بص يا استاذى لو الاعلام محترف و مهنى طب ليه الوعى صفر؟
الوعى صفر لأن الناس لا تقرأ ولا تبحث للاسف.
ومش عايز اللوم الناس قوى لأن كل الناس مهتمه اكتر بحياتها الشخصية وفكرة الشخص أصبحت غالبه على فكر البلد والشعب بدليل ما يحدث في ظل الأزمة الحالية من التجار والمستوردين.
وكل ما يريد أن يستغل الوضع للحصول على أكبر مكسب له.
ماهو يا الدنيا حلوه و الاعلام فاشل يا الدنيا وحشه و الاعلام فله
هو الإعلام فيه مشاكل وعايزينه يبقى احسن.
والدنيا صعبه وبندعى تكون افضل والوضع الحالى يعدى على خير.
ومايحصلش أسوأ من ما احنا فيه.
كلنا كنا طلبة و كلنا عارفين التعليم المصرى عامل ازاى وكلنا عارفين ان فى ناس بتنجح و بتجيب تقدير و مابتشتغلش بشهادتها و ناس بتجيب مقبول و بتشتغل بواسطة.
ده صحيح ولكن لا نستطيع أن نقول إن كل الشعب كده او كل مصر كده.
ولكن ده ليظهر بسبب حجم سكان ضخم ولو بنكلم على الحكومة فلما يكون عندنا ٦ مليون وزيادة موظفين طبيعى تظهر هذه المشاكل بالشكل ده.
انما فرص العمل فى القطاع الخاص مفتوحة وكلنا دائما نتحدث عن القطاع الخاص ويجب فتح الباب له اكتر طيب ما هو موجود بالفعل يبقى ليه ارجع افكر فى افكار انتهت خلاص.
.....تشكر يا استاذى و الله الواحد بيحب يتناقش مع حضرتك عشان علطول بنستفيد
العفو يا استاذى الكريم احنا بنستفيد كلنا من بعض.
انا فاهم بس الموضوع بقى crutch و بقى دليل على الكسل مش الاحترافيه
ابدأ القصة مش كده اللى بيحتاج نظام اخبارى بتم التعامل بالطريقة الإخبارية.
انما لو الموضوع بيحتاج مناقشة بيتم ده باستضافة متخصصين يشرحوا المواضيع.
وفى الأغلب ده اللى يتم.
و هل النتيجة الحالية مرضية؟
احنا عايزين نبقى احسن اكتر وبالتأكيد مش عايزين اى أخطأ خائبة تخلى موقف إعلامنا غير منضبط.
و الاعلام فاشل فى الاتنين......لا يوجد اعلامى محترف كله كوبى بيست من بعض هى ورقة بتنزل زى الورقة بتاعت خطبة الجمعة.
الخبر او المعلومة بتكون واحده وفى الأغلب بيكون المصدر واحد اللي بيفرق من اعلامى واخر أو وسيلة إعلام وأخرى هى كيفيه إيصال المعلومة باسهل وافضل طريقة ممكنه.
اتصل لأكثر كم ممكن من الناس وده بيعتمد كمان على المتلقى وتقبله للاعلامى والوسيلة الإعلام ودى كمان حاجة صعب تقدر تقيسها أو تعمل لها ميزان.
يا سيدي الفاضل العالم به أشخاص تختلف على وجود خالق.
وهم ما هم من عقول ودراسات وتطور.
المواطن المصرى الشائع ظروفه غير ظروف حضرتك.....
أنا أتأثر بنفس الظروف يا استاذى ولست مختلف ويدعى ربنا كل يوم أن ربنا يسترها معايا لأن احنا مش ماشين غير برحمة ربنا علينا وستره.
كل من المؤيد و المعارض لديه دوغماتية
حضرتك باصص "لفكرة" الاخوان انها كما لو انها حشيش او مخدرات و عيب اننا نشربهم...دعنى اقول لحضرتك ان الموضوع اكبر من فى مبرر او مفيش مبرر ان حد يشوفهم....مش كل المصريين تفكيرهم/حالهم/بيئتهم واحده
بعد ما مر علينا جميعاً ورأينا بنفسنا وعيشنا فيه مش طبيعي أن يكون نظرتى بهذا الشكل إنما هم فصيل خائن و متآمر و يستقوى بالخارج ده غير أن أصله تم بصنيعه من دول خارجية ومعروف توجهم ضد مصر.
يبقى البلد حالها يرثى لها
بالتأكيد لا ده طبيعي فى ملفات لا تناقش بشكل عام وده مش اختراع عندنا ده موجود ايضا فى كل العالم.
العالم والدول لتظهر لك ما تريده.
