مرحبا بك في منتدى الشرق الأوسط للعلوم العسكرية

[Rafal 100]

من غير تفاصيل كتير لقيت الفيديو ده .
والسؤال هنا ايه اللي بيحصل مع مشاريع MUT ؟؟؟؟

في بداية ظهور مدرعات ST كان الاب الشرعي لها هو رجل الأعمال ميشيل نايت ،اللي جاي من جنوب أفريقيا علشان يضيف كل ماهو جديد في صناعة المدرعات في مصر من خلال شركة MUT .

لغاية مااصبح فيه علامات ؟؟؟؟؟؟؟؟؟ كتير عن مشاريع تلك الشركة في مصر..

لغاية ما الراجل طلع يعيط من اللي حصل معاه ؟؟؟؟؟

كمان شويه ظهرت نفس المدرعات بعلامة شركه مجهوله اسمها اميستون خلال معرض العلمين للطيران ....

حاليا طلعت شركه جديده لتلك المدرعات اللقيطه، اسمها ماراثون يونايتد ..

 

[Forget Them All]

والنسخة الحاملة للصواريخ م/ د محدش عارف عنها حاجة

 

[Lion84]

شركة ماراثون هي اسمها أما كانت في جنوب افريقيا
IMUT اسمها أما جات مصر
اميستون هي صاحبة حقوق تعاقدات الشركة يعني زي وكيل تسويق كده

 

[صانع]

من فضلك, تسجيل الدخول أو تسجيل لعرض المحتوى !

مارثون يونايتد هى نفسها IMUT

انترناشيونال ماراثون يونايتد تكنولوجي - IMUT

من فضلك, تسجيل الدخول أو تسجيل لعرض المحتوي!

 

[صاعق-1]

ابوها مضيع وقته مع الهيئه العربيه لتصنيع
اصل بيخاف قطاع الخاص يخش على شغله إلا بشروط.
فا تلاقيه مش معترف بيها ياعيني

 

[أحمد الشافعي]

انت راجل محترم جدا تحليلاتك كلها ممتازة وببقي سعيد لما بتناقش معاك في اي موضوع

بس مش شايف ان اغلب مشاركاتك فيها تحامل شويه علي القوات المسلحة ومبالغة في جلد الذات؟؟

يعني مثلا مدرعات التمساح اللي كنت مستعجل علي إنتاجها
ظهرت فعلا في اخر تفتيش حرب بإعداد كبيرة مع وحدات الصاعقة

توقعي الشخصي ان الوضع الاقتصادي الحالي هو السبب في تأخير بعض الصفقات او برامج التصنيع المحلي
يعني مثلا صفقه ال 30 رافال كانت بقرض مدته 10 سنين لان اكيد مفيش سيوله كافيه لتمويل الصفقه من ميزانية القوات المسلحة
وان شاء الله لو الدنيا اتحسنت اقتصاديا(ده غالبا شبه مستحيل من وجهه نظري لان المنطقه رايحه لحرب بين اليهود وايران)القوات المسلحة هتشتغل وهتكمل تطوير باقي الافرع

واحنا اللي عملناه من 2011 لحد دلوقتي يعتبر قفزه استثنائية في التسليح
اول مره يبقي عندنا نوعين من منظومات الدفاع الجوى بعيد المدي ( الاس 300 في ام وال IRIST SLX)
وردادرات aesa عند الدفاع الجوي ال Gm400
واول مره نمتلك طائرات مقاتله برادرات مسح إلكتروني نشط AESA
والبحرية بتاعتنا اول مره تمتلك فرقاطات دفاع جوي

 

[اسماعيل عبدالله]

من فضلك, تسجيل الدخول أو تسجيل لعرض المحتوى !

IMUT

INTERNATIONAL MARATHON UNITED TECHONLOGY​

مجموعة ماراثون الدولية للتكنولوجيا المتحدة
ــــــــــــــــــــــــــــــــــــــــــــــــ
المؤسس : دكتور جي ميشيل ف. نايت
ــــــــــــــــــــــــــــــــــــــــــــــــ
30% من رأس مال IMUT مملوك لجهات حكومية
ــــــــــــــــــــــــــــــــــــــ
التسويق لها اميستون

 

[قومي]

الواحد زعلان اكتر مش بس عشان المدرعه والي النفروض ندعم الشركه لانها عندها قدره اكبر في اخراج مشاريع اعظم واسرع من اي قطاع حكومي الي مزعلني اللودر الي كانو هينتجوه كانت بوابه للدخول للصناعات التقيله الي زي اللوادر والكركات وكل المعدات دي بس للاسف بعد العصار الله يرحمه وشوية الموظفين الي جم سرقو فكرة الراجل في مدرعة st100 ونقلوها للتمساح وسحبو علي الراجل

 

[Rafal 100]

@أحمد الشافعي .
تحياتي لحضرتك .

