"قناة السويس المصغرة منخفض القطارة" الجديدة والتي ستجعل المطر يهطل في الصحراء

Golden Fingers قال:

قلقان من موضوع المياه المالحه … لانها ممكن تؤثر على المياه الجوفيه وتزيد الملوحة في الواحات ومناطق الدلتا الجديده ..

وانا معاك ان لو تم اثبات عدم تأثيرها الكبير على النظام البيئي والاقتصادي لابد وان تتم …. وان تكون ايضا قناه وليست سد .

أنقر للتوسيع...

Shokry قال:

المياة الجوفية هناك بتاعة خزان المغرة مش النوبي ودا ملوحته قليلة بالقرب من الدلتا وعالية بالقرب من شرق المنخفض..بتوصل لتلت ملوحة البحر

مشاهدة المرفق 30141

في المقابل ملئه هينزل امطار تعدي ٣٧ مليار متر مكعب سنويا بجانب تلطيف الجو والجانب الاقتصادي

تخيل بس انك تعمل جزر صناعية باقل من ربع تكلفتها في اي دولة في العالم وتبيعها بسعر اعلى لأنك اقرب لاوروبا وجوك الطف؟

المنخفض مؤهل لدا لان فيه أماكن ضحلة كتير

مشاهدة المرفق 30142

أنقر للتوسيع...

مصر دمى قال:

طب رى الاراضى التى فى الساحل الشمالى الليبي
يعنى معظم الاراضى التى تروى من مشروع النهر العظيم الليبي هى مياة جوفية وتروى اراضى ف شمال ليبيا ولم تحدث ان ملوحة البحر المتوسط دخلت على تربة اراضى الساحل الشمالى الليبي ومعروف ان مناطق برقة وبنى غازى من اخصب الاراضى فى ليبيا كلها
على الرغم ان مياة الصرف الاراضى هذه لا تصرف فى البحر المتوسط ولكن يعاد تحليتها مرة ثانية لاستخدامها فى الزراعة والصناعة و مياة للشرب
اعتقد من خلال قراءاتى ان الخبراء الانجليز والامريكان هم من ادعوا ذلك وأخذ عنهم بعض الخيراء المصريين هذا الرأى هذا على حد علمى
ولكن الامثلة كثيرة وتوجد اراء لبعض الخبراء المصريين من ٧٠ سنة تنقد راى ملوحة الدلتا
ولكم الشكر والتقدير

أنقر للتوسيع...

Lion84 قال:

ليه متكونش قناتين
رايح جاي
فرع يدخل مياه البحر للمنخفض وفرع يرجع مياه المنخفض الزيادة الي البحر
كده نضمن توليد كهرباء اكتر
وعشان متزيدش الملوحه ويتحول لبحر ميت

أنقر للتوسيع...

Shokry قال:

هو موضوع القناتين دا مفيد جدا لانه هيسرع معادلة الملوحة لكن التوليد من السدود كده كده مش هيبقى منطقي لو هتملى المنخفض بالكامل لان مش هيبقى فيه فرق في الارتفاع ومفيش ميه زيادة هتدخل ولا حاجة لان الموضوع بينتهي بعد تطابق المناسيب

التوليد ممكن بالمد والجزر والأمواج ومش لازم في المنخفض ممكن في اي بحر مفتوح حسب المناطق الأنسب

أنقر للتوسيع...

Lion84 قال:

ما هو القناة العكسية هتقلل المنسوب باستمرار

أنقر للتوسيع...

Shokry قال:

ازاي؟
التيار بيحصل نتيجة فرق المناسيب ولو مفيش فرق مناسيب مفيش تيار

المنخفض تحت سطح البحر ايه اللي هيزق المية للبحر من المنخفض؟

أنقر للتوسيع...

MaD84 قال:

ممكن يكون قصده أن السدود بيكون فيها قناه يتسحب المياه من أمام السد و ترجعها البحيره خلفه من خلال محطة رفع

أنقر للتوسيع...

Shokry قال:

يعني هنولد كهربا من السد ولا هنستهلك كهربا في محطة الرفع؟

أنقر للتوسيع...

MaD84 قال:

غالبا اه لما بيكون فيه وفرة فالكهرباء بيتم استخدامها لرفع المياه للبحيرة السد

أنقر للتوسيع...

Shokry قال:

لو عملت سد ع المنخفض عمر ما هيبقى المستوى اعلى من سطح البحر بمستوى يسمح بتخزين مياه وتوليد طاقة بتصريفها للبحر إلا لو حبيت تغرق الدلتا وساعتها هتحتاج سد عملاق
مشاهدة المرفق 30685
الحل عشان يبقى أمان لازم القناة تبقى مفتوحة وممكن تعمل زي قناطر تقفلها وقت الحاجة انما في الطبيعي ديما مفتوحة لأنك لو عملت سد وحصل فرق في المناسيب هيبقى نقطة ضعف وممكن بتضرب

موضوع توليد الطاقة الكهرومائية العائد بتاعه قليل والاستثمار عملاق والمخاطر عالية من ضرب السد واغراق المجتمعات المحيطة

أنقر للتوسيع...