وتخفى ما تريده أيضاً.
هل حصل أن حضرتك شوفت برنامج يصور التلوث البيئي في مياة خاصه بالبشره عندهم مثلاً.
هل رأيت احد منهم خرج يناقش مواضيع الجيش وميزانيته مثلاً.
هل رأيت احد منهم يقول لن ندفع ضرائب ولا جمارك ولا رسوم علشان أنا مش بحس أن فى تحسن.
لا احد فى الخارج يستطيع التحدث فى اى من هذا والا لو حدث كيف تم بناء هذه الدول من أساسه.
محدش قال انك تتبنى فكرهم ....الواحد بيقول انك تتكلم فى "كل" المشاكل حتى لو انت هتحط "التاتش"بتاعك انما جو مبارك انك تتجاهل المشكلة و تقول انها هتتحل لوحدها......
على فكره اخر ايام مبارك كان الإعلام فاتح على البحرى وكان بيكلم عن كل حاجه الا الرئيس وعائلته وده اتقال من إعلاميون كتير.
وبعد كل الحرية دى قامت ثورة رجعت البلد سنين للوراء.
ده كان زمن و جبر......دلوقتى بقى فى الآت الاعلاميه همها و شغلها الشاغل هو هدمك وانت لو فكرت ماتجبهش الآلة الاعلاميه ب آلة الاعلاميه فى نفس القوة ان ماكنش اقوى فا هتخسر الحرب من قبل ما تبدأ......تانى محدش بيقول تبنى فكرهم بس التكنولوجيا دلوقتى تطورت مابقتش قناة واحده او تردد واحد و بقى فى بدل القناة عشرة و بقى فى بدل قناة اليوتيوب الف و بقى فى بدل الvpn عشره الاف.....لازم لازم لازم تناقش المواضيع "الصعبة" و تget head of it
كلام صح ومتفق معاك وعلشان كده السوشيال ميديا لها تأثير ليس بالقليل أيضاً وبتوضح مواضيع كتير وأيضا فى اعلامين لهم برامج اخرى على السوشيال ميديا وأيضا صفحات بيتكلموا فيها مع الناس.
ماهو طول مافى اذن بيجى من واحد لا يفقه شئ فى الاعلام هنفضل نخسر الحرب الاعلامية.
لازم يفضل هذا النظام فى حاجات أمن قومى لا تصلح للمناقشات فى الإعلام.
وحتى إن تم الطرح لها من قنوات أو مواقع اخرى مش الطبيعى الرد عليها الا لو هى تمس المواطن بشكل أساسي.
ما المصيبة ان النظام الحالى عمل اشياء كثيرة "قد" ينظر اليها بشكل سئ من ضمنها "القتل" و هذا قد يجده كثير من الناس فعل خاطئ.
معلش أنا متضطر اسجل اعتراض شديد وبشكل واضح جدا ما فعله النظام هو رد على إرهاب.
ده مش وجهات نظر دى حرب بين مجموعة منحرفه خارجه عن القانون تمارس إرهاب دولى مدعم من الخارج ضد شعب ودولة هى مصر.
لا يغفل عن حضرتك و على كثير من الاعضاء هنا ان الامر لا ينظر اليه ان الامر هو فقط بين تيار اخوانى و بين نظام
لا يا سيدي الفاضل النظر الموضوع بشكل قاطع هو إرهاب ضد شعب.
وليس الأمر كما ذكرته حضرتك.
الامر اكثر تعقيدا الامر ينظر اليه على ان الاخوان اللى الدولة بدل كانت تحاربهم كانت بتديهم مقاعد فى مجلس الشعب و بطلعهم على التلفزيونات و كانت بتسمح بهبد كتير زى انهم حاربو فى73 يا استاذ صانع حضرتك بتبص بصورة لامر لا احد ينظر اليها بهذه الطريقة......
ده اسلوب خطأ تم التعامل به ايام مبارك هو المواءمة السياسية لامتصاص المشاكل والإرهاب الذى كانت تستخدمه هذه الجماعة وكانت عبارة عن مسكنات عند انتهاء مفعولها دمرت البلد.
لا تعتقد ان الاخوان هما بالنسبة لمؤيديهم هم مجرد تيار سياسى هلى حضرتك نسيت الماضى؟ حضرتك نسيت ان اللى هيصوت لدستور الاخوان هيدخل الجنه؟ هل حضرتك نسيت ان فى ناس ممسوكة مش اخوان؟
بالطبع لم انسى.
وده طبيعي بالنسبة لهم هم يدينون بولاء تام لقيادات الإخوان وبالطبع يكون ده تفكيرهم وبالطبع هم بهذا الشكل اعداء للبلد والشعب.
