- إنضم
- 10 مايو 2023
- المشاركات
- 3,272
- مستوى التفاعل
- 11,172
- المستوي
- 3
- الرتب
- 3
تلت و زعلان؟ اقولك ان الوافدبن في حكومة اسكندرية طب وصل ١٣٠٠ مقابل ١٢٥٠ مصري
العدد زي ماهو لانهم دخلت اعداد وافدين علي نفس اللاماكن ..
التقرير الصادرة من وزارة التعليم العالي والبحث العلمي، تشير إلى أن عدد الوافدين للدراسة بمصر أقل من ٢٠ ألف طالب بينهم ١٧ بمرحلة البكالوريوس و٣ آلاف دراسات عليا من بين أكثر من ٤٠٠ ألف مصري يتم قبولهم من طلاب الثانوية المصرية، كما أن عدد الوافدين المقبولين فى كلية طب قصر العينى بجامعة القاهرة،
عام ٢٠٢١ وصل إلى ١٢٩١ طالبا وافدا مقابل ١٣٨٠ طالبا مصريا وفى جامعة عين شمس، وصل لـ ٤٣٤ طالبا وافدا مقابل ١١٧٩ طالبا مصر
وصل عدد الطلاب الوافدين في جامعه القاهره طب القصر العيني
١٢٩١ طالب اجنبي
مقابل ١٣٨٠ مصري
يعني ٥٣ %طلاب مصريين مقابل
٤٧% طلاب اجانب
يعني تقريبا تصف طلبه الطب اجانب في اكبر واهم جامعه مصريه
عين شمس تقريبا تلت الطلبه اجانب
في الوقت اللي البلد عندها عجز من هجره الاطباء وادي المصدر
من فضلك, تسجيل الدخول أو تسجيل لعرض المحتوي!
المشكلة مش عددهم أكثر ولا أقلتلت و زعلان؟ اقولك ان الوافدبن في حكومة اسكندرية طب وصل ١٣٠٠ مقابل ١٢٥٠ مصري
معلش غلط في الرقم في ١١٠٠ واحد مصري من اصل ٢٣٠٠ واحدالمشكلة مش عددهم أكثر ولا أقل
المهم تاخد منهم مقابل محترم ومنه تبني جامعات أكثر وهكذا
مصر شغالة علي السياحة التعليمية بقوة زي دول كثيرة
اللي يغيظ انك تحرم مواطن مقابل اجنبي بدون ما تاخد مقابل مناسب منه
أنا شخصيآ مش بتعامل معاهم و لا بشتري من محلاتهم و لا منتجاتهم من 2015 و نفس الوضع المنتجات التركية مقاطعها من 2013
ايه علاقة السوشيال ميديا دلوقتي بالمناطق اللي ذكرتها و كنت بتحرك فيها بنفسي قبل و بعد و مشاهداتي للفروق ؟
و طبعآ كل ده موجود عنه فيديوهات و مقالات و خلافه عالانترنت بس انا بكلمك على واقع انا شوفته بنفسي قبل 2013 و بعد 2015
أيه علاقة السوشيال ميديا في منطقتي اللي بنزل فيها اشتري حاجة الاقي اغلبية السوبر ماركت زي العثيم مثلآ او خير زمان سودانيين و يمنيين و افارقه ؟
و نقطة الدفاع الأعمى دي موجودة في كل البشر لما بتحب حد بزيادة بتبدأ تقدسه و تشوف كل تصرفاته صحيحة و ماتشوفش أخطائه و هنا بقول تقدسه من قدسية مش بتعبده عشان قصدي يتفهم صح
و ده بيحصل بين الأصدقاء و الازواج و الاهل و من الاشخاص اللي بدون علاقات شخصية مع شخصآ ما و لكن بتقدره و تراه قدوة حسنة او منقذ
و ده بينطبق على السيسي أنه قدوة حسنة بأخلاقه و أسلوبه و طريقته و أنه منقذ و أنقذ البلد من أنجاس البنا و من مؤامرة خارجية و خلافه و بالتالي أصبح له قدسية زائدة عند البعض, و أحترام و حفظ للجميل عند أغلبية المصريين
و للأسف أنا شايف انها عند بعض الأشخاص زايدة جدآ و مش بقصدك و الله بجد في النقطة دي, الناس اللي زايدة عندهم موجودين على تويتر و فيسبوك و دول اللي بيستخدمهم الاخوان كدليل أن مؤيدين السيسي لجان و كده
بس النقطة دي للاسف تحولت لنفس وضعية الأخوان مع المرشد و قياداتهم فيه ناس اصبحت ترى كل شئ سليم و تبرر اي قرار مهما أن كان و أي خطوة بنفس نهج الاخوان في سنة حكمهم المنيلة لما كانوا بيبرروا كل شئ حتى الأعلان الغير دستوري المعيب اللي حول مرسي وقتها لنصف أله
حضرتك بتقول الحكم على ملف بأجتزاءه غير عادل ,
