بالظبط كده ،وانا متفق معاك جدا .
الناس لازم تفهم ان الموضوع اكبر من صفقة طيارات .
وبعدين لحد هذه اللحظه لم يتم الفصل في الصفقه يعني مكملين ولا هنتخلي عنها ،دي نقطه .
النقطه التانيه والأهم اللي الناس مش واخده بالها منها وهي .
ان الامريكان ربنا مسلط عليهم مخهم .
يعني لو تخلينا عن الصفقه احنا كسبانين كتير شرقا وغربا .
وده واضح جدا باعطاء كوريا الجنوبيه الضوء الأخضر لتوسيع مجال التعاون العسكري معانا .
احنا اخدنا منهم مدفع من الأفضل عالميا.
وفي طريقنا في الحصول علي طائرة قتال خفيف من الأفضل في العالم .
وربنا يكرمنا ونكمل مع الدبابه K2 .
ده غير تساهيل التعاون مع أوروبا، ده المكسب غربا .
شرقا بقي هما هيخلونا نروح للصين اللي هي بالنسبه لنا في غالبية التقنيات العسكريه افضل من روسيا .
وممكن يكون في تفاهمات مع الامريكان اننا نحصل علي الصفقه بشرط عدم استكمال صفقات اضافيه ،كل شيء وارد .
في الاخير اعتقد اننا كسبانين من الجانب العسكري .
تحياتي لك ياصديقي .