دفاعا عن البطل العظيم اشرف مروان

ن - 1 قال:

عميل مزدوج مش معناها إنها شغال لحساب الجهتين بإخلاص، معناها إن شغال مع الجهتين لكن جهة واحدة اللي ولائه ليها فعلاً.
فيه أسئلة كتير ملهاش إجابة، وأنا عقليتي عقلية نقدية مش بحب أريح دماغي وخلاص. خصوصاً إن مفيش أدلة موثوقة. مدير المخابرات الحربية وقت الحرب واللي تولى المخابرات العامة برضه نفى صلة الجهازين بيه ودول أهم جهازين استخباريين في البلد. وأظن جهاز المخابرات كان قدامه فترة طويلة يقدر يطلع يقول روايته عن الموضوع وأكيد تم تشكيل لجنة في عهد عمر سليمان لبحث موقف أشرف مروان الحقيقي زي الفريق حسن التهامي اللي كان نائب رئيس الوزراء وأحد أعضاء الضباط الأحرار واللي كان صلة الضباط الأحرار بالمخابرات الأمريكية وتم تشكيل لجنة من المخابرات العامة فيما بعد واستنتجت إنه احتمال كبير تم قلبه أو زي ما بيتقال بالمصطلح الأمريكي they flipped him لإنه يكون عميل للمخابرات الأمريكية وتم استبعاده من السادات كوسيط.

أنقر للتوسيع...

ن - 1 قال:

ممكن مصدر على الكلام ده؟

أنقر للتوسيع...

Thunder wolf قال:

أحييك يا صديقيي علي منهجك النقدي و المحلل و لكن الأزمة هنا حاليا في الطرح اللي ذكرته هو غياب المصدر الرسمي بتوقيت مبكر و لكن هذا ليس معناه أن الطرح غير صحيح
لأن بنيه الرواية و الطرح المصري أكثر تماسكا من اللارواية الإسرائيلية و اللي بيتعاملوا بنظام أننا نجحنا في خرق دائرة عبد الناصر الأقرب و ده النصر الدعائي الوحيد اللي بيحافظوا عليه مع فشلهم الكارثي في ملف اشرف مروان الطعم
ثانيا لماذا يغتال الموساد اشرف مروان لو لم يكن اشرف مروان كان خدعهم و اذاهم باللي عمله و ده يصب في صالح الرواية المصرية

أنقر للتوسيع...

OSORIS قال:

مقال المستشار حافظ اسماعيل نفسه ..تحت عنوان الدبلوماسية والحرب نشر عام ١٩٩٤ في جريدة الاهرام

مشاهدة المرفق 33649

أنقر للتوسيع...

ن - 1 قال:

3-حسب الرواية المصرية، الوحيد اللي كان عارف بموضوع أشرف مروان هو الرئيس السادات، وإن توجه أشرف مروان للموساد كان بأمر مباشر من السادات، وهنا فيه سؤال نطرحه على نفسنا. من أمتى رئيس الدولة بيجند جواسيس؟ وهل السادات مؤهل لكونه ضابط حالة - Case officer عشان يقدر يدير العملية دي ويقرر ايه المعلومات اللي ينفع تروح لإسرائيل وايه مينفعش؟

أنقر للتوسيع...

Thunder wolf قال:

الإجابة اه نقل معلومات سليمة بغرض اكتساب المصداقية أمر منطقي و أنهم عرفوا من طرف آخر هذه ايضا كانت جزء من الخطة لتبرير حشود القوات المصرية علي القناة و لكن السلوك الإسرائيلي المعتاد هو الضربات الإجهاضية الاستباقية
و لكن للتحكم في تأخير الضربة كان نقل المعلومة من قبل اشرف مروان أن الحرب ستكون الساعة السادسة مساءا و هذا يتناسب مع الثقافة العسكرية لتوقيتات العمليات العسكرية و التي كانت تتم في أول خطوط الليل عند المغرب مع حلول الظلام أو اول خيوط الفجر صباحا
و لكن الهجوم المصري كانت عبقريته أنه في منتصف النهار الساعه 2 ظهرا
و لتفادي أي احتمالات و تجنبا لضربة اجهاضية كان يجب الوصول حتي للتحكم في توقيت الضربة الاستباقية المحتملة لنجاح عملية العبور بسلام
مستوي التخطيط المصري كان دقيق لهذه الدرجة و اكثر
لو تسمح لي يا استاذي الفاضل لماذا أخبرهم اشرف مروان التوقيت الساعة 6 مساء و احضرنا المصدر العبري علي هذه النقطة في الفيلم الذي تم ارفاقه سابقا و لم ينقل المعلومة الصحيحة الثانية ظهرا إذا كان يعمل لصالح إسرائيل
ثانيا احنا عرضنا الموقف المصري مفصلا أكثر من مرة و لم يتم عرض سيناريوهات اللي حضراتكم اقتنعتم بيها كتفصيل مناقض لما أوضحنا
و تحياتي لحضرتك

أنقر للتوسيع...

ن - 1 قال:

فندم. لا المخابرات العامة ولا الحربية كانت بتدير أشرف مروان. ودي معلومة مؤكدة

ده لينك لحوار المصري اليوم مع مدير المخابرات الحربية وقت الحرب فؤاد نصار

من فضلك, تسجيل الدخول أو تسجيل لعرض المحتوي!

مشاهدة المرفق 33646


مشاهدة المرفق 33647

أنقر للتوسيع...

Nile Crocodiles قال:

هو في مدير مكتب لرئيس دولة بيسافر الى دولة اجنبية قبل الحرب بساعات قليلة بدون ترتيب مسبق.....

يا جماعة احنا لما موظف حكومي بيجي يسافر بياخد موافقات كتيرة حكومية فما بالنا بمدير مكتب رئيس الدولة وبالتاكيد اجهزتنا السيادية كانت نشطة جدا في منافذ مصر البحرية والجوية لمراقبة حركة السفر وكان امره هيتفضح لو لم يكن هناك تنسيق في سفر اشرف مروان الى لندن قبل الحرب بساعات لاكمال خطة الخداع الاستراتيجي مع الاسرائلين
تحياتي لك استاذي

أنقر للتوسيع...