عايز اضيف بس حاجة كمان تخص البيروقراطية و الطرمخة علي الفساد اللي بيحصل، مرور مصر القديمة كان مسروق منه فلوس او حصل عجز في الفلوس مش فاكر كام بالظبط بس الرقم كان حوالي ٢٠,٠٠٠ جنيه فكان الظابط المسؤول في مرور مصر القديمة بيجبر الموظفين انهم ياخدوا فلوس اجباري غير الرسوم الأساسية من الناس اللي جاية تخلص ورقها عشان يلموا المبلغ دا.
الكلام دا كان من ٤ شهور او ٣ شهور حاجة زي كدا
بتحصل في كل حته تقريبا كل ادارات المرور علي مستوي الجمهوريه اوكار عالميه للفساد
عندنا المرور معروفه عيانا بيانا علي روؤس الاشهاد حتدفع ورقك حيخلص مش حتدفع وتعمل فيها المواطن القور حتكره نفسك واليوم اللي اتولدت فيه
ياراجل عندنا مجلس مدينه بيلفو عشان الاشغالات اللي المحلات عاملاها في الشارع بيخيرهم حتدفع بالحب وبدون ورق مبلغ معين ولاتدفع رسمي ويتعملك محضر بمبلغ اكبر وطبعا الناس بتدفع من غير ورق وطبعا الاشغالات بتفضل زي ماهيا مبتتشلش عشان السبوبه تستمر
وحاجات كتير والله وفي كل الاماكن
مع تشديد القوانين والغرامات في مجالات كتير فالموظفين بيستغلوا السلطات اللي توفرت تحت ايديهم وجهل الناس بحقوقهم لملء جيوبهم
للاسف جمهوريه الموظفين تعيث فسادا في البلد
وللاسف جزء كبير جدا من حاله التذمر الموجوده في الشارع بين المواطنين بسبب ممارسات الكثير من الموظفين وبيروقراطيتهم وفسادهم