سؤال مهم وباحييك علية
- مبدئياً الصواريخ دي في حدود التكنلوجيا المتاحة ليهم بالاضافة للامكانيات المادية وفي نفس الوقت صعوبة ايصال سلاح متطور بعكس مثلاً حزب الله علشان قربهم من سوريا وبالتالي ايران , ومعاك ان جدواها ضعيف جداً خصوصاً في حالة تجديد المخزون والدعم الامريكي باستمرار
- المرة دي بقى العملية مختلفة خالص ودور الصواريخ هنا كانت بتستخدم المرة دي للالهاء واشغال اليهود لكن المرة دي استخدموها صح وكانت مفتاح الاختراق بالاضافة ان قبلها قصفوا اجهزة وابراج المراقبة وخرجوها من المعادلة ضيف على كدة عدم وجود المراقبة الميدانية اللي بيقوم بيها الجنود وبالتالي قدروا يتعاملوا مع السياج بكل اريحية وفجروة وعملوا فية فجوة سهلت مرور السيارات الرباعية والموتسيكلات منها , وفي نفس الوقت دة كان بيتم مع عبور الطيارات الشراعية وفي دقايق كانوا في قلب المستوطنات وعنصر المفاجاءة كان سبب في نجاح العملية
- العملية دي متدربين عليها كويس ومتخططة كويس وتعتبر عملية نوعية ثقيلة واتوقع ان فيها ريحة فاجنر في التخطيط مع ايران في سوريا لان كمان الطيران الشراعي دة محتاج تدريب اكثر من مرة ودة صعب انهم كانوا يعملوة في غزة لانة كان هيترصد بسهولة واتوقع بعد كدة الحدوتة مش هتقف على صواريخ يتسلى عليها نظام القبة بل هتكون عمليات نوعية بالشكل دة ولكن بطرق مختلفة
- المكسب هنا في العملية اية والكارت الكسبان = الرهائن
دة اللي هيتدفع علية تعويضات تبني كل اللي بيتهد دة دلوقتي واللي هيتعمل علية مساومات مع الاسرى الفلسطينين وهيكون كمان قاعدة في انطلاق اي تنازل او اتفاق هيحصل في المستقبل بعد ما الامور تهدا ويخلص كل الدب والقصف اللي شغال حاليا اللي هوة مش هيحرك ملف الرهائن دة خطوة واحدة لكن ثمنة اكيد غالي كارواح بتموت وعلشان الصورة توضح اكثر وانا لية باقول ان الكارت دة هو الكومي اللي هيقش في الاخر هاديك مثال لاخر حركة تبادل رهائن عملها نتنياهو بنفسة وهي صفقة شاليط اللي تم تبادل فيها فوق الالف ( 1000) اسير مقابل جندي واحد وتم بناء عليها كمان اتفاق امداد الكهربا وخلافة ... مثال تاني الاسرى الامريكيين الخمسة وازاي طهران خدت فيهم مسجونيين واتصرف لها 6 مليار من الاموال المحجوزة ... القصف طول عمرة بيحصل من اسرائيل وطول عمرها غزة بترجع تاني والنهاردة اهوة بتعمل عمليات اقوى من الاول كمان لكن الجديد المرة دي ال170 اسير تقريباً هما اللي غيروا المعادلة خالص وممكن كمان يستخدموا كدروع بشرية لو حصل غزو بري ... اهم حاجة الان حماس تفضل محافظة على حياتهم ووجودهم في غزة
تحياتي
مشاهدة المرفق 23889