مايتقالش بقى "موطن" الخيول العربية يتقال مثلاً "معاناة الخيول العربية الآصيلة في سوريا بسبب الحرب" لآن كلام الناس في التقرير أغلبه عن كده
مش تنسب لهم انهم موطن الخيول العربية!
امال اللي في مصر ده يبقى ايه !
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة مستمرة نشاط الاذرع الاعلامية الخليجية الموجهة نحو مصر
مايتقالش بقى "موطن" الخيول العربية يتقال مثلاً "معاناة الخيول العربية الآصيلة في سوريا بسبب الحرب" لآن كلام الناس في التقرير أغلبه عن كده
مش تنسب لهم انهم موطن الخيول العربية!
امال اللي في مصر ده يبقى ايه !
يقوم المشاهد السوري مغير القناة ويروح يتفرج على قناة تانية !! لو اتعلمت تكتيكات جذب الجماهير وخصوصا جمهور الاعلام المرئي بالخصوص وكيفية شد انتباهه اوليا ثم تبدا تمرير ما تريده من رسائل و معلومات بعد كده هتفهم ان قنوات ظي الجزيرة والعربية بدات حده وبعد كده لما عملت قاعدتها الجماهيرية بدات تخدم على سياسات اصحابها ... كل حاجه لها اصول
القنوات دي (الجزيرة - العربية - الحدث ) ماكنش عندها تراث و حضارة المفروض تحافظ عليها وبتوزعهم عالناس من المحيط للخليج عشان تجذبهم
كانت بتتكلم في الشؤون العربية ( مصرية - شامية - مغاربية ) ككل بتمجيد و تفخيم عشان تجذب المشاهد في البداية مش بتسلم تراثها للاخريين عشان تجذبهم!
و بمناسبة الجذب يعني هو القاهرة الاخبارية بتفخم في ايران عشان تجذب الفرس مثلا ؟
و بتفخم في حماس من 7 أكتوبر عشان تجذب اخوان غزة ؟
اللهم الا يوم واحد قلبوا فيه على حماس لما طلع واحد من مسئولين حماس شتم السيسي و شبهه بنتنياهو ورفضوا الحضور للمفاوضات غير كده رجعوا تاني يفخموا فيهم لما وافقوا يحضروا المفاوضات
و حزب الله بنفخموا من اول الحرب عشان نجذب شيعة جنوب لبنان ؟
السياسة التحريرية للقاهرة الاخبارية اصبحت سيئة لاقصى درجة و كنت فاتحها طول الوقت من يوم ما اتعملت و دلوقتي بقالي شهر تقريبًا مش بفتحها لانها مش بتمثلني و بحسها جزء من محور المقاولة الإيراني!
و كل توجهاتها عروبجية ناصرية بحتة بتمثل كل احلام اللاجئين المستوطنيين الجدد لمصر بأن كل أخً عربي أخي و مصر للجميع و العته ده كله
و بالمناسبة المشاهد السوري شقين
اللي تبع النظام بيتابع القنوات الحكومية و الميادين و قنوات حزب الله لأنهم بيمثلوا وجهة نظره 100%
و المعارض بيتابع الجزيرة حصرًا لأنها بتمثل وجهة نظره 100%
و انت لا هتجذب ده و لا ده لأنك مش هتقدر تلبي رغباتهم كاملة المشاهد السوري الوحيد اللي ممكن يتابعك فعلياً هو اللي عايش جوا مصر فقط
غير كده هتاخد متابعين سوريين من السوشيال ميديا لمتابعة العواجل و التقارير مش اكتر زي مابيتابعوا سكاي و العربية لكن مش مشاهد وفي لك يفتح القناة في البيت او في الشغل من الريسفير
ده غير أنهم مش كتلة مشاهدة ضخمة بالمناسبة
