هقول حاجة هتزعل وكلنا عارفينها ومش قادرين نعترف بها لنفسنا
مفيش مستثمر حقيقي هيجيلنا واحنا عندنا مؤسسات بدون تسمية بتستأثر بكل الميزات التنافسية عماله رخيصة واعفائات ضريبية وجمركية وتخصيص اراضي بقرارات رئاسية
غير انها اصلا متحكمة في الجهات التشريعية والقضائية والتنفيذية . ممكن نقول بينا وبين بعضنا دا ضروري علشان حالتنا بس الكلام دا ميكلش مع رؤوس الأموال.والابتزاز الحاصل اليومين دول من ناس زي سويرس وبتاع بيرامدز ما هو الا نتيجة طبيعية في بيئة لايتوفر فيها مبدأ تكافؤ الفرص
مش عايز احكم واقول المفروض الجيش يخرج من الاقتصاد زي مبيتقال بلا بلا بلا
بس الازمة الاقتصادية اللي احنا فيها بصراحة علي قد ماهي صعبه علي قد ما هي هتريحنا مستقبلا .ياما النظام الاقتصادي اللي تم انتهاجة خلال العشر سنوات اللي فاتت يخرجنا من الازمة بشطارتة بعد متشال من علي اجهزة دعم الحياه الخليجية .ويتم اعتمادة كنظام كفؤ .او يتم تفكيكة بالغصب قبل ماتخرب علي الكل