متابعة مستمرة لتجمع بريكس الاقتصادي

عبد الباقى · 24 أغسطس 2023

𓈙𓉔𓏲𓎡𓂋𓏭 · 24 أغسطس 2023

محروس قال:
اتمنى اننا نستغل وضعنا الافريقي من دلوقتي و نجهز عندنا شركات مقاولات لبنية تحتية وكهربا ومواصلات
وصحة وتعليم .. الخ ولا الصين حتكوش لان هما شاطرين
الشي الاخر بدل قنوات مالهاش لزمة وبرامج هبلة ومذيعين بيض نلغي كم قناة من عندنا ونفتح قنوات ناطقة بلغات افريقية
لان الاعلام يساعدك ويزق شوية ولا كانك يابو زيد ماغزيت

عيب بقى دانت واخد مشاريع في ليبيا والجزائر والكونغو وتنزانيا وجنوب السودان وفيه كلام عن مشاريع في ساحل العاج ونيجيريا وغيرهم..انت ارخص من الصينيين..الغاز عندك واقرب لأفريقيا يعني لوجيستيا تكسب

𓈙𓉔𓏲𓎡𓂋𓏭 · 24 أغسطس 2023

مصر أثبتت أنها اقوى من جنوب افريقيا سياسيا ودخلت المجموعة غصب عنها وتحت رئاستها..صحيح في المقابل جابت اثيوبيا لكنها قبلت بالهزيمة

محروس · 24 أغسطس 2023

Shokry قال:
عيب بقى دانت واخد مشاريع في ليبيا والجزائر والكونغو وتنزانيا وجنوب السودان وفيه كلام عن مشاريع في وساحل العاج ونيجيريا وغيرهم..انت ارخص من الصينيين..الغاز عندك واقرب لأفريقيا يعني لوجيستيا تكسب

ده اكيد القصد من كلامي عايز ابقى عملاق موجود في كل حته زي الصين

𓈙𓉔𓏲𓎡𓂋𓏭 · 24 أغسطس 2023

محروس قال:
ده اكيد القصد من كلامي عايز ابقى عملاق موجود في كل حته زي الصين

هيحصل وتأكد أنك في اقل السيناريوهات تفاؤلا هتبقى مقاول من الباطن لان مكسبهم اكبر معاك

محروس · 24 أغسطس 2023

Shokry قال:
مصر أثبتت أنها اقوى من جنوب افريقيا سياسيا ودخلت المجموعة غصب عنها وتحت رئاستها..صحيح في المقابل جابت اثيوبيا لكنها قبلت بالهزيمة

طز فيهم وايه اثيوبيا يعني ! علاقتي مع بقية الدول في المنضمة ممتازة اللي مستغربه عدم دعوة الجزائر مع ان علاقتها مثلا مع روسيا والصين كويسة .. الا لو تمت الدعوة ورافضة انضمام دول محددة

( J O K E R ) · 24 أغسطس 2023

مطلع الشمس قال:
هو حضرتك والأخوه هنا ناسيين الاتحاد الافريقي اللي يضم 55 دولة مقره فين ومين يعتبر مؤثر عليه .. بالظبط زي مصر فيها جامعة الدول العربية وقناة السويس فهي دولة مؤثرة .. الناس دي مش بتتكلم على فلوس وأقتصاد مش ناقص الصين وروسيا والبرازيل والهند فلوس لكن عايزين نفوذ جيو استراتيجي .. وصلت

سيبك من اتحاد الخرم الافريقي والكلام ده لانه ملوش لازمه
حتي منتدي غاز شرق المتوسط له اهميه ووزن عن الاتحاد الافريقي
زيه زي جامعه الدول
اسم فقط ولا ليها اي لازمه

عبد الباقى · 24 أغسطس 2023

Shokry قال:
مصر أثبتت أنها اقوى من جنوب افريقيا سياسيا ودخلت المجموعة غصب عنها وتحت رئاستها..صحيح في المقابل جابت اثيوبيا لكنها قبلت بالهزيمة

