجه وفد ألماني لقطر للاتفاق علي استيراد الغاز
* ألمانيا بتستهلك غاز 100 مليار متر مكعب سنويا بتاخد 55% منهم من روسيا ... و 32% من هولندا اللي هي بتجيبه من روسيا والباقي من النرويج
يبقا بتاخد 87% من احتياجاتها من روسيا
* روسيا قفلت علي هولندا و خفضت التوريد ل ألمانيا الي التلت ........ يبقا كده ألمانيا لابسة في حيط رسمي
* قطر بتنتج سنويا 171.3 مليار متر مكعب من الغاز
يعني تكفي احتياج ألمانيا كله
📌
قطر قالت للوفد الالماني خدوا الغاز زي
ما هو وانتوا سيلوه بمعرفتكم
ألمانيا معندهاش محطات اسالة .. ما كنت باخد من روسيا و رايق ولا محطات ولا نيلة
😏

قالت معنديش محطات اسالة وهناخد سنة
و 4 شهور للبناء .. واساسا مفيش فلوس فائض يا باشا نبني
قطر عرضت أسعار فلكية .. ما صباع الهير تحت ضرس قطر ......................... مش أي حد يبقا فوهرر والله
😒

ألمانيا متقدرش ... طب نأجل الصفقة شهرين يمكن نوصل ل حل مع محطات الاسالة اليونانية ونمد خطوط بس
لكن في عالم البيزنس مفيش حاجة اسمها كلمة شرف .. ألمانيا بدأت تلف ورا الغاز الجزائري
الجزائر قالت لها تؤ أنا متفقة مع الصين حبيبتشي و بيننا شراكة
وزير الاقتصاد الألماني اعلن حالة التأهب القصوي لنقص الغاز .. وانهم معندهمش اللي يكفيهم لنهاية شهور الصيف حتي
😏
.... مفيش وقت يا عزيزي شتا ألمانيا هيبدأ بعد شهرين ونص
📌
تلمع فكرة ما في راس تميم و شولتس بعد مذكرة التفاهم المصري مع الاتحاد الاوروبي في نقل غاز اسرائيل
ايه يمنع ان مصر تكون هي حلقة الوصل .. وتسيل الغاز عندها
🤔

طب يا چي معلش ده اقتراح تميم مثلا
طب ايه رأيك يا عزيزي لو قولتلك ان انهاردة في مصر تم توقيع مذكرة تفاهم بين وزارتي التجارة والصناعة والغرفة الالمانية للصناعة والطااااقة
واتفقوا علي فتح مكتب بالقاهرة
ليه بقاااا يا عزيزي
لمتابعة المصالح التجارية الالمانية في مصر
ايوا اللي هي ايه
هي ألمانيا فاتحة مطعم شاورما ابو شنايدر البرليني
🙄

كلللللل الحكاية
ان تميم جي يعرض تسييل الغاز القطري في محطات الاسالة المصرية وتروح لألمانيا زي نفس الفكرة اللي فاتت
🤷🏻‍♀️

طب هو هيرزعها خبط لزق كده
🤔

لا ده هو جايب معاه الصندوق السيادي القطري للاستثمار في مصر ب 5 مليار دولار
🤷🏻‍♀️

يحضرني مثل قليل الادب يا عزيزي
لو كتبته مارك هيبعت حد ياخد مني اللاب
😒

ما عليناااا
انا گ چي لو حد اتشقلب قدامي يقولي غير كده مش هقتنع
😏
... انا بيحكم عقلي نقلات الشطرنج وبس
نسأل السؤال المهم هو احنا يا چي لو امدينا ألمانيا بالغاز .. القيصر مش هيزعل مننا
🤔

طب هو احنا يا عزيزي عندنا محطات اسالة تكفي كل ده
هنقطعوا روحنا يعني
😏

ده بعد العمل بالطاقة القصوي
هنسيل حقلين اتنين للي ميتسموش اسرائيل
بأقصي تقدير هنقولهم ان شاء الله لما نبني المحطات
و بردوووو ده مش قبل الشتا
و بردو ده مش هينقذ ألمانيا من براثن الدب الروسي
🤷🏻‍♀️
 

Hunter

عضو معروف
إنضم
18 نوفمبر 2021
المشاركات
4,452
مستوى التفاعل
20,408
النقاط
238
المستوي
4
الرتب
4
Country flag
----------------------------------------------------------
🔴
نروح لشرق اسيا ونشوف الصين اخبارها ايه
لابدة في الدرة لأمريكا ولا ايه
🔷
🔶
الحقيقة هي بتتحرك بثبات انفعالي منقطع النظير
📌
الصين في معسكر تدريبي داخلي علي العقوبات
اللي هو تقفل شنغهاي شوية .. تفتحها فتقفل هونج كونج
توقعلها سهم في بورصة هونج كونج عمدا
و تنقذه في اخر لحظة
عاملين زيي
حاطة الشطرنج قدامها و بتلاعب نفسها
😁
😁

📌
بتفتح اسواق جديدة في اتجاهات لا تذعن لحوار العقوبات ده
📌
بتصنع سلاح و بتطوره وبتبيع منه لحلفاء جدد .. زي السعودية مثلااا
🤷🏻‍♀️

📌
بتساعد روسيا في التسلل من سلسلة العقوبات .. وكنت قولتلك من 4 ايام ازاي
يا عزيزي
📌
بتعمل مخزون رهيب من الطاقة من استيرادها من روسيا
📌
وفي نفس ذات الوقت .. مفيش مانع من خروج كام مقاتلة تقتحم الاجواء التايوانية لاثارة الذعر وتشتيت انظار الغرب عن روسيا
ف بوتين يمرر اي حاجة مباغتة كده
🔹
🔹
زي انهاردة مثلا 22 مقاتلة صينية اقتحمت مجال الدفاع الجوي التايواني لمدة ساعة و 12 دقيقة رايحين جايين
ان صاروخ يتعرضلهم ... ابدااااا
🤦🏻‍♀️
🤦🏻‍♀️

امتي هتتحرك في اتجاه تايوان
بالكتير اول الشتا
👌🏻
👌🏻
 

المواضيع المشابهة

الذين يشاهدون الموضوع الآن

أعلى أسفل