قناة السويس اللى مات جدودنا فى حفرها و جرى فيها دم ولادنا مش للبيع يا بشر
قولولى مين ده اللى يقدر فى الدنيا يبيع دم جرى فى الحفر و التحرير ... ماتخلوش حاجة مش واضحة بالنسبة ليكم مصدر شك فى اساسيات قومية
الموضوع خاص بالمنطقة الاقتصادية لقناة السويس
اراضى المنطقة الاقتصادية هيا اللى مقصودة .
و البيع او التأجير للأراضى دى مش سبهللة
ماهى روسيا اخدت مساحة كبيرة للمنطقة الصناعية الروسية
و الصين اخدت منطقة و زودت مساحتها مرتين للمنطقة الصناعية الصينية
و بولندا و شركات كبرى زى مرسيدس و غيرها
هل الدول دى او الشركات اللى اشترت مساحة او اجرت مساحة هيا حرة مثلا فى بيع حق الانتفاع بتاعها لحد تانى ؟؟؟
طبعا لا
فى العقود اللى بتعملها شركة المنطقة الاقتصادية فى شروط لموافقات أمنية كتير .
ثم حته فنية
عائدات قناة السويس دى مصدر من مصادر التمويل لخزانة الدولة
و بتتحط العائدات فى خزانة الدولة
مثلا ال 8 مليار دولار اللى بفضل الله بقوا يجوا من قناة السويس
الدولة هتتخلى عنهم ؟؟؟
طب هتجيب العائد ده منين ؟؟
المقصود ان يكون فى صندوق خاص بالمنطقة الاقتصادية
جزء منه هيروح لخزانة الدولة و جزء تانى هيصرف على تطوير انشطة المنطقة الاقتصادية و تنميتها و الارباح بعد المصروفات هتروح هيا كمان لخزانة الدولة .
يا ريت الناس تفكر قبل ما تتكلم و تدور على المعلومة مش تمشى ورا كلام علامى جاهل و لا بوست اخوان اجهل و لا حواديت واحد عبقرى بيفتى مهما كانت درجة وطنيته ... ماهو مش عارف فبيفتى
كلنا بنخاف على بلدنا
يس لازم نتعلم مانتكلمش الا لما يبقى عندنا معلومة تحت ايدنا
مايجرناش اعلامى جاهل محاولش يتصل بمسؤل و يسأله
و لا بوست من حد مش عارف يوصل للمعلومة
او بوست من كاره للبلد عاوز يعمل بلبله
لو مش عارف اسكت ماتكلمش علشان كلامى مأيثيرش البلبلة مع حد ممكن يفهم غلط من كلامى الغلط لما اكون مش عارف
ماهو احنا مش رب العالمين و بالتالى بنكون عارفين كل حاجة و فاهمين كل حاجة .... فى حاجة اسمها مش عارف ادور او مش فاهم اسأل قبل ما اكتب على الفيسزفت .
و لا حول و لا قوة الا بالله
#تحيا_مصر
#تحيا_مصر
#تحيا_مصر