لو ما ذكرته حضرتك حقيقي فنحن نحتاج موضوع مفصل للنقاش لان كل نقطة تم ذكرها تحتاج الى نقاش مطول وموضوع منفصل
الحقيقة انا مستغرب من الكلام ولا اعرف هل سنقبل بوجود قاعدة امريكية على ارضنا لانه بالفعل في حالة انضمامنا الى الناتو فمن الطبيعي وجود قواعد غربية للناتو على ارضك
وايضا حالة السلام مع اسرائيل من قبلنا معهم تتيح لنا التعاون معهم اقتصاديا حاليا لكن لا اعلم ان كنا سنرضى بتعاون عسكري معهم ام لا.....وخصوصا ان المؤشرات تؤدي الى ذلك وخوصوا ان الخليج بيحاول اقامة علاقات اكثر منفعة مع اسرائيل لكن بالفعل اسرائيل تريد التقارب مع مصر في المقام الاول وايضا في الداخل الاسرائيلي يهمهم مصر اولا قبل بقية العرب
تحياتي لك
فكرة ان احنا نبقى ناتو ده ضرب من الخيال.
علاقاتنا مع اسرائيل وتشكيل حلف مصرى خليجى مع اسرائيل ممكن هو اللى هيفيدنا كتير سياسيا لكن اقتصاديا احنا لازم نشتغل على حاجات كتير زى اللوجستيات بحكم موقع مصر المميز فى العالم. على الاقل لو نبنى محطات اسالة للغاز اكتر حتى ناخد حصة من فاقد الغاز الروسى لاوروبا.
صفقة الاف15 ملهاش علاقة بالناتو ولو كان ليها علاقة كان زمانها امريكا بتدينا امرام وناخد اللى احنا عايزبنه منها مش حرمان من امرام وجدام وتعقيد صفقة السكالب. اه احنا مصنفين كحليف رئيسى للناتو لكن ده عمره ما فاد مصر على مستوى التسليح. التصنيف ده عامل زى العضوية الفخرية لان اسرائيل ومصر تم تصنيفهم بوقت واحد من كارتر. ده حتى افغانستان وباكستان متصنفين حليف رئيسى للناتو.
اللى بيضحك هو الرأى اللى بيقول ان ممكن امريكا تنقل قيادة افريكوم لمصر رغم انها فى المانيا وقبل سنتين تقريبا طلع كلام عن ان المغرب او تونس ممكن يكونو مستقبلا مقر للافريكوم.
من الاخر كده صفقة الاف15 هى لمنع مصر من استلام السوخوى وياليت لو نرفض الاف15 لصالح اعداد اكتر من الرافال. التعاون العسكرى مع فرنسا وايطاليا مثمر ومفيد لنا اكتر من امريكا نفسها. على فكرة لاتريبيوو قالت زمان ان سبب اهتمام مصر بالتايفون هو وعود ايطالية ببيع الميتيور على التايفون لان فرنسا رغم استقلاليتها لم تستطيع بيع الصواريخ لمصر