علاء ابراهيم. افضل هداف وقناص فى تاريخ الكرة المصرية (وجهة نظر شخصية)

عاشق الوطن قال:

علاء ابراهيم المهاجم المصرى السابق انا اعتبره افضل قناص وهداف فى تاريخ الكرة المصرية:
١- لما كان فى الاهلي كان هداف الاهلي والدورى المصرى واخد بطولات كتيرة مع النادى الاهلي وكان له فضل كبير فى حصول الأهلي على هذه البطولات بحكم انو افضل مهاجم فى الفريق وبحكم أهدافه
٢- لما انتقل لفريق بتروجيت كان هداف بتروجيت والدورى كمان !!
٣- لما احترف ولعب لفريق الوحدات الاردني كان هداف الفريق وكمان هداف الدورى الأردنى واخد معاه الدورى كمان !
٣-علاء ابراهيم كان بيتمتع بمجموعة مهارات ومواصفات تخليه لاعب عالمى بكل المقاييس:
- اعصاب هادئة امام المرمي
- تمركز جيد
- قدرة رائعة على الإفلات من الرقابة نتيجة فرق السرعة بينه وبين مدافعين الخصم وقدرته الممتازة على تغيير اتجاهاته بشكل مفاجئ وسريع وبشكل مستمر وتغيير مكانه باستمرار بالإضافة الي لياقته البدنيه العالية
- قدرته على إنهاء الهجمات بشكل سليم وسىريع بدون تسرع أو تباطؤ
- قدرة ممتازة على التحكم فى الكره والتسديد القوى على مرمى الخصم من مسافات بعيدة ومن اتجاهات مختلفة
- قدرته على توقع أخطاء المدافعين واستغلالها
-قدرته على التسديد وتسجيل الأهداف من أوضاع تمركز غير متوقعة ويصعب التسديد من خلالها
- قدرته على التسجيل من زوايا صعبة
- وفوق كل ده كان لاعب منضبط جدا وكان محافظ على مستواه بشكل ثابت طوال فترة لعبه
- يعتبر علاء ابراهيم لاعب عالمى بامتياز لانو مش بس مهارته عاليه لا ده كمان عنده ذكاء تكتيكى رائع ومش ويكتفى بتنفيذ تعليمات المدرب أو مهارته بس لا كان بيضيف لمسته الخاصة فى الملعب وعشان كده انا بعتبره لاعب عالمى بامتياز

أنقر للتوسيع...