بالنسبة لاهلى فا السيسى قاتل عمل انقلاب عشان يسرق الكرسى من الاخوان "المسلمين" و هو اى حاجة اللي ميرضيش ربنا احنا معاه ندعمه ونؤيده؟
تاريخ الاخوان ملئ بالاغتيال والإرهاب وخروج جماعات كثيرة منهم تتبعهم متشدده تحمل السلاح تنصاع لامر قيادات الإخوان هذا تاريخهم وحاضرهم ومستمر معهم.
أما فكرهم هذا طبيعى أن يتم اختزال هذه الحرب فى الرئيس لاظهار أنفسهم مظهر المظلوميه المتبنى منهم طوال عمرهم حتى يكتسبوا تعاطف من ما يتعامل معهم.
ولكن القصة دى كتير فهم وانتهت بالنسبة له.
المصيبة ان تكون الحكومة فاكرا كده و فاكرا ان الاخوان مجرد فصيل سياسى زيه زى الناصريين او اليساريين......
بالتأكيد لا الحكومة دى دولة والدولة بها اجهزه مختصة تعلم ما يحدث جيدا.
يا سيدى الفاضل الموضوع حق و ظلم خير و شر........الامر مش موضوع جنائى او اخلاقى الموضوع معقد جدا جدا جدا.........
ده حقيقي لأنه عقائدى بالنسبة للإخوان.
وبالطبع هو بالنسبة للدولة إرهاب وشر مطلق وهنا اتحدث عن كثير أيضا من الشعب دون من يتعاطف مع هذا الفصيل الخائن لوطنه ودينه.
جرب كده اعمل انتخابات بين طالبان و بين تيار يسارى فى مصر وشوف مين اللى هيكسب و باكتساح.....
ده أمر غير واقعى وبالطبع لن استطيع القياس عليه لأن طالبان هى إرهاب مطلق صناعة امريكية.
مفيش حاجة اسمها غير مبرر طبعا ده رأى حضرتك بس الوضع العام فى مصر مضحك/مبكى لابعد مدى و الحكاية فعلا شر و خير وكل واحد فاكر نفسه الصح
ده مش رأى خاص بى فقط هناك كثير يقول ما اقول وبالطبع ده أمر غير مبرر كيف لى أو لأى وطنى أن يسمع لخائن وعميل وإرهابى وعدو لى ولبلدى ولا يفوت حدث الا واستغله أسوأ استغلال للضرب فى البلد.
انا فعلا بحاول معاهم من "سنين" كتيرة بس مفيش حاجة هتفيد غير "انجازات" هما يلمسوها بأيديهم غير كده انسى حضرتك
حضرتك الانجازات موجوده وهم يستفيدوا منها بالفعل من حياة كريمة أو تحسن الطرق أو المنظومة الصحية الجديدة أو بناء مدن جديدة أو منظومة النقل والمواصلات والسكك الحديدة.
قوائم الانتظار للعمليات الجراحية وكتير حاجات تانيه موجوده بس اللى عايز يعرف ويشوف هيوصل.
و الكلام ده عن تجربة انا كمان كنت من انا مش اخوان بس بحترمهم والجو ده و للاسف كنت احب اقول انى اللى خلانى اتغير هى انجازات الدولة اللى مغرقة البلد بس الحقيقة ان انا ماشوفتش حاجة "من الدولة" تخلينى انضم للتأييد.....
ده وجهة نظرك بالتاكيد ولو كل ما يحدث من مشاريع الدولة وما يتم عرضه فى كل وسائل الإعلام والسوشيال ميديا وهنا فى المنتدى وحضرتك تقول كده يبقى احنا هنا كمان فشلنا زى منظومة الإعلام اللى حضرتك انتقدتها تماما للاسف.
الحاجة الحلوه اللى بتعملها الدولة بتعمل قصادها حاجة وحشة بترجعها الف خطوه للوراء
فى حاجات كتير حصلت حلوه والأخطاء وارده ولكن كيف يتم تلقى ما يحدث؟
وتحياتى لحضرتك و اسف لو طولت
لا ابدا مافيش اى اطاله ولا شئ المهم القارئ يستفيد.
ده طبيعي وكان لازم يحصل ما اى تهديد لرمز من رموز الدولة قصر الاتحادية مركز من مراكز الحكم.
وهذا ينطبق على وزارة الداخلية.
ينطبق على وزارة الدفاع.
ينطبق على المحكمة الدستورية العليا.
ينطبق على كل مؤسسة فى الدولة.
أما ايام مرسى فكان من يتصدى هم الاخوان وأنصاره نفسهم لا مجال للمقارنة ابدا.