مصر كبير افريقيا ان شاء الله و بالارقام مش عنتريات
اقتصاديا , جنوب افريقيا بتواجه مشاكل كبيرة جدا , عنصرية و مشاكل اجتماعية , بنية تحتية متداعية و انقطاع كهرباء مستمر فى طول و عرض البلد , اللى شايل اقتصادها استخراج المعادن , لكن صعب انتشالها نمن الركود اللى داخلة عليه
نيجيريا اقتصاد قايم على النفط و اكبر عدد سكان فى القارة , لكن مستوى خدمات متداعى و مشاكل عرقية و دينية , لو انهار النفط هينزلوا جامد
مصر اقتصاد متنوع و صاعد , ربنا كريم

𓈙𓉔𓏲𓎡𓂋𓏭 · 24 أغسطس 2023

عبد الباقى قال:
مصر كبير افريقيا ان شاء الله و بالارقام مش عنتريات
اقتصاديا , جنوب افريقيا بتواجه مشاكل كبيرة جدا , عنصرية و مشاكل اجتماعية , بنية تحتية متداعية و انقطاع كهرباء مستمر فى طول و عرض البلد , اللى شايل اقتصادها استخراج المعادن , لكن صعب انتشالها نمن الركود اللى داخلة عليه
نيجيريا اقتصاد قايم على النفط و اكبر عدد سكان فى القارة , لكن مستوى خدمات متداعى و مشاكل عرقية و دينية , لو انهار النفط هينزلوا جامد
مصر اقتصاد متنوع و صاعد , ربنا كريم

اكيد وكمان شايف ميزة من دخول اثيوبيا..أن من مصلحة المجموعة حل اي نزاع بشكل سلمي عشان ميأثرش على نمو المجموعة

محروس · 24 أغسطس 2023

Shokry قال:
اكيد وكمان شايف ميزة من دخول اثيوبيا..أن من مصلحة المجموعة حل اي نزاع بشكل سلمي عشان ميأثرش على نمو المجموعة

بالضبط
السعودية / ايران
مصر / اثيوبيا

كنت متوقع دخول الجزائر و المغرب بس ممكن تكون هي المشكلة دي اللي مانعاهم

AHMED LABEB · 24 أغسطس 2023

Shokry قال:
مصر أثبتت أنها اقوى من جنوب افريقيا سياسيا ودخلت المجموعة غصب عنها وتحت رئاستها..صحيح في المقابل جابت اثيوبيا لكنها قبلت بالهزيمة

فيه انباء انها اختارت اثيوبيا من افريقيا زى ما كل دوله من البريكس اختارت دوله روسيا اختارت ايران والصين اختارت السعوديه والهند اختارت الامارات والبرازيل اختارت الارجنتين ومصر دخلت بعد تصويت جماعى واختاروا مصر من الدول الباقيه يعنى جنوب افريقيا القذره مكانتش عايزه مصر لانها اكبر تهديد لزعامتها المزيفه مصر اقوى منها اقتصاديا وسكانيا وسياسيا واستراتيجيا

عبد الباقى · 24 أغسطس 2023

Shokry قال:
اكيد وكمان شايف ميزة من دخول اثيوبيا..أن من مصلحة المجموعة حل اي نزاع بشكل سلمي عشان ميأثرش على نمو المجموعة

بص يا صديقى , ميزة المجموعة ان الصراع بقى تكلفة الفرصة البديلة بتاعته اعلى , يعنى التعاون مع مصر بقى فى اطار مكاسب كبيرة هتخسرها اثيوبيا لو بدأت بالصراع
لكن اثيوبيا مش فى مستوى انها تدخل صراع معاك , لكن الخلايجة و ولاد عمهم اللى عايزين خصم قوى فى جنوبك يبقى شوكة فى ضهر توسعك
لا أمان لمستقبل مصر فى وجود أثيوبيا دولة موحدة , عدو محتمل و خصم لدرجة عقائدية . دى وجهة نظرى المتواضعة

mahmoud Mustafa · 24 أغسطس 2023

محروس قال:
اتمنى اننا نستغل وضعنا الافريقي من دلوقتي و نجهز عندنا شركات مقاولات لبنية تحتية وكهربا ومواصلات
وصحة وتعليم .. الخ ولا الصين حتكوش لان هما شاطرين
الشي الاخر بدل قنوات مالهاش لزمة وبرامج هبلة ومذيعين بيض نلغي كم قناة من عندنا ونفتح قنوات ناطقة بلغات افريقية
لان الاعلام يساعدك ويزق شوية ولا كانك يابو زيد ماغزيت

