فيه تمدد عسكري للصين واللي ظاهر منه مخيف والخفي أكبر
فيه Rumors
إن القوات الجوية الأمريكية فعلا سجلت مرئيا دوريات J-20 يعني بقت Operational
ولقيت كلام يصل للترهات بس متكرر برضك إن الصين فعليا معاها 150+ طيارة J-20
وأول أمس بيجربوا ال YJ-21 ومن على Type 055 يعني بقينا نتكلم عن أعتى تسليح لسفينة عالكوكب
قدرات رصدهم بتتعاظم بشكل كبير جدا وقدرات الأعمال الإلكترونية كذلك
ومع هذا مقدمة دعم لروسيا وباكستان بحسب الحال
وبرضك لسه مدخلتش صراع مباشر
وقوات صواريخها بتتعاظم بشكل رهيب بخلاف الإبن المدلل في كوريا الشمالية اللي صواريخه وصلت لمديات وتطور تكنولوجي نوعي السنتين اللي فاتو وعندوا استعداد يكون لجين بين رئيس الصين زي ما قديروف بيعمل مع بوتين
الأمريكان والغرب أغبياء ... فرضوا معادلة قوة على دولتين واحدة منهم عملاق نائم بس هو عملاق خلاص والتانية وارثة قوة دولة عظمى وحافظت على حاجات كتير منها وطورت حاجات هي رادع فعلي لأي قوة على وجه الأرض
يعني أضعف مافي الحلف ده يمسح قارة من على خريطة بس العقل بيقول النووي بنهدد بيه وخلاص وقوته في وجوده ومش لازم نجربه وعلى هذا تسير إستراتيجيات التعامل
طيب الوضع بقى مع روسيا أي سلاح لدولة عاوزه تصدره للأوكران وتاخد بديل أمريكي ماشي وكله بالثمن ... المجمع الصناعي كسبان
بس
هل أمريكا لوحدها تقدر تواجه كابوس حلف فعلي روسي صيني في عمليات متوازية في شرق أوروبا وبحر الصين
في أوكرانيا ... الإتحاد الأوروبي منقسم ...والناتو مش عاوز يحارب بس عاوز الوضع مشتعل والحرب لاّخر دم في جندي أوكراني برعاية الغرب والإسم مقاومة ... ورتم العمليات في إيد الروس .. يعني يصفي قول مدرع ولا يضرب طراد ... يقوم مدمر مدينة بالكامل ومعاه اللي يكرر بيه الفعل ده مرة واتنين وكتير والراجل ماكدبش لما قال أنا مستعد للعقوبات
وأخبار قفل المصانع الروسية عاملة هوس للناس ... ماهو مش مصنع في دولة عالم تالت هو وقفل ... دي دولة أصلا نايمة على مصانع
مصنع إيه ولا بوك إيه ولا تانجوسكا ايه اللي خطه لما اتقفل الفرح نط من شاشات الأوكران
شوفوا بقيت مصانع ألماز انتي وتعرفوا إن تقريبا لا شيئ حصل
بوريس جونسون حاسس إن أمه كانت أوكرانيه ... مراته لها عرق أوكراني ... بوتين عمله حاجه زعلته وهو صغير ... وسايق العبط ... مع إن تحليق طيارتين TU-95MS بحمولتهم هيخليه يشجب ويستنكر
بقيت الناتو بيبعت سلاح يقوم ينضرب شويه منه عالروس والباقي يتمسك في المخازن لما يحتلها الروس
ويجي حد يقول ده الروس وقع لهم 4 طيارات ... وفرحان ... ماهي مش دولتك ولا دولتي اللي وقع لها 4 طيارات علشان الفرح ده ... هو تقريبا بيقفل اربع طيارات غيرهم
مابيخلصش هو وهو مصنع يتيم اللي اتقفل ده لوصدقنا الكلام
الراجل انضرب له موسكوفا قالك الحرب العالمية ... مسك أوكرانيا كلها سارينات طوارئ ومايوبول وخاركيف وخيرسون عالخط
واللي هو سلموا نفسكم ... لأ ... يصور الضرب