أنا مثلآ أجمالآ مؤيد للرئيس لأني عارف المؤامرة و أبعادها من 2011 و ماشاركتش في ثورة و لا نيلة و لما نزلت كان عشان أحمي ماسبيرو و وزارة الدفاع لما كانوا هيتم اقتحامهم, لكن بتعامل مع كل ملف على حدة ماعدا الملفات المترابطة
يعني هتلاقيني مؤيد جدآ للسياسة المتبعة في ملف التسليح و تحديث القوات المسلحة مع ملاحظات بسيطة بأننا كان لازم نفعل بنود الصفقات الاضافية البحرية للجويند و الفريم و بما أني مش عارف الخبايا مش بفتي بقول ممكن فيه شئ يمنع او فرص أفضل مستقبلية
ملف السياسة الخارجية مؤيد خصوصآ بأسلوب التعامل مع الغرب و أمريكا مع ملاحظات منها التعامل مع الخليج و العرب و نغمة الأشقاء و مسافة السكة و نتعامل بشرف في زمن عز فيه الشرف و خلافه ده كله لا يصلح من وجهة نظري و لازم نتعامل معهم بالمثل بدون الأعتبار لاي حسابات قومية او دينيه لأنهم لا يروها من الاساس في سياستهم
الملف الأقتصادي مؤيد بالتأكيد للتنمية و المشروعات القومية و لكن مع كل هذا يجب ان يكون متواجد مظلة قوية لحماية المواطن من تبعات الأصلاح الأقتصادي مش كل شوية هيطلع الرئيس يقول ان المواطن المصري تحمل التبعات الاقتصادية و حالنا بيتدهور بدون حماية و لا احكام سيطرة على الاسعار في الأسواق, نتحمل نعم لكن على الاقل يتم مراقبه الاسواق و الضرب على كبار التجار المتحكمين في كل شئ بالاسواق بدلآ من الوضع الصعب الحالي اللي وصلنا منعرفش نشتري الادوية و الطعام
ملف اللاجئين معارض جدآ جدآ لتواجد أي لاجئ أجمالآ على أرض مصر و يوم مايكون موجود تكون جاليات صغيرة لا تتجاوز ال 100 الف لكل جالية و متوزعين مش محتلين مناطق و عاملين فيها تغيير ديموغرافي
خصوصآ أن أحنا لا ساهمنا في تخريب بلادهم و لا لنا يد في ذلك و لا فتحنا باب الهجرة و لا لدينا فرص عمل فائضة بالعكس احنا عددنا تجاوز ال 105 مليون و نصدر ايدي عاملة إلى العالم و تحملنا اللاجئين لمده تتجاوز ال 20 عام إذا احتسبنا ذلك منذ حرب العراق في 2003 فقط و تغاضينا عن ماهو قبلها
حضرتك هتقولي ملف السياسة الخارجية فيه أرتباط وثيق مع ملف اللاجئين هقولك مايصرفش معايا الكلام ده لو على نقل التكنولوجيا من اوروبا و انك اخدتها بسبب اللاجئين مثلآ هقولك كنت ممكن تاخدها برضه بمنع مراكب الموت اللي كانت بتروح مليانه مصريين في عصر مبارك يعني بمنع المصريين نفسهم من الهجرة الغير شرعيه إلى اوروبا كنت ممكن تاخد حاجات و لو رفضوا تفتح الباب للهجرة تاني و هكذا لكن مش بجمع متشردي العالم حارقي اوطانهم عندنا
و لو اي حد متابع كلامي هنا هيلاحظ اني مابين ملف و ملف أسلوبي مختلف لأني ببساطة مش مؤدلج سياسيآ فيه حاجات مؤيد فيها و شايف القيادة تعمل الصح و ده كله في الغالب بالملفات الخارجية مع الملاحظات اللي ذكرتها في الملف ده و بتستفزني و شئون القوات المسلحة و المشروعات القومية و التنمية و مابين معارض متفهم للظروف زي ملف الاقتصاد و الوضع الأقتصادي للمواطن إلى معارض جدآ جدآ لملف زي اللاجئين
و مركز في موضوع اللاجئين لأن أهم شئ حمى مصر كان ترابط الجبهة الداخلية ضد الأخوان المرتزقة و اليساريين و الأناركيين و السلفيين و الجهاديين و ده الرئيس بنفسه اكتر من مرة ذكره أن اللي حمى مصر طبعآ مع الجيش و الشرطة هو ترابط المصريين و الجبهة الداخلية و اللي بيحصل دلوقتي من الرئيس شخصيآ هو تدمير للجبهة الداخلية بزرع اللاجئين مخربي الاوطان و مثيري الفتن داخل المجتمع و معاملتهم كمصريين بل و افضل في نواحي كثيرة
تحياتي لحضرتك يا أستاذ شكري
طردهم اكبر مكسب للاقتصاد المصرى وتقليل الفساد
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?