مفيش بلد مش عنده تراث لكن سلالات الخيول العربية مثلا مش خكر على مصر ..مصر نعم بها انقى واغلى سلالة لكن هناك عشرات السلالات التي تتميز بها بلدان اخرى... تسليم التراث يعني نسب ما هو مصري الى ماهو غير مصري وده محصلش
مفخمناش في حماس لكن مش هنقف ضدها الان لان اللي بيحصل بيحقق مصلحة مصرية عليا ... السياسة مش بوجه واحد يا صديقي لازم تفهمها بمرزنة عشان تعرف تلعبها وتحقق بها مصالحك ... ماتبقاش حدي في فهمك للسياسات عشان في النهاية هيختلط عليك الامر وهتحبط
لا عشان بيضرب اسرائيل و احنا عاوزين اسرائيل تنضرب حاليا ... لس مفخمناش لا في حزب الله ولا حتى في ايران اللي طلع الاعلام المصري كله يقول ان ايران عملت تمثيلية متفق عليها لحفظ ماء وجهها بالضربة الاخيرة التي كان صداها مفيد اكثر للاسرائيليين منها لاي طرف اخر ..واكيد تابعت ده
مش للدرجة دي ... احنا حاليا لنا اهداف تتلاقى مع وأد الاتجاه الخليجي الاسرائيلي المدمر للمنطقة و ده مخلينا نتبع سياسة متوازنه مع المحور المعادي مؤقتا ... اكيد انت تابعت كلامي عن ان ايران بتهرج وان ضرباتها العسكرية لا تحدث اي ضرر لكن ايران هي خصم منافس لاسرائيل ومن وقت لاخر لازم تلعب معاهم واكيد هتلعب عليهم عشان كده قلت لك السياسة مش وجه واحد ولازم تبص لها بشكل مرن عشان لا تحبط او يختلط عليك الامر
قناة القاهرة الاخبارية هتكون ذراع مصري اخباري قوي جدا لان بيبنى بشكل محترف وبصبر وظهرت في وقت المنطقة والعالم بيشهد فيه تحول كبير. هيحقق لها مكانه معتبرة اعلاميا
مش مطلوب ان البي كامل رغباته المطلوب ان الفت انتباهه للقناة واظن ان موضوع سلالات الخيول مش حكر على فريق سوري واحد ..النوع ده من المواضيع هيشد الكل لانه نش سياسي بالاساس النواضيع التي لا يختلف عليها هي الباب اللي هتستطيع النفاذ منه
القناة لسه في بدايته وانت بتقارنها بقنوات فرشت ارضيتها خلاص من زمان وبدات تنشر رسائل مالكيها ...العمل الاعلامي عمل يحتاج الى وقت وصبر ومحتوى غير مباشر
مش دلوقتي .الاول لازم تلفت الانتباه للقناة بمواضيع غير خلافية وغير سياسية مباشرة وبعد ما يعتاد المشاهد عليها تبدا تمرر اللي انت عاوزه ... لازم تخلق ارضية الاول وبعد كده تفرشها ... دي اصول اللعبة
الفكرة هنا ان احنا لو عاوزين انتشار يبقى لازم نناقش اهتمامات الشعوب ديه ومشاكلها بشفافية وبدون اي مجاملة للأنظمة الحاكمة فبالتالي الناس تبحث عن الحقيقة عندنا ونقدر وقتها نزرع ولاء لمصر وانبهار بمصر في وعيهم ونقدر نستخدمها كورقة ضغط على الانظمة السياسية في الدول ديه ده السعودية بتحاول تعمله معانا في ام بي سي وعمرو اديب
نوصل برضه لنفس النقطة ..مجموعه ام بي سي بقالها اكتر من ٣٠ سنة وخلقت الارضية والجماهيرية و كل اللي حصل انك وقت ما حبيت تقلب و تبقى سياساتك معاكسة تم ده ببساطة وبشكل غير مباشر وعن طريق مصريين برضه ... لازم نربي كوادر غير مصرية عندنا و نحطهم على طريق الجماهيرية و بعد كده نستخدمهم وقت الحاجه وعشان كده تم تعيين مذيعيين ومقدمين برامج عرب في قناة القاهرة لهذا السبب
المواضيع المشابهة
