أنا زعلان أوي والله من فكر الناس المحترمة العاقلة في الحتة دي !!!
عارف انك زعلان مننا بس والله أنا ده اللي وصلتله بعد فترة من التفكير والمقارنة والاطلاع
الموضوع مش عافية فكر براحة
هما عدو أول لينا واذونا كتير وأحنا الطوبة اللي أتكسروا عندها كل ده حلو أحنا كمصر فين من الصراع ده يعني أستفدنا أيه غير فقر وجوع وأهانة وموت؟
أصل ما بيشلش الهم غير اللي عاشوا أستاذنا
الناس بس نسيت الوفاء والأمل والمصابين والافلاس اللي كنا علي حافته سنة ٩٠ كنا هنبقي اوسخ من الأرجنتين دلوقتي
وكل الدول اللي بتبتزنا عاطفياً أستفادوا وكبروا وبيذلوك ويهينوك علي فقرك والفكرة أنت مطبع بع ده كله وبيتقال عليك خاين أصلا
وحلو نشغل أغاني زمان الحماسية وتمام علي كده ونفض القاعدة
مصلحة مصر فين بقي هنا في الكلام اللي فوق؟
الناس أستفادت بي أيه؟
البلد استفادت بايه؟
متحرم علينا السلاح والاقتصاد والتآمر علينا طول الوقت ونطين في بنطلونا حرفيا علي أيه كل ده؟؟
انا راجل برامجتي مصلحة مصر اهم من اي حاجة بالنسبة لي
علشان كده بقول نتعامل مع تركيا وإيران عادي لو هستفاد منهم لو لا بلاش أتعامل مع الجن الازرق لو هستفاد منه لو في ضرر واحد في الماية لا يغور
محدش هنا هيحب مصر أكتر من السادات الله يرحمه واحد عاش علشان مصر ومات حرفيا علشانها
شوف قرارته كانت ازاي يمكن يمكن نفكر بشكل تاني
حاجة أخيرة الشعب بقي عنده شيزوفرينيا نوعا ما
في الوقت اللي رافض تتعامل فيه مع اسرائيل بحجو انها عدو بتجري وراء أمريكا ليه وهي الداعم الأكبر ليهم ومانعة عنك كل حاجة علشان خاطرهم؟
بنتعامل معاهم ليه ثقافيا واقتصاديا وسياسيا وعسكرياً ليه؟؟؟
جوبوني يمكن احنا اتجننا وانتوا العاقلين الله يباركلكم