اول دولة بالاستثمار فيها في مجال الصحة العامة والسكان وإصلاح المستشفيات والتعليم وبناء طرق وكباري ومحطات مياه وكهرباء وصرف صحي هي أثيوبيا يمكن تلين دماغها الحجرية اللي لسه عايشه علي افكار أن سكان شمال افريقيا هم مستعمرين واستعبدوا شعوب أفريقيا السمراء وباعوهم الأوروبيين والامريكان في القرن الثامن عشر والتاسع عشر يمكن نجد معاهم لغة مشتركة للتعاون ونضع اتفاق يحفط حقوقنا المشروعة في مياه نهر النيل بدون حروب ووجع قلب

عبد الباقى · 25 أغسطس 2023

fo-235 · 25 أغسطس 2023

mahmoud Mustafa قال:
اول دولة بالاستثمار فيها في مجال الصحة العامة والسكان وإصلاح المستشفيات والتعليم وبناء طرق وكباري ومحطات مياه وكهرباء وصرف صحي هي أثيوبيا يمكن تلين دماغها الحجرية اللي لسه عايشه علي افكار أن سكان شمال افريقيا هم مستعمرين واستعبدوا شعوب أفريقيا السمراء وباعوهم الأوروبيين والامريكان في القرن الثامن عشر والتاسع عشر يمكن نجد معاهم لغة مشتركة للتعاون ونضع اتفاق يحفط حقوقنا المشروعة في مياه نهر النيل بدون حروب ووجع قلب

ماسموش نهر النيل.... اسمه أباي أي الهارب. في ثقافتهم ولغتهم النيل هو الهارب اللي بيروح بخيره لبعيد ومابياخدوش منه حاجة

عشان كدة إنسى... لازم بالعافية او بلوي الدراع

AHMED LABEB · 25 أغسطس 2023

يلعن ابو سماجه اهلك

( J O K E R ) · 25 أغسطس 2023

عبد الباقى قال:
لا أمان لمستقبل مصر فى وجود أثيوبيا دولة موحدة , عدو محتمل و خصم لدرجة عقائدية . دى وجهة نظرى المتواضعة

وفي نفس الوقت انت مش عارف مين اللي ممكن يمسك الحكم مكان ابو احمد وموقفه ايه من السد

عبد الباقى · 25 أغسطس 2023

( J O K E R ) قال:
وفي نفس الوقت انت مش عارف مين اللي ممكن يمسك الحكم مكان ابو احمد وموقفه ايه من السد

موضوع السد اكيد ليه خطة , غير موضوع التربة و انهيار سد السرج
انا قصدى , انها كدولة هتفضل ضد مصالحك . دايما هتقلب الافارقة عليك و تسيطر على دول شرق افريقيا . ده اللى عاملها صيت

