رئيس «مصنع 300 الحربى»: فى طريقنا لتصنيع الأسلحة والذخيرة بنسبة مكون محلى تتخطى 95%
بعد الأبحاث التى تجريها الشركات الشقيقة
أكد المهندس طارق عزت رئيس شركة أبو زعبل للصناعات المتخصصـة (مصنع 300 الحربى)، أن الشركة فى طريقها لتصنيع الأسلحة والذخيرة بنسبة مكون محلى مصرى تتخطى 95% بعد الأبحاث التى تجريها شركة أبو زعبل للكيماويات المتخصصة (مصنع 18 الحربى) على البارود، وكذلك شرائط النحاس التى بدأت شركة حلوان للصناعات غير الحديدية (مصنع 63 الحربي) فى تصنيعها خلال الأسابيع الماضية لتلافى أي أزمات عالمية.
وقال فى تصريحات سابقة لـ «المال»، إن الشركة تستهدف تطوير البندقية الآلية AK47 ، خلال الفترة المقبلة مع الإنتاج الكمى للقاذف السداسى، بعد الطلب المتزايد عليه من قبل القوات المسلحة ووزارة الداخلية.
ودخلت عملية إنشاء شركة أبو زعبل للصناعات المتخصصـة (مصنع 300 الحربى) حيز التنفيذ فى 2005، وبدأت الإنتاج عام 2020، بعد نقل خطوط إنتاج مصانع “45 و54 و27” إلى منطقة أبو زعبل بعيدًا عن المنطقة السكانية، وبهدف تدبير خطوط متطورة للذخائر والأسلحة.
وبلغت تكلفة أعمال الإنشاءات المدنية للمصنع نحو 811 مليون جنيه وتمت على 5 مراحل، وتضم الشركة 4 مصانع لإنتاج الأسلحة الصغيرة والمتوسطة وذخائرها والبوادئ والمفجرات.
وتضم الشركة 4 مصانع لإنتاج الأسلحة الصغيرة والمتوسطة وذخائرها والبوادئ والمفجرات والشركة مقامة على مساحة 371 فدانًا وبها حوالى (2000) ماكينة ومعدة مختلفة الأنواع، ولديها رخص تصنيع من كبرى الشركات العالمية بينها كلاشنكوف الروسية وبيريتا الإيطالية.
كمية فرح غير طبيعية بحاجه صغيرة
و AK47 وهنطوره
والله الأدمغة دي هتودينا في داهية قلة علم وتصريحات غبية داخله في بعضها
من كلامه
*
أكد المهندس طارق عزت رئيس شركة أبو زعبل للصناعات المتخصصـة (مصنع 300 الحربى)، أن الشركة فى طريقها لتصنيع الأسلحة والذخيرة بنسبة مكون محلى مصرى تتخطى 95% بعد الأبحاث التى تجريها شركة أبو زعبل للكيماويات المتخصصة (مصنع 18 الحربى) على البارود، وكذلك شرائط النحاس التى بدأت شركة حلوان للصناعات غير الحديدية (مصنع 63 الحربي) فى تصنيعها خلال الأسابيع الماضية لتلافى أي أزمات عالمية.
معناة الكلام إننا هنصنع أسحلتنا وذخيرتنا بنسبة 95 وطالع بعد أبحاث عالبارود
يعني سنة 2022 إحنا بندور لسه على البارود اللي هنحشيه في طلقة سلاح عندي من أيام حرب أكتوبر ... وده يستدعي كلام عاطفي من ميدر مصنع عسكري بأن شركة شقيقة بتجرب الأبحاث وده مكتوب في الخبر فوق رغم إن السلاح مفيهوش أشقاء السلاح فيه ... على سنة كذا ألاقي عندي كذا وكذا وتتقال يافندم مش شقيقي ... فاضل نوزع ورد على بعض
وبرضك شرائط النحاس اللي شركة حلوان بدأت تصنعها
حلو قوي
كده بنتكلم في رصاص ... سنة 2022 وبنحزق من الفرحة
طيب لو السلاح اللي هتطوره ده كورنر شوت وده موجود في دولة جنبك من زمن الزمن
ولا سلاح أخف بمعدل رماية أعلى
ولا هنتكلم عن عيارات فوق العيار الإعتيادي للكلاش
ولا هنتكلم عن مسدس بدقة رمي وصلابة سبيكة واعتمادية
يبقى سنة 2099 علشان حضراتكم في وسطنا
سيبوها بقى انتوا واللي وصلنا كده للعيال السيس الثورجية أبو لبانه لأنه احتمال على مايخلص 2022 يكون عندك مش بندقية بدل AK-47 يكون عندك مدفع 155 بذخيرته وحركه ومداه
أنا قرفان من أم التصريح ده ومكنتش عاوز أرد بس نقول إيه ... إبليس متسلسل يبقى النفس شغاله
وماتزعلوش مني وخدوا رأيي ارموه البحر
وقال فى تصريحات سابقة لـ «المال»، إن الشركة تستهدف تطوير البندقية الآلية AK47 ، خلال الفترة المقبلة مع الإنتاج الكمى للقاذف السداسى، بعد الطلب المتزايد عليه من قبل القوات المسلحة ووزارة الداخلية.