قريت جمله مكتوبه علي عربيه عجبتني جدا :
اللي يشغلك يهبلك ...

ومن الواضح أن الواحد من كتر التفكير فعلا وصل لمرحله زي كده..

علشان كده دي هتكون اخر مشاركاتي لفتره ...
تحياتي لك مره تانيه ..

 

[صاعق-1]

من فضلك, تسجيل الدخول أو تسجيل لعرض المحتوى !

انا شايف اصلا ان الميزانيه تتوجه لدعم المعدات المنضمه حديثا سواء ذخائر او صيانه و باقي الصفقات تتاجل

 

[أحمد الشافعي]

من فضلك, تسجيل الدخول أو تسجيل لعرض المحتوى !

اخر مشاركاتك ليه؟
مش للدرجه يعني
هو في الاخر منتدي هواه والناس كلها بتقول رايها

ترامب غالبا هيكسب واليهود هيضربوا الشيعه المجانين بتوع ايران قريب والدنيا هتولع
لازم تكون موجود استعداد للمعجنه دي 🤣

 

[hazem]

من فضلك, تسجيل الدخول أو تسجيل لعرض المحتوى !

علشان فعلا الجيش محتاج تطوير في كل الأفرع حرفيا ففعلا الموضوع مقلق ويشغل خصوصا في الأجواء اللي حوالينا

الحمد لله حصل دفعة في التسليح خصوصا البحرية وحوالي 100 مقاتلة بس أحنا للأسف جايين من بعيد جدا وعلشان كده محتاجين حاجات أكتر وأسرع

 

[أحمد الشافعي]

من فضلك, تسجيل الدخول أو تسجيل لعرض المحتوى !

معاك طبعا

بس من متابعتي للصفقات اللي عملناها اغلبها كان بقروض
المشكله عندنا اقتصادية

 

[أحمد الشافعي]

من فضلك, تسجيل الدخول أو تسجيل لعرض المحتوى !

تخيل ان احنا كهواه عارفين ان كل الصفقات اللي حصلت دي مش كفايه لان حجم الجيش بتاعنا ضخم جدا
وفيه ناس زي عصام حجي اعتبروها ملهاش لازمه واهدار للاموال!!
كان زمانا حاليا احدث طائره مقاتله عندنا الاف 16 برادار ميكانيكى والبحرية لسه معتمده علي غواصات الروميو وفرقاطات البيري والنوكس والدفاع الجوي بدون منظومات بعيده المدي

 

[Egy2052]

اولا دي اول مدرعة محترمة ننتجها في مصر واللي منها طورنا عائلة تمساح وطورنا فهد لمعيار افضل اي نقض للمدرعة هيكون ظالم واتمني الجيش يشجع الشركة بمختلف الطرق

 

[Aymanop1522]

ياجماعة لو عاوزين الشركات تشتغل مش لازم كل حاجة تنتجها تخدم الجيش لان عندنا عائلة تمساح بأنواعها بيتم تعميمها في الجيش
اذا كان الهيئة عندها مدرعات مدخلتش خدمة في القوات المسلحة
والمجنزرة سيناء دية مجرد بداية تصنيع المجنزرات سواء محلي أو بالتعاون مع الغير

 

[اسماعيل عبدالله]

من فضلك, تسجيل الدخول أو تسجيل لعرض المحتوى !

المدرعة اللى فى الفديو بتطلق صواريخ GAM-102 كانت مدرعة CSK141

 

[Forget Them All]

من فضلك, تسجيل الدخول أو تسجيل لعرض المحتوى !

ياعزيزي انا بتكلم عن المدرعة اللي في الصورة اللي أمامك وواضح للجميع انها ST100؛ اما بخصوص المدرعة اللي ظهرت بالفديو فاتفق معاك انها مكنتش ST100