مطلع الشمس · 25 أغسطس 2023

السكربت الدوار بين غلمان المؤامرة :
- الدولار مش هينتهي بالسهولة دي وانت مش هتخلص منه بكرا
والاجابة: مفيش حد متخصص او عاقل قال ان الدولار انتهي او هنخلص منه بكرا.. انت اللى مركز مع اللى شبهك عشان شغل اللجان بتاعكم باليومية مش اكتر .. بس مصر اساسا بدات التبادل التجاري مع روسيا والصين بالفعل بالعملات الوطنية وفيه اتفاق مع الهند والبرازيل بل ومع تركيا ايضاً.. فالموضوع مش سهل بس بدأ.
*******************
السكربت رقم (2) :
احنا مش بننتج حاجة اصلا.
الاجابة اعمل اى سيرش بسيط عن التبادل التجاري بين مصر والهند او الصين او روسيا او حتى تركيا والبرازيل عشان تفهم.
مش ننتج حاجة اصلاً دى تقولها فى بيتكم اخر اليوم وانت شرابة خردة..
أهم عشر مجموعات سلعية صدرتها مصر إلى روسيا خلال عام 2022:
1. فواكه بقيمة 302.3 مليون دولار.
2. خضر ونباتات بقيمة 207.2 مليون دولار.
3. صابون بقيمة 11.8 مليون دولار.
4. آلات وأجهزة ومعدات كهربائية بقيمة 10.7 مليون دولار.
5. بذور وأثمار زيتية بقيمة 10.3 مليون دولار.
6. لدائن ومصنوعاتها بقيمة 7.7 مليون دولار.
7. محضرات خضر بقيمة 7.4 مليون دولار.
8. ألبان بقيمة 5.5 مليون دولار.
9. ملح وكبريت بقيمة 4.3 مليون دولار.
10. زيوت عطرية بقيمة 3.4 مليون دولار.
أهم مجموعات سلعية صدرتها مصر إلى الصين عام 2022
وقود وزيوت معدنية ومنتجات تقطيرها بقيمة 1.2 مليار دولار.
فواكه بقيمة 74.3 مليون دولار.
أغذية محضرة للحيوانات بقيمة 62.1 مليون دول.
ألياف نسيجية بقيمة 26.5 مليون دولار.
جلود بقيمة 17.5 مليون دولار.
أهم مجموعات سلعية صدرتها مصر إلى الهند خلال عام 2022:1. وقود معدني وزيوت معدنية ومنتجات تقطيرها بقيمة 1.1 مليار دولار.
2. أسمدة بقيمة 242.1 مليون دولار.
3. منتجات كيميائية غير عضوية بقيمة 240.8 مليون دولار.
4. ملح وكبريت بقيمة 91.5 مليون دولار.
5. قطن بقيمة 76.8 مليون دولار.
*******************
دا بالنسبة ل 3 دول فحسب .. انما لو اتكلمنا عن الصناعة المصرية فى زمن الرئيس السيسي محتاج سلسلة مقالات .. انت بس اللى بتقلب اراجوز بزمبلك لما يحصل افتتاح لمشروع انتاجي وبيتتسرح فى شبكات ولجنجنية ورا مقطع مقتطع من سياقه للرئيس قاله يوم بدء عمل المشروع .. ما هو يا ابني انك تبقا لجنجي بالقطعة وتفهم مصر بتصنع وتصدر ايه صعبة عليك.
*******************
السكربت رقم (3):
الصين والهند دول فقيرة
فبراير 2020: الهند تصبح خامس أقوى اقتصاد في العالم متجاوزة بريطانيا وفرنسا وفى التقرير ذاته الصين رقم واحد فى العالم.. امال امريكا تنكش فى الصين عشان ايه ؟ عاركة ع جاكى شان ؟
بعدين انت مش قلت سنة 2014 اليونان وقبرص دول فقيرة وضعيفة يوم ما تحالفنا معاهم وكان التحالف دا نواة محور شرق المتوسط وحسم معركة غاز المتوسط مع تركيا اللى جت زاحفة وتم تاسيس منتدي ومنظمة غاز المتوسط فى القاهرة بعضوية اغلب دول المتوسط ما عدا تركيا اللى راهنت عليها وسرحتك وبتسرحك بالهراء دا ؟
*******************
السكربت رقم 4 :
فرحانين علي ايه ؟