ويجيب وزير دفاعه اللي كان منهار وعنده جلطة ومات ....!!!! يقوله بهنيك ياوزير ... خدنا ماريوبول ... قطمناها رسمي وهنحط العلم عليه ده مش احتلال ده تمكين والمدينة تقريبا اي حته دخلها الروس فتشوها بلاطة بلاطة .... ويطلع عالهوا طيب ياريس نديهم قنابل غازي ولا حته نووي تكتيكي ولا نحاصر ولا نجيب عاليها واطيها ... عيني عينك ... اللي هو اختار يافندم الموته من المنيو ... يقوله سيبهم شويه ... نظام حرق دم
الإعلام الروسي فيه تحول في رسائله الموجهة ... يا حضرات الاّزف اللي بتاخدوا Drugs علشان ماتحسوش بالضرب ودي مش شجاعة ماتولولوش وخدوا قراركم لأن رئيسكم الوطني المجاهد الثورجي ... بيسكر علشان ينسى والمعلومة مش موجوده هل حالة السكر دي من أول الحرب وكله شغل إعلام على قوات متعصبة واللي هو مديك وضعك فهتخدم زي كلب أمين ... حالة قوات قديروف كده ... ولا هو سكر مؤخرا وعرف النهاية ... ولا انتوا بتخدموا وطن ... طيب مقعدين المدنيين ليه
جايب الإنجليزي يدافع عنك ليه ... هو مش جايلك ... هو عينه على ماّرب أخرى
بوتين بيتحكم في أمد الحرب .. الأمريكان بيبعتوا مدافع ..؟ هل ده معناه إن الأوكران هيضربوا ... فكرة هجوم مضاد صعبة ولا خلاص إحنا هنتمركز هنا ونحط قواتنا على خط اشتباك وتخلص الحرب مفاوضات والسلاح في الإيد
ولا هو الإفلاس الأمريكي اللي هو اّخر ماعمله إنه شاغل الطراد موسكوفا ولما انضرب ... بوتين قال دي الحرب العالمية الثالثة و3 أيام بينفض في أوكرانيا لا فيه أي دلائل على انخفاض مخزونه من السلاح ولا معاناته اقتصاديا ... لا ده بيجرب عابر للقارات كمان
هو بيعمل ايه ... هل بيفصل الناتو عن أوروبا وهيرجع الأمر بعد كده بعقلانية أوروبا مع الروس وتحييد كلب انجلترا وأوربا تبطل تمشي في مظاهراته ولا هو كده مبسوط بالزلزال الإقتصادي العالمي تمهيد لنظام جديد ومع شريكه الصيني
اللي حصل إن كل من بيجاهد من الكيبورد بلاده قالت لبوتين اّمين ... وهو واحد من اتنين يا بوتين يا بايدن ... ماهو فكرة استقلال القرار دي نقراها ولا نسمعها ونعديها بس يعني أما ينضرب ليا عمق بطيارة بدون طيار وانصب التريقة على روسيا يبقى فيه حاجه غلط.
فشئنا أم أبينا بوتين عمل حرب وأخد أرض ومافرقش معاه عقوبات وسياسة الأرض المحروقة شغالة عادي وقاد برضك بيطول أمد الحرب عسك مالعقل بيقول
بس مش شايفه جنان ... الراجل ده اشتغل سياسة كويس الكام سنة اللي فاتوا والحرب اتعجلت عليه ولو الحرب اتأجلت سنة ولا اتنين كان ممكن نلاقي خسائر أقل بكتير في صفوفه مقابل نفس المكاسب
القصد ... هو وصل لشعبه فكرة إنه تم دفعه للحرب دفعا ... وإن عقلانية القائد لا تمنع شن حرب عنوانها إن فيه أقلية تبعه بيحصل معاها عنصرية
هو حرك قواته علشان اقليم صغير وقالك أجيب اللي ورا الكلام ده
شعبه راضي بكده وبيموت لواءات وعساكر ولا انشقاق ولا اعتراض لا دول بيخيروه يعمل إيه
خلص ده كله
تعالوا للصين اللي لسه مادخلتش حرب واقتصادها أعتى وتقريبا تاني قوة عالكوكب لها قدرات سطح كيفي وكمي والنسبة بينها وبين الأمريكان قلت عن الأول لصالحها ومعاها مليون ونص جندي اللي هو صباح الخير
وماننساش ابننا البار كيم يونج اللي هيبيض ويضرب صاروخ على كوريا ولا الأمريكان ولا اليابان
الواد فاضل له حبه يفجر نفسه في الكريملين ويلزقها في بايدن علشان الحرب تقوم وهو يضرب الصاروخين
شغل نينجا