سابقة ... تصريحات سابقة ... يعني هات من السكريبت القديم ... إعلامنا جامد ... لما المال وده اسم صحيفة هي اللي تتكلم عن تطوير السلاح ... وشكل وزارة الإعلام والدفاع والإنتاج الحربي ... ياجماعة الخير لما قلنا وفروا المال علشان نطور سلاح مكانش قصدنا على الصحيفة ... قصدنا كان على الورق اللي عليه فراعنه ومساجد ومكتوب عليه أرقام وبييجي من مكنة ال ATM ... لكن مش صحيفة المال ... مش كده يعني
ودخلت عملية إنشاء شركة أبو زعبل للصناعات المتخصصـة (مصنع 300 الحربى) حيز التنفيذ فى 2005، وبدأت الإنتاج عام 2020، بعد نقل خطوط إنتاج مصانع “45 و54 و27” إلى منطقة أبو زعبل بعيدًا عن المنطقة السكانية، وبهدف تدبير خطوط متطورة للذخائر والأسلحة.
انشاء 2005 وثورة 2010 ... 5 سنين بنعمل ايه معرفش ... وانتاج سنة 2020 يعني 5 سنين بعد 2017 أو 7 بعد 2015 ولسه هننتج سنة 2022 وكل ده هنجيب شرائط النحاس والمصنع الشقيق بيشتغل عالبارود
أنا فاكر إن بمب العيد كنا بنلعب بيه وانا عندي 6 سنين يعني من 31 سنة يعني قبل المصنع ده ب 16 سنة وكان عم فلان الله يرحمه يجيب ورق تذاكر اتوبيس النقل العام ويحشيه بقى ويشد السلكة على الورق ويقولك انفخ واضرب تسمع صوتها قد كده ... يعني لو عم فلان ده اتعمل له مشغل ممكن يعمل بمبه 50 كيلو تزعل شارع مش 17 سنة ولسه هجمع شرايط نحاس
بس للأمانة قرار انشاء شركة أبو زعبل للصناعات الهندسية كان سنة 2016 ... يعني برضك أنا هوزع خير كلامي على المصنع واللي كاتب الخبر محدش هيشيل غباوتي لوحده
وبلغت تكلفة أعمال الإنشاءات المدنية للمصنع نحو 811 مليون جنيه وتمت على 5 مراحل، وتضم الشركة 4 مصانع لإنتاج الأسلحة الصغيرة والمتوسطة وذخائرها والبوادئ والمفجرات.
بالجنيه يبقى ملهوش لازمة ... كلمة دولار يعني أجانب دخلوا بدماغهم ...هتبقى جنيه ؟؟ ... هنتكلم كأشقاء ومصانع راضعه من لبن واحد
شغل جهينة كده ... امسك نفسك شويه يافندم انته رئيس شركة متخصصة لها كام مصنع وبطلوا هبل في الكلام
وتضم الشركة 4 مصانع لإنتاج الأسلحة الصغيرة والمتوسطة وذخائرها والبوادئ والمفجرات والشركة مقامة على مساحة 371 فدانًا وبها حوالى (2000) ماكينة ومعدة مختلفة الأنواع، ولديها رخص تصنيع من كبرى الشركات العالمية بينها كلاشنكوف الروسية وبيريتا الإيطالية.
معاك رخصة ...تمام ... بقالنا قد ايه ...؟ وابتكرنا إيه ...؟
نتحاسب بقى ... علشان شغل الهطل ده
بالنهاية من الغريب جدا إن كل الأخبار عن الهيئة دي والشركة دي جاية من جريدة المال تحديدا ماعدا ... تغطيات الزيارات الرئيسية طبعا لأنها من غير جرائد بتبقى تغطيات مباشر وأكتر من قناة
بس بيفكرني في المستشفى لما صحفي أمه ولا والده كان مريض عندنا وخف فبيحب يطري علينا كده بعنوان ومانشيت ... ولما برضك واحد يزعل يقوم خبطك خبر ويقولك شر مبين وفساد عظيم
وتلاقي في إدارة المستشفى باب مفتوح للصحفي ده لأنه بيتكلم حلو
رايح جاي من غير اي تلاتين لازم وماكسبوش مني غير إن هشتمهم في رمضان يوم جمعه قبل الصلاة
بس الراجل بيأدي واجبه وبيجيب الأخبار ومنها شيئ مهم
صورة من افتتاح حضانة المصنع لأبناء العاملين والعاملات ... طيب نخترع ونعمل حاجه نفخر بيها على قد مكانتنا وأنا كمواطن أعملها ملاهي مش مجرد حضانة
هاجي أرضعهم أنا بنفسي
بس والله والله ربنا يحاسب كل من وصلنا لكده
عاوز أشتم وأقول تركيا بتدي سلاح لأوكرانيا ضد الروس ... يعني عاوز أفهم ايه اللي كان بيتنيل قبل كده ... اثيوبي كان عندها مشروع طيران مسير ... بلاش تركيا حد يقول ناتو
هو بس كان فيه إيه ... يعني لما تقوم حرب نبعت حلل وأسعارنا في ثبات برغم التحديات
طيب ابعت حله نطلع فيها موسكوفا الغارق
اللهم إني صائم