الشعب المصري طول عمره ضد التجبر والهيمنة .. والغرب كل مشاريعه هيمنة عليك وعلى الضعيف وعلى الجار اللى اختلف معاه فى الشرق وافريقيا واسيا بس محبش اشوفه مضروب .. فلما اشوف فيه محاولة عالمية بثقل وجود روسيا والصين لكسر الهيمنة والاحادية القطبية لصالح عالم متعدد الاقطاب وانا بيتم الموافقة على انى اكون موجود معاهم طبيعي افرح..
انما عشاق الشعور بالدونية واحتقار الذات والشعور بالضآلة وعقدة الخواجة ولعق نعال المشروع الامريكي وشم شرابات سيد قطب وكارل ماركس وتتوظف غلمان وجواري فى شبكات الصوابية والمركزية الافريقية والعولمة الامريكية النيوليبرالية عمرك ما هتحس بحاجة غير بالضيق طبعاً.
انما "الحر" .. "السوي" .. "الاصليين" .. طبيعي يرحبوا جدا بـ بريكس وباى مشروع عالمي لكسر الهيمنة الغربية.
*******************
السكربت رقم 5:
امريكا مش سهلة
شوف يا ضنايا وحياتك ما حد بيروج لقوة امريكا وان اسرائيل تدير العالم سراً وانه مفيش حاجة اسمها امريكا اتهزمت بـ 30 يونيو 2013 او فى احداث كثيرة حول العالم اخرها النيجر غير اللى زيك .. اللى مدعي انه ضد امريكا والغرب وانتوا اساساً كل اكل عيشكم تروجوا للمشروع الامريكي بدعاية عكسية وسلبية مش اكتر .. انتوا ضد امريكا ومشروع الغرب فى اول سطر من كلامكم بس من اول تاني سطر للسطر المئة بترددوا نفس خطاب المؤامرة وخطاب الغرب عن وروسيا والصين وبريكس ودولار والنيجر و30 يونيو والجيش والسيسي.. انتوا مش فى مصلحتكم انه البعبع اللى بترتزقوا بالترويج لضعفنا ضده يمشى او يموت او يتفكك او حتى يتبدل .. انتوا عايزنها كدا دايما وبس عشان الوضع دا بمعطياته بيكسبكم اكتر مهما عملتوا نفسكم اشتراكيين او تقدميين او عروبيين او بعثيين .. الخ فى النهاية عندكم متلازمة ستوكهولم مع الامريكان من ايام الستينات وبتتوارث فى بيوتكم الاشتراكية مش اكتر.
*******************
السكربت رقم 6:
الانضمام ل بريكس مش ضد امريكا او ضد طرف معين
حاول تقنع الامريكان بكدا يا ضنايا .. معلش .. تحالف فيه روسيا والصين والهند ومش ضد امريكا .. دووود .. ار يو كريزي ؟
الخلاصة صانع القرار فى مصر فاهم واللى راصد بريكس والامبراطورية الروسية الثالثة - كما فعلها كاتب تلك السطور - منذ البداية فاهم طبيعة التحديات والتوازنات.
مصر ليست فى معسكر بذاته .. مصر لا تنتمي الى اى قطب دولي بل مصر قطب فى حد ذاته .. علاقتنا والمصالح المشتركة قائمة مع الجميع .. بس فكرة الخطوط الحمراء انتهت .. لا امريكا تقولي اعمل ايه مع روسيا ولا روسيا تكلمني عن العلاقات مع الامريكان .. دا اللى اسمه عالم متعدد الاقطاب ومصر حجزت مكانها فى المستقبل دا ك قطب اقليمي له دور دولي مستقل ومتفرد.

من فضلك, تسجيل الدخول أو تسجيل لعرض المحتوي!

راس البر · 25 أغسطس 2023

انضمام مصر للبيركس انجاز تاريخى لو تعلمون عظيم,,,

متابعة مستمرة لتجمع بريكس الاقتصادي

عضو مميز

ولقلبي أنتِ بعد الدين دين

ولقلبي أنتِ بعد الدين دين

عضو معروف

ولقلبي أنتِ بعد الدين دين

عضو معروف

عضو مميز

عضو مميز

ولقلبي أنتِ بعد الدين دين

عضو معروف

عضو مميز

عضو مميز

عضو نشط

عضو مميز

عضو مميز

عضو مميز

عضو مميز

عضو مميز

عضو مميز

عضو معروف

المواضيع المشابهة

الذين يشاهدون الموضوع الآن

Privacy & Transparency

Privacy & Transparency